اضبط فساد كمال عبد اللطيف ووزارة المعادن
ناصف صلاح الدين
في الوقت الذين اعلنت فيه الحكومة السودانية عن إجراءات التقشف لتفادي انهيار الاقتصاد ، شرعت وزارة المعادن في عملية شراء مجموعة ابراج بمساحة 4000 متر مربع بشارع الغابة من لواء متقاعد والمفاوضات جارية ووصلت قيمة الصفقة مبلغ 58 مليون دولار للمبني كامل التشطيب،، وهم في نيتهم بيع المبني القائم الان بشارع النيل غرب مبني الخارجية والذي تقدر قيمته بحوالي 17 مليون دولار فقط باقي المبلغ يقوم بتوفيره الوزير كمال عبد اللطيف الذي تحت تصرفه مبالغ كبيره ياخذها في اي وقت من الشركات التابعة للوزارة او ما يعرف بمال ممثل الحكومة في الشركات المنتجه.
وقبل شهر طلب الوزير من مدير شركة الصخرة الحمراء المهندس هشام توفيق دفع مبلغ 1.500.000 جنيه( مليار ونص) نقداً وعندما رفض مورست عليه ضغوط فاضطر الى تقديم استقالته وسافر الي تركيا.
اما مديرشركة سوداماين المقرب من الوزير فقد اثبت التحقيقات تبديده لمبلغ 4 مليار وشكلت لجنة تحقيق فقط اوقفته عن العمل وعينوا مدير جديدا بدلاً عنه السيدة مني ابوحراز، اما المدير الموقوف فما زال يمتطي عربة الشركة ويجوب بها شوارع الخرطوم .
في الوقت الذين؟؟؟؟؟؟؟؟؟؟؟معقولة يا دكتور؟؟؟؟؟؟ظ
تشوف كلامة في التلغزيون تقول دا احسن وانزه مسئول في الحكومة
يعني حلو لسان وقليل احسان .
التظنو موسى يطلع فرعون
العمارة من 13 طابق تقع جنوب النفق بعد الاسترتيجية و شمال المجلس الاعلي للبيئة و هي تتبع للواء معاش مهندس عثمان ابراهيم احمد مكتوب فيها شقق ابراج النيل للتمليك..عايزين مزيد من المعلومات عن هذه الصفقة يا ناس الراكوبة و بالمناسبة هذا الرجل كان شريك في شركة ديزل جنريترز…و التحية للمشروع الحضاري ضابط شرطة عندو دا كلو
اللواء دا منو…وكيف تحصل على قطعة الأرض في هذا الموقع …وبعد كدا كيف توفر له مبلغ لبنائها …دا لواء ولا ود الشيخ مصطفى الأمين الإنتها…وتلاشى من السوق….يا إخوان والله الجن بتاع مصباح علاء الدين السحرى البقول ليك شبيك لبيك…أنا عبدك بين إيديك…إيش ما تريد تقاهو حاضر لديك…ما يسوى الشغلات دى العملوها الناس في زمن بشة…وشيخ تربوبا….قال هى لله قال…ياخى قوم لف!!!
كلام صحيح واللواء مهندس معاش شرطة هو عثمان ابراهيم احمد وهو من كوادر الاتجاه الاسلامي كلية الهندسةجامعة الخرطوم في الثمانينيات
هو المزعمط دا ما جزء من فساد بيع شركة الخطوط الجوية السودانية ومن المنزهين عن المحاسبة وبعد ما تمت عملية البيع رقوهو وزير معادن مكان اللغف الجد , ما أحسن منه إلا عوض الجاز وبدرالدين محمود
نتسائل بكل براه هل في شركه تعرف بالصخره الحمراء ولمن تتبع هازه الشركه هل هي ملك لهشام توفيق ام لجهاز الامن الوطني
والله الواحد احتار ما عارفين مين الصاح ومين الغلط من الحرامى ومين الشريف الله يصلح الحال اتمنى يوم واحد يكتب مقال ما فيه اي شبهه او اي حاجة تخلينا فعلا نحن روحنا وحبنا للوطن بدون ترجريح او اساءة لاحد
كمال عبداللطيف من بورتسودان و من اسرة كانت فقبرة فانبهر بالمناصب و بدأ اللقف.
