نظام البشير يمد يده الى روسيا ويطلب قرضاً بمبلغ مليار دولار
الخرطوم: علي الدالي
طلب السودان رسمياً من روسياً قرضاً بمبلغ مليار دولار خلال مباحثات اللجنة الوزارية السودانية الروسية المشتركة للتعاون التجاري الاقتصادي وكشف وكيل وزارة المعادن عباس الشيخ عن توقيع اتفاقيتين في مجال الصحة والخدمات الصحية والمعادن فيما تم التوقيع على مذكرات تفاهم
في قطاعات الزراعة والصناعة والاستثمار والمعاملات البنكية والنقل النهري والطرق والجسور والكهرباء والسدود وقال عباس أثناء تلاوته لتوصيات المؤتمر السوداني الروسي بفندق كورنثيا أمس إن المباحثات تمت حول سبعة قطاعات حيوية. إلى ذلك أكد وزير المعادن أحمد الكاروري اتجاه
الجانبين لتطوير العلاقات الاقتصادية والتجارية السودانية الروسية بفتح البلاد للشركات الروسية للاستثمار في السودان كاشفاً عن زيارة مماثلة سيقوم بها وفد سوداني إلى روسيا في النصف الأول من
العام 2014 م.
وفي السياق كشفت مصادر مطلعة عن منحة روسية لبناء قسم كامل لطب العيون بمستشفى سوبا الجامعي بالإضافة إلى تفعيل مينائي عثمان دقنة وسلوم للتبادل السلعي الروسي السوداني.
الجريدة
يعنى الروس ديل حا يبنو السودان من جديد ههههههههههههههههههههههههههههههه والله الاتفاقيات دى تابعتها من 2007 ولسه ماشفت نتائج
اولاد الذينه يعنى شغالين تحانيس من ذمان وجرجروهم باسم الاستثمار جابوهم هنا ولم جو طوالى شحدو قروش طيب خلو عندكم صبر شويه خلوهم يدخلو فى استثمارات وبعد داك اشحدوهم… اما كيزان شحادين وما بختشو
اليست هذه روسيا التي دنا عذابها؟؟؟
الكيزان يأكلون أموال الشيطان ولا يستحون؟؟
قلة أدب وكلام فارغ ،
مصيبة السودان هي انه يحكمونه من لا يفقهون في السياسة ولا في اي شئ
سئمنا من الشحده والوعود الكاذبه
*******زمان الكيزان يرددون********روسيا قد دنا عذابها***********و اليوم*******روسيا قد دنا عناقها***********
روسيا قد دنا عذابها
عذابها لم يدن بعد!! هههه ياكيزان
من الذي دنا عذابها اشحد اشحد عشان ما تموت
انتو قايلين الروس ديل وهم
عارفين ان اموال السودان كلها فى ماليزيا ودول الخليج
يعنى انتو يا السودانيين تستثمروا فى ماليزيا والخليج واجو الروس استثمرا عندكم
انتو قايلين الروس ديل عندهم قنابير
وهم
لايستقيم الظل والعود اعوج
يا عمر البشير رجع اموال الوزراء السابقين والحالييين من ماليزيا ودول الخليج يتعافى السودان حالا غير كدى مافى دوله تغشك واضيع زمنك
ماشين على دين يبلغ 50 مليار دولار على أعناقنا ? ….
أموال يبددها السفهاء ويكتوى بنار دينها الفقراء
نحن نريد علاقات قوية وفاعلة مع الحبيبة امريكا
الشعب السوداني لاينسى
ان امريكا هي التي اكتشفت البترول في السودان
وامريكا هي التي قدمت لنا الاغاثات ابان الجفاف والتصحر
وامريكا هي من ترسل لنا مبعوثين لتثبيت العقل في رؤوس حكامنا
وامريكا هي من ارسلت طائرات الايواكس لتحمينا من الشيوعيين
وامريكا اهل كتاب مسيحيين وهم اقرب مودة للمؤمنين من الملحدين الروس والصينيين
امريكا حبيبة السودان الاولى والاخيرة ولن ينصلح حال السودان الا بعودة الحبيبة امريكا
الله يستر مايجيبوا لينا نفايات سوريا بى تحت تحت !!!!!!!
( وكشف وكيل وزارة المعادن عباس الشيخ عن توقيع اتفاقيتين في مجال الصحة والخدمات الصحية والمعادن )
وكيل وزارة المعادن يوقع اتفاقية في مجال الصحة والخدمات الصحية يعني بتارع كلو
ميناء عثمان دقنة عرفنا …. مينا ء سلوم دا وين ياوهم ؟؟؟؟؟ سلوم بورتسودان تبعد عن البحر حوالي 20 كيلومتر يكونو قاصدين ميناء بري بسلوم ……….الله تعلم !!!!!!!
