الهلال السوداني يعيد قيد 5 من نجومه
الخرطوم-أحمد محمد أحمد
أسعدت لجنة تسيير نادي الهلال السوداني جماهير ” الموج الأزرق”، بعد تعيينها بـ 24 ساعة،وأكدت بطريقة غير مباشرة إنقاذ النادي من المشاكل المالية التي ظل يعاني منها،وذلك بعد أن عقدت اللجنة التي تضم عددا مقدرا من الأثرياء أول اجتماع لها أول من امس وقررت خلاله الالتزام بتقرير المدرب صلاح ادم بشأن التسجيلات والتأمين على إعادة قيد 5 من لاعبي الفريق في مقدمتهم مدثر كاريكا الذي كان المريخ قد بدأ معه مفاوضات جادة لكسب توقيعه في فترة التسجيلات التي تنطلق مطلع الشهر المقبل،بجانب سيف مساوي وخليفة،واللاعبان الماليان تراوري وسيدي بيه.
وقللت بشريات إدارة الهلال من صدمة جماهير النادي بخسارة كأس السودان بعد انسحاب الفريق وتخلفه عن أداء المباراة الختامية أمام المريخ الذي توج بالكأس بمدينة الدمازين في احتفائية كبيرة،وكان الهلال قد رفض السفر نتيجة الفراغ الإداري الذي يعيشه النادي،ليحتفل أنصار الأحمر باللقب الثاني في هذا الموسم بجانب بطولة الدوري الممتاز،وتسيطر الحسرة على أنصار الأزرق.
لكن الطيب حسن بدوي وزير الشباب والرياضة بولاية الخرطوم نجح في رفع الروح المعنوية داخل القلعة الزرقاء بالإعلان عن لجنة التسيير ضمت 20 شخصا برئاسة المهندس الحاج عطا المنان الذي عمل من قبل واليا لولاية جنوب دارفور ووزيرا للمالية المالية بولاية الخرطوم عاصمة البلاد وضمت اللجنة ايضا عبد الله حسن احمد البشير الشقيق الأصغر للرئيس السوداني عمر حسن احمد البشير ومجموعة مقدرة من أصحاب المال الذين اكدوا إحداث نقلة كبيرة في النادي خلال فترة التكليف لمدة 6 اشهر.
احتياجات
وعقب نهاية الاجتماع اكد رئيس النادي الجديد في أول لقاء له مع اللاعبين حل كافة المشاكل المالية وتوفير كافة الاحتياجات وقال عطا المنان إن ” الأزرق ” مقدم على مرحلة مهمة وانهم عازمون على نقل النادي إلى مرحلة متقدمة،مبشرا الجماهير بالعديد من المفاجآت السارة في الوقت القريب،فيما اكد نائبه عبد الله البشير أن اللجنة وافقت على العمل من اجل النهوض بالهلال وإعادته إلى موقعه القيادي.
وقال:الهلال ناد كبير ويجب أن يكون في المقدمة،ومضى نحن حزينون لعدم إحرازه لقب الدوري الممتاز أو كأس السودان لكننا سنعمل على إعداد الفريق بطريقة تمكنه من إحراز اللقبين في الموسم الجديد.
وفي السياق قرر الاتحاد السوداني تحويل الهلال إلى اللجنة المنظمة لإصدار عقوبات ضده بعد انسحابه من مباراة نهائي كأس السودان أمام المريخ والتي كان مقررا أن تجري بمدينة الدمازين – 600 كيلو متر جنوب شرق العاصمة الخرطوم .
وقال الدكتور معتصم جعفر رئيس اتحاد الكرة السوداني إن اتحاده لا علاقة له بالأزمة التي حدثت في الأيام الماضية بين الهلال ووزارة الشباب والرياضة بولاية الخرطوم وقال انه كان حريصا على قيام المباراة وطلب حضور الهلال إلى الدمازين وقدم وعدا بالتأجيل في حالة حضوره لكن الهلال لم يحضر إلى موقع الحدث وأضاف:اللجنة المنظمة ستنظر في تخلف الهلال وتقرر بشأنه ويتوقع أن يأتي القرار في صيغة عقوبة مالية .
