طالب الصيدلة هيثم الوسيلة يرد على قراء الراكوبة..ويقول : اتمنى منكم ان تساعدوني في الخروج من هذه القرية الظالم اهلها .
انا هيثم الوسيلة وتنازلي عن جنسيتي لم يكن تنازلا عن وطني واهلي وانما عن حقوقي التي اهدرت والمعاملة التي وجدتها منهم اذ انهم تعاملوا معي كاني غريب لا قيمة لي وطني ,,لم يسمع صوتي ولم يعطى حقي .
لم اترك باب الا طرقته ولم اجد مسؤولا الا ناشتده ولكن لا استجابة لان ابي لم يكن وزيرا ولا مسؤولا في تنظيمهم وانما اغترب قرابة ال25 عاما ..يكدح لمعيشتنا وتعليمنا ويدفع في الضرائب لهذه الدولة التي كانت واجبا عليه لتظهر له بعد حين كيف ترد اليه جميلها ..بتدميري وتدمير اسرة كان في مخيلتها اعتمادها علي في يوم من الايام..ليحصد ابي سرابا بعد كل تفانيه.
دراستي للصيدلة في الهند لم تكن عبثا اذ ان الصيدلة تعتمد على الرياضيات والكيمياء ..ومادعاني للتنازل عن جنسيتي هو احساسي بالغربة في وطني فقول عميد الكلية بان اذهب وافعل ما شئت فلن تجد حقا وكلام محامي الجامعة بان القضية ستدوم اكثر من 10 اعوام ..وطردي من مكتب القبول واستدعاء الحرس لرمي خارجا عندما طالبت بحقي ..وقولهم لي بان قضيتي معقدة في حين ان ابنائهم يعملون في الدوائر الحكومية قبل ان يتخرجوا ..ويدرسون المسار العلمي بالادبي ..فكيف هي معقدة في حين ان هناك من يكشف حقائقم وغشهم فيقومون باعطائه منصبا ..اهنالك طعما للذل والهوان اكثر من ذلك ..فكيف سيكون احساسي ؟ هل سالتم انفسكم ما هو احساس ابي الذي عانى ليراني طبيبا ؟ هل راودكم الاحساس بان عائلتك محتاجة اليك ولا تملك حيلة في مساعدتهم ؟ هل احسستم بان يكون الشخص بلا قيمة عند اهله وبين مجتمعه …تخلى عني بعض المحامين لخوفهم من النظام الحاكم وتناسوا القسم الذي حلفوه وشرف المهنة التي وافقوا عليها .. وتخلت عني بعض الصحف امثال صحيفة الانتباهة في نشر قصتي فهي اول من ذهبت اليه معتقدا انها صوت للمهمشين ..ولكن وجدتها صوتا لاحد اخر…الكل يتخلى عنك ويتوعدك بسراب لا نهاية له فكيف سيكون احساسك في لحظة لم تري فيها الا الظلام ..فعندما قمت بتقديم طلب التنازل لوزير الداخلية اخبرتهم باني اقبل اي عقوبة يرونها في حالة تقديم هذا الطلب اذا كانت تسفير او اعتقال حتي وان كانت تصفية اذ اني مت قبل اولد..
اصبح السودان مملكة تحكمها بعض العائلات ولا يجوز لك بالحق ان لم تكن من ضمنهم ..فوالله لن اكون منهم ما حييت واعلنها مرة اخري باني لن اذل في سبيل الوصول لحقي حتي وان كان علي حساب نفسي فامي ولدتني حرا ولن انكسر لشخص مهما كان فهو الله من اشتكي اليه ولا املك الا الدعاء ساعة الليل البهيم لارى ان كنت علي باطل فلا ارجو منه الاستجابة وان كنت علي حق فاني لن اغفر لهم ما حييت . واصر على موقفي بتنازلي عن الجنسية وعن حقوقي التي عليهم والتي لم اجد شيئا منها . .فاني بهذا اسقطتها قبل ان يسقطوها تاركا لهم هذه الارض بما رحبت فاني لن اتمرد واقتل الابرياء ولن اتاجر وطني لخدمة اخرين ولكني ساهاجر كما فعل صلي الله عليه وسلم اذ هاجر الي ارض الله الواسعة واتمنى منكم ان تساعدوني في الخروج من هذه القرية الظالم اهلها .
ومن يريد ان يتاكد من اي معلومة كتبتها فهذا هو عنواني
هيثم يا اخوي الله يديك العافية
لكن احنا مما قمنا في البلد دي ورونا حاجة اسمها علمي وادبي والعلمي احياء ورياضيات الداير طب او صيدلة او مختبرات بمشي احياء والداير هندسة بمشي رياضيات دة بي ابسط فهم ماتجي انت بعد الزمن دة كلو تقول لي الصيدلة دايرة رياضيات وكيمياء اي عايزة رياضيات لكن ما تخصص الرياضيات الاولية البياخدوها ناس الاحياء وناس الادبي.
