«علي السيد» : «جعفر الميرغني» (قاعد ساي) في القصر
الخرطوم ? سوسن يس
هاجم عضو الهيئة القيادية بالحزب الاتحادي الديمقراطي (الأصل) بزعامة مولانا “محمد عثمان الميرغني”، مشاركة حزبه في الحكومة الحالية، وزراء حزبه المشاركين، ونجل زعيم الحزب، مستشار رئيس الجمهورية “جعفر الصادق”، مؤكداً أن وزراء حزبه لا أداء لهم ولا رأي، وقال: (مستشار الرئيس “جعفر الصادق” نجل مولانا الميرغني لا يُستشار وقاعد ساكت ووجوده في القصر وعدم وجوده سوا) ـ بحسب تعبيره.وأقر “علي السيد” – بأن الموافقة على المشاركة في الحكومة تمت بموافقة هيئة قيادة الحزب، لكنه أشار إلى أنهم وافقوا على المشاركة رغم أنها تمت بطريقة غير مؤسسية حفاظاً على وحدة الحزب، التي نوه إلى إنها أهم من المؤسسية، وقال: (حتى لا يحدث انشقاق كبير وينقسم الحزب ضحينا بجزء من المؤسسية ووافقنا على المشاركة على مضض).ووجه “السيد” انتقادات لاذعة للمؤتمر الوطني، لافتاً إلى أنه لا يعرف المشاركة ولا يحترم المشاركين، وقال إنه لا يسمح لهم بإبداء رأي إلا من خلاله هو ولا يشاورهم.وقطع “علي السيد” بأن الحزب الاتحادي لن يشارك في الانتخابات 2015 في ظل النظام الحالي، وطالب المؤتمر الوطني بالموافقة على فترة انتقالية وحكومة قومية وإرجاء الانتخابات، وقال: (عليه أن يترك ما تبقى له من فترة ويتخلى عن الحكم في الأول من يناير 2015).
المجهر
قاعد ساى ما قاعد ساى المهم البركة اللى بيضيفها على القصر
هو عمر البشير شغال سمسار لعائلته
كما انه لا يمكن أن يتغيب موظف عن
عمله فترة كبيرة كهذه ولا يفصل من العمل
نهاية المسألة ان مرتبه حراااااااااااام
وكل هؤلاء يأخذون أموال بغير حق وهى حرااام
وكت هم قاعدين ساي من كبيرهم الذي علمهم السحر ذي مابقولوا انت اتحادي علي شنو والبباري ألجداد بوديه الكوشه ابوه لمن كان في الحكومه راس الدوله (فته) عمل شنو شوف ليك طريقه اعمل ليك حزب ذي غازي ما جبانه وهايصه
هو نان سيدى بيصبغ شعرو؟
ههههههه ود سيدي الما فاهم حاجه ليه قاعد ساي ؟؟؟؟
ما يشرب شأي ؟؟؟
اب زنقله البشيل ليك حواجبك منو,,شوفو الشلاليف الجنه ده تقول ما فطمو..عالم تحب السلطه بشكل ياخي انته موظف في بريطانيا وله السودان فهمونا يا معلمين يا بتوع المدارس
انا ما عارف ليه كل ما اشوف صورة البشر دا بتذكر مسرحية الواد سيد الشغال؟؟!!! يا ربى بيكون بشبه لى واحد من المهرجين ؟؟
الحنكوشة دا ما عندو راى فى اى حاجة…شهداؤنا ماتوا وما قال اى شى…تريان ويأكل فى مالذ وطاب…ويضحك على ثقافة البشير المتدنية فى المأكولات…فاقصى ما يعرفه البشير هو البتزا والهوت طوق…وما عارف ان المطعم الايطالى والفرنسى وحتى العربى قد تجاوز هذه الاصناف من زمااااااااااان
استاذ علي السيد المحترم لقد هاتفتك قبل مايزيد عن الشهرين بهذا الخصوص ووقتها لم
اجد منك ماتتحدث عنه الان فشكرا لك علي تصريحك وارجو رفع التصريحات لدرجة
المواجهة ولتعرف قيادة الحزب الحالية :
1/ كل القواعد لهذا الحزب العريق تتحسر علي ماوصل اليه الحزب الان .