تبينوا ايها الناس
ياأخ 807235 انت ما فهمت كلامه خلاص ..يمكن الزول دة زي وزي سودانيي كتار العربي ما لغتهم خليو يعبر بطريقته . كدة حنخش في جدل الهوية 2
دهب ارياب اخبارو شنو اسئلة منطقية:
1- كم تبلغ حجم انتاجية هذه المنطقة فى العام
2- كم بلغت انتاجيته منذ بداية المشروع فى التسعينات
3- كم حجم مسهمته فى الميزانيه العامه
ديل ما فيهم موسي كلهم فرعون أنا داير اعرف الوزير مالوا ومال العقارات يبيع مقر الوزارة ويشتري وزارة جديدة اربعة أبراج ليه هي وزارة ام شقق سكنية لاستيعاب سكان مدينة كاملة ؟ مافي وزير في الدنيا سمعنا انه باع مباني الوزارة الا في سودان الشريعة
أكيد سمع ب وراع صاحب كسري اذ رأي عمرا ينام تحت شجرة ويتخذ منها موقعا لتصريف امور دولة الخلافة الاسلامية تقول لي اربعة ابراج يا مفتري ؟
السودان وينو خطفوه الدودو والسودان وين راح خطفوه التمساح
اي واحد بنظر وبطلع من الموضوع دا يا كوز عفن او جداده.
بعدين انحنا زاتنا ما عرب عشان تعملوا لينا فيها سيبويه ومصححاتيه .اكتب اللزي والذي اللزونا ما بهم المهم فساد بني كوز والدوله الرساليه والمشروع الحضاري يا الفسده وبواقي …..
ده اكتر زول دموي
كمال عبد اللطيف وما ادراك ما كمال عبد اللطيف انه جواظ مسكبر ليئيم خسيس دسيس سوف يخزق بخازوق الثوار
يا جماعة ليه تستغربوا ففى زمن الإنقاذ كل وزير، خاصة الوزارات الإيرادية، له كامل الحرية فى التصرف ما يشاء فيما يليه من أموال:
فعوض الجاز يملك عائدات البترول بصفة حصرية حتى وزير المالية لا يمكن أن يتدخل في ذلك،،
وكمال عبداللطيف يملك فلوس عائدات المعادن بصفة حصرية،،
وأسامة عبدالله يمتلك سد مروى وعائداته بصفة حصرية،،
والمتعافى ادخل وزارة الزراعة لتصير جزءاً من مزرعته الخاصة،،
والصافى جعفر كان يمتلك مشروع سندس بصفة حصرية،، والآن مرطب فى فيلا مقشرة بحوض سباحة ويرأس منطمة الذكر والذاكرين،،، شفتو اللعبة النجيضة دى كيف،،
ومدير وحدة إنشاء مطار الخرطوم كان يسكن فى بيت إيجار فى جبرة وجدوه فجأة رحل إلى فيلا مقشرة بكافورى،،
والشريف بدر الرجل الأخطبوطى كان نايم بمشروع الجزيرة والخطوط الجوية السودانية وخط هيثروا وكاتلها كتل،،
ووداد بابكر قامت ببنك أم درمان الوطنى وسبائك الدهب وعينها الآن على الماس الذى يجرى تعدينه بواسطة شركة إنجليزية،،
أها كفاكم ولا عايزين زيادة،،، نخليكم للعزيز عبدالرحمن الأمين يجيبها ليكم من بيت الكلاوى،،،
أولاً كمال عبداللطيف ده ماحرامي بس هو زول وطني وكريم يعني ماممكن ياكل براه,الزول ده عبارة عن مهرج وختوهو في الوزارة دي زيهو زي اسامة عبدالله,يعني بالعربي الزول ده يجيب القروش من شركات التعدين لتمويل حزب المؤتمر الوطني,يديهم نص ويشيل نص,اسامة عبداالله التمويل الجابو للسدود خمسة مليار دولار ,ديون علي كاهل هذا الشعب ,واتحدي اي زول يقدر يقول المبالغ دي صرفت في السدود اوالكهرباء!!!!!الشركات المسجلة للعمل في مجال التعدين 104 شركة,كل هذه الشركات لحكومة السودان نصيب فيها بنسب متفاوتة,والسيد وزير المالية يرفع الدعم لكن ماعارف الشركات دي انتجت كم؟ونصيب حكومة السودان كم؟علي محمود ممكن يفكر في رفع دعم او زيادة ضرائب وجبايات لكن المصدر الرئيسي لتغذية خزينة الدولة ممنوع الإقتراب او التصوير
سر الثراء المبالغ فيهل للواء إبراهيم المالك المعلن للأبراج هو أنه “صديق عبد الرحيم م حسين” يعني هو واجهة وممكن برضو تقول “الاتنين دافننو سواوكدا”!