وياهيثم الزيك كتاااااااااااار في البلد دي الجن جن والقرب ينتحر والجاهو انصام في الشخصية لكن الوصلت ليه انت دة جديييييييييييييييييييييييد علينا يطرشنا ماسمعنا بيه الجنسية حقت عمر البشير وللا علي عثمان عشان اخليها والله يسمهم ما اخليها هي دي الحاجة الوحيدة المن حقوقي في البلد دي البقدر اخدها كمان اخليها
الله ينتقم من كل ظالم لكن جنسيتي دي حفتي برااااااااااااااااااااي
عزيز انت يا وطني برغم قساوة المحن
برغم صعوبة المشوار وكل ضراوة التيار
لكن نعمل متين عشان نعبر حاجز الزمن دي ما عارفاها والله
الله يعينك على الظلم واختلاف الآراء او القول بانك مخطىء لا يمت للواقع بشيء لان الكل يعاني ولازال يعاني من الظلم ابحث عن حقك مهم حصل اما حكاية رياضيات واحياء فالجاهلين هم الذين يفتون لانه خطا الجامعه اول شيء بالنسبة للجامعة عند قدومك من الهند مراجعة اوراقك والتاكد منها ثم استيعابك في الكليه وليس بعد سنة او سنتين تتم المراجعه
اما حكاية الجنسيه اذا الشعب كلهو ترك الجنسيه ماعندهم مانع مجموعة رعاع الله يكون في عون السودان
يازول ريح حالك انت سوداني ماحد بيقبلك خليك معانا احسن
ياهيثم خليك سودانى ووطنى .. اشاعر حميد قال … حقك ترجا ولااااا بجيك .. حقك تلاوى وتقلعو … السودان وقع فى الاستعمار مرة اخرى وتحكمه الجماعات المتأسلمه العالميه المجرمه … وهؤلاء الشرذمه من الحكام هم خلية الواجهة لهذه الجماعات … ومن ضمنهم وزير الداخليه الارترى … الذى يمنح الجنسيه السودانيه ويسحبها … انت سودانى اصيل خليك معانا تقعد فى حلوقهم .. وتذكر ان عدوك مهما استقوى هناك فرصة للقضاء عليه .. دائما هناك فرصه …
والله ياهيثم ياولدي نحن مصدقنك 100% والكلام القلته ده كله حقيقة ونحن في الغربة اكتوينا بعدم وجود وظائف لاغلب الشباب الذين لم يتعاملوا مع هذا النظام ومن ضمنهم اكبادنا والذين صرفنا عليهم دم قلبنا وهم الان يجلسون في البيوت بدون عمل برغم انهم تخرجوا بامتياز ولكن للأسف لم يجدوا اي فرصة للعمل ولذلك اقول ليك عليك بالدعاء ثم الدعاء وربنا يسهل امورك.
قولهم لي بان قضيتي معقدة في حين ان ابنائهم يعملون في الدوائر الحكومية قبل ان يتخرجوا ..ويدرسون المسار العلمي بالادبي)
هذا كلام عام قل فلان إبن فلان يدرس علمي بشهادة أدبية ويعمل بالوزارة الفلانية قبل أن يتخرج لتكون صادق فى طرحك ، أراك لم تترك أحد بدءا من عميد الكلية ومحامي الجامعة وكذا المحامين الذين لجأت لهم بعد طردك لخوفهم من النظام الحاكم كما تقول ، لا يعقل كل الناس دي سئية وخائفة من النظام الحاكم وانت صاح ، لم تجد محامي واحد ضد النظام ؟ يا أخ غازي سليمان ضد النظام الحاكم أمشي له .
أنا بقول ليك الكلام ده ومؤيد جدا لحقك فى الدراسة والعمل وما عندي أي مصلحة لا مع حكومة ولا مع غيرها، لكن طرحك يفتقد الموضوعية .
يا حبيبنا شوف ليك Bonafide من الهند واعمل فيزا وكمل تعليمك ؟؟
دي عايزه ليها درس عصر وتتخلى عن وطنيتك !!!
لو انت طمعان في هجره ولجوء عااااااااادي جداً من الهند بتهاجر استراليا ؟؟؟
وممكن تقدم لوتري في امريكا ؟؟
اي نعم ناس الحكومه ديل حراميه وفاسدين وفي محسوبيه واي حاجه لكن السودان مافي زول بتخلى عنه ؟؟
حرام عليك يا اخ البتسوي فيو دا ؟؟
راجع نفسك ؟؟ وبقوليك تاني خطتك في الهجره دي ما ظابطه ؟؟ مافي زول بتخلى عن وطنه ؟؟
الناس بتموت وبضحي عشان اوطانه ؟؟ وانت عايز تتخلى عن سودانيتك عشان ما قدرت تكمل تعليمك معقووووووول يا اخ ؟؟
انا بعرف شباب بقروا كهرباء وطب جامعة الخرطوم لما يجي الليل برمو الطعميه عشان يطلعو مصاريف الجامعه ؟؟
الناس كلها بتعاني ؟؟ والوضع في السودان سيء جداً ؟؟ بس تتخلى عن جنسيتك دي كبيره شديد والله ؟؟
المعلقين ديل سخونك ساي مافي زول منهم يساعدك مش سودانيين هم
اساسا هما معراضين النظام لانو م لقو منو شي
و اصلا السوداني نفسي نفسي شبع نسى الجمبو
اتخارج براك
ناس الحكومة ديل مش سزدانين برضو؟
نعيب انفسنا و العيب فينا
ما عندك حق عند اى زول فى السودان…شوف ليك شغل اشتغلو.. ارجع الهند…البتسوى فيهو ده من البداية لولوة على القانون..دى نهاية اللولوة بتاعتك يا شيخ..كلنا اتهرينا بالاحياء حتى قدرنا ندخل الكلية العايزنها..لازم تاسس البنيان على تقى.
شوف في الوقت الحاضر عندك كم جنسيه متاحه مثلا الجنسيه الارتريه والتشاديه وفي الاثيوبيه لكن اصعب شويا .
يمكن تسافر ارض الله واسعه عندنا في الاسلام يوم القيامه ويوم القيامه لن تسال عن الجنسيه
صبرا يا هيثم هانت كلها سويعات قليلة …وسنثأر لك ولكل شباب بلادي ..عزاؤك
يااخي بانك لست واحدك فامثالك الملاييت من شباب بلادي ..بس خليك جاهز وجهز
معاك اخرون ستنطلق الثورة قريبا ..
والى ذلك اليوم نقول لك ونحن في ارض الغربة التي لجأنا اليها مشردين وفارين من
بطش عصابة المعترك العفني سلامي لك ولكل الشباب وقود الثورة القادمة :
على نيل بلادنا سلام
ونخيل بلادنا سلام
وشباب بلادنا سلام .
أغنى لقلبى .. إذا لوّعنى
مخيـّر دربى الما رجعنى
إذا طلعنى نخلة القرب .. أو الغربة الكدروبية
تنزل غنوتى بى قمرية
أو وقـّعنى فى بطن الجـُّبْ
بطلع يوسف بالأغنية
أغنى الناس الما بتسمعنى
المِنِّى بعيدة .. ومبعدة عنى
النادا نشيدا .. وكنت المعنى
الإيدى فى إيدا .. وإيدا بتبنى
فى دنيا جديدة اليوم .. راح تدنى
وأريت غنواتى فى ناس شغالة
تكون سُندالة .. وعود طورية
ضراع رجالة .. كتاب أطفالا
وجملة بالا .. الما مكرية
سدّة مالا .. وبقـّة فالا
فى ليلة الدخلة على أسمى قضية
………….
حبيبة قلبى يا سودانية
يا أسمى معانى فى زول بيعانى
ياود ضكران .. ويابتْ دغرية
وأنا إنْ سامعانى فضـّلت أغانى غُـبش .. فقرية
وروح غانيانى
حويتك منك يادافعانى براحة إيديا
ويا جابدانى … برفق عليا
وما بتحيـّر بين الفوق .. وبين الناس التحتانية
إلاّ مغـيـّر .. ولاّ عقُوق .. ولاّ كفيف الإنسانية
ومنـِّك وين يا كاشفة عينيا
بنور الإلفة .. ضِيا الحنية
وحِلم العالم .. ناس تتسالم
والبنى آدم صافى النية
والأطفال الناشفة ضلوعا
يطمِّن روعا
وتبدى تغنى
غناوى البكرة .. الكم مسموعة
حسيس طنبارة .. مع نـُقارة
صفِقتاً حارة .. ودارة تغنى
فيا حلتنا عليكى تـُرابك ..
وإنتى شبابك زينة الجَنـِّى
أحلى عروس البلد اللّتنا
ولاّ الغُبُش الرّابّة تهنى
ولاّ هدير المدن التصحا ..
وتمحى ظلام الحاصل .. عنـّى
كيزان شنو البكرهوك بلدك وجنسيتك مصيرم الا مزبلة التاريخ يا هيثم
الله يعينك يااخي هيثم جولة الباطل ساعة وجولة الحق الى قيام الساعة
احتسب أمرك لله وابدأ حياة جديدة (كرت )وأنسي الماضي والأحزان ولاتضيع زمنك فى القاء اللوم والعتاب فى من تسببوا فى ضياع مستقبلك لانهم هم الأقوياء بالسلطان وانت المواطن الضعيف المسكين المغلوب على أمرك .
واهم شيئ احساسك بالمسؤولية المناطة بك أمام أسرتك واشقائك فلابد ان تظهر لهم انك قوي ومتماسك وصابر وغير ابه لما يحدث لكونه قدر من الاقدار التي شاء الله ان تحدث لك بغض النظر عن السبب والمسببات وذلك حتي لاتحسسهم بعقدة الذنب او كانهم مشتركون فى هذا الخطأالذي حدث ..فبالتأكيد ان ماحدث لك هو خطأموظف او اثنين او ثلاثة ولاتتحمله الجامعة قاطبة ولايتحمله السودان حكومة وشعبا ولا القضاء ايضا فأنت الان كمن يحرث فى البحر لاتسطيع أن تفعل شيئا ولا أن تحرك ساكناالبته
فاالامر جلل والمصيبة وقعها عظيم على نفسك وعلى نفوس السامعين فلابد لك أن تتجاوزها بصلابة الجبال وبرودة الماء فى الشتاء القارص ..
اظهر نفسك قويا ولاتتراجع الي الخلف ولاتنهزم واصبر فان صبرك لله وان الله مع الصابرين فتقدمك للتنازل عن الجنسية خطوة ذكية ادت الى لفت نظرالراي العام لانها حدث فريد فى تاريخ السودان ولكنها فى نظر المسؤولين ربما تكون شيئا عاديا لانه تمر عليهم يوميا مثل هذه الطلبات حسب الشروط المتوفرة لديهم وهذا أمر يخص شخصية المتقدم ولايخص الشخص المسؤول أي انه ليست من حقه الممانعة اذا كنت مستوفيا للشروط اللهم الا اذا كان من باب التعاطف , والرد الذي صدر لك كتابيا كان على هذا الاساس ويقول المثل (البينظر فى مصيبة غيرو بتهون عليه مصيبته ) فهناك الكثيرون جدا ممن لم يحالفم الحظ فى اتمام المرحلة الجامعية سواء كانو بارادتهم او خارج ارادتهم ومن الطلبه من يترك الجامعة وهو فى السنة الاخيرة ولم تبق له شيئ سوي فصل او فصلين دراسيين نسبة لظروف عائلية ملحة احيانا وغيرها فى احيين اخري اونت تعرف ذلك ..
لذلك فاتبع صوت العقل والحكمة واحتسب أمرك لله وان يصيبك شيئ لم يكتبه الله لك .
– والله اعلم –
أخوك الطريفي الخليفة
كان ضحوية .
وكنّا نسنّد في المحروت
فجأة يدوي مكبر صوت
قال الريس مار بي فوقنا
من شغلتنا قلعنا عروقنا
إن شغلتنا بلا ماروقنا
فكّينالو حبل واسوقنا
وإنماسكنا يطمّن روقنا
قمنا جميع الحلة مرقنا
البيشوفنا يقول وا شوقنا
كان ضحوية
وكانت عين شمش الله قوية
وكان الريس في عربية
واقف طولو تحت شمشية
هللنالو وهلجنالو ..
ولوحنالن بالطورية
فرّ عبايتو وهزّ عصايتو
وهزّو بنادقن الضابطية
صفقنالن صفقة قوية
زغردنالن ..
وهّدن عندنا خمسة دقائق
قدمنالو كتاب الله
درقة وسيف .. تبروقة هدية
قفة تمودة .. وفاس دهبية
وكنا قبل بيّتنا النية
وبين بنتين علّينا اليافطة
اليافطة ام زيق الدمورية
وانعبينا هتافاً واحد :
( الجابرية تحي الثورة
دايرين بوسطة ومدرسة وسطى
والشفخانة وسوق منضبطة )
روح باسم
قام خاطبنا
بنهج الثورة الصارم وحازم
أمّن لازم من شفخانة والتعمير بالعون الذاتي
أمّن لازم من شفخانة ومدرسة وسطى
والتعمير بالعون الذاتي
إلا البوسطة دي ينظر فيها
اما السوق .. السوق منضبطة
وبالتأكيد .. للتجار الأسعار واضحة
للمستهلك باينة وواضحة
وإن جاملتوهن تبقى الغلطة
إنكيفنا .. رفعنا إيدينا وهزيناهن بالتأييد :
( لا تفريط في قوت الشعب
سحقاً سحقاً للرجعية
الجابرية ضراع الثورة
بالإنتاج حا نبني بلدنا )
وكانوا في جيهة ونحنا في جيهة
هُن إنهببو بالكابات ..
وما همانا الصيف وعرقنا
فات الريس وانفرتقنا
انفرقنا على الجابرية
كلنا ننضم وما صدقنا
بالجابرية تجيها البوسطة
الشفخانة ومدرسة وسطى
قلنا يا ريت لو زارنا فطور
وانحزمنا ضبحنا التور
كنا اقلاّ ضمنّا النور
أو ياريت لو زدنا الصفقة وعاش
ويسقط ويوية اليوية
كنا أقلاّ ضمنا الموية
كنا بننضم بي إيدينا
( ده أحسن ريس مرّ علينا )
من الله خلقنا وشُفنا خلقنا .
ده أول ريس ذاتو يجينا
وكونه يجينا يقنّب بيننا ..
يشوف البينا .. كفاية علينا
آ الجابرية يجوكي الحكماء
آ الجابرية تواصلي البرة
آ الجابرية ولادك تقرا
نمشي الليلة نصاقر الرادي
نمشي الليلي نحضر النشرة
كنا نرجع في كلماتو
إلا في ستة من الجابرية
قالوا تعبكم خارم بارم
يذهب حاكم خلف الحاكم
والجابرية تظل في حالا
حلة حياتها تسر الظالم
صدفة تموِّت وتحيا اطفالا
لا جلكوز لا تقرا رسالة
لا راح يطلع منها عالم
ما بينصفكن إلاّ ضراعكن
عبّو ضراعكم يا رجّالة
وخلو بصركن دغري وسالم
حكم العسكر ما بينشكّر
كلّه درادر .. كلّو مظالم
ما هو قدركن تحيو همالة
مقصودين والقاصد فاهم
وقاطعناهن .. حاربناهن
تمّيناها البينا شتائم
حالَتُن احسن ناس في الحلة
إيدا نزيهة .. عقولا نبيهة
وقلنا يفرزوا وقلنا فواهم
يطلعوا فالصو وقطاع رحمة
عينة شماتة وخارم بارم
وإحنا القصّر واثقين فيها
وقطعناها معاهم جملة وقاطعناهن
وصاروا في جيهة ونحنا في جيهة
مرّ اليوم .. الشهر .. الحول
والجابرية بلد في حالا
قواسي شيوخا .. مآسي أطفالا
عذابات ناسا .. حلة تعافر ومقطوع راسا
من القُرّاصة ولي قَرّاصا
حلة تعافر ومقطوع راسا
عشرين كيلو من الجابرية
صبية تساسق بي كرّاسا
آ الجابرية عذابك فينا
لاكي القرية ولا كي مدينة
وفد في وفد يقوم ويجينا
عايزة دراسة واجراءات
عون امريكي قرض ألماني وحاحاءات
وحد ما نشوفلنا مسعولين
مسعولين أو خواجات
نجري نلم قدحاتنا عليها
ترطن ترجع زي ما جات
الشفخانة وعايزة دراسة
ومدرسة وسطى وإجراءات
لما المطوحة طالت بينا
إنذكرنا العون الذاتي
إنحزمنا وقلنا برانا
نبني نقوم لي الشفخانة
طوبة في طوبة .. وقومناها
ويوما التمت جات السلطة
عربي وعجمي ومرة رطانة
الشفخانة ده ما هو بُكانا
هاك يا تلتلة هاك يا ورطة
وغصباً عنك يا الجابرية
غصباً عنك يا أحوالا
وحمياتا وموت أطفالا
وحمرة عينكن يا رجالة
قوة إنشكت بيننا النقطة
وفي الجابرية تحوم الشرطة
هووا كلاب الحلة وصنّوا
ومن يوم داك ما شفنا الستة
وفد الحلة السافر جانا
قال إنأكد شاف الخرطة
ونحن بدل نبني الشفخانة
إنسرعنا بنينا النقطة
الشفخانة ده ماهو بُكانا
وكانت غلطة إنقلبت ورطة
إنفاهمتو مع المسعول ؟؟؟
إنفاهمنا مع المسعول
وقال حا يقوِّم للشفخانة ؟؟؟
أو يدفع لنا حق الطين
مع إنو النقطة وكت بُنيانا
قومتوها بلا زنزانة
في تقديرنا كلام معقول
كون يقوِّم لي الشفخانة
حاجة تضحك .. محرقة … هانة
انتو تقيفو مع المسعول
واللا الكنتو تقيفوا معانا
وقلنا وخفنا نصد الجاي
خفنا نفشل باقي الخطة
فضلت جايي .. هي فضلت خطة
وانفرقنا على الجابرية
وانعلقنا تجينا البوسطة
ومدرسة وسطى
والشفخانة قصاد النقطة
تجينا .. تجينا .. تجينا … تجينا
وما إنيقنّا ..
ناس إنولدوا وواحدين ماتو
لمّا الريس ودوشتو فاتو
فاتو العسكر .. وجو الأحزاب
ونفس الحلم إنجدد تاني
نفس الوجع الراح تحتاني
حتّلناهو جمعنا رفاتو
نفس اليافطة في نفس الحتة :
( الجابرية تحيي الشعب
دايرين بوسطة ومدرسة وسطى
والشفخانة بديل النقطة )
فينا إنكلم شيخ الحلة
صنقع .. دنقر .. سلم وصلّى
وكانوا كلاب الحلة بهووا
وقال كلمتنا تكون فد واحدي
شان ننقوى ما ننزلا
شان مشهادنا وعدل الحلة
نحن نفوِّز حاج البلة
وزاد هوهيو كلُّوب الحلة
وبعضنا عارض .. ردّ وفاوض
شيخ الحلة القام حمسنا
بلة الحمش الزول ما دلة
أول فاهم وقبلوا ولدنا
وراح يحكملنا بي شرع الله
هو .. هو .. هووا كلابنا
لمّا استغرب شيخ الحلة
وانفرقنا على الجابرية
انفرقنا ويوم الليلة إنجمعنا عموم الحلة
شيخ الحلة قرا القرآن
صنّوا كلاب الحلة وهووا
وبلة إنقدم سمّ وصلّى ..
صنّوا شوية .. وهو هو هووا
وقام إنكلم .. وعند إنكلم كان بينقسم
النسوان الجاي تنهامز
الصبيان الجاي تنغامز
وكان بينبسّم
وكانو كلاب الحلة بهووا
شكّر وشتّم .. هو هو هووا
حلّل وحرّم .. هو هو هووا
هود سابنا .. وفات ودانا الآخرة وجابنا
قاطعناهو وصوتو إنوطّا
اصلاً واطي وتاني إنوطّا
دايرين بوسطة ومدرسة وسطى
والشفخانة بديل النقطة
التموين وزيادة الحصة
كهربا موية وسوق منضبطة
بلة انبرع وقال ببنيهن
هو هو هووا كلابنا
واستغربنا قبل بالمرة
لامن نهتف ترسى كلابنا
لامن ينضم بلة يهووا
بلة انحمس وقال بسقينا
وبي إذن الله يضوّى الحلة
هتف الشيخ وهتفنا وراهو :
لا تبديل لشرع الله .. هو هو هو
ولا ولاء لغير الله .. طاء طاء طاء
عاش الفارس امل الحلة
بلة الطاهر علي حسب الله
بلة الطاهر علي حسب الله
كبر فينا وقام إندلّى
ولسة كلاب الحلة بهووا
وزاد هوهيون
كبشاً ضاع .. من مرحاتو وفاقع باع
بلة الطاهر على بلاّع
كانت أول مرة نشوفو
يومنا الشفنا اللاندكروزر
اللونا مخطط .. والبنوت الراسا مربط .. التنبوبر
لوري مكوش أقمشة .. سكر .. حتى الفوفو
وعتِّل تؤجر .. وامحى المنكر بي معروفو
بلة الطاهر علي بلاع
اكرمناهو .. اكرمنا ضيوفو
يشبة مَرَتْ الشيخ في وشيو
لولا الدقن الدشدش صوفو
بلة خبارك ما بتشبهنا وعامل زولنا
تاني نقول الزول برّانا نغير قولنا
إلا كبار الحلة بقولوا
بلة ده هولنا
بلة ده أصلاً من ها الحلة
إلا إنربّى وقرا في الخارج
ورافق جدو الفتح التركي
وسيرتو انقطعت في المهدية
ومرة سمعنا استوطن برة
وقام إنزوج من مصرية
جابت علي ..
