الصوارمي : ادعاءات متمردين إسقاط مقاتلة في كردفان غير صحيح.. وقواتنا لم تتكبد آي خسائر

الصوارمي المسكين عندما يظهر ليقول أي تصريح يفطر قلب العدو قبل الصديق .. يجبروهو أسيادو الكبار والصغار على الكذب .. ويطلع علينا بكلام وتصريحات عن المعارك ومسارها ونتائجها وكأنه يتكلم عن كوكب آخر .. وهو يعلم أنه يكذب .. لكن ما باليد حيلة .. صحاف الإنقاذ !! .. رافعين عليهو الكرباج أيش يسوي؟؟

أمثال الصوارمي وأسيادو ديل ما يهزموهم إلا بالسلاح .. بشغل الجبهة الثورية داه .. وحيشوفوا الجبهة الثورية في الخرطوم ..

مستقبل السودان ليس بيد هذه الشوفينية الدينية الفاسدة التي تمثلها (الإسلاميين) ولا في يد الظلامية الصوفية الطائفية التي يمثلانها السيدان .. مستقبل السودان بيد القوى الليبرالية والعلمانية التي لا ترى التقدم إلا في العلم اليقيني .. مش في الغيبيات .. وإعتبار التدين أمر شخصي لا شأن له بالدولة إلا في الأمور العمومية جداً كما في أوربا ..

والجبهة الثورية حتخش الخرطوم عشان تضرب قوى الظلام هذه وتتحالف مع طلائع النور من القوى الشابة من الليبراليين والعلمانيين من كل أنحاء السودان .. من الوسط والشمال والشرق والغرب والجنوب الجديد .. عشان يقيموا الدولة العلمانية التي يمكن أن تتقدم بالسودان والسودانيين .. ليكفوهم شر الشحدة والجوع والمرض الذي أدخلتنا فيه قوى الظلام من تجار الدين .. وكنس أصحاب المشروع الحضاري ومشايعوهم من القوى الطائفية والظلامية التي تعتمد على الولاء القائم على تقبيل الأيادي لضمان الكسب السياسي وإبقاء الجماهير تحت عباءتها ..

To Mr. Sawrmi check this if the footages are not true then there are no fightings and there was no plane that crashed at the operations ground http://www.youtube.com/watch?v=kasqxcy50hc

ى خوفى تكون زى الصحاف حق العراق

الراجل دا ما نصيح ؟؟؟؟؟ جابو ليك صور ونمر عربات بأرقام متسلسلة والغنائم مصورةبالتفصيل وكمان بعين قوية بتكذب الخبر ؟؟؟ هات دليلك واثبت العكس.

الصوارمي دا لازم تسمو الصرمايا لانو مسيلمة الكذاب كتير عليهو انا لااري فيه غير الصرماية لانه لايجيد التحدث لابالسوداني ولا بالعربي الفصيح كيف يتحدث باسم الجيش السوداني فلذالك لن اجد له غير الصرماية كاسم يديل ل مسيلمة لانو مسيلمة اذا كذب كان بليغا حتا يكاد ان يصدق

ثوار سوريا يسقطون الطائرات ولم نسمع يوما ان قوات الاسد كذبهم فلماذا يكذب الصوارمى

الصور والفيديو المرفقات مع اخبار الجبهة الثورية دى كانت وين؟؟.. إمكن الطيارة دى فرنسية اسقطوها مجاهدى شمال مالى!!.. اما المدرعات والآليات العسكرية دى اكيد اكيد غنموها المجاهدين الأفغان من الجيش الأمريكى واللوحات دى ما حقيقية!!.. ماهو إذا كان صور شهداء سبتمبر إدعت الحكومة إنها مفبركة وإنها بتخص شهداء رابعة العدوية فى مصر!!..حنتوقع شنو من الكذابين المنافقين ديل؟؟..

والله يا صحاف النظام الكضب زاتو ما بحلكم ولن يطيل في عمر نظامكم ساعة!! خلاص أزفت الأزفة وقضى الامر الذي فيه تستفتيان!!! لو تكضبوا… لو تقولوا الرووووووب… لو تلطموا الخدود وتشقوا الجيوب !!!كل القوة الخرطوم جوة.. فأين المفر ياخايب!

باين عليك يا صوارمي كنت نائم وصحوك وأدوك خبر الطائرة وزي ما معروف لينا تصريحاتك معروفة ومكررة روح كمل نومك وبعدين تعال كذب علينا يا منافق يا كلب إنت عارف حاجة عن القوات المسلحة واحد ماساح أصل وصورة قال إدعاءات خليك نايم لغاية ما تلقاهم جنب رأسك .

الطيارة الشوفناها يا ربي يكون طيارة ورق كان بلعبوبها اطفال الدلنج او كادقلي ضربوها ناس الجبهة الثورية او يمكن طيارة رش بتاعت الزراعة الصوارمي ما كذاب يا ناس!! الصوارمي وهم!!ههههه

من الطبيعى جدا ان تنفى يا الصورامى ما حدث وان لم تفعل فانت لست بمتحدث باسم قوات عسكرية محبطة فهذا هو اسلوب الحرب فقد زكرتنى الصحاف بعد دخول القوات الامريكية لمطار بغداد واحتلاله فكان بيانه بان الامور تحت السيطرة والبلد مومنة

الناكر كلامو صاح .. فالتي سقطت ليست طائرة إنما (طيرة ودأبرق) مُهجّنة وطبعاً (الطير) حيصدّق الكضبة ويهتّف بملء حنجرته للكضّلب الحقير .. و .. (أطير) في السماء الممدود .. سماء الوطن اللي ما ليهو حدود!.

ياجماعة ناس الناكر الرسمى ديل حاقرين بينا جنس حقر يمكن مفتكرننا زى ما وصفهم الخال الرئاسى كمان مافيهم وااااحد صادق الحقونا بى كوز كركدى تقيل بدون سكر

الصوارمي عايز يزغرد ولا بحاول يقلد نافع وعلي عثمان في الكلام ..تكلم بلسانك تسلم والا مصيرك حيكون مثل مصير سيف الاسلام الذى القي عليه القبض بدون الابهام والسبابة والوسطى ؟؟

صحاف الكيزان.

On Saturday Al Sawarmy had visited his master Omer Al Bashir at home and ten of then agreed on what he stated few hours after their intelligence organs told them about losing some high officers in the three battles around collectively then the words to calm down the fearing spirits of their tropps and mercenaries.

نهر النيل
عاشق السودان
***************
ليذهب الكاذب الرسمي بإسم القوات المتجهجهة الى الجحيم ولن بأبه احد بأكاذيبه
قد بدأ العد التنازلي لكنس الذبالة وسنثأر لكل الذين قُتلوا ظُلماً ولن نرحم من
اهاننا واذلنا ونهب ارزاقنا وشردنا من ارضنا فألثأر الثأر يا أهل السودان ممن
ظلموكم ووضعوا الاغلال فوق رقابكم لا شفقة ولا رحمة ولا عفى الله عما سلف .
الثورة مستمرة سلمية ومسلحة حتى النصر بعون الله وقدرته .
الـــــــــــــــــــــــــــــــحلو
جـــــــــــــــــــــــــــــــــاكم