طالب الصيدلة هيثم الوسيلة يقرر الانفصال من دولة الانقاذ والتنازل عن جنسيته السودانية – شاهد صورة رد وزارة الداخلية –
أحبتي الكرام :
أن يسعى شاب سوداني – وبمحض ارادته – لمخاطبة الجهات الرسمية في بلاده طالبا التخلي عن جنسيته بالميلاد رغم أنه لا يملك أي جنسية أخرى بديلة .. و بعد أن أغلقت في وجهه وأمام مستقبله كافة المنافذ مع سبق الاصرار ومن جهات مسؤولة .. انه – لعمري – لأمر مخز ومخجل ويشكل وصمة عار في جبين دولة لا تعرف قيمة لشبابها عماد المستقبل الآتي .
واليكم تفاصيل الرسالة التي تحكي عن نفسها وقد تسلمتها عبر بريدي الاليكتروني اليوم من هذا الشاب الغاضب من الخرطوم مشفوعة بأرقام هواتفه ورد رسمي من وزارة الداخلية عليه سأعمل على انزاله لاحقا هنا :
السيد /خضر عطا المنان
بعد التحية والاحترام
ارجو منك الرد علي اذا كان الموضوع المرسل والمرفق اليك يستحق النشر ,,, لترى أين وصلت دولة النفاق التي أصبحنا فيها غرباء نبحث عن ملجأ ووطن آخر.. وشكرا :
اريد منك وانتم تمثلون الحق ان تنشر قصتي التي ارتكزت على سيناريو حقيقي ومستندات لا جدال فيها ,, وقد نشرت قصتي يوم الثلاثاء والاربعاء الماضيين في جريدة التيار. قصة عن طالب تنازل عن الجنسية السودانية ,,,ما اريده منكم بعد نشرها مساعدتي بالوصول لمنظمات حقوق الانسان .
* اسمي هيثم الوسيلة فضل المولى محمد- سوداني الجنسية كنت ادرس الصيدلة في الهند في العام 1999م بعدها سمعت بالقرار الجمهوري الصادر باستيعاب جميع الطلبة بالخارج الي الجامعات السودانية.
* أتيت الى بلادي وكلي امل في تكملة دراستي في وطني وبين اهلي علما باني كنت ادرس على النفقة الخاصة حيث قمت بتقديم اوراقي الي جامعة امدرمان الاسلامية ? كلية الصيدلة في العام 2001م.
* تم استيعابي في السنة الثانية ولكن بعد مرور ستة اشهر وفي امتحانات الدور الاول فوجئت بقرار ايقافي من الدراسة بحجة ان اجراءات القبول لم تكتمل وعلي العودة السنة التي تليها لاستيعابي بصورة رسمية علما بان التاخير كان من قبل مسجل الكلية , رجعت الي البيت اجر اذيال خيبة الامل متسائلا عما فعلته بنفسي ( هل هذا هو جزاء من اختار وطنه على الغربة ؟!.
* رجعت في العام الدراسي 2002 ? 2003 وقمت بمواصلة دراستي حتى نهاية السنة الثالثة وبعدها تكرر نفس السيناريو حيث فوجئت بقرار بايقافي من الدراسة بصورة نهائية موضحين بان شهادتي الثانوية رياضيات تخصص وليست احياء عليه لا يجوز مواصلة دراسة الصيدلة وعندما سالتهم لم لم يتم اخباري بذلك منذ البداية فردوا علي وبكل برود بانهم لم يلاحظوها من الوهلة الاولى.
* رجعت الي عميد كلية الصيدلة سائلا اياه عن الحلول الممكنة فقال بانه يجب علي احضار استثناء من وزير التعليم العالي لمواصلة دراستي , فاجبته بان هذه المشكلة لا تخصني ولكني ساساهم في حلها لانها تمثل مستقبلي .
* ذهبت الي الوزير ولكنه رفض حتى ان يقابلني وعندما عددت للكلية طالبتهم باوراقي الثبوتية فوجئت بضياعها بعدها ذهبت للعميد وسالته عن اخر حل ممكن فاجابني وبكل وقاحة بان احضر الاستثناء مهما كلف وبان ارجع للهند واستخرج الشهادات مرة اخرى لان الملف قد ضاع وبان احضر السنة القادمة لمواصلة دراستي وكان ذلك حلهم الذي خلى من اي وجه يتمثل فيه الجانب الانساني , تحطيم لشاب لاحول له ولا قوة .
* منذ العام 2005 وحتي العام 2008م حاولت جاهدا حل الموضوع وديا حيث قمت بمخاطبة السيد رئيس الجمهورية والسيد نائب رئيس الجمهورية باعتبارهما مسؤولين عنا مسؤولية مباشرة ولكن لا حياة لمن تنادي ولا احد يابه للمواطن البسيط.
* في العام 2008م قمت برفع دعوى تعويض تحمل الرقم 3487 وهذه كانت بداية النهاية حيث كنت اكسب كل المرافعات وذلك اعتمادا على المستندات التي امتلكها (من ايصالات مالية وشهادات قيد ) وشهود وعندما ادركت الجامعة بانها ستخسر القضية اصبحت تمارس سلطاتها اللامحدودة باعتبارها جهة حكومية وتابعة للنظام الحاكم وراعيها الاستاذ علي عثمان محمد طه من تاخير للقضية واستئنافات واشياء اخرى لا علم لي بها . وبعد مضي قرابة الثلات سنوات جاءت بمساومات عبارة عن الاختيار بمواصلة دراستي بالكلية وبين ان تاخذ القضية اكثر من 10 اعوام ليحكم فيها اذ بلسان محاميها باني املك الحق في المقاضاة ولكن ساعيش في دوامة لاادري متى ستنتهي , عندها سالتهم عن تعويضي عن السنوات التي ضاعت من عمري سدى وعن الضرر الادبي والمعنوي وعن التسبيب عن ضياع مستقبلي فاجابوني باني لست في امريكا وبان الدولة لا تملك مالا.
* رجعت الي بيتي وجلست مع نفسي وادركت بان هذه الدولة لا تحترم المواطن كانسان ولا تحترم حقه القانوني ولا الدستوري وانما تحترم كل من يحمل السلاح ضدها ويعيث في الارض فسادا ويقتل الانفس بغير الحق لان مبداها يقوم على اساس ما اخذ بالقوة لا يرد الا بالقوة , حينها قررت قرارا وباقتناع بان اتنازل عن جنسيتي السودانية بالميلاد حيث قمت بتقديم طلب التنازل لوزارة الداخلية ,المجلس الوطني والقصر الجمهوري للسيد رئيس الجمهورية ذاكرا اسبابي عن التنازل وهذه بالبطع سابقة انسانية وقضائية وهو شئ لا افتخر به وانما حملت على فعله نتيجة التفرقة العنصرية الحزبية والظلم الواقع .
* كانت ردة الفعل من قبلهم مزلزلة للوسط السوداني من محاميين وسياسيين وحتى مواطنين حيث ردوا علي قائلين بانه لا مانع لديهم في التنازل وبان قبولهم لتنازلي عن الجنسية مرهونا فقط على موافقة دولة اخرى لقبولي لديها وهذا ما استغربه الناس عامة فبدلا من الجلوس معي لمعرفة ما دفعني لذلك او محاولة منهم لحل مشكلتي اثبتوا للعالم اجمع بان المواطن السوداني اخر من يهمهم ولا مانع لديهم بان يهاجر جميع الشعب السوداني كما هو موضح في المستند المرفق من وزارة الداخلية .
* انا الان اراسل الدول لاستيعابي ومنحي الجنسية املا منكم مساعدتي بتوصيلها لحقوق الانسان.
وجزاكم الله خيرا
هيثم الوسيلة فضل المولي محمد
طالب الصيدلة الذي قرر الانفصال من دولة الانقاذ
سيف الدولة حمدناالله عبدالقادر
بموقع سودانيز اون لاين الاسفيري ، نشر الصحفي خضر عطا المنان رسالة مؤثرة وصلته عبر البريد الاليكتروني من طالب الصيدلة هيثم الوسيلة فضل المولى محمد ، الذي كان قد تقدم برسالة ممهورة بتوقيعه لوزارة الداخلية يطلب فيها شطب قيده من سجل المواطنين السودانيين .
قصة الطالب المكلوم (هيثم) هي قصة مواطن قرر الانفصال عن دولة الانقاذ لا عن دولة السودان ، او بالاحرى هي قصة دولة قررت الانفصال عن مواطن ، هي قصة مواطن قرر مصيره بيديه بعد ان تلاشى لديه الامل واصبح يتنفس اليأس ، هي قصة تلميذ من عامة الناس في مواجهة جهاز دولة ظالم وفاسد لا يأبه الا بخاصة الناس .
بدأت حكاية (هيثم) قبل عشرة اعوام (2001) بقرار من مسجل كلية الصيدلة بجامعة امدرمان الاسلامية بتجميد قبوله بالكلية قبل ايام من بداية امتحانات نهاية العام ، بعد ان امضى في الدراسة بالكلية فترة ستة شهور بدعوى عدم اكتمال اجراءات تحويله من الجامعة التي كان يدرس بها بجمهورية الهند التي قدم منها ضمن برنامج اعادة الطلبة الدارسين بالخارج الذي انتهجته الدولة في تلك الفترة ، وطلب منه مسجل الكلية ان يستجم في بيته ويعاود مواصلة دراسته في العام القادم ( انشاء الله ) ريثما تتمكن الكلية من تكملة الاجراءات .
ازعن ( هيثم ) استراحة عام كامل بأمر المسجل دون ان يكون لديه حتى خيار الاحتجاج ، ثم عاد لمواصلة دراسته في العام التالي بنجاح حتى بلغ الصف الثالث بكلية الصيدلة ، ثم فوجئ بقرار آخر ، هذه المرة بفصله نهائيًا من الكلية بزعم ان شهادته الثانوية كانت من المساق العلمي (رياضيات) وليس (احياء) ، وقد شفع عميد الكلية قرار الفصل بنصيحة منه للطالب (هيثم) دعاه فيها لمحاولة الحصول على ( استثناء ) من حضرة وزير التعليم العالي .
لم يترك ( هيثم ) بابًا من ابواب السلاطين الا طرقه ، كتب لوزير التعليم العالي بعد ان فشل في مقابلته ، ثم كتب الى علي عثمان ثم الى عمر البشير ، واهملت مراسلاته و لم يتلق عليها ردًا من مسئول حتى بتطييب الخاطر ، فاستجار بعدالة الاسلام ، فلجأ الى القضاء ورفع دعوى قضائية ، ولا تزال دعواه تتخبط من محكمة الى اخرى منذ ذلك التاريخ دون ان تصل الى نتيجة في تعويض التلميذ المكلوم عن خسارة مستقبله بالكامل .
ادرك ( هيثم ) انه كمن يحارب قطيعا من الاسود ببسطونة ، وقرر ان يرفع راية الاستسلام ويعلن هزيمته وانتصار دولة الانقاذ ، فكان خطابه لوزير داخليتها ، يعفي فيه الدولة من كافة حقوقه عليها ، ويعلن انفصاله عن دولة الانقاذ ، ويبقى في البلاد بصفة ضيف زائر كشأن 3 مليون آخرين من غير المواطنين الى ان يأذن الله في امره .
من جملة خطابات ( هيثم ) التي ارسلها لسلاطين الدولة خلال محنته ، لم يتلقى ردًا الا من سعادة اللواء شرطة بابكر احمد الحسين ، مدير المكتب التنفيذي بوزير الداخلية ، يفيده فيها بان دولة الاسلام قد وافقت على طلبه باسقاط الجنسية عنه شريطة تقديمه لما يفيد بقبوله كمواطن لدى دولة اخرى ، ثم مضى اللواء بابكر الحسين في شرح اسباب قراره للمواطن (هيثم) فقال فيه : ( عدم قبولك بواسطة دولة اخرى سوف يخلق حالة انعدام جنسية وهو امر حظرته المواثيق الدولية )
لم يرهق اللواء الحسين نفسه ببيان المواثيق الدولية التي تمنعه من تحرير (هيثم) من مواثيق دولته التي اهدرت مستقبله واحالته الى تائه بلا مصير ، ولعل حضرة اللواء معذور في ذلك ، فجملة الطلبات التي ترد مكتبه يتقدم بها مواطنون مرفهون قبلتهم دولا اخرى ( معظم طلبات اسقاط الجنسية ترد من سودانيين مقيمين بدول مجلس التعاون الخليجي التي تمنع قوانينها ازدواج الجنسية ).
ماذا دهى هذا الوطن الذي بات يهدي الينا كل صباح سببًا يزيد به من عذاباتنا !!! ، ان حكاية الابن (هيثم) هي وصمة عار في جبين العصبة التالفة التي تحكم البلاد باسم الدين ، عصبة يختار فيها الفاشلون والراسبون من اولادها وبناتها الجامعات التي يفضلونها ويبتعثون لنيل الشهادات العليا في البلاد التي يختارونها دون ان تكون للبلاد حاجة لهم ولا لدراساتهم .
هون عليك ابننا الهيثم ، فقد سبقك الالاف من اعمامك واخوانك اختاروا الانفصال من دولة الانقاذ ، ولك اخوة واخوات في عمرك ، حرمتهم الانقاذ من اوطانهم فعاشوا مع ابائهم لاجئيين ومهاجرين ، لا يعرفون عنه الا ما تورده الصحف ووكالات الانباء ، فقد اضحى الوطن بلا شعب والشعب بلا وطن ، وان كانت عصبة الانقاذ قد حكمت عليك بضياع مستقبلك الدراسي ، فذلك لانها قد ادمنت تسبيب الهلاك لمواطنيها ، فالقسوة والتشفي تجري في عروقها مجرى الدم ، فقد اهلكت انفسًا وارواح ، قطعت اعناقا واوصال ، قطعت ارزاق نصف مخدومي الوطن وارسلتهم الى الطرقات اما عطالى او متسولين ، اهانت الكرام ، واكرمت اللئام وشذاذ الآفاق .
يا بني يا هيثم ، انظر حوليك ، كم ترى من الضائعين والضائعات ؟ العاطلين والعاطلات ، اليتامى والحيارى والتائهين ، عزاؤك يا هيثم انك لست وحدك الذي ضاع مستقبله ، فكلنا قد ضاع ، ووطننا قد ضاع .
الطالب المكلوم (هيثم) ، كتب برسالته فصلا جديدا من فصول الهزيمة ، وعزاؤنا انه مواطن قرر الانفصال عن دولة الانقاذ لا عن دولة السودان ، ولا حول ولا قوة الا بالله .