علي جاب الطاهر
حتى الطاهر خلّف بلة
جدو اشيطن اخير ما لانا
وبلة انسركن جاء وبرانا
أقرب واحد لي حاج بلة
أقرب واحد شيخ الحلة
بلة الطاهر علي حسب الله
أول مرة يصلي معانا
قدمناهو وقام أمانا
صوتو مرخرخ لمن يقرا
يقرا ويقطع زي البطرا
لامن يركع جسمو متختخ
عند السجدة سجودو ممخمخ
شيخ الحلة يقول عن امرو
زول غرقان في الدين من عمرو
ستة سنين قابض في جمرو
ما فكاهو طريق الله ..
صوتو وِدِرْ من كترة ذكرو
وجسمو التختخو شدة صبرو
قلنا حقيقة .. الزول بي عذرو
وفتنا قناعة .. ومانا قناعة
إلا الستة الصارو جماعة
قالوا ده زول ترباتو مياعة
ما بيشبهنا ورفعو وضاعة
زول زول دنيا ودنيا صياعة
قصة دينة ودقنو بضاعة
واحنا اصواتنا .. يا إما مضاعة
يا إما جهالة وناس متباعة
وفي الحالتين آمالنا مضاعة
وخارم بارم
كونها بوسطة ومدرسة وسطى
والشفخانة وموية نور
كونو يجينا ده ما منظور
وزيادة الحصة
الزول زول سوق
زول من جدو يلف ويدور
ويا الجابرية ده مطلب عادل
كونو تطيبي تكاتبي وتقري
ضوك يشلع .. دشك يرشع
واحنا دفعنا ضرائب بدري
ولسه بندفع .. لسع .. لسع
بس يا جماعة ..
إن قضينا حياتنا تباعة
وصنّيت رادي
وقول في الفاضي
خوفنا نقوم ما نلقى أراضي
ونحنا أساسنا وراسنا زراعة
والجابرية إن دايرة شفاعة
ما بيشفع لها إلا ضراعا
عبو ضراعكن يا رجالة
وخلو بصركم دغري وسالم
عبو ضراعكن يا رجالة
شيخ الحلة أضلّ وضلّ
واسألوا بُرّة وحاجة السُّرة
عن التيبان وحكاية الصُّرة
اللمّ البلة وشيخ الحلة مع شرع الله
والناس ديل العارضين برة
جرّبناهن كمين مرة
تاني نجرب شان ننضرّ
ويا الجابرية معاكي سلامة
كان الفوقك ما فات مرة
كان كلماتن ناشف ريقا
وكانت مرة
إلا حقيقة .. غلبنا نطيقا
وين في الصرمة وقل القدرة
سكتناهن بس ما صنّوا
وقاطعناهن تاني المرة
وبلة طريق الناس وخيارا
فوزناهو وجانا زيارة
كرمنالو التور وعرضنا
وخليناهن برة الدارة
دايرين بوسطة ومدرسة وسطى
موية وكهربا والشفخانة
زيادة الحصة وسوق منضبطة
وصدوا كلاب الحلة يهووا
ينضم بلة يهووا معاهو
نهتف نحنا يزيد هوهيوا
مافي شهر جاتنا الخرسانة
جان السيخ .. الطوب .. الرملة
جا الأسمنتى شكارة شكارة
عديناهن ألف شكارة
كرمنالن خيراً جانا
وكل كلاب الحلة الهوّن
طفشنالن بالجبخانة
وفي صنانة تدودي الزانة
انغالطنا كتير في بعضنا
أولى المدرسة ؟ واللا البوسطة
أولى المدرسة والشفخانة
الشفخانة محل النقطة
ونان النقطة .. نحنا أهالي
وودنا صافي
بينا معزة جرائم مافي
وما بنحتاج لي شرطة ونقطة
تحصل علة .. في شيخ الحلة
وناس السلطة
نحنا الإيدنا بنت لي النقطة
والجيرنا زبالة اطيانا
ناس السلطة إن دارو النقطة
شي بُكان أرض الشفخانة
وما طالبانا خلاف زنزانة
مدرسة بوسطة
ستين طلبة وعشرين اوسطى
شغالين ما ملو سخانة
مدرسة بوسطة .. وقلنا غُنانا
يا الجابرية .. الله أدانا
حاج البلة المبروك جانا
جاب المدرسة .. جاب البوسطة
وبكرة يرجع للشفخانة
نصحى نصابح موية الدُّش
نمسى نلاقي الضو عمانا
مدرسة بوسطة .. مدرسة بوسطة
وتاوق .. تاوق .. تاوق ..تاوق .. تخ
وفجأة تبين في السطح الخرطة
وكب تنتصب الميضنة أخ
أخ من حظك يا الجابرية
سابع جامع بالجابرية
وصدوا كلاب الحلة يهووا
أخ يا الناس الحالُن قطّ
هو .. هو .. هو .. هووووا
في البلدان الحظها فاجع
بق يا الصاح الماك متراجع
حرِّق دبش الدنيا الغلطة
بق وانفرق في الجابرية
بق في ارحامنا في شافع نافع
ترفعوا امو في حيطة الجامع
يكتب يسقط دجل السلطة
يسقط بلة وشيخنا التابع
وكشفناك وكشفنا الخطة
تحيا كلابك يا الجابرية
يحيا ضراع الزيتُن طالع
غُلب يصارع مر الواقع
يحيا ترابك والطورية
الجابرية تحيي الشارع
دايرين كهرباء دايرين موية
دايرين سلطة وسوف منضبطة
دايرين هسة زيادة الحصة
الشفخانة بديل النقطة
دايرين بوسطة ومدرسة وسطى .
