مبعدون من السعودية.. ضحايا احتيال..!

السعوديون ما قصروا معاكم بس انتو كمان زودتو خالص يعني المخالف يتحمل المسؤولية والدولة ما ليها اي دخل بالموضوع صح هم مقصرين في حاجات كثيرة بس بامانة موضوع تصحيح الاوضاع والمبعدين ما مسؤولية الدولية بل مسؤولية المخالف

(السفارة السودانية بالرياض لم تقم بمهامها على الوجه المطلوب وعلى الصيغة التي كتبوا بها بيانهم)

علماً بأنه سفارتك المهببة دي قاعدين فيها 3 سفراء ، لزوم الترضية والحزبية ورواتبهم ماشة على حساب المواطن والمقيم ولا بتحل ولا بتربط ولا بتنصر مواطن والبمشي يشتكي ليها من حاجة يغلطوه هو

مش مثل السفارة الفلبينية او السفارة السنغالية ترسل شخص ليتابع قضية اي مواطن كما سمعنا حتى في اقاصي المملكة

قال سفارة

دا اسمه مكتب تحصيل جبايات لا اكثر

سفارة مهببة ما عندها وزون ولا احترام ولو عندها احترام ما كان رئيس البلد انطرد من اجواء المملكة ودا دليل على انه البلد ذاتها يحكمها واحد فاشل وحمار وغبي كمان والعاملين فيها كلهم غير مؤهلين ومختارين من نواحي حزبية ضيقة ولا يفهمون طز من سبحان الله

اي سفارة واي حكومة بترعى رعياها والله الفلبين البلد الغير مسلم راعي شعبه افضل من حوكمتنا نفسها هؤلاء من اين اتو؟ ولماذا اتوا وهل حققوا ما جاءوا له ماهي رسالتهم التي كان يعمدون عملها في السودان ؟ هل اتوا لإخراج السودان مما اصابه ابان ايام حكومة الصادق المهدي ، يا ريت لو كان الشعب تحت تلك الحكومة ليومنا هذا مالذي حققوه لهذا الشعب أسال نفسك يا بشير هل حققتم ومنعتم الانهيار الذي كان ايام الصادق المهدي ، نسالك امام الله يوم لا ينفع مال ولابنون ؟
فقدت دمرتم السودان ومشاريعه كلها واهمها مشروع الجزيرة الذي عاش منه معظم اهل المؤتمر الوثني وشعب جنوب السودان وفي دمرتوه عن قصد .

انا من اقصي شمال السودان ونحن نقتات من الاغتراب علي مدي عقود اي تقريبا من الخمسينات من القرن الماضي وهنالك حقائق يجب ان يعرفه الناس
1- اولا الدولة السودانية تنظر الي المغترب انه البقرة الحلوبة وسفارة السودان بالرياض هي الممولة لجميع سفارات السودان في العالم من رواتب وامتيازات عالية وسكن ومقر فاخرين لا يتناسب مع المستوي الاقتصادي للسودان.وفي نفس الوقت لن تقدم هذه السفارة اي شيء للمغترب ولم توفر اي وسيلة ليقتات منه المغترب ولو اغترب 40 عاما واصبح الثقة معدومة بين المغترب ومختلف اجهزة الدولة المعنية بالمغترب.
2- غياب التوعية للمواطنين عن مآلات العمل وطريقة التعاقد وان يتعرف علي حقوقه والظروف الحقيقية لبيئة الدولة المعنية وان كثير من المواطنين يذهبون الي دول الاغتراب وهم يعتبرونها جنة الله في الارض انا اعتقد ان يفرد الدول في محطات التلفزة معلومات عن الاغتراب وتثقيف السودانيين بكل الامور المتعلقة بدول المهجر بكل شفافية بدلا من سلامي الي فلان وعلان.
3- في الماضي كان المغترب يتعرف علي الكفيل المناسب وهذه هي اهم نقطة اريد ذكرها اي كفيل ذو خلق ولديه وظائف فعلا وليس كفيل يريد فقط بيع اقامة اي تصريح اقامة حصل عليها بطرق ملتوية وهذا النوع من الكفلاء هو الذي يقوم بابتزاز العاملين.
4- في الماضي كان اهلنا يراعون مصلحة الكفيل والمكفول وهذا يتكون من شقين الشق الاول مراعة مصلحة المكفول كما سلفت بضرورة اختيار الكفيل وايضا مراعاة مصلحة الكفيل باختيار المكفول المناسب وذلك بان يكون لديه خبرة في المهنة التي تم اختيارها فيه وبالتاكيد شخص جاد يريد ان يسترزق ولكن للاسف الان اصبح هنالك وسطاء همهم بيع الاقامة والحصول علي المال وبعد ذلك في ستين داهية.
5- واخيرا وليس اخرا السعودية وهي اكبر الدول التي تستوعب المغتربين فان قوانين العمل غير متطورة ولا يمكن مقارنتها بالمعاير العالمية وهي مثلها وكمثل دول العالم الثالث تعاني من امور شائكة وان السعودية نصف قواها العاملة لا يمكنهم ادارة هذا الكم الهائل من الاجانب باسس صحيحة وهي تحتاج الي سنوات مع توفر الارادة لتضع العمالة الاجنبية في الطريق الصحيح