سيف الدولة حمدناالله عبدالقادر
قصة هيثم قدر وصلها للإعلام و كمان جرى وراها لكن في زي هيثم كتير ما كان حيلتهم إنهم يتابعوا مثل هذه الأشياء أكتفوا بالإنكفاء و أحتسبوا أمرهم للخالق لو كان كوز منتن معفن مطرقع مقدود وسخان نجس ما كان بقت عليه العملية كان واصل دراسته و أتخرج و إحتمال يكون وزير صحة الأن صاقعة تخمكم يا ناس الأنجاس و تريح البلد منكم
عزاؤنا فيك يا هيثم انك لست الوحيد مكلوماً فقد سبقك الكثيرون …(موتة الكثيرة عرس )
نقدر الاحباط الذي تعيشه والذي دفعك للتنازل عن جنسيتك…ماذا يكون موقفك اذا كنت قريبا لا حد المتنفذين؟ اكيد مشكلتك كانت اتحلت من زمان …ياهيثم اكيد ناس الاحصاء حيفقدوك!!!!!! والكلام لمحمد موسى : اترى قد جاء الوقت الحقيقي كي يفقد ناس الاحصاء هيثم ؟ يا للهول ويا للعار أوصلت بنا الدناءة ان نحطم مستقبل اي كان وبهذه السهولة ؟
ابني /هيثم ليكن ثقتك في الله كبيرة ولكل مصيبة باذن الله مخرج ..
والله على السودان والكرام السلام اجتمعو ابناء الشرق وبقياد الخاسة ال""""""""" قبائل الحدود لا لغاء هوية المؤصلين ويكفيك الاسم الرباعى { هيثم الوسيلة فضل المولى محمد} وحسبى الله ونعم الوكيل عدد نعمه ومخلوقاته جلى وعلا
في شنو هسة كلو بالقانون زول شهادتو ما بتدخلو يعملو ليهو شنو زايد انو داير يتنازل عن الجنسية وروهو الاجراءات هسة ويت الظلم ياناس ؟
اعانك اللة يا اخى على هذة المصيبة ….. احس بمصيبتك لاننى كنت من قبل فى نفس الموقف وان كان اخف ……….. فقد تم توقيفى لمدة ثلاثة سنيين من الدراسة وكنت على عتاب الجلوس للشهادة السودانية بحجة ممارسة النشاط السياسى بمدرسة موسى الضو الثانوية …… والمضحك ان القرار الاول صدر من اتحاد الطلبة وبعد المدة رفضو اعطائى اى فرصة بحجة اننى لا املك الشهادة الابتدائية ما اننى امتحنت من مدرسة ابوسعد الغربية بنسبة نجاح 210 ….. وكان ابى قد غير اسمى بامر قضائى فى مرحلة المتوسطة ولدى شهادة بذلك ….. واخيرا قررت الخروج …… عشت لاجئاً فى دولة عربية ……… والان اعيش مواطنا معزازاً ومكرما فى دولة كنت اعتبرها اجنبيا فى يوم ما ……. وازور دولتى الان بتاشيرة دخول بعد دفع 120 دولارا قبل سفرى …….. ولكنى ازور دول الخليج دون ان ادفع مليما ………….. هذة هى دولتنا يا اخى …….. من انت بل قل من نحن بنسبة لهم؟ …… فها هى الدولة تتجزاء دون ان يتحرك فيهم رجلا يقول لا ………. اعانك اللة يا اخى ……. وقلبى على اسرتك …….. واتمنى ان تعطيك حكومة جنوب السودان فرصة لمواصلة دراستك …… فانت ابن هذا الوطن .
أقول لعزيزي هيثم كللنا بلا هويه أو جنسية في البلد الل؟؟؟؟
با إبنى هيثم جنسيتك السودانيه ليست منة ولا منحه من أحد عليك حققك الدراسى خذه بقوة الحق والفانون بس أهم حاجه أوصييك بها لا تيأس ولاتقنط من رحمة اللة تابع وتابع حقك وأذهب لأى كان ولاتخف وأهم حاجة فى موضوعك هذاعدم اليأس وتابعه بقوة وثق لن يضيع حق ورأه مطالب وقد جربت هذا فى إبنى وأين فى مصر قمة البيروقراطية ولم يصيبنى اليأس وإبتدأت من الموظف الأصغر حتى وكيل الوزارة ونجحت والحمدلله بفضل الحق وقوة العزيمة رغم الكلاكيع التى كانت أمامى سر وخذ حقك ولاتتهاون فية
الخطا خطاك انا ماعارف خليت الهند بلد العلم وجيت للسودان بلد التخلف والبلاده والفشل مافكرته صاح قدر الله وماشاء فعل
سعادة اللواء —– الحسين
لا اله الا الله ولا حول ولا قوة الى بالله عليك بدولة الجنوب يا اخى هم اخوة لك اذهب اليهم وواصل تعليمك بها وارحم الف مرة لك من زبانية البشير
تعرف يا هيثم لو كنت في الوقت داك ادعيت انك منهم وعملت حركاتهم يعني ادعيت انك احد من يسموا (المجاهدين) مع زبارة للكلية بلبس الدفاع الشعبي ومرور على الكافتريا لزوم بتشرب في الشاي وواقف على الجرايد الحائطية بتاعتم ، ثم المرور على مكتب سيكرتارية العميد للسؤال عن المسجل (ما جاكم بجاي) و العكس في مكتب المسجل (العميد ما جاكم) زايد مكتب مكتبين من الدكاترة المؤثرين . صدقني ما كنت حتحتاج للقضاء ولا الوزراء . مع تفضلهم بعمل امتحانات خاصة لك في الوقت البريحك .
سعادة اللواء —– الحسين
السلام عليكم ورحمة الله وبركاته
بالاشارة لماجاء في رسالتكم بالرقم ودت/49/ب/1 بتاريخ 5شوال 1431 أي قبل عيد الاضحى بخمسة ايام ما يعني قبل اجازة العيد بيومين نسبة للخميس والجمعة ، والتي تحمل افادة للمضيع هيثم فضل المولى الطالب المفصول بعد اربعة اعوام من قبوله بجامعة امدرمان الانقاذية ولا داعي لذكر السبب هنا لأنه مهما كان مرفوضا بكل المقاييس الدولية او المحلية.
انني اذ اخاطبكم فذلك بناء على ترشيحي من المراقبين الشرفاء (المعلقين) على افعالكم وبصورة دائمة عبر هذه الصحيفة الغراء التي اصبح يشتهر بها كبار الكتاب والصحفيين العرب وغيرهم.
سعادة اللواء ،اين موقفكم من القوانين والمواثيق الدولية التي تكفل لاي مواطن حقوقه الانسانية والاجتماعية والمواطنية؟ الم تدرج في سياساتكم التي تحدد سير الاجراءات داخل ادارتكم الخاصة دراسة اسباب مثل هذه الطلبات ومناقشتها قبل البت فيها؟ ام هي فقط من واقع اولئك الذين حصلوا على موافقات دول اخرى وكان عليهم ارفاق هذه الموافقات مع طلب تقدمهم لاسقاط جنسية الانقاذ ? فصار هذا بالنسبة لكم موثق دولي؟ عموما دعه ينتظر وأؤكد لك انه مازال يتمتع بهويته كسوداني غصبا عنكم ايها الخارجين على القوانين المحلية والدولية بل والسماوية. ولسوف نسقط الجنسية عن ابنائكم واهلكم اجمعين باذن الله . اما انتم فلن تكونوا موجودين حينذاك.
يااخوانا الناس ديل السودان كلو لو غير جنسيته مابهتموا الجماعة ديل مهتمين للسلطة وللجاه
ليه يأخى تتنازل عن الجنسية وطن الاجداد ليه يأخى تتنازل عن جنسية وطن الشموخ والبطولات والله يأخى انت أعز واشرف وانبل من هؤلاء العنقالة اللصوص فى المؤتمر الواطى لا لا لا تتنازل عن الجنسية لمجرد حرامية لصوص وعشان من تتنازل بالله عليكانا اتنازل عن جنسية يحملها هؤلاء السفلة فى المؤتمر الواطى والله ان جزمتك تساوى كل وهم ولصوص مؤتمر السجم والندم
يا هيثم يابن بلادى (حسبى الله ونعم الوكيل )
اللهم اجبر كسرو ويسر امرو
يارب عندى طلب واحد ان ارى
الكيزان يعذبوا فى هذه الدنيا
(اشوفن بى عينى )
طيب كيف يقولوا انو الشمالي شمالي و الجنوبي جنوبي انا سوداني وعندي هذه الجنسية و ما دير غيره حتاملوا معي شنو؟
حسبنا الله ونعم الوكيل فيكم يا حكومة الإنقاذ الله لا يوفقكم لادنيا ولا اخرة ربي ينتقم منكم واحد واحد يارب اشوف فيكم يوم ضيعتو مستقبل الولد – حسبنا الله ونعم الوكيل فيكم الف مرة يا عيال ال…………..
آآآآآه يا هيثم ..الحمد لله الواحد قبل ما يسيب الدنيل دى يتعرف على سودانى يحمل صفات انسان القرن العشرين وما بعده….حيرتنا يا هيثم ما عارفين نصفق وللا نلطم؟؟؟ …أقول …نصفق ليك …!!! ونلطم على الدولة الراحلة دون أسف عليها
يجب تشكيل حكومه موازيه بعد 9 يناير من قيادات المعارضة والاحزاب والحركات المسلحه حيث ان هذه الحكومة فقدت الشرعية بانفصال الجنوب الشعب الان بحاجة الى قيادة حقيقية للتخلص من زبانية الجبهه
.
:eek: :eek:
والله قصة محزنة وربنا يعينه ولكن نرجع ونقول الغلط منه هو وذلك لعدة اسباب منها:
*- عندما ذهب للهند لماذا اختار دراسة الصيدلة مع انه تخصص رياضيات .
*- لماذا اتي الى السودان ولم يكمل تعليمه بالهند وهو يعلم بانه ليست له يد طولى تسانده .
مع تأثري لقصة هيثم فانا ضد الذين يدرسون بالخارج مع اختلاف دراستهم الجامعية مع مساقهم التعليمي الثانوي ( علمي – هندسية – ادبي ) ولكم كان هنالك من درس المساق الادبي ودرس الطب بدول اوربا الشرقية ولنا في الاخطاء الطبية الشائعة بالسودان ثمرة دراسة الطب بالمساق الادبي وياما راح فيها ابرياء نتيجة لهذه الاخطاء ( الموت سمبلة )
اخي سيف الدولة حمدناالله عبدالقادر هذا الطالب اولا يطالب بحق ليس لة وهو طالب رياضيات فكيف يقبل في كلية علوم طبية فكيف تستقيم المسطرة والمشرطة لا تدافع عن باطل
اما في امر تخلية عن جنسيتة فهو طالب يؤؤس لا يمكن ان يخدم نفسة ناهئك عن وطنة لو كنت وزيرا للداخلية لخلعت عن الجنسية لان لقب سوداني لا يعطي لمن لم يكن سودانيا مثل هذا هو بدا باهند لماذ لم يكمل بها طالما كان يحدث نفسة بالاستطاعة
الاتفاقية الدولية دي اسمها شنو والمادة اللي استند عليها سعادة اللواء رقمها كم. بالله ده خطاب رسمي من موظف دولة ولا من بياع دندرمة. بعدين هل ده من اختصاصات المدير التنفيذي لمكتب الوزير (المفروض يرتب المواعيد والملفات) ولا ادارة الهجرة والجنسية بالوزارة!!!
الله يخارجنا يعني مافي طريقة من مسمار جحا.
والله ممتاز انا مستغرب ان فى رد من الوزارة ؟؟؟
لو كان غي السودان شباب وطني وبيفهم وواعي ماكانش تجي الردود عاطفية وفارغة وسطحية وجاهلة و عديمة الفهم بهذا المستوى .. .. .. .. الفاتحة علي السودان و علي شباب السودان زززززز
لو كان بطلت حركاتك البتعمل فيها دي وانضميت لينا كان (ظبتنا ليك امورك) اها خلي بتاعين (النت) ديل يعزوك. قال بعارض قال.
نحنا سودانين ومهما حصل لن نتنازل عن جنسيتنا ارجو ان تراجع نفسك سودانا بخيرو .
اما تقرير المصير و الانفصال الجنوبين هم لهم الاختيار وليس لنا نحنو ونتمنا بان تكون وحدة السودان .
ماعندك وطنيه اصلا اذهب الى هاييتي
اعتقد ان الخطأ منذ البداية قد بدر منك يا اخ هيثم فمعروف في سياسات القبول بكلية الصيدلة ان المتقدم لا بد ان يكون من خريجي المساق العلمي احياء و ايضا بما انه تم قبولك في احدي الجامعات الهندية بدون التدقيق في شهادتك و نوعها كان يجب ان تستمر و تكمل دراستك لانك منذ البداية تدرك ان من المستحيل دخولك كية صيدلة بمساق تخصص في السودان بدلا من تضييع الوقت و الجهد في قضية لا جدوي منها
اهل العقول في راحه
ربنا يعينك وما تخلي ليهم الجنسية هم عايز كده عايزين كل الناس تطش و يبقي ليهو البلد اهو خارجو الجنوبين وفاضل ناس الغرب والشرق والله نحن ناس الوسط برضو عايزين انفصال مبروكة عليهم الخرطوم والشمالية ام درمان حقتنا والله مصيبة وقعنا فيها بس لا تخليلم الجنسية شوف ناس خليل ولا اهو شايف الصادق قال عايز يحارب ولا اقول ليك اشتشهد ليك براس كبير نافع وما شابه ومسواك الجنة بمشيئة الله بس لا تخلي جنسية اجدادك والنصر قريب ان شاء الله
الأخ/ هيثم لك التحية واسال الله ان يفك محنتك
حقيقة قضيتك في كثير من الاخطاء المشتركة سواء من الجامعة او منك انت شخصياً
1/ قبل ان تحاول ان تمرر شهادتك على ادارة الجامعة..مفترض ان تكون على علم بما يحق لحامل الرياضيات تخصص من كليات!!؟؟ ودي معروفة ياهيثم حتى للذين لا علاقة لهم بالتعليم
2/ ثانياً : شيء مؤسف انك بكل بساطة تطلب اسقاط جنسيتك..شوف انا ضد الحكومة دي
لكن يؤسفني اقول ليك ..خيرة الشباب والرجال ماتوا وفقدوا حياتهم من اجل الوطن وتجي انت عشان ضاعت عليك سنوات تتخلى من جنسيتك السودانية..عارُ عليك..