محاولة
وكانت لجنة تسيير الهلال قد سعت لتأجيل المباراة حتى تتمكن البعثة من السفر وأداء اللقاء وتقدمت بطلب شفاهي لاتحاد الكرة الذي رفض التأجيل إلا في حال وصول الفريق إلى مقر المباراة النهائية وزاد من صعوبة الموقف تمسك المريخ بأداء المباراة في موعدها المحدد،وقال طارق عثمان الطاهر الأمين العام للنادي إن ناديه التزم بالبرنامج الذي حدده الاتحاد.
ولا يرى أن هنالك اسبابا للتأجيل وقال في تصريح لـ(البيان الرياضي) إن المريخ لا يمكن أن يوافق على طلب تأجيل لناد لا يتواجد في مكان الحدث وأضاف:الهلال بقي في الخرطوم وطلب التأجيل ليوم،فمن الذي يضمن انه سيحضر حتى لو وافقنا.
ملحق
كسب حي العرب بورتسودان نتيجة مباراته الأولى أمام النيل الحصاحيصا بهدف لاعبه امادو في لقاء الذهاب من ملحق البقاء أو الهبوط من الدوري الممتاز،وتقام جولة الإياب بعد غدٍ ،والفائز من مجموع المباراتين يلعب الموسم المقبل في دوري الأضواء والشهرة،وكان حي العرب قد أحرز البطاقة الثالثة في الدوري العام المؤهل للممتاز.
فيما جلس النيل الحصاحيصا بالمقعد الثاني عشر ليلعب أمام الأول ملحق البقاء أو الهبوط،ويحتاج النيل إلى الفوز بأكثر من هدف في لقاء العودة للبقاء بالدوري فيما تعني خسارته أو تعادله عودة حي العرب إلى الممتاز من جديد.
البيان
عليهو العوض ومنة العوض في الهلال خلاص دخلو يدهم في اخر قلعة رياضية كانت تقاوم اللة يرحم الهلال والبركة فيكم وفي الرياضة عموما مع اولاد البشير
البرير وعد بنفس الوعود وكان ما كان .. الشيء الثاني تركنا الهﻻل والرياضة للمؤتمر الوطني ولحوش بانقا ..
االله يكون في عون السودانييين
ديل ما حرامية المؤتمر الوطني النشفو ريق السودان
الحاج عطا المنان ح يفتحو ليهو الميزانيه عشان يدعم الهلال وعشان يقولو افضل رئيس مره علي تاريخ الهلال زي ما قالو افضل والي مره علي جنوب دارفور
وعبدالله البشير شقيق الرئيس صاحب الشركات الماعندها عدد كل اموال الغلابه ح يصرفها في الهلال وح يخلو البلد تاني في حيص بيص—————– بختك يا هلال الكيزان بتاجرو بيك بأموال الغلابه
صاحب الصوره ابو دبابير ده كان طبيب طوارئ في ضواحي السعوديه
يعني في حالة سقوط الحكومة محتاجين لتلاتة رؤساء واحد للحكومة واحد للهلال وواحد للمريخ.
عوووووووووووووووووووووووووووع ؟؟؟؟؟؟؟
أفقدوا الهلال كيانه حتى يمكن السيطرة عليه كما سيطروا على المريخ من قبل وها هم اليوم تكمتل دائرة سيطرتهم على نادى الهلال والشعب الجبان يتفرج عليهم هذا الإبتذال والإمتهام لحقوقه ..