هم فاضين من فرض الجبايات على المغتربين الفارين من جحيم المؤتمر الوطني الذي قضى على الاخضر واليابس اتخيل انو تجديد الجواز 215 ريال لمدة سنتين في حين انو دول مثل نيبال والهند تجديد الجواز 350 ريال لمدة عشرة سنين اضافة طفل في الجواز 160 ريال وهذه امثل لا للحصر وفوق ذلك استهانة واستهتار بالمواطن وحقوقه ولو تصدرت السفارة لقضية ما تملاء بها الافاق في حين انو هذا واجبها الذي وجدت من اجله في دول المهجر وعلى العكس نجد انو السفارة الفلبينية تتابع جميع حقوق رعايها حتى ان قطاع العمل في السعودية يحسب لها الف حساب وهم يعملون في صمت مش زي ناس سفارة السودان

كلام في الفارغة السفارة السودانية ليس لها دور تجاة رعاياة ودافعي راوتبهم لا يستحون ان يحللوا هذة الرواتب بالسوال وتفقد احوال المقيم وكيف احوالهم للاسف نحن دائما في مؤخر الركب حين قامت بعض سفارات الدول بخصوص تصحيح اوضاعهم كان سفارة السودان في نوم عميق ؟ لدي بعض النقاط واتمني ان تصل الي سفير السودان بالمملكة
1/ يوجد مريض يرقد بمستشفي الظهران التخصصي ولله الحمد والشكر يتعالج علي نفقة الدولة السعودية ممثلة في احد امراءها جزاه الله خيرا !! هذا المواطن حين يرسل جواز سفرة للتجديد يطالب برسوم تجديد لماذا ايها القوم ؟؟
2/ يوجد الكثير من ابناء السودان في سجون المملكة ولا احد اتاء حتي يسال عن قضية وهو يقضي سنين من عمرة بدون حكم ؟؟؟ لدي مثل لذلك رجل سوداني لدية مشاكل مع كفيلة وحصل عجز في مبلغ من المال هو ومع سعودي وقام الكفيل بتحميل السوداني كل المسؤلية و السعودي طلع منها لا نريد من السفارة او السفير المستحيل ولكن نريد بعض الاهتمام لابناءها ونريد تحريك هذة القضية
3/ يا سعادة السفير اتقي الله في قومك والله ستأسل عنهم يوم القيامة انت ومن معكـ
وفي الختام نسال الله لنا وللاخواة السلامة والعافية

السلام عليكم 0نحن الشعب الوحيد اللى بشترى التاشيرة وبعد داك بفكر يشتغل شنو 0اساتذة الجامعات والمهندسين والاطباء جاؤا السعوديه بتاشيرة عامل تربية مواشى0نحن بنشترى التاشيرة من السوق العربى ومابنعرف الكفيل ولامنطقة العمل اونوع العمل 0نحن وفقا لذلك ماعندنا عقد عمل موثق من مكتب العمل السودانى والسعودى والسفارة لحفظ الحقوق0الاسواء انه الواحد يجى السعودية وعليه التزام استخراج الاقامة وهى حوالى 3500ريال وبعد دا يكون لسع مااشتغل قاعد مع اهله او اصحابه تسالوا تقول بتشتغل شنو يقول ليك اى حاجة0اذا السعودية فيها3مليون سودانى فيهم مليون متورط فى البلددى 0فاذا كان الواحد ما مزبط وضعه بس المهم يتخارج من السودان فهو كالمستجير من الرمضاء بالنار وجهاز المغتربين مايهمه البحصل للمغترب هنا تهمه الجباية فقط 0فيااخوانا الله يرضى عليكم اكلوا لالوب السودان وماترموا نفسكم للتهلكة 0ودى نصيحتى اخير ليكم الجوع وقهر الحكومة من المرمطة والبهدلة فى الغربة وفى النهاية سكرى وضغط وعدم قروش لتذاكر العودة للسودان

يامشتهيك انا يابلد من قال انوا السفارة ماعندها دور في الحاصل الان ؟؟؟ وماذا تعمل السفارة اذا لم تراعي احوال الرعايا وتحل كل مشاكلهم …. والان السفارة الفلبينية لها هيبة اكثر من سفارتنا من خلال متابعة مواطنيا بغض النظر عن هو ظالم ام مظلوم … فماذا تفعل سفارتنا المحترمة؟؟؟ ولا انت شكلك من الجماعة اياهم؟؟؟

التقصير دائما مايكون مشتركا من الشخص المغترب والاجهزة الحكومية بالسودان فلا بد من تأكد الشخص المغترب أن مستندات عقود العمل الواردة من المملكة صحيحة ومعتمدة من الجهات المختصة بكل من الدولتين وموضح بها المهنة المطلوبة والراتب وملحقاته من بدلات وغيرها ومجال وموقع العمل والاقامةوالسكن ومدة التعاقد والاجازة وتذاكر السفر وأي مخصصات أخرى. وأن يكون مكتب العمل هو الجهة المنظمة للعمل ومتابعة عمليات الحصر والموازنة بين احتياجات العمل داخل السودان وخارجه ومتابعة أحوال السودانيين من مكاتبهم بالسفارات بشكل منظم ومنتظم وتفعيل دور مكتب جهازالمغتربين بمهام أكبر بما يجعل دوره حيويا وملموساوكسب قناعة ورضى المغتربين. هذا بإختصار فالأدور التي تقوم بها مكاتب العمل وجهازالمغتربين أدوار باهتة وغير مسئولة. كما ان المكاتب الغير حكومية الخاصة الرئيسية منهاو الفرعية المنتشرة التي تعمل بعشوائية في بيع العقود وتسفير الضحايا وغشهم بأن هذه العقود حرة ويتم بيعها بأسعار باهظة تضطر الضحية بيع كل مالديها من رصيد من منزل أو متجر أو سيارة أو أرض ليعود خائبابعد أن فقد كل شيء خلفه وأمامه. ولكن … البعض يقنعك بالقول ( بس خليني أسافر وأطلع بأي طريقة وإتخارج من البلد) حتى لو اشترى التأشيرة من سمسار لا تعرف له عنوان .