ولماذا تستغرب من رد الجهات المسؤلة..من انت هل عالم نووي وبماذا يخسر الوطن ان خسرك
شنو يعني ضيعت ليك عشر سنوات ..يا اخي انا بعرف خمسة ستة تخرجوا ليهم 15 سنة ولم يتحصلوا على وظيفة حتى الآن لا خاصة ولا حكومية..برضو نقول ليهم قدموا طلب تخلى عن الجنسية؟؟؟؟؟؟؟؟؟؟
قصة الطالب المكلوم (هيثم) هي قصة مواطن قرر الانفصال عن دولة الانقاذ لا عن دولة السودان ، او بالاحرى هي قصة دولة قررت الانفصال عن مواطن ، // اولا علينا الا ننكربان ما بني على باطل فهو باطل هذا الابن الذي يتوجع بضياع مستقبله قد اختار المنهج الذي حدده بنفسه او اختير له حسب قدراته وذلك لاكمال دراسته الجامعية حسب المنهج الذي اختير له وعلى ضوئه اجتاز الامتحان المعد لذلك المنهج وذلك لاكمال دراسته الجامعية ومعلوم بالضرورة ولكل الطلاب ان اختيار دراسة الميثاق العلمي قسم رياضيات يتم استيعابهم في الكليات المخصصة وهي كليات الهندسة بجميع تخصصاتها حيث يتم الاستيعاب بها حسب النسب المحددة لكل تخصص وعلى الطالب التوجه الي الكلية التي توائب نسبته النسبةالمحددة للكلية المعتية وان اراد الطالب لسبب ما تغيير وجهته لدراسة تخصص اخر عليه اما الجلوس واعادة دراسة المقرر الذي بموجبه اكمال دراسته الجامعية لذلك التخصص ا و الازعان بما اقره بنفسه او اقر له حسب قدراته . اما ان يتجه الي اي مكان اخر لدراسة منهج لا يتفق مع ما حصل عليه من علوم وان استوعب في ذلك المكان او تلك الدولة فهذا لا يعني فرضية قبول شهادته خاصة ان اراد اكمال تللك الدراسة في نفس الكلية التي لاتتفق دراسته الاكاديمية مع توجهات تلك الكلية
ثانيا ليس معنى ان يفشل الانسان في الحصول عن حق معلوم نهاية العالم فليس كلما يتمنى المرء يدركه وهذا الطالب ان كان محقا لمواصلة الدراسة في الكلية التي يرغبها لجلس لاكثر من مرة لتحقيق ما يصبو له والامثة كثيرة في هذا الامر
ثالثا ليس هنلك دولة اسمها دولة الانقاذ حتى بتنصل هو من جنسيتها فهو سوداني ويحمل الجنسية السودانية وان اراد التنصل من هذه الجنسية فهذا شأنه ورد سعادة اللواء له ولامثاله قاطع وشافي
اما من يتبنى مثل هذه التراهات كان الاولى بتقديم النصح لهم وبيان المعلوم وبلاش تضيع وقت الناس ولفت الانظار في امور مقصدها مثل القائل ولو طار برضها عنز
شوفو فى ظل الانقاذ انا هس لو لقيت جنسية اخرى بعملها !!!!
بلاش كسير تلج ..
تصرف غير لائق من الطرفين فكلا الطرفان تعاملا بلا مسئولية ، كما ارمي باللائمة على الاخ هيثم ما دام انه يدرس بالهند نفقة خاصة فلماذا عاد وهو سيمي فاينال .
عموما ان تجد حل عادل لقضيتك وسفرك خارج السودان لن يجل قضية وسنفتقدك كثيرا ياهيثم رغم اني لا اعرفك يكفي فقط انك سوداني ، وانا سوداني الهوى
لقد وصلنا بنا الحال في زمن دولة الفجار
ان يتقدم ا حد أبناء هذا الشعب ا لمغلوب
على امره لزبانية الطغمة الحاكمة بطلب
للتنازل عن جنسيته السودانية بالميلاد !؟
:mad: والسؤال الذي يحيرني ويحير الجميع:mad:
من الذي اعطي الحق لمن استولى على الحكم بليل والناس نيام
الحق في تقرير مصير هذا الشعب الابي ؟
فينزع الجنسية عن من يشاء … ويعطيها لمن يشاء ؟
يقطع من السودان ما يشاء ….. ويترك منه مايشاء ؟
يجلد من يشاء ….. ويغفر لمن يشاء ؟
يعز من يشاء …. ويذل من يشاء ؟
يا لهف قلبي على وطن كان مليون ميل قبل وصول (هؤلاء)
يالهف قلبي على وطن كان سلة غذاء العالم قبل وصول (هؤلاء)
يالهف قلبي على وطن كان فيه خير وسلام وامن قبل وصول (هؤلاء)
يا لهف قلبي على وطن سوف يصبح في القريب أجزاء .
وحسبنا الله ونعم الوكيل على من ظلم.
حسبي الله ونعم الوكيل فيكم
السلام عليكم ورحمه الله تعالى وبركاته الحقيقه دي اول مره اشارك فيها بتعلق في الصفحه دي بالرغم من انو مواضيعها تستحق التعلبق والاشاده انا كان لي شرف الزماله والصداقه مع الاخ هيثم وهو انسان اكثر من رائع ولو احنا اتصدينا للظلم زيو كان الوضع اختلف والامور ما الات لما هي عليه احنا بنصف انفسنا بالشجاعه والصفات النبيله بس للاسف الشديد بقينا عكس الشي الاحنا متخيلنو عن انفسنا الغالبيه العظمى مننا عارفا انو في ظلم وفساد لكن راجين زول يغير لينا واقعنا وفي نفس الوقت في البجتهد للتطبيل والمراوغه وتجميل الواقع المرير اوالحمدلله الناس بقت واعيه بس ناقصانا الشجاعه
هؤلا يعدون بالملاين ممن ضاعت أحلامهم ومستقبلهم ومنهم من ضاعت حياتهم وروحهم سدي أنا أعرف أناس ناهيك عن تنازلهم عن الجنسية بل أنهم تنازلوا عن مجتمعهم وعن دولتهم يعيشون علي كفاف كرهوا حياتهم وكل مبلغ همهم هو خروجهم بأي طريقة الي أي دولة مهما تكن هذه الدولة وبالفعل هاجر منهم الي دولة أسرائيل والتي تعتبر عدوة لهم ، وكثيرمنهم يعانون حتي أذا أرادوا هم الخروج بمحض إرادتهم في كيفية الهجره
والله يا اخوانا انا طبيب اعمل في المملكه وحصلت قصه غريبه لمن كنت في الجامعه وهي انو لمن طلعت النتيجه بتاعة الدفعه في البورد في احد السمسترات كان فيها شخصين من دفعتي صاقطين في المعدل وهم طبعا من الكيزان المعروفين في الكليه فاذا بنا نتفاجا بعد نص ساعه فقط من خروج النتيجه بانو البورد تمت مصادرته بعد شويه طلعو بورد جديد وفيهو الشخصين معدلاتهم اعلي من جيد وحتي الان انا اعرف الشخصين واحدهم شغال في الوزاره تحديدا مكتب الوزير والتاني في مستشفي امدرمان فلله درك ياوطن
أخونا هيثم أسال الله يعينك ..
لكن برضو إنتا غلطان !! ما تستغرب
كان بكل بساطة ترجع الهند تاني وتكمل دراستك بعد ما شفتا بعينك صعوبة مواصلة تعليمك في السودان
وهسّي ما راح منّك شي .. أرجع وكمّل دراستك هناك
تعاطفي معك .. ولك كل التوفيق بإذن الواحد الأحد
ربنا ينصرك اخونا هيثم ..كنت ضحية لقرارات التخبط والعشوائية الغير مدروسة ..
من المفترض أن يكون قرار وزارة التعليم العالي بالسماح للطلبة الذين كانوا يدرسون
بالخارج بالعودة الى مواصلة دراستهم فى الجامعات السودانية
1- حسب شروط التعليمالعالي لنفس السنة التي درس فيها الطالب حتي لايتظلم ابناء
دفعته ..
2- وان تكون االشروط معلنه للجميع
3-وأن يتم التقديم والقبول من خلال ادارة التسجيل والقبول بالوزارة ..وليست عن
طريق الطالب نفسه ..وذلك حتي نضمن سلامة الاجراءات ووجود من يتحمل المسؤولية
كاملة فى هذه الحالة ..
اما تنازلك عن جنسيتك وعن بلدك وترابك ووطنك وأهلك ..فهذا أمر غير وااقعي
وغير منطقي ..وحدوث خطأ أو ظلم من اشخاص أو عصبة معينة لايعني بأن الكل
مخطئ أو ظالم ..وتأكد بأن الكثيرين فى الجامعة نفسها قلوبهم معك
ويستنكرون مثل هذه التصرفات ولكنهم بقلوبهم فقط ..لانهم غير نافذين أو لايملكون
القرار الكافي لانصافك ..
وهذه قدرك ليس الا ..وكما جاء فى محكم تنزيله( وعسى أن تكرهوا شيئا وهو خير
لكم وعسى أن تحبوا شيئا وهو شر لكم ، والله يعلم وأنتم لا تعلمون ) سورة البقرة
قاعدة قرانية عظيمة فى بيان قضية المصالح والمفاسد ,,
أعانك الله اخي هيثم وتأكد بان أمثالك كثر جدا فى مجتمعنا السوداني ..بس فايتنك
بالصبر ,,,,
اخونا وابننا هيثم مشكلتك دى حلها فى يد أى هلفوت من جماعة الانقاذ يعنى ما
ضرورى الرؤوس الكبيرة ____ اى واحد من اللجان الشعبية ولا الجماعة اللافين ساكت
ديل ____ بس تكون من جماعتهم __ ولو مامنهم اعمل ليك دقينة وادخل عليهم ___
ياشيخنا ياشيخنا ___ امورك كلها تتسهل ___ لكن لوشموا ريحة معارضة ___
سلم امرك لله مش عشرة سنة ___ باقى العمر ان شاءالله ___
ديل ملة غريبة___ حاجة تانية غير البشرية___ عليه اللعنة الى قيام الساعة ___
ومافى حاجة اسمها التنازل عن جنسية الانقاذ __ ديل السودان بقى حقهم __
وياهيثم كلنا على دربك سائرون ___ سنترك السودان بمافيه وبمن فيه للكيزان
الملاعين _____
وحليل وردى لمن غنى(ابدا ماهنت ياسوداننا يوما علينا )______
بسم الله الرحمن الرحيم
هيثم ابدا انشاءالله اذا تمسكت فى الله لا يضيع لك شئ مهما كان ،
نصيحتى اولا تستمر فى المحكمة ، ثانيا تحاول مقابلة الرئيس البشير
او نائبه طه وانشاءالله لا يضيع لك شئ 0
ثالثا فى السودان يوجد حقوق الانسان واذا عايز تصل لهم ممكن والان
يمكن يكونوا اتصلوا بك 0
رابعا اذا فعلا كلامك هذا ليست له ابعاد اخرى اذا جربت كل هذه القنوات
ولم تصل الى شئ ، وانا متاكد الرئيس او نائبه سوف يكونوا اتصلوا بك
اذا لم تصل لحل بعد فترة انا سوف اتصل عليك وارسم لك الطريق 0
ابدا ياهيثم لا يوجد سودانى يريد ان تترك جنسيتك
والحكومة ووزارة التعليم هم اول المبادرين لموضوعك 0
وطنـــــــــــــــــــــــــــــــــــــــــى00
الاخ الدليقابى خليك موضوعى ولو لمرة واحدة__الموضوع واضح وماعايز درس عصر
ضيعوا مستقبل الولد بأخطاؤهم وتبلدهم وعدم اهتمامهم ___ والدراسة فى الهند
تختلف عن السودان ___ يعنى التخصص فى الثانوى مايمنعك من دراسة اى كلية
ترغبها _____ وهنا الغلطة ماغلطة هيثم __ لانو كان ممكن اخباره من بدرى__
اما الاخ البيتكلم عن اخطاء الطب لانو الشهادة كانت آداب __ فهذا رأى غريب وعجيب
يعنى دراسة الثانوى بتأثر فى الدراسة الجامعية ؟؟؟
الذا حاجه تاخد جنسيه امريكيه وتخلي القرايه وتخش الجيش الامريكي
ولمن تجو تحتلو السودان تجي لي عميد الكليه تقوليهو كنت داير اقرا معاكم بس حسي انا البقريك القرايه الصااااح
المشكله يا اخوان ماليها علاقه بالسياسه والانفصال حسي المعارضين بستقلوها
في السياسه
اخى لك قضية وقضية عادلة وتصرفك هذا كشف للكثيرين ان المواطن المغلوب على امره ليس فى لائحة الموتمر الا وطنى وان ممتلكات الشعب داخل باطن الارض وخارجها فى صدر لائحة الموتمر الا وطنى دينهم دينارهم ياكلون حتى الفتات فى موائد الفقراء اخى لا تستغرب فهم تجار دين وانصحك بمواصلت حملتك وفضح هولا المجرمين بالاسماء الذين ضيعوا حاضرك ودمروا مستقبلك فى الى النت والفيس بوك وانشر قضيتك تموت الاسد فى الغابات جوعنا ولحم الضان تاكلها الكلاب
الاخ هيثم
السلام عليكم ورحمة الله تعالى وبركاته
والله قصتك تفقع المرارة وفعلا حكومة الحرامية تجار الدين قتلة اهل دارفور تعمل فينا اكتر من كده
احسن حاجة انك اتنازلت من جنسية جغمستان وانا برضو حاعمل نفس الحاجة
محمد – شندى
90% (على الاقل) من المغتربين هم في حقيقة الامر لاجئين شردهم الانقاذ ,
بضهم شردهم الاعتقال
وبعضهم شردهم ما يسمى بالصلح العام (صالح ورق جماعة الملوص).
وبعضهم شردهم استئثار العصبة بالثروة وفرص العمل.
وبعضهم لم يستطع أن يتعايش الفساد الذي عم البلد .
السودان ليس ورقة نحملها لتؤكد سودانيتنا السودان انتماء وحب نحمله في دوخلنا ويجري في دماءنا
ولكن الانسان قد يحزن ويتألم لضياع سنوات من عمره وان تقف بعض المعوقات والصعوبات المفتعلة حاجز في طريق تحقيق اهدافه
وما حدث للاخ هيثم هذا مثال بسيط مقارنة مع ما واجهه كثير من السودانيون من اضهاد وظلم من هذا النظام الفاسد ، تخيلوا كيف يكون حال الأسر التي اعدم ابناءها من القوات المسلحة دون محاكمة عادلة وكيف يكون حال الأسر التي تم فصل اولياء امورهم من الخدمة المدنية وكيف يكون حال الأسر التي صرفت على ابناءها لتعليمهم والان هم جالسين عطالة وكيف يكون الحال لاسرة ولي امرها يتقاضي 300 جنية ،
في السودان انحط كل شي واصبحت الحزبية هي المعيار فاذا ارد ان تعيش مرتاحا فكن كوزا ولكن لاجل قريب فتذكر انك راحل منها موتا او بتغيير باذن الله وتذكر ان كل مالا اخذته او وظيفه تقلدها دون وجه حقك سوف تحاسب حسابا عسيرا
وأسال الله ان يعين الاخ /هيثم في مشكلته ويسهل امره
والخطورة في هذا سوف تفتح باب الانفصالات الجسمية لكثير من المظلومين ولكن الارواح ستظل عالقة وهائمة بهذا الوطن
داير تدرس صيدلة سبهللة سااااااااااااااااكت.. تلقاه جايب 40% او ساقط كمان… عامل دوشة مالك.. شرط الجنسية اذا ما عايزة..داير ليك لواء يحنسك .. والله اللواء شايف شغلو تمام واداك الرد التمااااامكان ليك .بالله اتلم.. وشوف باقى عمرك…من الاول انت مشيت غلط
الاخ هيثم باذن الله سبحانه وتعالي سوف تعوض عن الضرر الذي لحق بك بس سؤالي لك لماذا تتنازل عن جنسيتك ولماذا تخاطب رئيس غير شرعي اتي عبر دبابه ولماذ تخاطب ما يسمي نفسه رئيس وهو قاتل لاكثر من مليون مواطن سوداني في عهده اكثرهم مات بسياسة الللصوص الحراميه بدعوي الشهادة في جنوب السودان والاخر قتل في دارفور بيد الزمرة الطاغيه والاخر قتل بدم بارد اما مات مكسورا الجناح بالامراض من عدم وجود العلاج والاخرين لدي اجهزة الامن الساقطه انت كان بامكانك ان تخاطب منظمات حقوق الانسان وترفع دعوي بالخارج لملاحقة ما يسمي بمدير الجامعه ووزير التعليم وكل من له علاقة بموضوعك حتي علي الاقل تحظر دخولهم لبلدان تستجيب لدعوتك لكن الصبر طيب اصبر سوف يقتص هذا الحق قريبا اصبحت نهايتهم قريبة جدا هؤلاء اللصوص الذين سرقو اموال الشعب وخربو البلد وافقروها وجعلوها ترزح تحت الفقر واضاعو وحدة اراضيها هذه هي تمزق الاخري وراء الاخري
ربنا يورينا فيكم يوم يارب العالمين نري رؤوسكم في المشانق لما سببتموه في الشعب السوداني
فعلا حسب كلام العلامه الطيب صالح من اين اتي هؤلاء؟؟؟
ياعبدو ابناء الشرق هم اسياد البلد قبل ماتدحل انت البلد …… اما علق علي الموضوع المطروح ولا اسكت
قصة اميمة واحمد هينة حتى كمان مأساة حسان لو لموهم ما بتساوى نص مأساتك يا هيثم
تعليق صغير عشان الناس تعرف
1 – سيتم حظر التجوال بحجة الاوضاع الامنية والتفلتات فى رأس السنة
2- سيتم حظر الطيران الدولى والداخلى برضو لاسباب امنية
3- حظر على الصحف من تداول اى موضوع وتشتغل بالمشامرات فلانة طلقوها وفلان كتلوهو
4- ارتفاع للاسعار شدييد عشان الكيزان يملو بطونهم سريع قبل الوهمة
5- اطلاق السلطة لجهاز الامن والجيش والبوليس اكتر من كده باختصار تفتح خشمك تتلطش
6- ما دايرين اى وهمات من اى وهم من الاحزاب لا تقول مسيرة سلمية لا حربية
7- فرض قوانين صارمة على المواطنين بعدم فعل اى شى استثناء الكيزان
وده كلو طبعا لصالح المواطن لانو حكومتنا بتخاف علينا شديد وما دايرانا نتأذة حتى من انفسنا
فى الختام الله يكون فى عون الشعب
لله درك يا وطن
والله انا احترت اثنا ء قرايتي للموضوع قايله نفسي بشاهد فلم ولا حاجة من النوع دة لكن مافي حاجة مستبعدة زي ما قال الاسعد هو الوزارة بترد والله كلام ما عايزين نبكي عل الما ضي ونقول ياريت لو رجعت الهند وقريت ربنا يقويك عل كل حال قلوبنا معاك انا متاكدة ناس كتيرة متأثرة جدا لكن العين بصيرة واليد قصيرة في كتير غلابة ضاعوا بالسخافة الزي دي لكن زول جايب ليهم خبر مافي انا ما عارفة لكن كان قبلو تنازلك دة انا عن نفسي لو اتحدوا مع الشباب نعمل تنازل جماعي تايدا لك
لفت نظرى تقييم للتخصص فى الشهادة السودانية بمساقيها رياضيات واحياء وتحديد التخصصات الجامعية على اساسها وكان هذه الشهادة السودانية نهاية المعرفة والعلم ولكن العبرة اذا توفرت الفرصة للدراسة الجامعية فى الكليات العلمية بكل تخصصاتها بالاستمرارية والاداء والتفوق و لا اعتقد ان ذلك يقف حجر عثرة ولكن التسويف وتضييع الحقوق بالنفس البارد هو السمة السائدة فى زمن اختلطت فيه الامور والمحسوبية والعنجهية وشذاذ الافاق الذين سادوا هذا البلد وصدق القائل من اين اتى هؤلاء
يااللواء بابكر أحمد الحسين كيف تقبل هكذا طلب بتلك الإستجابة البليدة يا سجمان يا رمدان لكم أصبر بكره النظام بتطير وبتنحش إنت وكل الطغمة الحاكمة بينحشوا معاك
قبل الانتخابات المخجوجة قال الانافع للطلاب العاطلين من يريد وظيفة فاليأتى الينا فى المؤتمر الوطنى …. لذلك اقترح عليك الانضمام للمؤتمر الوطنى وسيضمن لك هذا الحزب الاتى :
نجاح بتفوق – عمل مضمون- يمكن ان تسرق ولاحساب ولا محاسبة – اذا رغبت فى شهادة عليا فهذا يتوقف على مدى تملقك وانكسارك وان تردد كالببقاء صباحا ومساء هى لله هى لله لا للسلطة ولا للجاه والطاغية الامريكان ليكم تدربنا وفى حالة الموافقة سنقوم بارسال المزيد من وسائل الخداع والمداهنة
اولا نتمني من المسوؤلين الالتفات الي الاخ هيثم حتي لا يضيع مستقبله سدا……………….الشئ التاني وبما ان الموضوع عن الجنسية,,,,,الجنسية السودانية اصبحت تعطي للاعبين الكرة المحترفيين قبل حتي ما يصلوا السودان!!!!!!!!! (وما الحضري منكم ببعيد) ,,,,باالله دي بلد, ذي المهزلة دي ما تحصل الا في السودان, الله يكون في العوون
النصر لنا باذن الله حسبي الله ونعم الوكيل لكن يا عمنا هيثم انت غلطان سودان شنو البتقراء فيه وما احلا الغربة
هيثم أنا معاك .. الجرجرة موجودة في المكاتب…
لكن بس قرار التنازل عن الجنسية ده حقو تخليه
وخليك سوداني .. دماً ولحمًا وعظما.
يااخونا هيثم شكلك زول مرطب انت قدرت مشيت تقرا في الهند الجابك السودان شنو بعدين اي طالب امتحن شهاده سودانيه عارف المواد العلميه والادبيه يعني قبل الجامعه بكون عارف الماده الشايله بتدخلو ياتو كليه انا حاسي انو موضوعك فيهو انه ولمو فيهو ناس ظعيط ومعيط والله انا ضد سياسة الكيز بس متكيف منهم عشان مخوفين الجماعه غير النقه في النت زي النسيونات اطلعو الشارع لو الوضع ماعاجبكم انا الرجال فنجحها في فعلها لا في الكلام الناس كلها لافه ساااااااي ياهيثم فايتنك بالصبر ربنا يفتح علينا وعليك اللهم اهلك الظالمين بالظالمين واخرجنا منهم سالمين
معظم الشعب السوداني يعاني من محاربه السلطه له و وضع العراقيل وكل اساليب القهر حتي يقر بلانتماء لتنظم الانقاذ والا فهو مهمش وغير مرقوب للعيش في هذه البلاد واذا اصبح من جواري المؤتمر فتحت له ابواب الثراء وتعدد الزوجات وركوب العربات وامتلاك الدولارات فاصبح المواطن لايشعر بانه في وطنه وليس له حقوق وغير مرغوب فيه كانه مغترب بلا اقامه في وطنه ومااكثر هذه الايام البحث عن اوطان جديده ليس كرها في الارض ولكن فيمن يتحكمون فيها فاذا كنت ياخي هيثم من اتباع الوطني لكنت الان مستشار او وزير في الصحه وهذا مالم تفهمه من البدايه او تشابه اسماء وعند اكتشاف عدم انتماءك للتنظيم اظهروا لك الوجه الاخر واشاطرك الراي اما النفاد بجلدك خارج الوطن او تصيح بعلو صوتك تكبير تهليل مع رفع يدك عاليه في كل حشد جماهيري ولاتنسي الاغاني المفضله للزعيم
بسم الله الرحن الرحيم
خيرالكلام ماقل ودل اولا راجع نفسك مع ربك ثانيا اليوم حياء وبكره موت لاتتبلي علي الاخرين لكي تفتح باب الفتنه انشاءالله كل من اساء للوطن وولات الامر انت مشترك في الوزر والله علي ما اقول شهيد وانا لله وانا اليه لراجعون انشاء الله.سوداني غيور مهما كان:mad: ومحب لله والوطن:cool:
بسم الله الرحمن الرحيم
والصلاة والسلام علي خير خلق الله اجمعين
سيدنا وحبيبنا محمد وعلي اله وصحبه اجمعين
هذا تعقيب ونداء
الحمد لله انه بيننا عقلاء ومنصفين واري في بعض كلماتهم عدلا واعتدال .
اولا فليعلم الكل اني لا انتمي الي حزب او جهة او طائفة ولو كان نبينا محمد صلي الله عليه وسلم من غير عند الله ما تبعته , قلت ذلك حتي لا يظن اصحاب الهوي ان ادافع عن احد.
اخي الفاضل اعانك الله علي ما لاقيت , واعلم انك من جلبه علي نفسك اولا , فقد اوفي لك الاخوة بالنصح وما اراهم قد قصروا
ثم انه مالذي اتي بك من الهند بلاد الديمقراطية المزعومة والتي نقصت علينا حياتنا هنا ونادا بها كثير من العوام واكثر العوام هوام
لا تقل لي انها الوطنية فهذا افتراء فوطنيتك قد تجلت في موقفك , واعلم انه لو ضاق طريق فبها الف طريق
لقد عانيت اكثر مما عانيت منه بذات المشكلة ولكن تدارك الحلول مع العقلانية اوردنا السعادة فيما بعد . وهذه السنوات التي اضعتها لو التحقت بها في مجال تخصصك لكنت اليوم دكتورا في مجالك
((( مَا أَصَابَكَ مِنْ حَسَنَةٍ فَمِنَ اللَّهِ وَمَا أَصَابَكَ مِنْ سَيِّئَةٍ فَمِنْ نَفْسِكَ )))[النساء:79]؟
ثم ان امر قبول تنازلك عن الجنسية لماذا لا ينظر اليها ذوي الاحادية هؤلاء علي انها دميقراطية وحرية اختيار .
اما النداء فهو :
الي كل المنادين بذهاب هذه الحكومة وآملين ان تاتي لتحكمنا الملائكة بعدلها من السماء اعلموا رحمكم الله
ان فسادنا منه فساد راعينا والعكس ايضا يصح
لذلك اخوتي اتمني ان تصبح هذه الدعوة دعوة عالمية تتناولها اجهزة الاعلام كافة وبكل اشكالها وان تعقد لها المؤتمرات واللجان والجمعيات الي غير ذلك
دعوتي حاكت في نفسي منذ ان تناديتم بالخلاص ولم اري منكم من اتي به
هذه الدعوة تتمثل في الاتي
فليكن كل واحد منا قاضيا علي نفسه ومحام وخصما وخصيما
هو يعرف من ظلم وما فعل
ليكن الكل شجاعا وليذهب الي المحكمة او الي من ظلمه وليقل هذا حق فلان قد ظلمته فيه بدءا بالدماء وانتهاء باصغر الاشياء
ولا يكون هذا الا من بعد تثقيف ونداءات ودعوة تجول ربوع الفكر والضمير
فلنسلط الاعلام عليها عاجلا ولنجعل لنا شرف بين العالم اجمع يوم ان يحتفل الناس بهذا اليوم
ولنا ان نسميه تخليدنا لذكرنا
يوم الأوبة السوداني
والله لو حصل هذا فاعلموا انه ستتنزل علينما السماء رزقا كما تنزلت علي بني اسرائيل
ولكم ان تأتوا برؤاكم واقتراحاتكم ولكن عجلوا لنا فهو الفرج وهو المخرج وهو السبيل
والله المستعان
م / كرم علي سيد احمد
الجماعة ديل اتخلصوا من الجنوبيين 1 شمالى طوعا ولسان حالهم يقول عقبال باقى ال30 مليون طوعا او كرها
الاخ هيثم :
لو كنت مكانك لما تنازلت عن الجنسية السودانيه ؟؟؟ فالسودان لا يعني الكيزان ؟؟
فأنت رجل صاحب قضيه … دافع عن قضيتك واحمل السلاح وقاتل هذه الطغمه الفاسده ؟؟
انضم لحركات الثوار في دارفور او قوات عرمان في النيل الازرق ؟؟ لتنصف قضيتك ؟؟
ولكن أن ترمي بجنسيتك عرض الحائط لتطلب جنسية دولة أخرى فهذا أمر نشاذ وحتى الدولة الاخرى التي تطلب جنسيتها لن تحترمك ؟؟
لا تفقد هويتك وتراجع عما انت مقدم عليه ؟؟ فطلب اللجوء والهجره للغرب لا تتم بهذه الصوره الجشعه ؟؟
يااخوانا عاوز اساعد الزوول ده ممكن. انا في اوربا وبحاول اوصل الحكاية دى لي جهات ممكن تساعد
اسال الله ان ييسر للاخ هيثم – و ادعوه بالثقه بالله سبحانه وتعالي
وربنا قادر عي تفريج كربته – حاجه صعبه والله ان تضيع سنواته هكذا
قال تعالي ;( اذا سالك عبادي عني فاني قريب اجي دعوة الداع اذا دعاني )
انصحك بقراءا كتاب الشيخ عائض القرني : لا تحزن : ستجد فيه السلوي كما وجدناها نحن
اخوك من الهند
ده طالب فشل في الهند و جاي يلعب أونطة في السودان.
