أكبر مشروع استثماري إماراتي يدخل الإنتاج العام المقبل
يبدأ أكبر مشروع زراعي إماراتي استثماري في السودان إنتاجه العام المقبل، ويقع المشروع في مساحة في مساحة 130 ألف فدان غربي مدينة الدبة في الولاية الشمالية طبقاً للوزير في المجلس الأعلى للاستثمار د. مصطفى عثمان إسماعيل.
وأشاد إسماعيل في برنامج “وجهات نظر” الذي بثته الشروق ليل الأحد، بالاستثمارات الإماراتية على وجه الخصوص والخليجية بصورة عامة، ويملك مشروع أمطار المستثمر الإماراتي الشيخ العتيبي.
واعتبر إسماعيل المشروع من المشروعات الاستراتيجية التي من شأنها أن تحدث نقلة نوعية في الولاية الشمالية.
وتعهّد الوزير بحل المشاكل التي تعترض الاستثمارات الإماراتية بالسودان، مؤكداً أن حجم الاستثمارات دليل على العلاقات الاستراتيجية التي تربط البلدين.
وأكد إسماعيل تعافي مناخ الاستثمار بالسودان خاصة بعد حزمة الإصلاحات التي بذلتها الدولة أخيراً.
وأكد نمو الاستثمارات العربية في هذا العام 2013 مقارنة بالعام السابق، مشيراً إلى أن بعض المستثمرين الذين غادروا البلاد في وقت سابق عادوا إليها مرة أخرى لتنفيذ استثماراتهم.
وقال إسماعيل إن الحكومة وفرت كثيراً من البنى التحتية للمستثمر لم تكن موجودة من قبل.
وكشف عن اجتماع للصناديق العربية يعقد في الخرطوم الشهر المقبل من أجل مناقشة دعم البنى التحتية في السودان لدعم مشاريع الأمن الغذائي العربي.
شبكة الشروق
ونصيبك كم يا كوز ؟
شيوخ الامارات لايوجد فيهم اسم عتيبى
العتيبى سعودى او كويتى و يلقب امير
ومادام شيخ ( العتيبى – اسامة العتيبى – سلمان العتيبى ) مشايخ قران
يعنى المشروع يافطة فقط
المشكله انو لو صح هذا الكلام برضو ما فايدنا بى شى لانو معروف للقاصى والدانى الاهبل المتخلف زيك والعاقل انو اسوا شروط استثمار واكثرها اجحافا هى شروط استثمار الخليجيين فى السودان لانهم لمن جاءوا يستثمروا كنت انتم زى الزول العايز الحمام بشده لدرجة انو حا يعملا فى نفسو ولا دولار لافى فى خزاينكم عشان تمشوا بيهو البلد والاهم عشان تمشوا حالكم اى واحد عندو طهورة ولدو عرس بتو ولا فندق فى ماليزيا ولا شركه عايزه دعم يقوم يبيع ليهو مشروع مش يعرضوا للاستثمار النتيجه انو كانت الشروط ان يزرعوا متى شاءوا والمحصول العايزنو بالعماله البتريحم ويودوهوا اينما شاءوا اها قول لينا يا ابو العريف استثمار زى دا فرقو شنو من استثمار فى الامارات لا ناقة لنا فيه ولا جمل ؟ولا ينوبنا منها غير رفع اسعار السلع لازدياد الطلب عليها من العماله الوافده ومضايقتنا فى( تولا)
كسره تولا تعنى رويحتنا على ما اظن
تلقى اي مستثمر دخل قبل كدة وشاف الاخ طلع لسانه وقال ليهو على هامان يافرعون وانا شاهدت اللقاء الكارثة والاعترافات المخجلة التى ذكرها وما تعرض له المستثمرين من نصب واحتيال من أعلى مسئولي الدولة انها حكومة سيئة السمعة مش كدة يا عباس
“يبدأ أكبر مشروع زراعي إماراتي استثماري في السودان إنتاجه العام المقبل”
العام المقبل يقول العام المقبل
والعام المقبل يقول العام المقبل ……
لا ترحمو وتخلو الرحمة تنزل .كيف راح تكون التنمية
هذا كلام مبتور وخيالى . اولا متى بدا العمل بهذا المشروع .
ما هو انتاجة الرئيسى .
ما هى فائدة المشروع لمواطنى المنطقة .
هل الانتاج للصادر او للسوق المحلى .
كلام وخبر بلا معنى نرجو الايضاح .
لو حولت مجري النهر زي ما عملت اثيوبيا برضو الشمالية ما بتنجح في الزراعه. حقد غير عادي علي المشاريع المروية, دايرين تدمروا المشاريع الموجودة من زمن الاستعمار زي مشروع الجزيرة عشان ترفعوا من شان ولايتكم ودا اسمو حلم x حلم.
امشي بالله حل مشكلةاهلك الغرقانين بالرملة.القري بقت خالية من السكان بالشمالية والمدن بقت زي القري من الهجرة الجماعية للعاصمة والسعودية وزي ديك العدة يقول اكبر مشروع زراعي …. امش شوف ليك غراب جزو
ياجماعة اذا كانت هنال معارضة يجب ان تكون بناءة !
الشمالية نعم بها ميزات مناخ و خبرة مزارعين : تاريخيا تم تهجير مزارعين بخبرة لانجاح الزراعة بمشروع الجزيرة : الفدان في الشمالية ينتج ما بين 20 -30 جوال في الجزيرة من 5 – 10 فدان قمح او فول وغيره من البقوليات و التوابل و الفواكة .
ثبت ان مشكلة الاستثمارات الاجنبيةفي العقدين الاخيرين تكمن في مشكلة ملكية الاراضي للاهالي و المحليات- علما بان المشروع المقترح تتبع اراضيها للولاية اي حكومية و ليس للاهالي يد فيه . بالاصافة الي يتوفر الامن في تلك المنطقة مما يكون من مؤشرا النجاح – و الارض اصلا بورررر يقع قرب شريان الشمال مع منطقة الدبة بالشمالية !!!!!!!!! و نحن خسرانين ايهه على الاقل يبرد الارض العطشى – و غدا لناظره قرييب .
المشروع استثمار اجنبي و ليس حكومى.
ادوهم فرصة رقم 20 و اسالوهم الارض تابعة للولاية الشمالية أو سد مروي و الله اهل الدبة ووووو!!!!!!!