شرطة المرور تعلن إنطلاق عمليات التفويج للولايات بالجمعة
الخرطوم (smc)
أعلنت الإدارة العامة لشرطة المرور عن انطلاقة عمليات التفويج اعتباراً من يوم الجمعة القادم، مؤكدة اكتمال كافة الترتيبات والإجراءات المتعلقة بنقل المسافرين من الخرطوم للولايات خلال فترة عيد الأضحى المبارك.
وكشف الفريق شرطة تاج الدين وديدي إسحق مدير عام المرور في تصريح لـ(smc) عن إضافة (50) مركبة جديدة لتأمين الطرق السريعة خلال فترة العيد فيما أعلن عن توفير (249) دورية و(25) عربة إسعاف بجانب استنفار كافة القوة لضمان تفادي الحوادث المرورية وانسياب حركة السير من الخرطوم إلى الولايات.
وأبان وديدي أنه تم التنسيق مع كافة إدارات المرور الولائية والجهات المختصة بشأن التفويج، مبيناً أن الطرق المعنية بالتفويج هي طريق (الخرطوم مدني) وطريق (الخرطوم كسلا) وطريق (الخرطوم، مدني، سنار، الدمازين) بالإضافة إلى طرق (الخرطوم، ربك، كوستي، الأبيض) وطريق (الخرطوم، شندي، عطبرة، هيا، بورتسودان) وطريق (الخرطوم، التمتام دنقلا)، مشدداً على ضرورة انضباط السائقين والالتزام باللوائح القانونية والسرعة المحددة لضمان نجاح عمليات التفويج وتحقيق السلامة المرورية خلال فترة العيد.
اية الاهتمام دا ياشرطة ياسلام عليكم وعلى حكومتكم بالامس موت بالرصاص الحى واليوم حماية من احتمال حادث اللة اقطع فهمكم لو الطرق دى اتعملت بمواصفات جيدة وامانة لما احتجنا لكل هذا لكن اين الامانة مافى شك بعيدة كل البعد فالظاهر التفويج فى هذا البلد سوف يستمر الى يوم الدين ياعندكم دين اة اة ياوطن
ودى تطلع شنو دى تفويج المسافرين الدخلكم شنو فى المسافرين وده يوم مظاهرات وأحتجاج ضدكم عملية تشتيت جهود المتظاهرين شوفو غيرها قديمة عايزين يفضو الخرطوم من المتظاهرين ههههههههههه خطة جهنمية لعمل شيىء ما الله يجيب العواقب سليمة بقت كمان شرطة المرور تنسيق مع جهاز الامن لأعتقال أى شخص مطلوب وأحكام السيطرة على مخارج ومداخل الخرطوم عن طريق الباصات والعربات المغادرة والقادمة يعنى ضبط أى مسافر أو قادم للخرطوم..
ههههههههههاي حتا ناس ادينا حاجة ولا نقطع ليك ايصال دخلوهم الشبكة الامنجيه منك العوض وعليك العوض يا عازة الجبال والنيل والله شر البلية ما يضحك انتو تقتلو فينا وتوجهوا رصاصكم للصدور والروءس والليلة تدعون انكم تريدون سلامتنا لا لا لا اشك في ذلك ولا دا اسلوب مبتكر من الارتيري بتاع الداخلية لقص اكبر قدر من الايصالات لدعم الاقتصاد المنهار ومنها تحصلوا حق خروف العيد يا خرفان انتو انا غايتو شامي ريحة غدر في تفويجكم هذا وربنا يكضب الشينة