أخبار السودان

شاهد فيديو يعكس بعض الانتهاكات

7 أكتوبر، 2013
0

ارسل الهادي أحد شباب الثورة الرائعين هذا الفيديو بغرض فضح الانتهاكات التي يمارسها نظام الابادة الجماعية

[SITECODE=”youtube MrQhVOheC5U”]..[/SITECODE]
7 أكتوبر، 2013
0

تعليق واحد

  3. كاشا إجتمع بإتحاد الشباب الوطنى وقال ليهم المرحلة القادمة ستشهد ….. ياكاشا هو تانى فى مرحلة تانية – قيم أوفر – يلا إتخارجوا –
    ورد فى مقال صادر عن مركز دراسات السودان المعاصر -مجلس القاهرة – فى السادس من اكتوبر 2013م ( على مصر تسليم الجنرال حسين للجنائية الدولية في لاهاي او محاكمته في ارضها ! وينحدر الجنرال محمد حسين من قبيلة الدناقلة ( والصحيح أمه محسى من دلقو ) احدي بطون نوبة البرر ( هل تقصدون البربر ) بالسودان النيلي ؛ واحدى المجموعات النيلية الثلاث التي تستحوز على نحو 90% من نسبة السلطة والثروة بالبلاد منذ نهاية حقبة المستعمر الانكليزي- المصري عام 1956م )
    أولآ هذه النسبة خطأ وكل من يشاهد التلفزيون يلاحظ أن 90% من يدعمون هذا النظام من ابناء كردفان ودارفور
    95% من أتحادات الشباب والمرأة من أبناء دارفور الكبرى وكردفان شمالها وجنوبها
    الناس الحاملين أحقاد على قبائل السودان النيلى أقول لهم شبابكم وشاباتكم من ابناء الغرب هم سند ودعم هذا النظام وهم من يحملون العصى ويضربون المتظاهرين
    شبابنا نحن أمشوا شوفوه فى جدة وبقية مدن دول الخليج – نحن هجرنا السودان كلنا ومن بقى فى الداخل يقود المظاهرات – ناس صلاح سنهورى
    أنا من قبيلة الرباطاب وهى تمتد من شمال بربر الى شمال أبوحمد ماعندنا مسئول فى هذا النظام سوى إثنين بس دكتور معتصم عبد الرحيم وزير تربية وتعليم بولاية الخرطوم ودكتور بدر الدين أحمد إبراهيم بالمؤتمر الوطنى
    الجعليين غير ممثلين فى هذه الحكومة ناس البشير وكرتى والجماعة التى تدعى الجعلية ديل بديرية وشايقية
    قد تكون قبيلة الشايقية والدناقلة لديها أكثر من عنصر
    يا جماعة النظام لايؤمنه الوزير يؤمنه رجل الأمن الذى يحمل السلاح ويقتل المتظاهرين ونحن متأكدين لو أن قبائل دارفور الكبرى وكردفان الكبرى سحبوا عناصرهم من مساندة هذا النظام تانى يوم يسقط – تانى يوم ياتوا الليلة دى يسقط – يا ناس دارفور أنتم جماعة حسبو محمد سليمان وتلوموا ناس القبائل النيل اللى هجوا من البلد
    لا تحاولوا إستفزاز قبائل الشمال النيلى حتى لايتركوكم وينحازوا للإنقاذ نكاية بكم
    مثل هذه التصريحات تفت عضد الإجماع الوطنى وتدعو للعنصرية والتشرذم
    لمان تقولوا المجموعات النيلية الثلاث
    نحن نقول أولاد الغرب من دارفور وكردفان
    بالله عليكم تابعوا فى التلفزيون جلسات مجلس الوزراء
    جلسات المؤتمر الوطنى
    وشوفوا منو الغالبية
    بالمناسبةالبديرى فى الأصل دارفورى وليس شمالى نيلى ولكم أن تلاحظوا ذلك فى اقارب الرئيس من أبيه أبناء عمومته المعز وأخوانه الدم واضح وتجوا كل الناس الحاكمين ومضيقين خلقكم ترموهم علينا
    ديل منكم وفيكم
    وكل من حكم السودان بإستثناء جعفر نميرى من اصول غرباوية من أزهرى لعبد الله خليل للصادق للمحجوب لسوار الدهب للبشير كلهم منكم والشماليين منهم نميرى وعلى عثمان وبس

    رد

  4. حملة مقاطعة صلاة العيد خلف السيدين الصادق والميرغني احتجاجا على مواقفهم الضبابية والجبانة من ثورة 23 سبتمبر