المغترب السوداني الجاى بفيزه عمل .كثيرين لا يجدون حتى صاحب العمل . وكثيرين من يطلب صاحب العمل مبلغ كبير حتى تستطيع ان تنقل الى جهة بها عمل ويستطيع توفيق اجراءته مع النظام الجديد . وكثيرين من أصحاب الاسر يتطلب من تجديد أقامتة وتكون ليها كذا سنة ويحتاج لمبلغ كبير حتى يستطيع توفيق أوضاعه .والمشاكل كثيرة ومتعددة . لذلك لاتلوموا من لم يستطيع ذلك في المهلة الكبيرة التي أعطتها حكومة خادم الحرمين للوافدين .

السعودية خلال المهله اعفت كل المغتربين من الغرامات

ورسوم الاحراءات مثل تغير المهنة ونقل الكفالة وغيرة

اما السفارة الرسوم اولا ولا امسك الباب ولاتقدر الظروف

مهما كانت لذلك ظل البعض مخالف _

خارج عن الموضوع ناس الراكوبه عندما لايعجبكم التعليق

تحججون بعدم ادخال رقم التحقق صحيح –

إعادة الصادر دي حلوه…لكن حتي البهائم التي ترقضها السعودية وتعيدها الي المصدر ..عندما تصل الي ميناء سواكن تجد كل الإهتمام من ماكل ومشرب وعناية طبيه فائقة وكشف وعلاج وتطعيم حتي يعاد تصديرها..
اما المواطن ليهو رب اسمو كريم..
علي فكره السفير ده ليهو كم سنه انا بسمع بس اسمو ده من سنة نوح..

خيرا فعلت السفارة السودانية و خيرا فعل المغترب السوداني,الحكومة السعودية لا يمكن ان نلومها فقد اعطت المهلة تلو المهلة لتوفيق اوضاع المخالفين…بعض الجاليات لم يستفيدوا من المهل التى اعطهتها السعودية على سبيل المثال الجالية الاثيوبيه فهي الان تعاني اشد الاهانة و التنكيل و حتى الامس مات منهم اكثر من ثلاثة اشخاص ..و صلت الجرأة بالاحباش ان اعتدوا على المواطنين و الشرطة في حي منفوحة بالرياض و العزيزية بجدة…قوة عين عديل..في المقابل ان الحكومة الاثيوبية لا تتهاون مع مخالفي الفيزة ابدا و لو كانت الفترة اسبوع واحد سجن و محكمة و غرامة و ابعاد..على العموم الذي يحترم نفسه و تهمه كرامته فقد وفق اوضاعه او غادر السعودية في الوقت المناسب

الله المستعان حسبى الله ونعم الوكيل

وصدقاً لما ذكر أعلاه، فقد أخبرني أحد المترددين على السفارة السودانية بالرياض بأنه وبعد إعلان المهلة التصحيحية للمخالفين قامت إدارة الوافدين التابعة لوزارة الداخلية السعودية بتسليم السفارة السودانية كل ما لديها من جوازات سودانية لسودانيين تم الإبلاغ عنهم هروب من قبل كفلائهم وذلك من أجل تسليمها لهؤلاء السودانيين لتصحيح أوضاعهم خلال المهلة … فماذا فعلت السفارة بهذه الجوازات ؟؟؟… قامت السفارة مشكورة وبدون مراعاة برميها في إحدى غرف السفارة وعلى الأرض … وكل من يسال عن جوازه يتم إدخاله لهذه الغرفة ويطلب منه نبش كومة الجوازات الموجودة لاستخراج جوازه.
فإذا كانت سفارتنا لا تهتم بجوازات مواطنيها فهل نلقي لومنا على الحكومة السعودية.