نريد علاقة مع امريكا بس لاغيره امريكا زي ما قالوا زي(عقوق الوالدين) محل ما تمشي تلاحقك . لو دايرين الدنيا صاحبوا امريكا بعدين انحنا لوا صلحنا علاقتنا مع امريكا حا يجينا شنو اكتر من الــــــــــــــــ فيهوا كفـــــــــايه لحدي كده
هههههههه الحكاية قربت خلاص بقينا نبحث عن رشاوي وخبرات روسية
امريكا روسيا قد دنى عزابها …. احييييي انا من العصرة وين العزة وكلام الرقيص؟
ما هي مصلحه روسيا لدعم نظام متهالك كالسودان؟ والسؤال الاخر ماذا فعلوا الاسلاميين بسوريا؟ ما هي الضمانات التي قد يستفيد منها الروس؟ وما نراه اليوم من النشاط الروسي تجاه السودان هؤلاء قله من السماسره ،يريدون ابرام بعض البروتوكولات مع الحكومه السودانيه حتي يتسني لهم عن طريق هذه البروتوكولات إيجاد قروض بنكيه من موسكو، وهذه ليست بالسهوله كما يفتكرها المواطن السوداني. وهذه المعلومه اتت من شخصيه سودانيه مرموقه في موسكو ألا وهو الدكتور صابون.
الكيزان ديل بالله ماناس شواذ ؟؟
الروس ديل مش شيوعيين وملحدين ؟؟؟
طيب هنا جريدة الميدان ماخالينها تصدر ؟؟!!
طيب الجماعة ديل عذابهم ما دنا لسة ؟؟
ههههههههههههههههههههههههههههههه
هههههههه يلا يافلادمير شوف شغلك الناس ديل يغشو ابليس زاتو
مايدقسوك!!!
كان رد الروس باردا. .لماذا لا تعيدوا بعض اموالكم في ماليزيا?فبهت الذي كفر
ياجماعة الخير .. معؤوله!!!” انا ما حصدقكو …الكلام دا أكيييد ما صحيح ..وابدا ما واقع لينا.. ألأخزان !!!المسلمين !!!فى دولة ألأسلام !!!والتوجه الحضارى!!! فى ألآخر شحدوا الروص “اللى بيقولو عليهم طول الزمن:الكفره الملحدين . اعداء الدين .. اللى دنا عذابهن” شحتوهم كرامه “لله”..حتّه واحده مليار دولار!! انه شي عجيييييب يا نيكيتا!!!هىّ حصّلت…!!!
وكمان قالو الصين حليف “استتراتيتيجى”!! يعنى الحكايه ماهياش اسلام او عباده !!!! طول الزمن كذب وافك ونفاق وضحك على الناس ..وكوللو بأسم الدين!!! يعنى حسن البنا كان بتونّس؟؟؟ الترابى كان بيهضرب ؟ و نحن كنأ باركين قدامو نسبح ونهلل ونكبر!!! و”قاريين فى النهايه “سورة “والعصر” ليه؟؟
برضو ما بنصدّق .. يا شيخ احمد يا عبد الرحمن.. “الى ان يلج الجمل فى سم الخياط”
ألآن حصحص الحق !!! بس الله يرفع شيخ جعفر عشان يفتينا فى حكاية القرض المليارى الروسى دا!!! جماعتنا ديل حيدفعو عليه ارباح ولآ قرض حسن ؟؟ على كووللو حال سواء قرض “ربوى” بفتوى من القرضاوى او قرض حسن (ترابى..اوعصمان رزق .اواحمد طه) حيدفعو اقساطو من وين بعدما كووول زول مننا ياخد الفيها النصبيب ونتخارج!!
اقتراحى ليكم: طالما الحكايه وصلت الحد موش احسن نفكوها فى الحبيب الرمز ونسلّمو المرفعين .. موش هو صاحب برنامج الصحوه قبال التوجه الحضارى!!! وتكون الحكايه خلصت (يضم الخاء والصاد وسكون الللام) لا حد من شاف ولا من درى( بكسر الدال والراء..
الستة شهور قربت تنتهي
يسلفوها ,,, ويسرقوها ويلهطوها ,,, وشعب الغلبان يسدد من دم قلبو
انتو روسيا دي مش دوله شيوعيه وعلمانيه وتابعه لي نشيد امريكا روسيا قد دنا عذابها ؟ وقبالها الصين دوله بوذيه وشيوعيه كمان ؟ وين ناس تحريم الفكه والتغاضي عن الموبقات ورأيهم شنو في القرض ده ؟.
يالبلد الصبحت رمة
اهلك لاكوا وبلعوا الذمة
وشعبك اصبح ساقط همة