خلاس هدا طرفنا منو
قال نجح الوزير الطيب حسن في رفع الروح المعنوية داخل القلعة الزرقاء !!! خليهو هو يرفع من مؤهلاته هو اولا !!! دا زول لا علاقة له بالرياضة اساسا !!! والهلال هزم فريق الوزير(المريخ) في الممتاز وجنله بالثلاثة من غير رافة !!! المهم يا وزير المريخ الهلال ما محتاج تعين ليهو لجنة ولا مجلس ولا سياسيين الهلال له رجال يمثلون قطاعات الشعب لا قطاعات المؤتمر الوطني والهلال ضد التعيين ومع الديموقراطية والحرية والتنافس الشريف لكن للاسف انت صرت وصمة عار في جبين الرياضة ،، شجع المريخ وافتح ليهو خزاين الدولة بجانب جمال الوالي وسجل ليهو لعيبة برشلونة والريال والبرازيل والمانيا وبرضو الهلال سيد البلد حا يهزمك ويهزم جمال الوالي وكمان حتىالعسكري عمر البشير ومحفله الخماسي !!! لو عايز تعرف عظمة الهلال انظر للقرار التاريخي بعدم اللعب والسفر للدمازين غصبا عنك وعن حكومتك !!! قرارات رجال !!! وردة فعلك وجماعتك انكم تجيبو وزراء الحكومة عشان يسيروا امور الهلال !!! يعني (الهلال المؤتمر الوطني!!!) بس نحنا متمسكين بسيد البلد ،،، هلال السودان ,,, هلال الملايين ،،، هلال الحركة الوطنية ،،، امتدادا لجيل (هلالنا صعب كاساتو دهب ،،، هلال رئيسكم مين ……..؟؟؟؟)
اما فيما يخص رئيس الاتحاد يكفي انه مريخابي متعنصر وبس!!!
الجماعة بتاعين المشروع الحضاري فشلوا في السياسة حولوا للرياضة وكما قالحد المعقبين ده طرفنا من الكورة والهلال مسخ لكل شيء لماذا لا يعين ناس من خارج الزفت ده افقدوا كل كل جميل طعمه وبريقه اين الاتحاد الدولي وقرارات عدم تدخل الدولة في الرياضة مههههههههاااااااااازززززززززلللللللللل
اللهم لاشماتة.. فريق الكيزان!!!
ياناس ماتحلونا من الجربانين ديل الله لايسيئكم خصوصا اب وجيه متل الشطر دى .
لا أدري لماذا ينظر الناس للجنة التسيير بالهلال من منظور السياسة فالهلال يسع لجميع رجالاته ونسائه بمختلف الأعمار فالعضو فيه يشترط ان يكون هلالابي دون النظر لانتمائه القبلي أو السياسي أو لأي جهة أخرى وبعد ذلك يترك الأمر لمن يريد أن يدعم فالباب مفتوح للجميع كل حسب استطاعته وامكانياته وحتى ولو كان من باب الدعم المعنوي والميل القلبي وعلى محبي الهلال أن يتركوا المركب تسير إلى بر الأمان ولاينظر للموضوع من زاية واحدة .
نحن في الزعيم عايزين كاريكا…باقي الصفيراب الأربعه
لسنا في حوجه لهم لأن لدينا احسن منهم…كاريكا وبس…
والأخبار تقول أن كاريكا تلقى عرض من الزعيم يسيل اللعاب…
ابقوا عشره على كاريكا والباقين اطمنوا مافي حد عايزهم…
معقول أن خليفه يساومكم…هو يحمد ربه أنه بيلعب في نادي
كبير مثل الهلال…
آلِ البشير حيستخدمو ملياراتم في تقوية الهلال. الهلال حيجيب اي كاس حايم في افريقيا وما حولها. عبدالله البشير حيبقي مشهور ومحبوب وبعد داك حيكون التوريث في القصر. شفتو الخطة الجهنمية دي؟
أحسن شيء طال ما أصلاً ما في كورة في السودان خليهم يخلصوا على الجماهير ونبقى زي البنجلاديش لا تشجيع ولا كلام فارغ .
الهلال فريق كبير وفريق بمعنى الوطن ولكن سيطرة حزب المؤتمر المستفذة والقبيحة تجعلني أجمّد حبي لهذا الفريق الى ان يستبرأ من نجاسة البشير وشقيقه ..