اولا كان عايزين أعرفكم. بهذا. الكمال عبد. اللطيف. ،،. هو. من. أبناء قشلاق. شرطة. بورتسودان. وسط المدينة. ووالدة. المساعد. شرطة معاش. عبد. اللطيف. رجل. أصيل. وولد بلد ولمن. ترك. الشرطة لا نعرف. عنة. الا. الخير. وحسن. الجوار،،. ووالدته. الحاجة. العافية. وايضاً. هي. امرأة كريمة. وطيبة. وكانت تبيع الماء. البارد. فيما. يعرف بتمر. مستورة حتي. تعين. الوالد علي. تربية. الأبناء ولدية. أخوات. لانعرف. عنهم الا. الخير. ،،. اما. المدعو. كمال. هذا. فكان. يلقب. بين. اولاد. الحلة. بالخسيس. لأنة. كان. منزوي. جداً. كمن يعاني. من حالة نفسية. وغير. محبوب. ومكروة جداً. من كل ناس الاشلاق. وأقسم. بالله العظيم. ليس لدية اي. صديق. ولا حبيب. لا سيما. انه اولاد الاشلاق. لليوم. ورغم. تباعدهم. وتفرقت بهم. الحياة الا. انهم. لليوم. يتواصلون. في كل. الأفراح. والأتراح. وهم كالجسد. الواحد. الي. اليوم والي يوم. القيامة. ،،،. سردت لكم. هذا. حتي. تعرفوا. ان. الإنقاذ لا تضم. الا. المكر هين. والمنبوذين. ،،. وإذا. سألتم. عن. ماله. فهو. أتي. الي. الإسلاميين. معدم ،،. اي. والله. ومعدم. ولا يملك. من حطام. الدنيا. شيء. ولكن. بعد. ما. انضم. لفريق هي لله. عينك. ما تشوف. الا. النور ،،،. والله. علي. ما أقول. شهيد. ،،،. ولو. انت راجل. يا كمال عبد اللطيف. رد. علي في هذا. البوست. وأثبت. للناس. انت. منو. ،،،. ياحراااااااااااااااااااااااااااااااااااااااااااااامي
نرسل تحياتنا و شكرنا الى كتاب الراكوبة ا يقومون به من عمل كبير واطلاع السودانيين على بعض حقائق الأمور السودانية ولا بد ان يكشف أى أنسان مارس افعال ضرت بالحق العام السودانى أو الحق
ويبدو لنا ان خطة كمال مع الشركات الاوكرانية قد فشلت بشأن تنجيم الذهب بجنوب كردفان – جبال النوبة أيام احمد هارون وذلك بسبب الظروف الأمنية ولكنها نجحت في تكويش الذهب بالتنسيق مع كبر بشمال دارفور – جبل عمار ولا أدري كم حنوا هناك وكما سمعت موسى هلال يشير بحديث غاضب نحو الطرفين المذكورين في قناة شروق واتهمهم مباشرة بنهب اموال الولاية وتسبيب المشاكل بين الرزيقات وبنى حسين