قال إيه عاوز يدرس صيدلة بشهادة رياضيات.
اليوم بتاع الورنيش الشغال في كلية الصيدلة عارف شروط القبول في الكلية، إنت سعادتك ما عارف؟؟؟
بعدين أول شي بيتراجع في مكتب تسجيل أي كلية هو الشهادة السودانية أو ما يعادلها خصوصاً للمتحولين، تقول لي إكتشفوها بعد كم سنة!!!
يأخي إنت لو عاوز تتخلص من جنسيتك السودانية شوف ليك أي وهمة تانية تكون مقنعة.
بعدين عادي التلتلة في الجامعات للطلاب المطرطشين ودة ما سبب يخلي الزول يتنكر لوطنو!!!
طيب زي البتلتلو في المستشفيات و المحاكم ديل يسو شنو، يتنازلو عن دينهم!!!
آآآآآآآآخ يا قلبى
اكتب رؤيتك بدون توجيه اساءة..حتى يعرف الجميع ماذا تحمل في رأسك
الاساءة لا تفيد القراء في شئ
في حاجه مهمه عايز اقولها للاسمه هيثم العايز يتنازل عن جنسيته السودانيه – انت كيف عايز تتنازل عن جنسيه تحمل هويتك كمواطن سوداني او اجنبي وفي نفس الوقت عايز تفضل قاعد في السودان من غير هويه ؟؟؟ بالعقل كده دي ياتوا بلد وياتو قانون يسمح ليك تكون قاعد في بلد معين حتى لو بلدك ومن غير ان تحمل جنسيه بلدك ؟؟؟زي ما حضرة الكاتب يقول ( ويبقى في البلاد بصفة ضيف زائر) يعني خلاصه الكلام رد اللواء شرطة بابكر على تنازلك صحيح مليون في الميه – هي ما فوضه مافي بلد تسمح ليك بالعيش فيها من غير ما يكون عندك جنسيه او بالاصح جواز سفر يحمل جنسيتك وتأشيرة دخولك وسبب الدخول الى البلد —- عايز تنازل عن الجنسيه السودانيه اوكي روح جيب ليك جنسيه بلد تاني او جواز وعليه جنسيك وتأشيرة دخول
حقو ما تصطاد في الماء العكر يا اخونا هيثم مادام لافي في الدوامه من سنة دو شنو الجدا وخلاك تتنازل من جنسيتك في هذا الوقت بالذات هو الناس ناقصين هم وبلاوي وصدقني كل سوداني عندو هم اكبر من همك بس مابسو السويتو حاجه عجيبة ولو كل زول عاوز ياخد حقو بايدو لما وجدت لك فرصه لان حقك لا يذكر و انت قايل لو اتخرجت سوف تجد فرصة تبقي غلطان خريجين الطب بتفوق لافين في الهواء وقاعدين في وطنهم وانت قايل في دوله في العالم تديك جنسيه بالساهل واهم انت والسودان حقو تحيو ه في قلوبكم بلد العزه حماك الله
الحكومه جنـــّت و المواطنين لحقوها..
هسه هدفك شنو من التنازل عن الجنسيه؟؟ اهه و بعد داك؟؟ هل بتفتكر انك اذكي من الضحايا الغيرك.. اولا رغم انك شبه خريج صيدله الا انك بتفتقر لاهم صفات الانسان المتعلم الواعي و هي التخطيط.. حتبقي صيدلي كيف اذا بتجازف بمستقبلك لانك "سمعت" بقرار استيعاب الدارسين بالخارج؟؟ هل سالت نفسك عن محاسن و مساويء قرار العوده الي نظام يحكمه الشيطان و انت علي اعتاب التخرج و تملك ذات اليد لتنتهي طالما انك بديت؟؟
الاهم من كده.. شوف نحنا زي ما قال خالد ادريس المكتل اهلنا شنو غير واحد زيك يكون مساقو رياضيات و حايم في العنابر دكتور؟؟ قسما بالله انا اعرف ناس دفعتي من رواد الكنبه الاخيره و كانو يكادون لا يفقهون قولا.. مشوا الهند البتوزع شهادات يمين و شمال و قروا شي طب و شي صيدله و هندسه.. و في النهايه نحنا اللي لازمنا الفشل الاجباري بقينا ندفع تمن قراية الرجرجه خارج السودان و اذا كان الهنود ما سالوك من مساقك.. انا احي المسئول الطردك.. و لأكون عادلا.. غلطة الجامعه الوحيده انها قبلتك من البدايه!!! و إلا انا ما شايف اي خطأ في انك ترعي بي قيدك و تقرا في مجالك.. يا اخينا انت راح تركب ادويه!! انت متذكر الشي ده؟؟
قال صيدله قال!!!
و الوهم التاني البنصب نفسو علي رقاب الناس يهب الجنسيه و ينزعها ممن يشاء.. ياخي خلي الخطاب الجاك بدون تاريخ.. انت مستند علي شنو عشان تحرر ليك خطاب بالخطورة دي بدون مرجعيه موضحه انشالله برقم.. و ثم ثانيا ردك البارد ده بيوحي بعدم اكتراث الدوله بهذا الموضوع اساسا.. يلوي رقابكم…
و يا ولدنا هيثم.. حياتك امانه و الامانه مسؤوليه و المسؤليه تتخللها العقبات و احيانا الموت.. و اذا داير تغير جنسيتك بسبب مظلمه.. اسال الله يقلبك سمبريه عشان تطير محل ما داير بس رجع لينا جنسيتنا.. و كرتنا الاخضر ده ما لعبه.. دي امانه وصونا عليها جدودنا زمان.. و حاول انك تتصور كيف يكون الحال لو ما كنت "سوداني" و اذا ما قدرت انا كمان بسال ليك الله بخصوص موضوع السمبريه
الاخ هيثم كلامك مسموع ومقبول سوى انني لا اوفقك في التنازل عن الجنسية ليشغلوا به واحد ارهابي فهم ارهابيين طبعا فاصبر ستفرج الحال فلا تدوم الحكومات قد تجد قبولا في حكومات اخرى والتنازل بهذه الطريقة لا يقر عليه المواثيق الدولية في القانون الدولي الخاص وبالتالي ما عانيته فهنالك المغلوبين اكثر منك في هذا الارض اي السودان وهنالك فظائع الامور اكثر من ذلك وليس هنالك قوانين لردع المظالم في السودان فكل الامور انتهازية مؤتمر وطني واسلافه المستنفعين بدءا بالرتبة الذي يتقلده الرئيس البشير الذي فصل الجنوب في عهدة وانحط الاخلاقيات لابعد الحدود ويقلد نفسه مشيرا وحتما انه سيكون مشير الجنائية بلاهاي قريبا مع خمسون فرد من جماعة الانقاذ وشيطانهم الترابي خرج منهم بذكاء وهو صانع العمليات الانقاذية واكرر لك ان تصبر لان القيامة لاتقوم في السودان ومشكلتنا الوحيدة المركز وبعدين اسمك ظريف من الاسماء النادرة عندنا في الغرب وكردفان والمناطق الاخرى المهمشة فما السبب تجاهك فاذا قلنا انك لست من المناطق المذكورة فانت من اهل الشمال العربي الاسلامي الذين يكون لهم الفضل في نيل ثمرات هذا البلد اسوة عن الاخرين الذين ليس لهم اعتبار في حكومات النخب الشماليةام ان التهميش لكل من لا ينتمي الى المؤتمر الوطني فاحترنا من تصريحات قادة النظام الحاكم مرة ………..عروبية ………………اسلاميه ……………قهرية ……………انتمائية……وووووووووووووووووووووو
إلى الاخ محمد :
شايفك طوالي حايم زي البوليس :
الناس دي بتعلق هنا بناءً على الاخبار الفوق دي
والتعليق قبل النشر بتراجع من قبل القائمون على الموقع ؟؟
اوع تاني اشوفك تمارس وقاحتك وتطالب الناس بلجم غضبهم ؟ دا منبر ديمقراطي وفيه من الحريات الشيء الكثير ؟؟
انت عايز تنصب نفسك أداة رقابه صحفيه هنا ؟؟
قووووووووووووم لف بلا اساءات بلا كلام فارغ معاك ؟؟
كان الاجدر بوزارة الداخلية تحيول الطلب للتعليم العالي وحل مشكلة الطالب لان من السهولة حل المشكلة ولكن من الصعب فقد مواطن شاب يمثل مستقبل للشعب الفضل واقترح من قراء الراكوبة تبني مشروع اكمال تعليم الطالب في جامعة خاصة…. غايتو اصلاح ما يمكن اصلاحه
كل شى صعب يمكن ان يحل واصحاب الهمم لا توصد امامهم الابواب………….اخوتى دعوا الانغاذ وحالها ………فيكفيها هم الوطن الحبيب
حسبى الله ونعم الوكيل على كل ظالم … اللهم عليك بهم فانهم لا يعجزونك :mad: :mad:
كل الناس الذين رجعوا من الخارج عشان ثورة التعليم الغير عالي – فشلو – بسب بسيط . هو لايمكن ان تفتح بقالات او اكشاك جرائد و تقول جامعات – كلية الطب بجامعة كاب الجداد مثلا – مع اعتذاري لي اهلنا في كاب الجداد. الخطأ الحصل لي للزول تتحمله عماد الجامعة و المنظراتى الكبير ابراهيم احمد عمر المفتكر نفسه د. جعفر محمد علي بخيت له الرحمة . كلنا شربنا من هذا المقلب الحل يا اخي هيثم ان تصبر و تتابع قضيتك في كل الاتجاهات . و لا تتنازل من جنسيتك. لان السودان ده ما حق الكيزان . و لا استغرب لخطاب وزارة الداخلية الفالحة في جلد البنات -وقوات خليل اتعشو بالسمك في شارع الموردة . و طالما الابالسةلا بهمهم في سبيل الحكم ان يذهب الجنوب اوحي العرضة فلا يهمهم ان يقدم الشعب السودان الفضل مثا خطاب اخونا هيثم . و سوف يكون الرد شوفو ليكم حتة فاضية تقبلكم . الي الجحيم ايها الكيزان البلهاء . و اصل كفاحك اخي هيثم حتي النصر . عاش السودان موحدا . و الثــــــورة جايــــة . الثورة جابـــــــــة . و تصبحو علب ملبن مبل مربع .
قرار حكيم وشجاع يا هيثم
وتضامنا مع هيثم
انا اطالب حكومة جنوب السودان أن تعطيني جنسيتها
وبعدها ساتقدم بطلب اسقاط الجنسية الشمال سودانية الاسلاموية
غير مأسوف عليها ,,,,, حليل زمن كنا بنعتز بالوطن والجنسية
ما فائدة الانتماء لوطن لا يوفر ابسط حقوق المواطنة
أررررض اللــــــــــــه وااااااسعة
كلنا دايرين لينا دوله تقبل بينا وملعون ابو السودان ,,, ان شاء المولى عز وجل انتم السابقون ونحن اللاحقون ,,, يارب
السيد /خضر عطا المنان التحية نحنو شباب سودانيين وشبات كمان طلاب هجرنا اشان شنو نقرا خارج الوطن اولا لماذا لم نقرا في السودان ؟ اجوب لانو الاسعار في الجامعات الخاصة والحكومية 6000دولار 7000واكثر فتشني عن ارخص محل قالو لينا الدراسة في الفلبين رخيصة وجينا ودرسنا صيدلة ونحنا في السنة الثانية زارتنا للجنة 2008من السودان وطمنتنا وقالة نحن المفروض نشكر الحكومة الفلبينية لان قبلوكم بي البالغ البسيط دا علي كدا وصلنا الدواسة
اخى هيثم كلنا ذقنا مرارات ولكن حقت اعظم ابكتنى اخى عليك بالدعاء بان يريك الله حقك فى الدنيا قبل الاخرة
لا حول ولا قوتاً إلا بالله يا راجل تتنازل عن جنسيتك السودانية ليه عشان شنو وعشان منو وأنت قائل نفسك وين ( عائش في سويسرا ) يا زول والله هنا في السودان تموت مافي حد يجيب ليك خبر عشان كدة يا اخينا ما توهم نفسك ساكت ..
وبعدين إنت زاتو شهاتك بي رياضيات وعاوز تقراء صيدلة كيف ( وي عليك الله يحلوها ليك كيف ) إنت لوصحيح عندك شهادة اكيد علرف إنو شهادتك دي ما بتدخلك صيدلة (وإنت لو عارف كدة تبقي مصيبة ولوماعارف والله تبقي مصيبة اعظم )…
عشان كدة يا اخينا ما تتعب نفسك وتتعب اهلك معاك ابدا من الاول وتوكل علي الحي القيوم وادرس في مجال تخصص عسي ولعل يكون الخير فيهو ( وعسي ان تكرهو شيئأً وهو خيراً لكم … ) وإنت لو فاكر إنو الناس ما بتعاني تكون غلطان والله العالم في بلدي الحبيب بتعاني معانا لا يعلمها إلا الله ولكن برضو صابرة ( تعمل إيه يعني )
وبعدين إنت لو قريت أي تخصص صيدلة كانت ام هندسة أم قانون فليس هذا المهم في بلد مثل السودان وإنما المهم هل لديك شخص نافذ يزكيك بعد التخرج ( يعني بي البلدي كدة لو ما عنك واسطة لوكسرت رقبتك ما حاتشتغل ولو بتجي الاول علي دفعتك ) ولو عنك واسطة وإنت قريت هندسة ممكن عادي تشتغل صيدلي ( وده طبعاً عادي في بلد مثل السودان ) ….
ونصيحة اخيرة شوف مستقبلك وين وتوكل علي الله وسيبك من الوهم الانت مقرق نفسك فيهو ده
اخى هيثم الصبر طيب كما يقول اهلنا الصبر ظل النبى.إنتظر حتى لله يفتح ليك وتاملو قليل فى قصة صبر ايوب قبل تطرق جنسية الانقاذ يا جيغ كما يقولو اهلنا بعربى جوبا.الكل الان يعنى حتى وصلو الى إسرئيل .