الفاتحة على الهلال …
غايتو انا ما عارف بس عبدالله حسن احمد البشير هلالابي من الدرجة الاولى وبحب الهلال زي عيونه وكذلك الرئيس البشير ونحن كهلالاب مايهمنا يجيب القروش من وين من الحكومة من الهلالاب الاغنياء يعمل استثمارات للهلال على الاقل نحن ما اقل من المريخ جمال الوالى دى بجيب للمريخ من وين من ماله الخاص والامن اقطاب المريخ كله من مال الحكومة فالهلال جزء اصيل وكبير من الشعب السودانى فماذا يضيرنا لو اتت الينا الاموال من الدولةغايتو يا جمال الوالى تانى غرف ليك مافى تشيل مليون نشيل عشرة مليون والحشاش يملا شبكتهواوعك تقرب من لاعبي الهلال وتانى بالتلفون بوقفوك فى حدك سجل ناس بله وموسي الزومة وضفر وخليك فى مريخك اما الاتحاد اى حركات بيكلموا شداد يواصل ف شكوته للفيفا ويسقطوا حجركم
هذه الخلايا السرطانية الكيزانية تغلغلت في جميع شئون البلد لم يبقى الا الرياضة وهاهم يتغلغلون فيها…. من اليوم انا لا أشجع اي فريق سوداني ولا اتابع الكرة السودانية
(ويتوقع أن يأتي القرار في صيغة عقوبة مالية …..)أليس هناك بند فى اللائحةيوضح الجزاءالقانونى فى مثل هذه الحالة يااتحاد؟؟؟؟؟؟؟؟؟
الورل ده لابس الكاكى عايز يعمل انقلاب فى الهلال زى الرقاص ولا شنو منكم لله يا متطفلين وده طرفنا من الكورة ومن العفن الجديد الذى سيزكم النفوس بس فى حاجة يا هلالاب اوعى من نادى الهلال الوطنى والله تلحقوا امات طه على جناح السرعة .
البشير واخوانو كان فيهم عمار كان عملو في فريق كوبر الذي عانى ما عانى وكوبر هي مسقط راسهم وقد تنكروا لها اما رئاسة الهلال فهي وفق خطة للتلميع والشهرة لمقبل الايام وكما هو معلوم البشير ليس له وريث او ولي عهد ويبدو ان المقولة التي صرج بها عبدالرحمن المهدي قبل ايام وقعت معاهم فيي جرح..؟؟..حيث اشاد بنظام التوريث واصفا اياه يانه افضل نظام.
لهلال فريق الحركة الوطنية أخيرا يقع في أحضان تنظيم الكيزان….بالمناسبة عبداله بشير الزول الوحيد الهتيرة أكثر من أخوهو العميد عمر البشير !!!!! فعلا القلم مابزيل بلم وقلبنا على الهلال الذي تكاثر حوله الذباب !!!!!!!!
بهذا المجلس الجديد فقد نعلن بداية إنهيار نادي الهلال …
اهاااااااااااااااااااااا الهلال اصبح الان يشرب من ثدى الحكومه مباشره نشوف الهلالاب الى كانو يشنون حمله شعواء على المريخ بحجه انه كان يتمتع باموال الشعب حسب ادعاءهم سيخرجون ويتكلمو ام سيتركو تشجيع الهلال لان امواله اصبحت حراااااااااااااااااااام ولا حا يدفنو دقن
يلا ورونا يا حكامات كنتو عاملين لينا صداع
انا كنت هلالابي وبعد دخول سارقي اموال الشعب لن اشجع الهلال ابدا حتى لو اشجع فريق تل ابيب
من اى كلية طب تخرج سيادة اللواء نرجو الافادة
ما الفرق بين صلاح ادريس و عبدالله البشكبير كلهم زي بعض (حرام في الراحم و سرقة في السرقة )
فكوووووووووووووووووووووونا
خليناهو الهلال للشينين ديل واخوهم النعجة وربيع ع العاطي الشين الحرامي وعلى عمثان الكذاب
نحن الكورة دي من اتدخل فيها المؤتمر العفني بطلناها
ديل دايرين الناس يدمنوا الفشل ويرون ان اي فشل نجاح ، استغباء الناس وتغيير الناس بتجهيلهم حتى يكون ابلد واغبى الشعوب ، دايرين يبقونا زي اليمن ايام الامام علي الكان مانع التعليم
دايرين الشعب السوداني دا يبقى بهائم في زريبة كبيرة
ضاع المريخ من قبل والان سوف يضيعون الهلال
ضعيكم الله اليوم قبل الغد
لعنة الله عليكم
أعلان
ياجماعة السمع يكلم الما سمع:
بعد اكثر من 30 سنة في تشجيع الهلال العظيم بصدق واخلاص
اعلنها بالصوت العالي “ده طرفنا منه”
ولن اعود لتشجيعه الا بعد ان تنقشع عنه هذه الغُمة.
و… لا حول ولا قوة الا بالله