وهل الحل في رفض جنسيتك اتقى الله والجأ الى رب العباد فانه لا يخيب من يلجأ اليه واصبر
ياهيثم انا متضامن معاك من ناحية نفسية وانك لك الحرية والحق الطبيعي في التمتع بالجنسية السودانية لكن قصتك دي ما لافقة كيف هي العلاقة بين الصيدلة وحساب التفاضل والتكامل ولا البحتة . انت غلطان وراكب فوق حصان العند لانه دراسة الاحياء اهم مادة لدخول الصيدلة مثلا لوداير تقيس حساسية بكتريا معينة لازم يكون لديك خلفية البكتريا شنو ودورة حياتها كيف.
خليك على الحدود بين الجنوب والشمال..ممكن تمشي ابيي..اصلها بعد يوم تسعة ما عارفين حنكون تبع وين..
اذا كان وزير الداخلية اريترى والجاز فلاتى وغازى متورك مع حمدى وشيخ على عثمان وكرتى بقايا نتنياهو تخلى الجنسية عشان العلوج ديل عيب واللة لا تستسلم ( صوم يوم الاثنين وعند الافطار ادعو عليهم اللة ناصرك )
انت عارف ياخينا انا مره ركبت مع بتاع ركشه وفي الدردشه طلع خريج جامعه ومبسوط من شغله مادام العداد رامي وعايش ومستور الحال ومثله كثيرين ولكن راضين بالحال مادام النفس طالع والحمد لله علي الصحه وذي ما قال الاخ كونج في ناس يعملو طعميه وكوارع وسمك لنص الليل بدون كلل او ملل وصدقني النسوان يعملون العشاء لنص الليل وبعلمون ابناهم في ا حسن الكليات واعلم واحده لم تتعلم وخرجت اربعه ابناء من هندسه واحده معلمه رايك شنو اترك البتعمل فيه وشوف ليك شغل ولو غسال لان الشغل مش عيب وانت قايل الهجره تنفعك سوف تتمرمط ماشاء لك وحتي المهاجرين لو وجدو طريقه لعادو لاحضان الوطن
يا جماعة علينا جمعيا عن نتضامن ما اخونا هيثم فى هذه اللحظة الحرج لذا ارجو من الجميع مقتراحات عملية حتى يستطيع اخونا الخروج من ورطة الكيزان.
نصيحه أمشي بلد اليهود بنصفوك أكتر من الاعراب ديل:D :D :D :D :D :D
الأخ هيثم اكيد وقع عليك ظلم فادح جدا اوصلك لدرجة اليأس بكونك تنازلت عن
الجنسية السودانية ،لازم تعرف لا توجد دولة تمنحك اللجؤ السياسى اذا لم تحمل
جواز سفر حتى تعرف هويتك ومن ثم تبدأ اجراءات اللجؤ والا مصيرك السجن والترحيل
عليه لا سبيل لك الا ان تحتفظ بجنسيتك حتى يسهل مساعدتك سواء من جهات خيريه
او مؤسسات دولية ودائما اوكل امرك لله فهو حسبك ويكفيك من خلقه لكن اوصيك
بان تعرض مشكلتك على القنوات الفضائية خاصة قناة الجزيرة ثم كن متفائلا و
لا تقنط من رحمة الله0ما اضيق العيش لولا فسحة الأمل0 خلى هذا شعارك
وان شاء الله نسمع عنك كل خير
يا هيثم شيل ليك سلاح وسلح العواطليه الفي البلد وادخل الغابه امكن بعد داك الحكومه تقعد معاك في اي بلد عربي ويتفاوضوا معاك واحلواليك مشكلتك
الأخ هشام ..انا نصيحتي ليك انك تتمسك بي جنسيتك السودانيه وماتتخلى عنها من مذهب البطلع من بيتو حزين يلقى الفرح عند مين عشان كده خلي ايمانك بي ربنا قوي واحسن ليك أدرس ليك حاجه تانيه ولو مصر على الصيدله اقراها بره وماتضيع زمنك في الجري ورا البتعمل فيهو ده وربنا يوفقك لكن تاني بذكرك ماتخلي جنسيتك السودانيه في لحظه بتاعت زعل يمكن تندم عليها بعدين
Well Haitham, let me tell you this in short and direct way, your approach to solve your problem was totally wrong. You injected a lot of politics in it and this is the expected outcome. I’m a pharmacist practicing in Canada, it goes without saying
that achieving certain level in Biology
is a requirement to get enrolled in pharmacy college any where in the world. now your situation is extremely difficult because you turned every one has the capacity to solve your issue into an enemy, and you can not reverse that. I f your goal is political and you want to reach the media and become Hero, you have already did.if you really keen to become a pharmacist then quit what you are doing now and seek enrollment back in your previous college in India
all the best
الاخ هيثم ربنا يكون في عونك.من التعليقات السابقه اتضح بأن الشعب السوداني شعب لا يقدر على فعل شي ولا يحكم نفسوا ولا اي حاجه ياخي في ناس ماعندم دم بالجد
وانا احييك على العملتوا السودان بلد كبيره وخيره كتير لكن احنا الفيها مابننفع في حاجه راجعوا نفسكم كويس
عزيزي المقهور.اساسا انت غلطان بارسال ونشر مشكلتك علي بني وطنك. لأن الموجود منهم بالسودان اصبح مصلحجي وفقد احساس المساعدة والهمة.أما الموجودين بالخارج فهم ببساطة (وافدون) بلغة أهل الخليج ومعظمهم صايعين أو أصحاب الجوء السياسي بأمريكا وأروباوأتمرمطوا حتي حصلوا عليه. أعمل البتشوفو صح والله معك
………………………………..
