جهاز أمن حزب البشير يحاصر دار حزب الأمة ويعتقل عدد من الصحفيين

و الله لو الانسان يحمل ما يدافع به عن نفسه فلن يعتقل أحد

تااااانى وتااااالت ورااااابع يا بعشوم طالما انحنا جامدين وسجمانين ورمدانين خلينا الناس ديل عملو سروج وركبو فى ضهورنا و دلدلو كرعينم كمان ….. لكن الله فى و حيوريهم ويسلطنا عليهم بفضلو ان شاء الله حيروحو فى تلتمية داهية

المرة دى دى ما إنتفاضة ساكت وإنى لأرى غضبا لن ينتهى بزوال النظام وإنما بزوال رموزهـ من الدنيا
وما أظنهم حإصلوا المحاكم … إستر الله …الله إستر ..يالبشير وجماعته غضب الشعب من غضب الله وأخشى أن الله سيسلط هذا الشعب عليكم .. كل زول عنده غبينته الخاصة الملبدة لى يوم فشها وميرغنى جعفر دا ما تلاقوهو فى زنقة بخلى ريحتكم طير طير .. الحإصيبكم عملتوا من أجله 25 سنة .
25 سنة كتيييييييرة ما فاتكم فيها إلا القذافى . ظلم وقهر وقتل وإغتصاب وجلد للنساء ونزوح وسرقة أموال وفوق كل ذلك قلة أدب وحقارة فاتت حدها .. ما تركتوا للشعب دا مساحة للتسامح .. ودا الخايف منه الصادق المهدى والترابى .. المرة دى الوضع غير وبدل ما تفكروا فى وأد الإنتفاضة فكروا فى يوم إنتصار الشعب موقعكم حإكون وين من الإعراب لأنه لا بشرى لكم فى ذلك اليوم.

تاااااني؟؟

وإعتقال الصحفيين ليييه..الإمام الهمام ما قاعد..ما يعتقلوهو