تنازلا عن عداد الخميس (الكارب) …شكر الله وولي ..فرحة النصر حين اكتمال الهلال
الخرطوم:صلاح ياسين:
فى مدرجات مبارا ة القمة الماضية والتى زار فيها الهلال شباك المريخ ثلاثا واكتمل نصره ،كان الفنان الشاب صلاح ولي يواصل قفزاته المعروف بها فى مقصورة القلعة الحمراء ويشيع فرحة الهلالاب مع انهمار الاهداف،ولي هلالي معروف وكذلك شكر الله عز الدين الفنان الشاب الماهر فى كرة القدم والتى مارسها ابان دراسته الجامعية بكلية التقانة،شكر الله شارك فى مسيرات الفرح الهلالية التى احتلت شارع العرضة عقب المباراة
وقال انه اعتذر عن احياء حفل زفاف صادف يوم خميس المباراة من اجل عيون الهلال،شكر الله تنازل عن عداد حفل يوم الخميس المرتفع عن بقية ايام الأسبوع والذى يصل الى 8 آلاف جنيه لاجل الفرجة على فريقه المحبب،فى حين انه شارك الجمهور رافعاً علم الهلال وأخذ يجول فى شارع العرضة حتى وقت متأخر من ليلة الخميس.
فعشاق الأحمر الوهاج من شريحة الفنانين الشباب غابوا عن ليلة الخميس ابرزهم احمد الصادق وشقيقه حسين و الفنان احمد البنا والفنان الكبير القلع عبد الحفيظ الذى يتقلب بين المريخ والهلال (حسب الجو) وربما ان انشغالهم بحفلات الخميس حجبهم عن الحضور للفرجة على المباراة ومن درب آخر نجوا من (مكاواة) الجمهور وزملائهم الفنانين.
الراي العام
فرحانين فى السلخ الحلي ؟؟كورة محلية ودافورية, وايصم بالعشرة لو اختاروا خيرة اللاعبين من كل الاندية وواجهوا ناشئ نيجيريا ممكن يلخدوا 4 صفر,,لاعب سافى تمباك والتانى يرد على الموبايل والمبارة شغالة تتوقع منه شنو؟؟
ههههههههههههههههه كورة شنو هوفي كورة في السودان عليكم الله ذي ما قال محمد جحا فوق واحد سافي تمباك وما بعرف شنو لو كنت مسؤول عن الرياضة في السودان كان وديت الناس البتلعب كورة دي كلها الجيش وفي الصفوف الامامية كمان وفي دارفور ياخي قال كورة هلالابي انا بس صراحة فريق ما يكون ذي فريق الاهلي المصري دا ما فريق نهائي يشيل بطولة كل سنة كل سنتين بطولة قارية مش دوري دافوري وبتاع فرق تشارك في البطولات وتخرج من الدور الاول ويتغلبو في نهائي اربعة وفي نصف نهائي خمسة معقول لكن ويجي لاعب شماسي يقول ليك الارض ما كان ثابتة وراسنا كان لفي ياخي الواحد بتحسر بس ما واصل في الكورة وكان خمش من قروش جمال وصلاح دي شوية راكبيين سيارات اخر موديل ويمتلكو بيتو في اجمل الاحياء وفي نفس الحظة ما يستاهلو كارو حمار ولا كرفانة يعيشو فيها بلاش كلام فاضي اي زول يشوف لية شغل غير الموضوع دا
مش كان أحسن يروح يغني في الخميس المذكور ويتبرع بالعداد (الكارب) لفك كربة جرب دارفور. للأسف الفن لم يصبح رسالة بل أصبح هم الفنانيين كنز الفلوس فقط وعدم مشاركة هذا الشعب في همومه.
مواهيم الجوز هلال شنو
يعني تلاتة الهلال دي بتحل مشاكلنا
بالله سؤال هل الهﻻل انتصر فعﻻ وادخل ثﻻثة اهداف في المريخ ؟؟؟؟ ام هي هدية من الحضري والباشا ؟؟؟؟ اختشوا يا وهم ….. هﻻﻻبي
ود بخيت و بويا و بشه 3 فى 3 = 9 ناقص 3 = 6 ناقص 3 = 3 هههه