نظامي يعتدي بالضرب على طبيبة بمستشفى رويال كير

ده ملازم واصل و مالي ايده البدخل ابو في رويال كير وما حتلقي حقك منه

فى الحقيقة ناس مستشفى رويال كير خدماتهم زى الزفت رغم المبالغ الطائلة البيشيلوها من المرضى ….والاطباء بتاعينهم من خريجين كليات طب (حبيبى امسك لى وانا اقطع ليك ) جهاليل وعندهم عقدة نقص ….فالحين يعينوا طبيبات من النوع البيعمل كم كيلو مكياج كل صباح لزوم جذب الزبائن وكده ..

دي المضيع السودان ومخليهو حتى الآن ماقدر يوفر حق الرغيب،الصحافة تعبانة لأنها ما ذكرت سبب غضب الملازم يعني معقول يتشاجر مع الممرضات والطبيبة بدون سبب؟والملازم زاتو تعبان لأنوا زمان وقت السودان كان كويس مافي راجل بيضرب ليهو إمرأة،والطبيبة ذاتها ممكن تكون تعبانة،أقول ممكن ولا أقول أكيد،ممكن تكون تعبانة لأنوا المستشفيات جعلنا نأخذ إنطباع سيء عن خدماتهاوهناك الأخطاء الطبية منتشرة،وبعدين الملازم دة ذاتو كونوا يهدد الطبيبة بالفصل ده دليل آخر على وجود أسباب الفساد والواسطات المضيعة البلد يعنى إذا كان هو عندو زول في الحكومة ممكن يساعدو على فصل الدكتورة دي ده معناة إنو هو ذاته دخل الكلية الحربية الزول الهيساعدو على فصل الطبيبة.غايتو حليلك ياسودان.

و كما قال هدد بفصلها عن العمل . هو يطلع شنو ذاتو ؟ مجرد ملازم هلفوت راتبه لا يتجاوز 620 جنيه . تافه . يا جماعة ما بتلاحظوا أنو معظم الضباط الصغار ديل سبهلليين و طائشين ؟ قبل فترة عندنا ملازم في حلتنا متخرج جديد و كانت في حفلة في الحلة قام صاحبنا طلب من إحدى الحسناوات تقوم ترقص معاهو و البت رفضت و قام هو أصر عليها و هي استنجدت بالشباب حتى فكوه منها بعد شوية كده صاحبنا الملازم جرى البيت جاب طبنجتو و ضرب كم طلقة في الكشافات و الساونات عشان يخرب الحفلة . برضو بنقول جاهل صغير بيفتكر انو الرتبة تعني أنك أعلى من (الملكية) ديل

كل من له عقدة رجولة يظن الحل فى العسكرية.