ياهيثم لابد لكن ان تصبر كما نحن صابرون ,لكل شئ نهاية حتى للدنيا نهاية ولكن طالما نحن عائشون فلابد لنا ان نقاوم الياس بعدم الاستسلام,واحب ان اذكرك وذكر اهل الحكومة بان كل عهد له نهاية ولو دامت لغيرهم ماالت ليهم .عمك الترابى قاعد ذى ماسواهم بفركشهم ,ده دهية ده انا عارفه وانت عارف وهم عارفنه ,اقيف بعيد وشوف ربك موجود ..
لماذا تتنازل عن حق المواطنة هذه السابقة غريب لم اسمع بعد ويمكن تتخذ طرق الاخري لتنال حقوقك هنالك جبهات نضال بكل الاسلوب تناضل من الاجل الحقوق ممكن تنضم معهم ايما يوافقك اسلوب النضال و اذكرك بان كثير من الطلاب تضررو من القرار وزير ابراهيم محمد عمر هذا الشىخص فى اللحظة التى صدر اعادة الطلبة دارسين عن الخارج البلاد كان اثنين من ابناه يدرسون خارج السودان بنفقة حكومة السودان ولم يتم عودتهم بل طبق القرار لابناء المساكين والبسطاء وانا كنت احد من الذين تضرروا من القرار الوزير الجائر.
انا حقيقة ضد فكرة التنازل عن الجنسية عموما ولكن الاخ هيثم ولوفكر شوية كان ممكن يجد حل اسهل وهو ان ينفصل مع الجنوب او يطلب من الاخوة الجنوبيين اعضاءه الجنسية بعد الانفصال وعلي الاقل يكون هذا اختبار للاخوة الجنوبيين.
اخي هيثم عليك بدعاء الرسول عليه الصلاة والسلام عندما عاد من الطائف
اللهم إليك نشكو ضعف قوتنا وقلة حيلتنا وهواننا على الناس يارب المستضعفين أنت ربنا يارب المستضعفين أنت ربنا يارب المستضعفين أنت ربنا إلى من تكلنا إلى عدو يتجهمنا أم إلى بعيد ملكته أمرنا إن لم يكن بك غضب علينا فلا نبالي ولكن عافيتك أوسع لنا نعوذ بنور وجهك الذي أشرقت له الظلمات وقام عليه أمر الدنيا والآخرة أن ينزل بنا سخطك أو يحل علينا عقابك لك العتبى حتى ترضى ولا حول ولا قوة إلا بك.
والله ناصرك وناصر كل مظلوم
انته يا هيثم ما دام كنته في الهند الرجعك السودان شنو ما عارف انو في السودان في حكومة استبداد….يازول لخير انشاء الله….لكن راجع نفسك في موضوع التنازل ده… دي حكومه ماتستحق انك تفارق اهلك عشانها:crazy: :crazy: :crazy: :mad: :mad: :mad:
الابن هيثم . انت سودانى رغم انف الجميع …. انت امدرمان انت جوبا انت ادروب ومنجاك انت يا ابنى السودان كله بتنوعه الثقافى والاثنى … انت فوق كل هولاء الذين يودون اذلالك … انت ابن هذا الوطن من حلفا حتى نملى …. انت ابن هذا الوطن من حلايب حتى برنجيه وزالنجى …انت يا ابنى جزء من هذا الوطن وان تنكر لك الساده الكرام ابناء الكرام …. انت رغم انفهم ترفع رأسك عاليا لانك من قلب هذا البلد …. وغدا لناظره قريب …. عليك بالصبر فان الشمس لابد وان تشرق وان طال الليل البهيم …. غدا سوف تنصف وتجتاز كل المحن بقوه ارادتك وتوفيق السماء التى لا تنام
يا هيثم سيبك من الحكومه الظالمه وفكر في نفسك واهلك والله يعوضك خير يا دكتور;(
لقد كانت خدعه لكل سودانى طيب و لا اعنى طيب بالمصرى ( اهبل ) ، عندما اعلنوا بان التعليم متاح للجميع فى السودان فى جامعات عددها حدث عنه و لاحرج ، و توفيرا للعمله الصعبه .
كانت الطامة الكبرى لامثال هيثم و غيره عند عودتهم بمواجهة الواقع المرير ،و لكن هل تعلمون عندما كنتم تعودون مستبشرين كان ابنائهم يشدون الرحال لبلاد العلم فى الخارج من هاى اسكول الى الجامعه و درجات ما فوق الجامعه ؟؟؟؟ لا لانهم سودانين عليهم العوده بل لانهم ابنائهم و يجب ان ينالوا اعلى مستويات التعليم و من دول الاستكبار .
هم يرون ويرعون من والاهم ، و الويل لمن لم يطيع ، فقطع المرتب و ايقاف البدلات مصيره، لايهم ان كان له ابناء و التزامات ، حتى لو تدخلت السفارات ، حتى يتوبوا ويعدون الى الحظيره . تصور ان لديك اسره و اطفال يذهبون الى مدارس و ايجار و فاتوة كهرباء منها تنور و منها تدفى بيتك . هذا حدث لمبعوث دراسات عليا فى كندا و كنت معاصرا لمحنته و حمدا لله صمد و اجتهد حتى اكمل دراساته العليا بتفوق و رغما عن ذلك لم يفضل البقاء فى كندا و عاد الى السودان ولا وظيفه ثابته فى انتظاره كغيره من اولاد المصارين البيض. .
فلكم الله فهو خير معين.
الله الله .. الله الله ,, انت اذن العبقري الوحيد في دولة الاربعين مليون مفجوع .. انت العبقري برغم شناعة المصيبه , اخي هيثم لو ان هذه الفكره طراْت على بال الاربعين مليون مذلول لاصبح زمان ناس الموءتمر الوطني يحكمون دولة (البدون) وهذه دعوه لكل من لم يحصل على جنسية الذل هذه عليه ان يذبح الكرامات شكراً لله على ان وفر عليه مشقة الاصتفاف في مكاتب الداخليه بقية الحصول على وثيقة الذل , وعلى الذين حصلوا عليها الذهاب جماعات وفرادى الى مكاتب الداخليه لتسليم وثيقةالذل بقية الحصول على الراحه النفسيه من مرارة الهوان التي طالما اذدردناها لعقدين من الزمان .. اخي هيثم هذه تهنئه ازفها لك من قلبي على ان هداك الله لهذه الفكره , ولست بهذا الحديث اراني كافراً بحقيقة انتمائي لهذه الارض الطيبه , لان الارض لا تاخذ بجريرة (حاكميها) ولكن اراني كافراً جداً بتصرف مجموعه استلبت الارض والزرع والضرع وحولتهم بقدرة قادر الى ملكيه موروثه ,, استلبت ارادة ملايين من البشر لكاْن ثمة ياجوج وماجوج استبقوا القدر وثقبوا علينا الارض ,, لكاْن المسيح الدجال يصادر ودياننا وانهارنا واْحلام الاطفال الرضع ,, لكاْننا سلمنا بان لا احد جدير بان يحكمنا ويفتي لنا , بل ويستعبدنا غير هوءلاء .. حسبي وحسبك الله اخي هيثم .
يا هيثم يا اخوى تعال لينا فى وادى حلفا نديك الجنسية لكن خليك عارف انحنا ذاتنا ما عارفين نفسنا تابعين لى وين
اخي الكريم السلام عليكم ورحمة الله
ادعو ان يعينك الله
اولا كل طالب يعرف بان تخصص لايحق له ان يدرس صيدلة وهو شي معروف وانت ايضا تعرف هذا جيدا
ولكن مادام ان الجامعة اخطاءت وقبلتك فهي التي تتحمل المسئولية وهناك قصه مشابهة لك فد حدثت لزملان لنا
وهي عكسك تماما حيث ان الطلاب تخصصهم احياء ودرسو هندسة
وهو ايضا ممنوع
ولكن لحكمة ادارة الجامعة وتحملها لمسئولية خطاءها قامت بحل لهذه المشكلة
والحل هو ان اجلست الطلاب المعنيين لامتحانات في مادة الرياضيات تخصص وبعض المواد العلمية
وبهذا يكون قد درسو وتخصص
واصبحو موهلين لدراسة الهندسة
ولو ادارة جامعتك اثتثنتك وادخلتك انتحان احياء لكانت حلة المشكلة
والله يا هيثم انت مظلوم والف مظلوم لاكن في نفس الوكت انت خلطان وخلطتك انك صدقت ناس الانقاذ لانو ديل اكتر ناس كظابين في العالم 0000 ما تخلي جنسيتك لانو دا حقك والسودان دا ما حقهم واصبر بجي اليوم بتلقى حقك فيهو وما على الله ببعيد
my brother haithem, i give advise, you can return back your oldy university in india , and contionus your study of pharmacy there , after you complete, return back sudan or onother arabic contries and you work there , please dont stop your future, i think you have good future, near time, . thank you
والله ده مفروض مفروض عليكم ياناس الانقاذ تدوا تعويض مالي كبير عن السنييييين الراحت منو والزهج الحصل ليه وخلو يقرا صيدلة زي ماهو عايز . يعني لو كان أخو واحد منكم أو ولد واحد منكم كان حصل ليه كدى . أنا عايز أعرف المستشارين الكتار للرئيس ديل شغلهم شنو ؟ ده ماواحد من شغلهم ! ومن قتل نفسا كأنما قتل الناس جميعا , يمهل ولايهمل . اليوم خمر وغش ووووو و………..غدا أمر .
قصتك دى بتنفع يعملوها فلم
اخونا هيثم وجيعك يقتل لكن الناس ديل كلنا درسنا معهم بالقوة، وربنا منتقم منهم في اولادهم والله اولادهم اكثر الناس فشلاً وكمان عواره يكفي انك عرفت تماما كبف تدافع عن قضيتك المنتصرة في ظل قضاء فاشل , لذا حاول مواصلة دراستك السودان بلدك ومن حقك ان تقتلع حقوقك ،ويمكن الراكوبة تفتح باب التبرعات وكلنا ايادي بيضاءنصرة للحق وقهر الظلم، جعلوا اولادنا بائسين الله ينتقم منهم ، والواحد لمن يسمع البجاحه في الكلام كانوا السودان حق ابو واحد منهم.
السلام عليكم ايها الشعب السوداني المتبيقي .. اعتقد با هولا الشرزمه الحاكمه لاتيركم ايانتباه بل تري اننا قطيع ويجب التصرف فيه حسب ما عوزين .. هم الملوك ونحن المعيز ………. ولكن يجب علينا ان ندق الان ساعة الخلاص منهم ولو برفع …. مع العلم هو خيار لانريده الان يجب علينا ان نسعي للتخلص من هذا الجحيم لكي نعيش احرار في ماتبقي من السودان
والله معك كل الحق ولكن لاحياه لمن تنادى انهم يخدعون فينا طيله الاعوام الماضيه ماذا تنتظر منهم عزيزى انك اجدر بالجنسيه منهم ولكنهم لايستوعبون من المفترض ان تنزع منهم الجنسيه بعد فرقوا بيينا سالبى كل ماهو جميل فى وطن العزه التى افتقدناه بعد ماجلسو ا فى الكراسى واصبح همهم الشعارات الزائفه بالدين والاسلام
نسألك يا أرحم الراحمين أن تشد ما أزرنا، وأن تقف في وجه الطاغوت وتمنحنا الأمن والاستقرار، نرفع أكفنا لك عالية يا مالك الملك أن تنجينا من هؤلاء الذين ضيقوا علينا الدنيا بما رحبت وجعلونا تعساء نعاني مُر الحياة.. نسألك يا حيّ يا قيوم أن تزيح من على صدورنا تلك الفئة الظالمة الباطشة التي فتكت بخلقك وجعلتهم جوعى وعطشى يجوبون أصقاع الأرض بحثاً عن لقمة العيش والأمن والآمان.. يا الله.. عشرون عاماً، عام ينطح عام وشعبي لم يرَ خيراً أواستقرارا، عشرون عاماً بأيامها ولياليها المُرة لم يسمع هذا الشعب غير الخطب الدينية والشعارات الرنانة والجعجعة ولم نرَ طحيناً.. هؤلاء يا الله نهبوا ثروات البلد، وجعلوا باقي الشعب لا يجد ما يسد رمقه.. يا رحيم، كل من لم يكن من جماعتهم يموت جوعاً وتنبشه الكلاب الضالة، إنهم يبنون العمارات الشاهقة ويركبون أفخم السيارات ويتزوجون مثنى وثلاث ورباع، ويعملون في الاستثمارات، ويعلمّون أبنائهم في جامعات أوروبا وماليزيا، على حساب الشعب، ذلك الشعب الأصيل الذي لم يذق الذل والهوان إلا في ظل تلك العصابة، إنهم يا رب العالمين بطشوا بشعبنا أيما بطش وعاثوا في وطننا فساداً لم نكن نعرفه من قبل، لقد انتشر فساد الأخلاق والسرقة والقتل والاغتصاب، فضلاً عن الكذب والخداع، السوداني فقد موروثاته التي جُبل عليها وهذا تم بفعل الضغوط من هؤلاء المتأسلمين.. يا واحد يا قهار.. العالم كله يتجه نحو التطور والنماء والصناعات والتكنلوجيا، نحن ما زلنا نتحدث عـن الـرغيف والزيت
هؤلاء أرجعونا إلى عصور الظلام.. يا خالق الخلق..أنهم لم يشبعوا حتى اللحظة، ويصرون على التمسك بالسلطة? أين العدالة؟ إن كانت فئة تنادي وتتشدق بالدين تحتكر كل مقدرات البلد وتجعل من دونهم يعاني ويكابد شظف الحياة، يا قادر يا معين.. هؤلاء الأبالسة أعدموا ضباطاً سودانيون في شهر رمضان عند محاولتهم قلب الحكم مع أنهم جاءوا للحكم بمثل تلك المحاولة في ليلة ظلماء لم نرَ فيها النور حتى اللحظة، يا الله يا رحيم.. إن تلك الشرذمة يدّعون بعد مجيئهم للسلطة بالدبابات يدّعون أنهم ما جاءوا إلى السلطة إلا لتخليص الشعب من الذل والمهانة! وهل هناك مهانة وذل وهوان أكبر من ما نعيشه اليوم، مهانة وذل جعلت شباب هذا الشعب الأصيل يفضل الهجرة لإسرائيل من العيش في كنف عصابة أكلت الأخضر واليابس وجعلت البلد صحراء جرداء، خيرات استوطنت في بطونهم التي جاعت ثم شبعت فجوعت هذا الشعب العظيم، الله يا مهيمن يا عزيز يا جبار.. عندما أتى هؤلاء المتأسلمين لعبوا على وتر الدين وأنهم سيطبقون الشريعة الإسلامية وأنهم رُسل من الله يهدي بهم الشعب ويخرجهم من الظلمات إلى النور، وبعد عشرون سنة يقف رئيس العصابة في عيد الحصاد بالقضارف ويقول أنه بصدد تغيير الدستور وسيطبق الشريعة الإسلامية بعد انفصال الجنوب، وأنت أيها الرئيس الراقص ماذا كنت تدعي خلال العشرين سنة مدة حكمكم، تخضعون أربعين مليون سوداني بشعارات زائفة انتم أبعد من يطبقها.. يا قادر يا لطيف.. لقد أُصبنا بالدوار والغثيان وسئمنا من حكم هؤلاء الدكتاتوري، أصابنا الملل وحال البلد توقف، علاقتنا الخارجية متردية، اللهم إلا مع دول فقيرة منتهية الصلاحية، حصار اقتصادي منذ مجيء العصابة إلى سدة الحكم، ووضع اقتصادي لا يعجب عدو لا صديق، مناطق حروب ومطالبات بالانفصال غرب وشرق، وثلث البلد ( الجنوب) أصبح في حكم المفصول.. مشاريع لها عقود انهارت كـ (مشروع الجزيرة) بفعل سياسات اقتصادية حمقاء، تدني مستوى المعيشة، غلاء فاحش جعل معظم الشعب يكابد ويجاهد ويعمل ليل ونهار ليشتري خبزاً وسكر، وتجلى الطموح في الأكل والشرب, ومع ذلك نجد العصابة متمسكة بالحكم، فهذه جنتهم في الدنيا.. يدعّون أنهم خبراء في السياسة والاقتصاد، وهم بخبرتهم تلك نهوا البلد وأصبحت بقايا حريق، واحسب أنهم خبراء دمار وتخريب، ماذا جنينا من خبرتهم تلك غير جعل البلد في الهاوية، يقولون أن استخراج البترول تم في عهدهم، نعم تم في عهدكم، وبالتالي أنتم المستفيدون منه، ماذا أضاف البترول للشعب السوداني الأبي؟ لم يضف شيئاً، واعتقد أننا كنا بوضعٍ أفضل قبل استخراجه? يا الله نسألك الرحمة، وخذ هؤلاء أخذ عزيزٍ مقتدر، اللهم هؤلاء ظلمونا فتولى أمرهم، اللهم هؤلاء نهبونا عليك بهم، فرّق شملهم، يا رب أغلقت الأبواب إلا بابك وانقطعت الأسباب إلا إليك ولا حول ولا قوة إلا بك، اللهم قد أرونا قوتهم علينا فارينا قوتك عليهم يا عزيز يا جبار، وصلى الله على سيدنا محمد وعلى آله وصحبه وسلم وسلام على المرسلين والحمد لله رب العالمين.
