نافع على نافع : العربية التي يركبها مصطفى إسماعيل يدخل للبلد قدر سعرها مية مرة في اليوم

إلتقى د.نافع علي نافع برؤساء تحرير الصحف وإستنكر بعض الأصوات التي تتحدث عن حقوق الدستوريين قائلاً : هسة أنا ولدي محمد ده خريج هندسة أقول ليهو ما تشتغل لحدي ما اطلع أنا من الحكومة..!! ، طيب حتى أنا ما من حقي أسوي مراح غنم ..!!
وحسب ما كتبت صحيفة الحرة – ربط د.نافع على نافع حقوق الدستوريين بعدم الإفادة من مواقعهم أو علاقاتهم بينما دافع عن بعض إمتيازاتهم فوضح بالقول ( أن العربية التي يركبها مصطفى إسماعيل يدخل للبلد قدر سعرها مية مرة في اليوم )

تعليق واحد

  1. يعني الجماعه ديل لم يصبحو حراميه وبس لكن الموضوع جاب ليه بجاحه وبقي سرقه علي عينك يا تاجر .يا اخي انتو قلتو دولة المشروع الاحتضاري والرسالي لحدي ما قربنا نصدق انكم قريب من الصحابه وفي النهايه نكتشف انكم مجرمين وحراميه ومعاها كمان قلت ادب . البلد دي بلد ابو منو فيكم عشان تقعدو تهمبتو وتعربدو فيها زي ما عايزين؟ الم تسمع بمبدأ من اين لك هذا يا قائد دولة الاسلام الحضاريه؟ اسال نفسك ومصطفي الدلقان بتاعك ده انتو كنتو شنو قبل الانقدذ؟ حسبنا الله فيكم نسال الله ان يرينا فيكم يوم اسود ويقتص لهذا الشعب المسكين الصابر ويخرجنا سالمين من بينكم .

  2. ( طيب حتى أنا ما من حقي أسوي مراح غنم ..!! )

    بالله ما تبكي لينا !

    بما أنك رجل شريف ودستوري ملتزم وأولادك عطالى وما قادر تعمل ليهم شغل خاص بنص الدستور, فقد صادقنا لكم بعمل مراح ليتمكن إبنكم من الحصول على عمل في تخصصه هندسة مراحات, ولا نامت أعين الجبناء !

  3. مصطفي بدخل شنو/انتاج لاطبعا!
    ‏*مصطفي بشيل شنطة كل خليجي ماعارف البلد
    ‏*مافرق اسبقطاب بائعات الهوي
    ‏*مرح غنم(!القنطور اصلة التراب)
    ‏*صوتك اصبح خفي

  4. من حقك تسوى مراح غنم بس مو من حقك تحتل كل مراعى البطانه ب 12 مراح غنم كل مراح ما لا يقل عن 1000 ألف راس

  5. ويجب منع أكل البلح والفول والموية المعدنية أثناء الاجتماعات والورش
    والعايز يشترى بقروشو

  6. ((أن العربية التي يركبها مصطفى إسماعيل يدخل للبلد قدر سعرها مية مرة في اليوم))

    انها ازمة منهج** كأن مصطفي عثمان شغال في شركة خاصة وبنسبة من الدخل**

    اللهم عليك بهم**اللهم خدهم اخد عزيز مقتدر

    اللهم انهم لايعجزونك

  7. ان شاء الله ربنا يسخطك ويخليك تمشي في الشرع وتفلع الناس بالحجار وانت لا تصلح حتي راعي غنم ناهيك عن مساعد ياي اقصد مساعد فرعون وقلة عقله

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى