إيقاف منح (خلو الطرف) للأطباء المبتعثين خارجياً وداخلياً
الخرطوم ـ فاطمة عوض
أفادت متابعات (المجهر) أن وزارة الصحة الاتحادية أصدرت قراراً بإيقاف منح خلو الطرف للأطباء المبتعثين داخلياً وخارجياً، الذين لم يفوا بما عليهم من التزامات مالية أو قيد زمني عن إكمال البعثة، وفقاً للعقد المبرم بين الطرفين .
وأكدت المصادر أن الوزارة ستمنح الأطباء الملتزمين ببنود العقد شهادة خلو الطرف في ظرف (72) ساعة ، ونوهت إلى أن القرارات القصد منها تطبيق اللوائح، وليس الحد من الهجرة، وبينت أن الشروط تقتضي أن يعمل الطبيب بعد إكمال تدريبه (8) سنوات ببلده في حال كان الابتعاث على حساب الحكومة.
المجهر
قبل صدور هذا القرار منحت وزارة الصحة الاف الاطباء شهادة خلو طرف مقابل 25 الف جنيه علما بأن هؤلاء الاطباء كلفوا الدولة مئات الالاف من الجنيهات وقد كانوا يتقاضون استحقاقاتهم هم واسرهم بالدولار في مخالفة واضحة للعقد المبرم بينهم وبين وزارة الصحة.. والسؤال هو اين ذهبت هذه الاموال والتي لم تحصل بأورنيك (15) ياوزارة المالية؟!!!!
ونوهت إلى أن القرارات القصد منها تطبيق اللوائح، وليس الحد من الهجرة، وبينت أن الشروط تقتضي أن يعمل الطبيب بعد إكمال تدريبه (8) سنوات ببلده في حال كان الابتعاث على حساب الحكومة
الشرط ده موجود من زمن نميري وكان المبتعثون الذين لا يؤدون الخدمة في السودان بعد اكمال بعثاتهم يقومون بدفع مبلغ عن تخلفهم عن اداء الخدمة،، والغرض من هذا النص فعلا هو الحد من الهجرة ليس إلا ،، ولكن الكضب والتبرير هو منهج هؤلاء القوم الذين لا يختشون ،،،، الا لعنة الله على القوم الكاذبين بمقدرات شعبهم وتضليله ،،،
(ونوهت إلى أن القرارات القصد منها تطبيق اللوائح، وليس الحد من الهجرة) يا سلام على الشفافية والنزاهة والانضباط ..قال تطبيق اللوائح …الشغلانة كلها نهب في نهب ومواصلة لبرنامج الفساد الاداري طويل المدى الذي تطبقه حكومتنا الرشيدة حتى تستنفذ اخر قطرة دم من مواطنيها ..ربنا يمهل ولا يهمل ..وارجو الجاييكم …
شوف ليك تحدي وقلة أدب ؟
هى وينى الصحة ووين ألآطباء ؟ الكوادر ماذهبت مع الريح !ونلت مرادك ياوزير الهنا ! وصحة وعافية؟
بالله ماتختشوا على رفض ومنح خلو الطرف .بالواضح هى كافية مواصلات ولاحق الفطور ؟
ياناس ماذا في هذا الضلال والتحدي الصريح !
الاتكفي ثورة الجياع ضد لص كافوري وأتباعه !
يامغيث يا مغيث !!
انا واثق 100% من ان هذا القرار هو الحد من الهجرة والله خارجنا من السودان (يعني عايزين يمسكو الاطباء من اليد البتوجعهم كما يقال (رضينا بالهم والهم ماراضي بينا)
8 سنوات بس؟!! شوية والله.. انتو خلوهم يقعدوا هنا لامن يعفنوا وما تدوهم فرصة يمشوا أي حتة!! تبقوا عورا لو خليتوهم يتخارجوا عشان يرتاحوا ويتستروا ويساعدوا كمان الناس الجعانين الهنا (دي تبقى دقشة كبيرة منكم) !! أنتو أصلاً مهمتكم شنو؟ وين الرسالة ووين المسيرة القاصدة الهادفة لمرمطة الشعب السوداني اللئيم؟
ولييييييييييييييه الأطباء بس؟ أنتوا ما تخلوا اي زول يتخارج من البلد دي؟ الناس دي كلللللللها تقعد هنا وفجغوهم برجلينكم وذلوهم والبفتح خشموا كسروهو ليهو .. قال يتخارجوا قال!!!