2/ كل القواعد تطالب بغض الشراكة الغير مجدية والتي حطمت الحزب وفرقته ايد سبا
والان بدات الاستقالات من الحزب كاستقالة الشيخ ابو سبيب ورابطة طلاب جامعة الخرطوم
وبداء التذمر الواضح بالقواعد : لماذا تصر القيادة الحالية للحزب الاستمرار
غي نهجها الغير مبرر ولا معروف اسباب المشاركة ” حتي وجود هذا الجعفر بالقصر
ماهي المشاكل التي تدخل لحلها او ماذا قدم للحزب او السؤال هل هو اصلا موجود
في موقع عمله و لا ياخذ مرتبه ومخصصاته وهو بالخارج باجازة علي حساب محمد احمد ؟
نحن مع تغيير هذه القيادة الان قبل باكر وليتجه السيد لقيادة السجادة الختميه
نحن في انتظار الاصلاحات عاجلا ياشيخ ابو سبيب ويااستاذنا علي السيد واخونا نائل
عافي منّك وراض ي عنّك ، نوم ولغف ساكات
الدولار ظاهر في جضومك الزّي قرب السقّا
الحزب الاتحادي الديموقراطي يعرف عنه أنه حزب الوسط فإذا استمعت حكومة البشير إلى آراء ومواقف هذا الحزب العتيق لما وصلنا إلى وصل إليه حالنا الآن ، لكن من يسمع ومن يفهم؟ ( وكل في زاره تائه !)
هو كان قاعد في القصر ساي كويس هو السودان وين زاتو ما عارفو بجي أجازات بس و برجع
دغلوبى حفيد الحسن ابو جلابية حفيد الحسن العسكرى حفيد الحسن حفيد النبى.. مدد مدد يا اسياد.. الزول ده مشاركته فى الحكومة فيها البركة وبتجيب خير كتيييير للبلد.. مدد مدد مدد..
الوليد دة فى البداية كدى يودوه مدارس أولاد الحناكيش البى 15 ألف دولار فى السنة عشان يتعلم جغرافية السودان،، طالما هو لا يعرف الفرق بين النيل الأبيض والنيل الأزرق أو شمال كردفان من جنوب كردفان جايز هو ما بيعرف للآن إنو الجنوب إنفصل،،
هو أصلوا مستنى أبوه يرجع من لندن عشان يفك البيرك لهناك،، الود دة ما بيقدر على شتاء السودان الساخن،، شى حروب،، شى فلس،، شى مجاعات،، الله يستر،،،،
ياعلى السيد أنت مسطح وطاشى شبكة اذا كنت تقصد القصر الجمهورى بالخرطوم ود سيدى ماقاعد فيهو قاعد فى قصرو فى لندن ومصاريفو ورواتبو والذى منو يجيهو للندن لحدى عندو ….
يقال أن جده كان ممسك بلجام حصان كتشنر عندما دخل كتشنر أم درمان بعد عركة كررى !!!!!!!!!!!
سؤال : أب جضوم ممسحة ونايرة الفى الصورة ده ، بيمشى لياتو كوفير ؟؟؟؟؟
نهدى ليهو أغنية : للبلد العاليات قصورا … سافر وخلى لى صورة
….