مادخل السفارة فى القوانين السعودية وكا دخلها فى من لو يقوموا بتحسين أوضاعهم الجاد والمسؤولا إنتهز فرصة تصحيح الأوضاع والمستهتر اعتقد انها فوره لبن وتروح.
من يفارن السفارة السودانية بالفلبينية اقول له ان الفلبينين ياتون بعقود عمل موثقة من السفارة وموقعة من قبل الكفيل وقتها تستند السفارة عليها فى حال وجود اى شكوى.
معظم السودانيين يشترون الفيز من حر مالهم ولا دخل للسفارة فى ذلك

السفارات السودانية عبارة عن اسواق يلتقى فيها البائعين بالمشترين…يا اخى رسوم استخراج اضافة مولود جديد اعلى من قيمة خروف سمايتو…دا اذا سامحوك فى تأخير دفع المساهمات الكتيرة… اما بقية السفارات فلايحوم حولها الا من يرغبون فى تأشيرة زيارة من غير اهل بلد السفارة

العدو امامكم والبحر خلفكم سوف تعودوا للعيش في بلد الانقاذ ودي شقاوة شنو يااخي الناس حاولت الهجرة لاسرائيل وماتت في البحار هربا من جحيم الانقاذ والسفير قال الكلام دة لانه ديل غير نظاميين ومافيهم كدة واخر هم الجماعة ديل الشعب السوداني

قرأت البيان ,, فعلاً يفتقد لأبسط قواعد البيانات والتقارير لا أدري هل يفتقرون للمهنية والاحترافية , أم هو بيان – تضليلي – لمجرد ابراز الاهتمام بهذا الملف للمغتربين خاصة و للمواطنين عامة

اسمها الزفارة السودانية ..
يحرقها سفارة ويحرقو سفير …

قنصلية السودان العامة فى جدة والعامرة بالجبايات تاخد من السودانييين الذين اتوا عن طريق اليمن 250 ريال نظير عمل البصمة وبدون ايصال وسند مالى يعنى عينى عبنك القروش بباكاوها وبقتسموها مع مندوب السفارة البودى الفيزا حقت السفر لادارة الوافدين وللعلم السعودية ﻻتاخذ اى هلله من البصمة ومجان انا اجزم انهم لحسوا مﻻيين الريالات من ال250 دى وللعلم انهم ياخذون 95 ريال رسوم الفيزا اﻻضرارية وهسى فى اكتر 500 شخص اخدو منهم 250 ريال وماسفروهم

هل تعمل ان الشعب الوحيد الما منظم هو الشعب السودانى وهل تعمل ان الشعب الوحيد الغير مبالى بما يحدث وما يفرق بين الصاح والخطاء هو الشعب السودانى للاسف الشديد نحن اصبحنا ولا اي حاجة ودائما نجعل اخطاءنا على غيرنا ونقول السفارة والسفير والله انا رحت السفارة قبل يومين وجدت اناس الواحد يخجل اقول ديل سودانين متجمعين وجلوس على الارض والواحد مادى شلوفته متر من الصعود وصوت عالى ونسة وقرقرة حتى الشى الجاي من اجله ما هاميه وناس يسترزقون من الوهم الجالسين بالشهادة الزور المتحري فى السفارة عندما يطلب شاهد لعبض الحالات تجد اناس قاعدين للشهادة مقابل فلوس فى حين لا يعرف الشخص المطلوب منه احضار شاهد بس مقابل الفلوس نحن فقدنا هيبتنا كمغتربين والله الواحد يخجل لما اشوف ليه سودانى فى الشارع لان المنظر جد مقرف تلقاه لابس عراقى وسروال ومرات معاه سديرى ورابط ليه شال ومرات شماخ السعودين ورابطه فى راسو والملابس وسخانه ويتبجح بيها فى الشارع ويتفاصح ويشاكل فى الناس كانه البلد دى ما فيها غيرة والله لو كان محترم نفسه ولابس كويس او لبس فقط الجلابية العمة ما فى حد بيسألو لكن للاسف نحن ما بنحترم انفسنا فما فى حد سوف يحترمنا فالسفارة تعمل ليكم شنو اذا انتم ما جبتوا الاحترام لانفسكم والله ما فى زول بيحترمكم