وبعدين في نقطة تانية مهمة جداً أنتو سادة والشعب دا كلللو عبيد تحت رجلينكم.. اتخلقوا عشان يخدموا معاليكم وأولادكم دي حقيقة الناس لازم مش تعرفا تقتنع بيها وتقبلها كمان!!
قال سفر قال!!! دا شعب قليل أدب يفكر يتخارج من الذل دا والمهانة دي
مدة التخصص اربعة سنوات .الوزارة تدفع لمبتعثى الداخل مبلغ 500 جنيه فى الشهر ةﻻ يوجد تدريب وﻻ كلام فارغ يعني جملة ماتدفعه الوزارة مبلغ 24 الف جنيه.خلو الطرف الان يا سادتى طبعا قبل اﻻيقاف وصل الى 64 الف جنيه.تذهب مناصفة بين مجلس التخصصات و اﻻتحاديه.
المفروض تحمدو الله علي القرار دا , لانو الحكومة الحنينةعايزة مصلحتكم دنيا وآخرة ماعايزاكم تكونوا اغنياء وتقعدوا انتو واهلكم في الفقر العايشنو دا , عارفين ليه ؟؟؟؟
عشان (الفقراء يدخلون الجنة )أو كما قال عادل امام في مسرحية الزعيم
طيب تطبيق اللوائح داير ليهو قرار وبيان وصحافة وجوطة وزمبريطة ؟! .. هذه ادانة لكم يا وزراة الصحة واعتراف بجريمة الفساد الادارى بعدم تطبيق اللوائح .. ولّ شنو يا وزير الصحة ؟!
انا عندي ليكم رأي وتضربوا عصفورين بحجر تزيدوا رسوم اخلاء الطرف بدل رفع الدعم عن المحروقات وتدخلو نفسكم في مشاكل من الناس ومهما رفعتم البدل تلقى الدكاترة مستعدين يدفعوا الماعندو يسلف وتلقا مامون حميدة زاتو واقف في صف الانتظار ،، الناس كلها زهجت عايزة تتخارج بس وينو باب الخروج؟؟؟؟؟؟
يمكن المقصود حاجة تانية من القرار
عصابة وزارة الصحة بعد ما ضيقوها على الأطباء
فى الداخل وبقوا يتحكموا فيهم زى ما عاوزين
يرفعوا من ارادوا ويمسحوا الواطة بمن ارادوا
لقوا الجماعة بيثبتوا جدارتهم خارج السودان
وزى طبيبنا السودانى الفى كندا يعمل اسم ويبقى مشهور
والناس بالطريقة دى تنسى ديناصورات التخصصات المعروفين فى السودان
قالوا نقفلها عليهم ويبقوا تحت سيطرتنا
ما يجينا فلان من برة بعد يبقى مشهور وياكل علينا السوق
المسألة حسادة لا اكتر ولا اقل
دا نظام عبودية …..حكم قــــرقوش
عادي لقطوا القروش واملو الكروش!!!! دفعوهم 100مليون مالبلد بلدكم ادفع او اجلس في بيتكم!!! هو وينو الشغل!! مالشغالين زهجتوهم وطفشتوهم وبهدلتوهم!! ناس مشفي الخرطوم طيرتوهم وناس ابنعوف جهجهتوهم!!! وناس الشعب كسرتوهم وناس النساء طفشتوهم!!!قال وزارة صحة قال!!! دي عايزه ليها يامدفع يكسرم في الواضه يادكتور نفساني يحتجزهم في السراية الصفراء!!!!بعدين الدكاتره يستاهلو!! مش قاعدين بقوا ملطشة لي حميدة وطلال وهلما جرة خليهوم معا وزارة العذاب ونقابة ناس كبلو الكذاب!!!