يادوب اكتشفت الذرة يا استاذ على السيد من يوم تم تعينه وهو جالس دون فائده يعنى تمامة عدد وديكور لا اكثر وحتى السيد اصبح وجوده في رئاسة الحزب كارثة من الافضل للسيد ان يتزعم الطائفة الختمية ويترك السياسة لاهل السياسة ده اذا قدر يلحق لانه السيد بوجوده في زعامة الحزب والطريقة دمر الحزب والطريقة والناس انفضت عن الحزب لانه لايرضى الطموحات واصبح حزب ترلة وحزب ديكور ارتضى ان يكون تمومة جرتك لا اكثر وانحاز للقتلة وهو شريك في كل جرائم الانقاذ بوجوده في السلطة الى متى التلاعب بالالفاظ والتهديد بالانسحاب ياحليل رجال الاتحادى وياحليل مجد الاتحادى الله يرحم الشرفاء والخزى والعار للارزقية الانتهازييين
يا جماعة نحن بقينا وهم العند قريشات كلو سيدنا و الهى ده لو عندى سلطة صغيرونة ما اعينو كاتب معاى ابوه و الجلكين ابواتنا عملو ليهم زيط كمان نحن برضو نمشى في نفس الجهل و قالو ثورة تعليمية و ما زلنا في بلمنا اين المثقفين و لا كلهم تاسلمو
ياخي طيرو كلكم قاعدين ساكت
هو هامو شنو ؟ ماجيبوا مليان من حقنا وحق الغلابة ولو زهج يمشي يتفسح في لندن عندو بيت هناك …والغلابة في امبدات وبقايا السودان ياكلوا الهواء….بس في الله….والله يغير الله من هذه حكومة الفاسدة…الهم اجعل كيدهم في نحرهم؟
ليه ما يقرا جرايد ولا يلعب game بالكمبيوتر
خريج روضة دار الحنان
يعنى زول جا لم ايجارات العزب بتاعة ابوهو يقعد يسوى شنو معاكم فى الضبان والقرف الانتو عايشين فيهو ده .. عاوزين تسدو نفسو ولا شنو !!
واللة احسن واحد فى القصر الولد ده والدليل وجودة عدمة واحد بالقصر خيرو كتير على البلد . لاكن تعال ورينى احسن انابليد منو مناهل القصر قدم خدمة للعشب خلال العام كل ما عملو بالضد من مصالح العباد بصراحة الولد ده ذكى وقلبو على الشعب والا مان اقلاها تصريح اشتر مستفذ او يحض من كرامة الامة .سيدى حفظك اللة ورعاك
طيب لو هو حفيد الرسول جاى هنا السودان لى شنو, مايمشى هناك محل اهلو.
هذا حفيد اللص الكبير على الميرغنى الذى نهب بلح اهل الشمالية باسم حفيد الرسول ,ولسع هو كمان عايز ينهب باسم مستشار فى القصر, القصر دا قاعدين يستشيرو فيهو منو, وهو نفسه عارف شنو يستشيرو فيهو.ولله دا من خلقتو دى ما عارف سجم رماده
مش الجنى الشايل حواجبينو و مكحل عيونو ده
بكرة بعد بكرة ببقى رئيس السودان
ما اصلها بلد سايبة
و نفس الناس البقولو ده سجمان و مش عارف
أيه يجو يبوسو الايادي
هو العلينا ده من هين
حاجة تقرف
قولو لجعفرينا توقف عن الهوت دوق والبيتزا هوت وهارديز شوية فى لندن تشق كدا وما يسرحروك لو ما عندك شغل فى القصر أقعد فى السودان وأعمل رجيم مع الناس الصايمة ديمة بعدم الاكل .
كفاية علىنا طلة سيدنا جعفورى بس ان شاء الله يقعد مش ساكت ان شاء الله يقعد نايم دا بجيب البركة يا ناس انتو بتتكلموا كيف دحين.
ياجماعه المسكين ذنبو شنو الزول لقى ليهو كرته بياكل فيها حرام تمغسوه ليها شوفو الناس الضربو الضلع قبيييييييييييييل وقدو سلك وبعدين كلموكم قالو ليكم قاعد ساى تانى شنو
والله كلام يضحك ويفقع المرارة من الضحك ضحينا بجزء من المؤسسية عشان مصلحة الحزب..انت عارف انك ح تكون ديكور يا على السيد والولد الدلوعة دا افضل منك لانك دلدول…مشورة مين وكلام فارغ ولى شنو اصلا مشاركة وعايزين تتكلمو عن النضال انتو كرت واتحرق خلاص.انا بتمنى الحكومة ما تسقط الا بعد موت الميرغنى والصادق المهدى .
يلحقنا ويفزعنا وينجدنا دا زول بركة