مليشيات حزب البشير تستعرض قوتها وتحول بري الى منطقة عسكرية

لن يحل وتعيشون بامان حتي لو اضفتم لها الصواريخ العابرةللقارات والراجمات والطائرات ليس لدينا شئ نخسرة ولن نموت فقرا كالعبير بل وقوفا كالنخل

عمر البشير، ما عافين ليك إلى يوم الدين ان جلعت بلادنا مرتعا للمجرمين والقتلة الذين يقتلوننا ويروعون أمننا، الله ينتقم لينا من منك ان شاء الله وفي الدنيا قبل الآخرة …. يا أخوتي الثوار الأحرار ويا أمهات وأخوات الشهداء ويا أباء واخوان وابناء وزوجات الشهداء وإلى كل المظلومين والمشردين في الأرض أرجوكم وأرجوكم وفي جوف الليل ان تسألوا الله ان يخلصكم منهم وينتقم لكم في الدنيا قبل الآخرة فدعوة المظلوم ليس بينها وبين الله حجاب…. والله والله اني أفعل ذلك كل يوم وفي جوف الليل لا أنسى ابدا أعدائي وأعداء بلادي وسبب تشردي في الأرض ….

عمر السلاح ما ابقي حكم

النظام يرتعش
النظام يرتعب

ايها السودانيين الاحرار احفظوا وجه هؤلا الامنجية جيد عندما يزول هذة الحكومة يجب علينا محاسبتهم هؤلاء الكلاب .

أسرة الشهيد مصعب مصطفى محي الدين :
ماحنسكت دمنا ما موية
September 29, 2013

أسرة الشهيد مصعب مصطفى محى الدين تحكي
قالت السيدة / عديلة محمد مصطفى ضرار والدة الشهيد : ( مصعب أصغر أولادى عمره 28 سنة ..حنين على شديد ، بسوقنى لى اى مشوار ومابنوم كان ما اتأكد انه اتعشينا ، هو المسئول عن البيت ، حمالتنا من بعد الله كانت عليهو ضهرو القدوهو بالرصاص ده كان شايلنى وشايل البيت ده كله (تبكى) وتتدخل زوجة أخيه ان مصعب يعول أسرته ويساعدنا نحن أيضا).

وسردت والدته تفاصيل يوم استشهاده فقالت : كان تانى يوم للمظاهرات قبالها بالليل حكى لى انه فى مظاهرات سلمية وانه فى ناس كتيرة تعبانة والغلاء زاد ، كلمنى عن كل ده لانه متعود يتونس معاى بالليل فوصيتو يخلى باله من روحو، والصباح صحى عادى استحم وغير هدومو وشرب الشاى فقعدت انبهو انه ما يطلع فى المظاهرات وهو مارق على شغله دعيت ليهو الله يغطى عليهو وآخر كلمة سمعتها منو حاضر . وودعنى تانى ما شفتو?(صمت) ?. عرفت بعد داك انه كان لحدى العصر عند بت خالتو كان بيصلح ليها فى مكيف فى البيت وطلع منها زى خمسة ونص مشى على أصحابو فى بانت وهناك قتلوهو..(تبكي).

وتدخلت احدى قريباته وقالت: ( دمو لسه فى حيطة الدكان الانضرب جنبو ، أصحابو كانوا قريبين منه وشافو كل الحصل ليهو بالتفصيل ، ساقوهو جروا للمستشفى كان ميت).

عاودت والدته حديثها فقالت: أنا ماعرفت ، اصحابو جو وساقو أبوهو وأخوهو ومشوا للمسشفى وانا راقدة جنب الوليدات ما حاسه بى اى شىء كان عندى شى كدى زى الدوخة بينومنى بس ، قامت جات جارتى قالت لى مصعب ده قالوا البمبان تعبوا فى المظاهرة وشالوهو المستشفى طوالى انا حسيت بى شى غريب بعد شوية دخلت على زوجة ولدى صبرتنى وقالت لى لااله الا الله بكرى استشهد? (صمت).

