محافظ بنك السودان : برنامج هيكلة الجهاز المصرفى شارف على نهايته..بنك النيلين سيتحول كشركة مساهمة للمغتربين

كلام عائم ومعوم

1- هناك مؤشراً لمضاعفة الصادرات خاصة السلع الاربعة حسب البرنامج الثلاثى ( القطن , الصمغ العربى ,الثروة الحيوانية , المعادن)

((((الصمغ عرفناهو ما داير ترع ولا سقي ولا سماد الله أداهو السودان بدون كلف أو قفل وفتح بلف.)))

2- تم وضع معالجات لسد الفجوة المالية بعد ان فقدت الدولة 50% من الايرادات عام 2012 موضحاً انه تم توحيد سعر الصرف لجذب مدخرات المغتربين ليصبح مستقراً وتحدده عوامل العرض والطلب لذلك طبقت السياسة المرنة وتحريك سعر الصرف ليحدث نوع من التوازن بين الصادرات والواردات لافتاً الى الجهود المبذولة لسد الفجوة بين البنوك التجارية والسعر الموازي .

((( المغتربين مدخراتهم مجذوبة مسبقاً ضرائب ورسوم وزكوات جهاز المفترين بالداخل ، الرسوم الدراسية الجامعية لأبناءهم في السودان،، مصاريف لأسرهم شهريا على نغمة حليل الراحوا وخلوا الريح تنوح فوق النخل))

3- وقال بدأنا هذا العام فى مصادر جديدة من الصادرات الزاعية باكثر من 50% مؤكدا ان كل هذه السياسات هي التى عبرت بالسودان لتجاوز الصدمة التى حدثت فى الاقتصاد .

(( ماهي السلع الزراعية الجديدة المصدرة هذا العام وهل من ضمنها علف البرسيم الذي منحتم المستثمرين أراضي زراعية لزراعته في أخصب المناطق الزراعية التي يمكن أن تنتج فيها 20 نوع من خضروات الاستهلاك اليومي وتصديرها يوميا لأكثر من عشر دول لتدر على البلد بضعة ملايين ملايين من الدولارات في اليوم))

4- وفيما يتعلق ببنك المغترب اوضح المحافظ ان هناك توجيهاً من رئاسة الجمهورية بتحويل بنك النيلين كشركة مساهمة للمغتربين وهناك تشاور فى هذا الامر لدراسته .

(( هذا البنك له قصة مأساوية فهو سيد كهول شهداء البنوك المستباحة بالتمكين فقد نهب نهبا لا مثيل له وأفلس افلاس من جاء شتم هذا ولعن هذا وأكل حسابات هذا والغريبة أن من نهبه بحجة أن أخيه كان من رواد الشهادة في الجنوب وشفعت له شهادة أخيه في ما نهبه بل رقي ليكون مخطط استراتيجي ،، لذا أعلم أيها المغترب أن بنك النيلين بعد أن فاض بيهو الحنين ونهب باسم التمكين وضاعت ودائع المودعين وحسابات المسجلين فيه يريدون أن يعيدوا مجده المالي بأن ترق فيه بعض مدخراتك أو كل مدخراتك أو تكن له فداء فاحذر فهو ليس بنك مغترب وإنما سيكون بنك للضرب فتجهز لذلك إن كنت غافلاً وما سندس عن المراقبين ببعيد،،)). إذا أرادت الانقاذ يمكن للمغتربين أن يؤسسوا بنك في الخارج ويفتحوا له فروع في الداخل ويكون مقره دبي أو المنامة حيث الامن والسلامة ،، أما أن يقوم جماعة مورغان السودانية بتبني بنك المغتربين ويقبل المغتربين ذلك بعد كل ما دفعوه سنويا لجهاز المفترين بالداخل فقد طالت غربتهم وزادت كربتهم ،، هل سمعتم أي من المسئولين حتى في درجة مدير دائرة تعرض للصافي جعفر وسأله عن أموال مشروع سندس الذي أصبح يسقى بدموع حلقات الذكر والذاكرين .