سبحان الله وزير الخارجية ماسوداني ارتري وبكل بجاحة يصدر قرآر عقيم كهذا !؟
هيثم معك قلباً وقالباً .. لا تستسلم للمرجفين .. الله يعينك آخوووي ..
المثل بيقول البيفرط …… اوع تكون منهم انت يا هيثم يعني انت عاوز تمشي تقراء تاني من جديد ولا شنو وكم باقي ليك من العمر علشان تاني تبداء من الصفر وخليك مع الجماعة موت الجماعة عرس واذا اتنازلت عن الجنسية السودانية منو البيديك جنسية تاني تقول انا من السودا ن نحنا اصلا سودانا ده في الخرطة مافي واذا لحقت مشيت بره تقول انا سوداني حايقولوا ليك جاي من اي كوكب الحكومة نزعت كرامة السوداني السوداني صار بره بلدة يستحي ويقول انا سوداني من افعال هولاء المجرمين انت منعوك تدرس وغيرك كان معاه فلوسه حلاله اعدموه الله ينتقم منهم ديل قتلوا الزبير ومشوا في جنازته لانه خالفهم في بعض الامور انت تقول لي عاوز تدرس صيدله ديل قتلوا الضباط والعساكر في شهر رمضان لانه قالوا كانوا عاوزين يعملوا انقلاب وهم عملوا شنو حقهم كان حلال وحق غيرهم حرام ( خطط لهــــــــــا الازكياء ونفزوها الابطال وحكموها الجبنــــــــــــــــــــــــــــــــــاء) لاتأمن من كذب لك ان يكذب عليك والكلب يهز ذيله والمنافق يهز لســــــــــــانه لاتفكر في المفقــــــــــــــــــــــــــــــــــود حتى لاتفقــــــــــــــــــــــــــــــــــــد الموجود
In The Kingdom of Slaves, Gold and Petrol
the men began to see the real face of their leader
one of them shouted
I am not like you
هذا شئ مؤسف ، السودان فيه كل مسئول يقول يا نفسي ، بصراحة ناس الإنقاذ دمروا التعليم دمار شامل ، وهم يدرسون ابناءهم بإنجلترا وامريكا ودول أوربا المختلفة وأستراليا ، وطز في امثال هيثم الرجل الصبور الأصيل ، وصدقني أخي هيثم ضحايا التعليم في السودان بلا عدد ، بل داخل الحكومة شرزمة تسترزق من اموال الشعب المغلوب على امره ،،، أخي هيثم واصل نضالك ولا تقف مكتوف الأيدي ، وربنا يوفقك .
اول حاجة يا هيثم ده كلام فارغ البتعمل فيه ده.انت كذبت على نفسك و ضيعت مستقبلك براك.اين وجدت زول امتحن رياضيات تخصص ودرس صيدله فى السودان؟ لماذا لم تذهب الي كليات الهندسه من البدايه طالما انك امتحنت رياضيات تخصص؟ انك حاولت ان تاخذ حق ليس حقك وفشلت.
ثانيا كم كانت نسبتك عندما امتحنت؟ حتي تدرس صيدله.
كفايه ضغضغت عواطف الناس واللف والدوران في حلقه مفرغه.
ثالثا اذا قنعت من الجنسية السودانيه, طير السماء ومزقها لا تستاذن من احد.كلنا خريجبن و عاطلين, خليك معانا ,تدرس ماشي وين
:confused: :D
salam bro allah with u man
i hope 2 get other nasonallty
ur brother hassan 24m india
لو داير ترجع الهند حبابك الف لكن ربنا معاك سنوات ضاعت
الله معاك
اولا لله درك و الله يعينك يا أخي هيثم وأرض الله واسعه وقرار شجاع ومنطقي
ثانيا الذين يقولون ان مادة الرياضيات لا يمكن ان تدرس بها الصيدلة اقول لهم ان مادة الاحياء في المقرر السوداني ليست احياء ولكنها مدخل بيئي ولا تمت للطب والصيدلة بأي علاقة
ثالثا ان الورقة الثبوتية التي تسمى بالجنسية في عهد هؤلاء الكيزان لا تشرفنا ولكننا نتشرف بسوداننا ارض اجدادنا ونحملهالاثبات الهوية فقط لاغير
ثالثا تفوووووووووو علي بابكر احمد حسين لواء شرطة (بفتح الشين ) الله يلوي رقبتو ويشرط بطنو قادر يا كريم
انا هيثم الوسيلة وتنازلي عن جنسيتي لم يكن تنازلا عن وطني واهلي وانما عن حقوقي التي اهدرت والمعاملة التي وجدتها منهم اذ انهم تعاملوا معي كاني غريب لا قيمة لي وطني ,,لم يسمع صوتي ولم يعطى حقي .
لم اترك باب الا طرقته ولم اجد مسؤولا الا ناشتده ولكن لا استجابة لان ابي لم يكن وزيرا ولا مسؤولا في تنظيمهم وانما اغترب قرابة ال25 عاما ..يكدح لمعيشتنا وتعليمنا ويدفع في الضرائب لهذه الدولة التي كانت واجبا عليه لتظهر له بعد حين كيف ترد اليه جميلها ..بتدميري وتدمير اسرة كان في مخيلتها اعتمادها علي في يوم من الايام..ليحصد ابي سرابا بعد كل تفانيه.
دراستي للصيدلة في الهند لم تكن عبثا اذ ان الصيدلة تعتمد على الرياضيات والكيمياء ..ومادعاني للتنازل عن جنسيتي هو احساسي بالغربة في وطني فقول عميد الكلية بان اذهب وافعل ما شئت فلن تجد حقا وكلام محامي الجامعة بان القضية ستدوم اكثر من 10 اعوام ..وطردي من مكتب القبول واستدعاء الحرس لرمي خارجا عندما طالبت بحقي ..وقولهم لي بان قضيتي معقدة في حين ان ابنائهم يعملون في الدوائر الحكومية قبل ان يتخرجوا ..ويدرسون المسار العلمي بالادبي ..فكيف هي معقدة في حين ان هناك من يكشف حقائقم وغشهم فيقومون باعطائه منصبا ..اهنالك طعما للذل والهوان اكثر من ذلك ..فكيف سيكون احساسي ؟ هل سالتم انفسكم ما هو احساس ابي الذي عانى ليراني طبيبا ؟ هل راودكم الاحساس بان عائلتك محتاجة اليك ولا تملك حيلة في مساعدتهم ؟ هل احسستم بان يكون الشخص بلا قيمة عند اهله وبين مجتمعه …تخلى عني بعض المحامين لخوفهم من النظام الحاكم وتناسوا القسم الذي حلفوه وشرف المهنة التي وافقوا عليها .. وتخلت عني بعض الصحف امثال صحيفة الانتباهة في نشر قصتي فهي اول من ذهبت اليه معتقدا انها صوت للمهمشين ..ولكن وجدتها صوتا لاحد اخر…الكل يتخلى عنك ويتوعدك بسراب لا نهاية له فكيف سيكون احساسك في لحظة لم تري فيها الا الظلام ..فعندما قمت بتقديم طلب التنازل لوزير الداخلية اخبرتهم باني اقبل اي عقوبة يرونها في حالة تقديم هذا الطلب اذا كانت تسفير او اعتقال حتي وان كانت تصفية اذ اني مت قبل اولد..
اصبح السودان مملكة تحكمها بعض العائلات ولا يجوز لك بالحق ان لم تكن من ضمنهم ..فوالله لن اكون منهم ما حييت واعلنها مرة اخري باني لن اذل في سبيل الوصول لحقي حتي وان كان علي حساب نفسي فامي ولدتني حرا ولن انكسر لشخص مهما كان فهو الله من اشتكي اليه ولا املك الا الدعاء ساعة الليل البهيم لارى ان كنت علي باطل فلا ارجو منه الاستجابة وان كنت علي حق فاني لن اغفر لهم ما حييت . واصر على موقفي بتنازلي عن الجنسية وعن حقوقي التي عليهم والتي لم اجد شيئا منها . .فاني بهذا اسقطتها قبل ان يسقطوها تاركا لهم هذه الارض بما رحبت فاني لن اتمرد واقتل الابرياء ولن اتاجر وطني لخدمة اخرين ولكني ساهاجر كما فعل صلي الله عليه وسلم اذ هاجر الي ارض الله الواسعة واتمنى منكم ان تساعدوني في الخروج من هذه القرية الظالم اهلها .
ومن يريد ان يتاكد من اي معلومة كتبتها فهذا هو عنواني
E : [email protected]
حسبي الله ونعم الوكيل
بس كل ما تصلي ادعى عليهم وبعدين بشوفوا الحايحصل ليهم
اللهم اقتل الكيزان فردا" فردا" اميييييييييين
الله إكون فى عونك يا أخ هيثم،وكونك تتنازل عن الجنسية السودانية دا أكبر غلط،تشيل حقك غصبا عن الكل ،اصلا البلد دى ما فيها وجييييييع
انا زاتى الجنسية السودانية مادايرررررررررا وانا زاتى مقدم للجواز الاسرائلى كيتن للبشير وللعرب:D
الأخ هيثم الوسيلة لك كامل التضامن ونقدر موقفك والظروف الصعبة التي قادتك لإتخاذ هذا القرار الصعب جداً وأود أن ألفت إنتباه الإخوة اللذين يتحدثون عن شهادتك السودانية إذا كانت رياضيات أو أحياء .
إن كثير من الجامعات العريقة في العالم في الدول المتقدمة لا تعمل بنظام التشعيب ( رياضيات ، أحياء ) في نظام القبول بل تعتمد في القبول في الكليات المختلفة على المساق ( علمي أو أدبي ) ومن ثم يتنافس الطلاب في التقديم للكلية المعنية على حسب النسبة المئوية التي تحصل عليها الطالب بغض النظر في إنه أحياء أو رياضيات طالما المساق التي جاء منه الطالب يسمح له بالتقديم .
لكننا في السودان تقليديون في هذا المجال ولأبعد الحدود ولا نفكر أو بالأحرى لا نريد التحديث فظلت أسلوب القبول في الجامعات السودانية منذ عهد مدرسة كتشنر ومروراً بكلية غردون التذكارية وحتى يومنا هذا نسير على نفس المنوال القديم دون الإستفادة من تجارب الآخرين في هذا المجال مع تدني نسب القبول في الكليات العلمية .
ماذا يضير لو قبلنا طالب رياضيات متفوق في الشهادة السودانية بنسب 75% في كلية الطب بفلوس بدلً قبول زميلة التحصل على نسبة 50% في الأحياء في كلية حساسة مثل كلية الطب وبفلوس كما يجري الآن في جامعاتنا ؟ لاسيما إن المنهج بين الشعبتين الرياضيات والأحياء لا تختلف كثيراً . حيث أن طالب الرياضيات أيضاً يدرس قدر لا بأس به من مادة الأحياء .