تدخل ايهاب مصطفى أخ الشهيد فقال : (دم أخونا مابروح هدر ، وانحنا حنتابع لحدى ما القانون ياخد مجراه) .

بدأ الأب مصطفى محى الدين حديثه عن الشهيد فقال: كان مصعب ابنى تشكيلى فنان يرسم لوحات رائعة الجمال وكان مهتم بالعمل الانسانى وهو من المؤسسين والمساهمين بشكل ثابت فى كل نشاطات (عديل المدارس) ومن ثم انتقل لتفاصيل اليوم الحزين فقال : جا اصحاب الشهيد كلمونى حوالى الساعة تمانية ونص واتحركنا طوالى على مستشفى أمدرمان ، المشرحة كان فيها حوالى 65 أسرة غيرنا ماقدرنا نشيل جثمانه وندفنه الا الساعة 2 ونص صباحا لانه كان فى تماطل شديد فى الاخر سمحوا لينا نغسله ونكفنه لكن ما أدونا شهادة وفاة أدونا بس تصريح للدفن ولحدى الان رافضين يدونا التقرير الطبى ، الليلة مشينا لقينا المدير بتاع المستشفى مافى نائبته قالت هى ما بتقدر تعمل التقرير دون موافقته، قالوا لينا تعالوا بعد سته يوم وانحنا حنصبر السته يوم دى لكن بعدها ماحنسكت انحنا دمنا ما موية.

وبسؤاله عمن أخبرهم ان يعودوا بعد ستة أيام قال انه مجرد شخص لانعرفه وقد يكون حتى ليس من الحقل الطبى وقال: ( كل النحنا مطالبين بيهو مستند قانونى يثبت لنا ان ولدنا قتل . الورقة بتاعت تصريح بالدفن دى مافيها أسباب الوفاة . ولدى هو الشايل البيت انا نزلت معاش من بدرى هو ركازة البيت وحقو انحنا بنعرف نجيبو).
إلتقت (حريات) أسرة الشهيد مصعب مصطفى محي الدين

اخشى ان يبكو على اللبن المسكوب ةيقولو( ياليتنا نرد على اعقابنا فنعمل غير الذى كنا نعمل)

يجب ان تقوم المناطق الأخرى في العاصمة حتى تخفف الخناق على أهل بري ويكون وبالا عليهم ،،،، أيها الثور يجب الخروج من كل فج حتى نشهد سقوط النظام الجائر وآن أونه ونسأل الله أن يحفظ أرواحكم ودماءكم من الظلمة المأجورين الحاقدين الفاسقين الفاسدين .

سوف نقضى على هذا النظام والذى خلقنا او نهلك جميعا نحنا كلنا مصعب ولن نتوقف بالقلم او بالهتاف او بالسلاح

لن نسكت ولن نهدأ لو تسلح الجبناء المرتزقة بالنووي ونتحداهم…..وسيأتي اليوم الذي يستجدون فيه رحمة الشعب مثل ما فعل القذافي ووقتها لا مناص من الخابور ……ولا رحمة وموعدنا يوميا في كل مكان من العاصمة ايها المرتزقة الجبناء …………شعبنا كسر حاجز الخوف فلتا نامت اعين الجبناء

العصيان والأعتصام ليل نهار فى الميادين العام الى يسقطوالخونة فى جنات الخلد سهدائنا العظام

ده كله خوف وهلع من الجاييكم ياكلاب الجبهة ومليشياتها
صبرا وسوف ترون ماذا سيحدث لكم .
حاتتمنوا لو لم تولدوا
وبالذات الكذابين ناس احمد بلال وووزير المالية وغيرهم
والقتلة الاستباحوا دماء اولادنا
لو نموت كلنا ايها الكيزان ما حانخليكم الاترموا الى مزبلة التاريخ

النصر لله اللهم رد كيدهم كل من اراد بالسودان فتنه فكل المفتنين اصبحو كتاباً

نحن مع المظاهرات السلمية ومع مواجهة التخريب بالضرب التقيل