هوي يا ناس البتقولو مساق علمي وادبي وماعارف شنو خلو الجهل البتقولو فيهو دا ووالله شكلكم ما شلت قلم ولا دخلتو جامعات . من متين الثانوي بيأهل للطب ولا الهندسة وامال الاربعة سنة دي في الجامعة بيقروهم شنو وبعدين خلاص العالم كلو غلطان ونحن في السودان الصاح الهند دي قايدة الناس اسي في العالم بالعلم وكل الدول الغربية مكان العلم ما سمعنا يوم قالو دا شهادتو تخصص ولا احيا المسألة مقرر جامعي طالما انت بتنجح فيهو مافي مشكلة والبيتكلمو ديل معظم برة البلد وبيتفاصح وما عارف الحاصل شنو في السودان والجمرة بتحرق الواطيها وما عرفو معني اليأس ياااا سودان حر عادل يا تسقط الحكومة الما قادرة تحل مشاكل شبابا وبعدين نفترض انو هيثم دا غلطان في قصة المسار الاكاديمي المسئولين ديل وبياخدو مرتبات يكتشفو دا بعد سنة ومرة بعد سنتين وبكل بساطة يقولو ليهو مع السلامة انتو بتتكلمو كيف والله ادي طلقة في راسو وامشي القسم بي رجليني اقل شي الجامعة تدفع ليهو تعويض مالي ومعنوي يا جماعة اتكلمو بي روح الاسلام البتحرم الظلم ولو وقع بتفعو عن المظلوم بالتعويض … صبرا ان موعدكم قريب
يا اخ هيثم القضية فعلا معقده لكن دة ما يديك الحق تقول انا ماسوداني لانو السودان لو ماالابطال الزمان الماتو في سبيل انك تجي هسي عشان تقول داير صيدلة راجع نفسك كلامك ما كلام زول عاقل وكلنا مظلومين وقاعد في السودان وصابر (وانا خربج لي 3سنة وسايق ركشة وعايش احمد ربي مرة ازوق من ناس النظام ومرة من ناس الحركة والشوارع كلها بقت ممنوعة ) لكن بدق صدري بقول انا سوداني يا ناس
يا ابنى هيثم الله يصلح حالك لا تتنازل عن جنسيتك انت سودانى اصيل واقترح عليك ان تزهب الى اقرب كنيسة فى الخرطوم واحكي لهم المشكلة من طق طق الى السلام عليكم وان شاء الله تجد الحل عندهم وهاك هذه القصة وهى ان هنالك مواطن من الريف السودانى اتى بابنه الى مستشفى الخرطوم للعلاج والاطباء قرروا اجراء عملية تكلف 600الف وهو لا يملك منها شيئا احدهم نصحهبالذهاب الى ديوان الزكاة ومدير الديوان بعد جهد جهيد صرف له 30 الف وخرج يبكى الفقر وايام الفقر وفى طريقه دخل الكنيسة وحكى لهم ما صار ومشكلته وفورا ارسل معه مندوب من الكنيسة لمساعدته وتم دفع المبلغ بالكامل ومعه 300الف مصاريف للاب وتمت بحمد الله العملية والرجل ممتن شاكرا الكتيسة والقسيس ولم يطلب منه ان يدخل الدين المسيحى اخى النصارى ارحم من الكيزان قاتلهم الله
انت عارف انا لما قريت العنوان شغلت اعنية انا سوداني واقول ليك ربنا يعينك وانا زيك والله خريج لكن لم انتظر هؤلاء فشقيت طريقي ولم اعد اهتم بالوظائف الحكومية لانها مهزلة بالطالب المثقف الحر النزيه فاصبحت الوظائف الحكومية ملك للاقلية الظالمة الجاهلة ياخي مالك والمال المبشبوه الشغل مع ديل بقي فيهو ان …….كافح من اجل توفير حق المخارجة وزي ما قلت ارض الله واسعة فانا مثلك في الحتة دي لاني عندي الان حق الهجرة بعد الكفاح والزل في وطنك لكن انا سوداني وخليك سوداني(ما بتاعت الجماعة) من ضمير…… عليك بالاستخارة والدعاء في الثلث الاخير من الليل فلنبدا هذه المعارضة عن طريق الدعاء وقيام الليل فالله هو كفيل المظلومين لم يستطيع الظالمون مواجهة جيش الله.
انا مستغرب من حاجة؟ فكرة انو بتاع الرياضيات ماممكن يقراء حاجة عندها علاقة بالاحياء؟ مع الاسف ده تخلف سوداني بحت؟ لانو الفرق بيننهم مادة واحدة لاتتعدي فصل واحد في الجامعة؟ يعني البيقراء الفصل دة في الجامعة بيكون عمل معادلة بينهم؟
احنا في زمن ممكن تقراء اي حاجة انت دايرها؟ لانو في النهاية في متطلبات وامتحانات ممكن تنج من خلالها؟ قديتونا بتفكيركم المتخلف ده؟ معقولة بس احنا في العصر الحجري؟ هيثم ماتنسي لو لقيت دولة تديك جنسية كلمهم بحالنا وحال الغلابة التعبانين مع المؤتمر الوطني لانهم الجنسية زاتها كرهونا ليها