فشلتم فشل ذريع يا سيادة المحافظ وو الله أنا لو منت المسؤول لتركتكم واستعنت بخبرات أجنبية مع الاستفادة من تجارب الدول المتقدمة ياخي استحوا وقدموا استقالاتكم واعتذروا للشعب السوداني ضيعتوا البلد الله يضيعكم

ياالسيد المحافظ اولا شوفوا واعرفوا السبب الرئيسى فى ايجاد هذا العجز!!! وحتى الطالب عند التقديم للجامعه وللكليه التى يرغبها فانه يحتاط لكذا كليه اذا ما لم يوفق فى رغبته .. وحكومة السحم والبهم مع علمها الكامل بفقدانها لجزء كبير ومؤثر للدخل القومى لكنها لم تبادر لايجاد البديل الذى يعضضد الاقتصاد والسياره (HAS SPARE TYRE).! الا سيارة الانقاذ البتمشى على عجل الحديد… وثانيا السيد المحافظ اذا كان فاكر بان للمغتربين مردود مادى يستفاد منه للدوله فالرماد كاله وكال بنكه وحكومته !! من أيام نميرى والحكومه تحلب فى الغلابه التاركين اهليهم واولادهم وهنالك حد ائتمانى ان جاز التعبير بان تعقم هذه البقره وهى الان محتاجه لرعايه وايواء واعاشه والمعذره لى ولاخوانى فى بلاد المهجر ..وفى عهد الانقاذ صارت تتردد الوفود من كل اقاليم السودان لبيع الاراضى وياما فضائح بجلاجل وسرقه عينك عينك وطظ فيك يامغترب ولاعزاء للوطن.. وعليه بقول لمسئولى المحفظه النقديه فى السودان ولاعلى سلطه فى البلد ماليكم عشم فى ريال او درهم او دولار ؛لآن جيوبكم مفتوحه الشهيه بلهط اى عمله صعبه وبايجاز اقول ليكم حاميها حراميها ……

ما عندنا ليكم اي هللة يا حرامية يا نصابين نرسل قروشنا وبعيدن نبقي قي يا ريت

اهلا فوزية ،،، لا خلاص اديناكم مدخراتنا خموا قال مدخرات قال نشفتوا السودان عايزين تنشفونا نحن مابنقدس عديل بقينا اخطر من حاجة حريصة بعدين نحن بنحول 2100 جنيه دا سعر الدرهم عن طريق التجار زيادة عن سعر الحكومة 600 جنيه بعدين التجار ديل بشترو بى القروش بضاعة من دبى اودوها السودان ما بودوا قروش . دا كلوا من فشلكم وبعد كشة السعودية للسودانيين مافى اغتراب .

ماقريت الموضوع لانو عارفو كلام فارغ،،، لكن الريالات والدولارات تشموها كتحة.لو كتبها الطبيب في رشتة..نهي وألف تم نهي بالهندي عديل كدة.

لا تتعبوا انفسكم يا ناس بنك السودان

الثقة مفقودة في الحكومة دي نهائيا

لو كان بنك النيلين دا مقره في امريكا وتعاملاته هناك حيث الدولار لن يثق مغترب واحد ولن يحول مدخراته او مصاريفه عليه

حيلكم كملت واستهبالكم وفسادكم اصبح معروفاً للقاصي والداني وزي ما شربكتوها وسرقتوها ترجعوها والا فسوف تهربون وتستقيلون منها غصبا عنكم وفي كل الحالات المقاصل في انتظاركمGame Over

القلم مابزيل بلم …. قيل للحمار لماذا لم نعد نسمع نهيقك رد قائلاً لم يعد هناك مكاناً لصوتي فلقد إمتلأ فضاء السودان بنهيق حكامه وتابعيهم .

تحويل البنك لي مساهمة للمغتربين !! كدي اول حاجه ساعدوا الناس الجوا السودان ديل بعدين ساعدوا المغتربين , ولا المغربين ما ضربتوهم اكتر من الجواء و عاوزين تضربوهم

ههههههههههههههههاها خلاص كملتوا البترول و احتكرتوه لنفسكم ودمرتوا الزراعة لفيتوا على المغتربيين يا اولاد الهرمة وهو المغترب ناقصكم يا عديمين الذمة يا ناقصين الدين اجروا اللعبوا بعيد كفاية حرقتوا الناس الجوه قبلتوا على الناس النافدة بجلدها منكم اجروا بعيد يا حرامية قال تحويلات المغتربين اهو دي معالجاتكم للاقتصاد وده المؤتمر الاقتصادي بتاعكم طلع بالتوصيات دي اغبياء وسطحيين صحيح

والله الناس ديل نصابين محترفين وما عندهم يأس ابدا تقفل حنفية يفتحو حنفية تانية وما اظنهم بيشبعو ابدا