أقول هذا الرأي من خلال عملي وتجربتي في التعليم العالي كمسجل لعدة كليات لفترات طويلة ومراقب لما آلت إلية المستوى الأكاديمي لجامعاتنا . ولإيجاد مخرج عملي لمشكلة الكثير من أبنائنا الطلاب المتفوقين اللذين تقف أساليب القبول العقيمة حجر عثرة في طريقهم
خلونا نناقش بعض الامور المهمة
1- زول درس رياضيات ودخل صيدلة اكيد ده شئ خاطئ بس ليس له ذنب فى ذلك فالفرصة دى اتيحت ليه من قبل الهنود وبرضو اتيحت له فرصة العودة للوطن لاكمال تعليمه
2- معظم العائدين استوعبتهم جامعة امدرمان الاسلامية حتى تقوم بجنيدهم ومن أبى نال مثل ما ناله اخونا هيثم
3- كله بسبب اخطاء سياسة التعليم العالى والتى اعطت فرصة لشباب ما كانوا ابدآ يحلمون بها فلقد هاجروا بنسب مئوية ضعيفة وسرعان ما اتيحت لهم مقاعد فى الكليات السودانية المحترمة فبذلك تكون ظلمت من هم افضل منهم مستوى اكاديميآ ولم تكن لهم المقدرة المالية للهجرة والدراسة خارج السودان وقس على ذلك ابناء المغتربين فبمالهم وصلوا الى ما ارادوا وضاع المساكين
4- انا ضد انه يتخلى عن هويته فهذه ليس افكارنا كسودانين بل هذه افكار مكتسبة من الخارج فالجائز فى الامر انه يدعو الله بتفريج همه وان يدعوا على من ظلمه فالسودان لم يظلمه بل ظلمته فئة طغت فى ارض السودان
5- الكثير من الشعب السودانى مروا بتجارب اصعب وظلم جبار من هؤلاء ( الكلاب الذين افتروا ) والذين ابدعوا فى تعذيبهم بكل وسيلة دون أن يزحزحهم عن إيمانهم قيد أنملة ومع ذلك صبروا وعزاهم الوحيد ان يرحع السودان بلد معزز مكرم كما كان مفتخريين بجنسيتهم وعزاهم ايضآ انه مهما طال عهد الظلام فلابد لليل ان ينجلى
هسة تانى البلد دى تمشى من غير هيثم كيف؟
ياخوانا كلمو ناس حقوق الانسان ولا كلمو اى دولة تديه الجنسية ويا حبزا لو كانت اتحاد اوربى ولا امريكا ولا كندا وبالعدم استراليا
اذا كان وزير الداخلية ذات نفسو اجنبى والجاز فلاتى وغازى تركى وعلى عثمان وكرتى بقايا نتنياهو وحسن برقو تشادى واحمد هرون برقاوى تشادى وعبد الرحيم حمدى تركى ولا اقباط مصر واعارف والرئيس مرة يقول بديرى ومرة جعلى مع انو الجعليين فيهم جينات الفلاتة والاحباش حسب اخر دراسة داير ديل ينصفوك اخى هيثم احكى كلامك دة لناظر العركيين او الهواهلة او البقارة اما هؤلاء الاجانب لا عشم فيهم
سلام للجميع
اصبح امل معظم الشباب السودانيون هو الهجرة والحصول علي جنسية اخري
وهذا الذي لاحظة وسط الشباب الكل يبحث عن الهجرة والتقديم لي اللوتري
الكل يريد الخروج منها
هل اصبحنا بلا وطنية؟
مع انه يا هيثم كلنا ما بنفخر بجنسية السجم دى لكن عندى ليك سؤال ,انت يا هيثم (هندى )؟
فى زول بيمشى الهند عشان يقرا تانى يرجع السودان وفى اى جامعة ؟ الاسلامية ؟ والله انت
الغلطان , بعدين والله حقو ما تزعل ولا حاجة يعنى انت لو اتخرجت من الاسلامية دى والله البيشغلوك ذاتهم الا يبقو (هنود)
الاخوة المعلقيين انتم قراءتم حديث الاخ هيثم ولم تسمعوا راي الجهة الاخرى ربما لديهم اسباب اخرى غير التي قام بسردها … مثلا ربما الاخ هيثم راسب في مادة الكيمياء والتي تعتبر مادة اساسية لدارسي الصيدلة او احدي المواد العلمية الاخرى … نتمنى ان يقوم بعرض صورة شهادة الثانوية ….
ياخى دى فوضة و لخبطة منك شنو رياضيات و عايز تقرا صيدلة ؟ امشى اللة يعدل عليك وكان فلحت فى هذة الدنيا حاتكون خدمت البشرية من حتة تانية
ياهيثم انت قائل نفسك لبني ولا فتات الشرئط
انت من البداية لو مؤهل عندنا ماكان مشيت الهند وكسرت ظهر اهلك كان قريت في السودان باستحقاق لكن اصلا ………………….هم عيب السودان امش اتعلم ليك صنعه تنفعك مما قلت الهند ……………..ويعني شنو لو اتنازلت عن الجنسية داير تكبر كومك انت الازهري الرجال القدمو للسودان ججد قاعدين بتفروجو ………………….
هيثم شخص ضعيف و اناني؟
ها دا انت عرف الناس ديل يادووب يادووووب دي طبعا مقارن بي الدكتور جون قرن الذي
عرفهم من اول يوم سرقو فيهو السلطه لم قال كلمتو المشهوره (مايو2(؟؟
سوف اعفيك من هذه الدهاليز المظلمه التي يعرفها فقط من هو مهموم بمستقبل الدوله السودانيه بعيد عن اسلامها و عربها, اي حملت مشروع السودان الجديد؟
اما ضعيف يا اخوي يا هيثم فاللاتي/
خيار التخلي عن الجنسية السودانيه, اعلم ان هذه هي الهذيمه بعينها ؟فبعد ان اكتشفت انهم عباره عن عصابة سرقت السلطه اي انها اسخفت بخيار الشعب الدمقراطي؟
و اجهضت جنين الدمقراطية في رحم الدوله السودانيه و علمت ايضا ان اسلام السكران و اسلام البت الدقوها و السه (قدوقدو) احد ميكانتزماتهم؟.
واعلم ان جيدا ان كل الزين استشهدو من ابنا هذا الوطن استشهدو من اجل ان لا يظلم الناس
من امثالك؟ واستشهدو ليس من اجل جنة او خوف من نار انما من اجل وطن يسع الجميع؟
اما اناني؟
الهرووووووب ليس حل للمشكله و هذا اختبار حقيقي لتثبت انتماك لهذه الوطن المتعدد الديانات و الاعراق؟؟
المدعو الاعيسر قال تعالى ( ولا تزر وازرة وزر اخرى) صدق الله العظيم مالي اراك تنكر على الفلاتة سودانيتهم وهل السودان حكر على قبيلة دون اخرى وهل اصلا كان في سودان بالصورة الحالية قبل 100 عام فالكل جاء مهاجرا اليه من بلاد اخرى ومن انت حتى تتكلم عن الفلاتة . الزم الادب في تعليقك ولا تخرج عن الموضوع
اقول للحاج خضر عطا وحمدنا الله وهيثم بلادي وان جارت علي عزيزة واهلي وان ضنوا علي كرام واعتقد ان الاخ خضر من زمان اكتسب الجنسية …. وباع الجنسية السودانية
لايحق.وبكل.سهولة.التخلي.عن.وطنيتك.هزا.اعتبره.ضعف.فغيرك.كثير.لم.يجد.المرف.الدافي.في.وطنه.حاول.مرة.واثنين.ولاتستكين.للضعف.الشيطاني.فلن.تجد.ارض.كارضك.ولااما.كامك.ولا.اخا.كاخاك
يا امه ضحكت من جهلها الامم ؟؟؟؟؟؟؟؟؟؟؟؟؟؟ اقول لهذا الهيثم ان اى انسان فاشل لابد وان يبحث عن شماعه ليعلق عليها فشله فمنذا متي كان طالب الرياضيات التخصص يدرس الصيدله ولكني ادركت الان لماذا اصبح مستوي الطب عندنا متدهورا ، ومعروف للجميع ان الشهادات العلميه التي من بعض الدول مثل الهند ودول اوروبا الشرقيه شهادات مضروبه وانا اسألك اين دفعتك الان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ واقول لك ان رفضك للجنسيه السودانيه لن ينقص من مقدار اعتزازنا بها وان الامم في سيرها لاتنظر لساقط في الطريق
هولاء لايهمهم سواء من يقف وراء المؤتمر الوطني لذالك سوف يغادر كل الشباب الوطن ويترك السودان للاملاء الذين ليس في ضماءرهم سوء الثراء الحرام والبطش والمحسوبية والرشوة عندما قالها باقان اموم ان هذة الدولة الفاسدة والغاسرة ما قالها من فراق بل قالها وكان قلبة مملوء بالخضب والمشقة الذي ذاقة من هذة الحكومة الجبانة الذي لا يرحم شعبة ولا يعرف حق المواطنة
عندما يطالب هذا الطالب المسكين بحقوقة الشرعية يقال لة انك لست باميركا قولهم اسم اميركا لماذا ما قالوا ان هنالك لا يوجد عدالة ولا مساوة هم يقولون يحكمون بالاسلام هل يوجد في الشريعة ظلم هل الشريعة يجوز ان يقهر و يزل المواطنين و تركيعهم سوف تذهبون للجهيم قريبا باذن الله
حكاية جامعه اسلاميه وطابونه اسلاميه ومستشفى اسلامي … الموضه دي لازم تنفصل عن السيد اسلام والا خرج الطرف الاخر بجامعة الكفار ومستشفى المشركين …
الله لا يسامحو السما الجامعه دي اسلاميه …
واحد جاي محول من بره وناس بره قبلوهو مع انو تخصص والحمد لله ما بقى ادبي …
واحد بياخد قبول ثم نقل ثم ايقاف بعد سنتين وخشبه … مفروض الجنسيه تسحب من ادارة الجامعه كلها … لانهم بيض مرصص في الشمس … مع الاعتذار للجداده انو جنياتو ما حيفقسو ويسوسوو …
يا ابو السباع … فكك من الرسميات وعمرك يضيع … شوف ليك طريقه لى ماليزيا او بريطانيا زياره وشوف ليك مره من اي جنس وعقد ان شا الله عرفي والولاده في بريطانيا مجان والجواز بعدها مابعرفو كان مجان …
ولو لقيت درب لى كندا بس عليك تحكي قصتك دي وتلحق تدرس باذن الله …
قالو من مراسم تغيير الجنسيه تنكيس العلم السابق ورفع اللاحق … نكسو وانثر فوقوا بعض البول بدون مؤاخذه …
وده نوع من الدبلوماسيه بيدخلك قينيس وويكيليكس …
العقبال لينا كمان ناخد جواز واغ واغي وننسى المملكه الكوزانيه … عمركم شفتو زول بشتاق يزور اوغندا او جيبوتي … نفس ال كذلك … عكس الهبوب والله ليك
السلام و عليكم و رحمة الله تعالى وبركاتة
يا جماااعة
تخلي هيثم عن السودان او بالاصح ( تخلي السودان عن هيثم ) دا اشبة بي انفصال جنوب السودان عن شماله
و افتكر انو اي واحد منكم ما حا يرضى بي الظلم دا اذا كان في محل هيثم
هيثم ما داير ليهو شماعة يعلق فيها اسباب فشلو
لانو بديهيا" كدا انتوا لو اي واحد منكم انكسر وانظلم لي الدرجة دي واتدمر مستقبلة ما كان سكت ,, و بعدين رسولنا الكريم صلى الله علية و سلم قال الساكت عن الحق شيطان اخرس ,,
الليلة هيثم لو لقى دولة تمنحوا الجنسية حا ياخدها و يمشي يبدا مستقبل جديد ,,
و بكرة الكلام دا حا يتكرر اكتر واكتر ,,, لمن ولاة الامر الظلمة ديل (ما ظلمة و بس حرامية كمان) يكسروا شبابكم كلهم ,, (ومعظم النار من مستصغر الشرر )
يا الساكتين اسكتوا وكملوا سكاتكم دا لمن تشوفوا الكلام دا بي عينينكم
واتمنى انو الناس تفهم و تعي كلامي دا
و ربنا يوفقك يا هيثم و يجعل ليك اللي فيهو الخير
هواى ياهيثم ياولدى والله لفينا كل دول العالم دا مالقينا راحه غير بلدنا مهما كان الظلم فى بلدك تكون مرتاح لاتضيع نفسك
انا زاتي لو لقيت بلد تقبل بي حتنازل عن الجنسية
بلادى وان جارت علي عزيزه واهلى وان ضنو على كرام لكن مالى الدرجه دى يا ناس
This is UNbelevable After 3 Years study ?U R adocter dear brather so dont gifup dont upsad dont cry
والله يااخي هيثم نفس الحصل ليك دا حصل لي خالي جا من رومانيا بدرس طب برضوا قبوله في الجامعه الاسلاميه وعاش في نفس الدومه بتاعت شهاداتك جيبه من رومانيا لكن خالي عرف الحاصل من اوال وسافر دول الخليج وشتغل شغلانيه اي كلام ونس الطب واحلامه
وايضا قريبنا ودا حكايته حكايه جا من اكرانيا وواصل في الجامعه الاسلاميه لحدي السنه السادسه واشترك في برنامج تلفزيوني بتاع بابكر حنين وشارك بسوال في البرنامج ضدا الحكومه وكان خاتمه له في تعليمه مدي الحياه في السودان
واطلب منك اخي هيثم ان لاتياس وحاول ان ترجع الهند وواصل تعليمك
وحسبي الله ونعم الوكيل فيكم يا كيزان الشياطيين ياظلمه ح يجي يوم ح شوفه في عيالكم انشاءالله انشاء الله
من حق اى مواطن سودانى الذى لا يشعر بانه له حق مواطنة و حقوق فى وطنه ان يتانازل
عن جنسيته و يبحث عن وطن اخر لكى يعش بالكرامة و احترام .
ومن قال أن دارس الرياضيات لا يستطيع دراسة الصيدلة؟ الصيدلة فى مجملها عبارة عن مواد مختلفة تكون الكيمياء القاسم المشترك بينها، أما كون الطالب لم يدرس علم الأحياء فى الثانوى فلا يشكل عقبة أمام دراسة الصيدلة حيث أن طالب الصيدلة يقوم بدراسة علم وظائف الأعضاء و الأمراض وهى علوم يستطيع من درس الرياضيات فهمها و متابعتها دون عناء، فى رأيى أن إدارة الكلية جانبها الصواب فى مثل هذا القرار و إلا هل كان الهنود ليسمحون للطالب دراسة الصيدلة لو كانت الرياضيات عقبة أمامه، أم أن علماء جامعة أمدرمان الإسلامية أفهم من علماء الهند الذين نال بعضهم جوائز نوبل و فى أبحاث أجروها بجامعاتهم
الأخ هيثم :: ما قلته كارثه وماقررته بالتناذل عن الجنسيه كارثه أكبر ..لا تفعل ذلك …مهما تعرضنا من ذل وإهانه لتبقى جنسيتنا السودانيه محل فخر وإعزاز….ويومآ ما ح نرد إعتباركل شى .للذين قتلوا /وعزبوا / وشردوا…..فلا تمشى بعيدآ أضع يدك مع الناس وأمسك بجمر النضال
وكل قطرة تراق من دم العبيد
هى فرحة لإنتظار مبسم جديد
دى ماقيمنا كسودانين وما من الساهل التنازل عن الوطنية و الجنسية .
على اى حال ربنا يعينا على المصائب .