    رد

  5. The long march
    وسيله لاسقاط الحكومه
    الخطه بسيطه جدا
    فقط علينا الاقتناع بها
    تتحرك افواج المواطنين من مختلف المدن تجاه العاصمه
    الادوات
    عربات لواري اعلام السودان
    تتجه جميعها الي الخرطوم في افواج
    مثلا اتحركت من مدينه مدني كل المدن والقري الواقعه في طريق مدني الخرطوم سوف تنضم اليها والمابقدر عليه تجهيز مايستطيع لمد المتحركين صوب الخرطوم من ماء شرب واكل
    عليه فان اعداد المتحركين سوف تكون كثيره جدا لا تخريب لا هتافات فقط مسيره صامته
    ادوات مهمه للنجاح
    تزامن المسيرات مع 21 اكتوبر
    دعوه الجميع اليها من اعلام محلي وعربي ودولي
    توثيق بالكاميرات لتحرك المسيرات لحظه بلحظه
    التنسيق الكامل بين كل المدن والقري والاحزاب المعارضه
    لو استطعنا انو نعمل قناه لايف انشاء الله في النت لتتبع المسيره يكون جميل (ودا دور الناس البره البلد )
    لو استطعنا حشد فقط 2 مليون مواطن لن تتمكن الحكومه من المواصله
    او استطعنا ربط العصيان المدني الكامل مع المسيره دي اذا اتعنتت الحكومه تكون دي اخر خطوه لاسقاط الحكومه
    الوسائل
    اول حاجه دعوات للناس عن طريق النت (الفيس توتر )او الواتس اب فايبر
    تاني حاجه دعوات عن طريق الجامعات
    تالت حاجه المخاطبه المباشره في الميادين
    عن طريق الافراد
    اي لوري بشيل 20 الي 40 فرد اي بوكس بشيل 10 الي 14 اي عربيه صالون بتشيل 5 افراد اتخبلو لو طلعوا زي 100 عربيه من كل مدينه عددنا بكون كم
    محتاجين لي قائد
    ما محتاجين بس محتاجين شويه تنسيق
    قدر العملتو الحكومه دا تاني كضابين ما بقدرو يعملوا حاجه لان الدنيا كلها بتعاين ليهم
    محتاجين بس نعرف انو الحكومه دي لو ما مشت معناها نمشي نحنا بي بساطه
    يومين قبل يوم 21 والمسيرات تطلع وبعدها نرتاح
    انشر اطبع وزع
    كلم جارك اخوك وناس بيتكم اولاد حلتكم مافي قانون بمنع السفر لي الخرطوم
    الناس كلها تجي الخرطوم ويبدا الزحف نحو القصر ونشوف هم رجال زي ما بقولوا ولا الشعب
    صراحه بقت مافارقه لانو ال200 نفر الاستشهدوا ديل كان ممكن تكون انتا او انا او اخوك او ابوك
    خلونا نكون واقعيين
    خليك انتا البديل
    ماتنتظر ناس غازي او ود ابراهيم او الصادق او الميرغني
    خليك دايما انتا المبادر

    رد

  7. الفيديو موجود بنسخة خفيفة تصلح واتس آب بس أي بس يديني تلفونو برسلو واتس لأن الواتس أسرع أنتشاراً وحا يصل سريع لأكبر قدر من الناس بالذات المغيبين في السودان … أنا زول بسيط عملته واجبي وما مناضل ولا عمري أشتغلت سياسة بس حاسي بي غبن وشايف الحصل … أي زول يقوم بي واجبو ويرسل تلفونوا أنا برسل ليو الفيديو وأتس … أهم شي تجتهد وترسلو لكل قائمتك بالذات الناس المساكين الخايفين على البلد من الخراب .. والبصدقو الأعلام السودان … كل زول لو خلى السلبية الثورة حتماً حا تنجح

    ده بريدي
    [email protected]

    وده حسابي على الفيس
    Hadiportsudan

    رد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

جميع الحقوق محفوظة، لصحيفة الراكوبة© 2026 .. تعبر المقالات المنشورة عن رأي أصحابها، ولا تمثل بالضرورة وجهة نظر إدارة الراكوبة
زر الذهاب إلى الأعلى

انت تستخدم أداة تمنع ظهور الإعلانات

الرجاء تعطيل هذه الأداة، فذلك يساعدنا في الأستمرار في تقديم الخدمة ..