بخصوص السفارات السودانية فى كل انحاء العالم المستوى واحد من ناحية التعامل مع الرعايا هذا الذى تم زكره من كل المعلقين فى نقد سفارتنا و دورها الهزيل الذى تقدمه لمواطنيها فى المهجر قليل جدا ازكر فى بداية التسعينيات فى موسكو واجهت مشكله مع سفارتى هناك فى استخراج جواز بدل فاقد و بما ان جوازى قدر سرق منى ومعه بعض اغراضى و تم فتح بلاغ بذلك ولكن السفارة رفضت الاعتراف بالبلاغ بحجة ان الطلبه يببعون جوازات سفهرهم للاخوة الصوماليين اللاجئين و الرواندين فبدل كنت مظلوم بقيت ظالم و الحقيقه واجهت مشكلة كيف اثبت ان جوازى ده فعلا اتسرق و ما بعتو ؟؟ و ازكر فى ذلك الحين القنصل مكى بلايل الله يرحمه اصبحت من غير اى وثقية اثبات غير البطاقة الجامعية لمدة سنتين مما سبب لى مشاكل فى تاخير دراستى وو اخيرا اتعرفت على واحد له علاقة بالحزب الحاكم و عن طريقه قدرت اتحصل على جواز بدل فاقد — فليعلم جميع السودانين فى الخارج ان دولتنا لا تعير اى اهتمام براعاياها ولا حتى تعرف ذلك و الكلام ده من سنين طويله و موروث من قبل حكومة الجن دى و فى قصة تانية لكن بعدين

المسألة ان نحن السودانيين لجأنا للهروب من السودان بسبب الوضع الصعب في السودان فتركنا بلادنا لتحترق ولا يهمنا الا اسرنا الصغيرة متجاهلين ان حتي اسرنا الصغيره هذه لن تنعم بعيش كريم وعادل طالما الظلم والفساد في كل ارجاء الدولة والمجتمع ولهذا نقرأ ونسمع ان السفير الأثيوبي يتفقد رعايا دولته وهو غاضب من معاملتهم بعد التعدي عليهم وعلي نساءهم اما سفاراتنا او زفاراتنا وهو اسمها الصحيح فأول ما تطلبه من المواطن متخلف او غير ذلك عندك فلوس؟ ادفع نوثق شهاداتك ونجدد اوراقك وجوه كلحة لئيمة قبيحة تتعامل معك كأنك اجنبي تطلب معاملة من اي نوع عندهم لاتوجد لديهم اي شعور بالمسئولية او الوطنية خاصة في هذا الظرف! بل ان الأهتمام والجدية في حل مشكلة اي مواطن سوداني يعكس تماما احترام الدول التي حضروا اليها ولكن هيهات مجرد عصابات وشلليات تجبي الفلوس ولايهمها السوداني ولو قتلوه او بصقوا عليه نحن جلبنا هذه الأساءات علينا فتركنا وطننا ليبتسود فيه الأجانب والغير وطنيين عديمي الأحساس والضمير ونسينا ان سمعتنا في الداخل هي التي ترسم كيف يكون التعامل معنا في الخارج واثيوبيا هذه التي ينتقدها بعض الجهلاء منا الآن تجري خلف مواطنيها وترسل الطائرات لأعادتهم وترعي مصالحهم فماذا فعلتم انتم يازفارات السودان غير معاملتكم القبيحة والوضيعة وسلب اموالهم اين السودان؟ وأين شعبه فيكم

يا جماعة الخير الارزاق بيد الله واي واحد ما قدر يصحح وضعه في السعودية ربنا سوف يفتح له الف باب للرزق انشاءالله سواء داخل السودان او خارجه وعسى ان تكرهوا شيئا وهو خير لكم .. وما ف داعي الناس تبكي على اللبن المسكوب وقدر الله وما شاء فعل والمستقبل اجمل واحلى وتفاءلوا خيرا تجدوه