البيان الصحفي للجنة التحضيرية لتشكيل حكومة الظل السودانية

غايتو اسماءكم لذيذة نغم ووائل وأنور ومعز أخير لينا من البعاعيت ديل , سجلوني معاكم أكف ليكم العين .

ممكن سؤال بسيط واتمنى الا تكونوا مثل وزراء المؤتمر الوطني لا يعيرون اراء المواطنين والصحفيين اي اهتمام ولم اسمع يوما وزيرا يعقب على اي تساؤل فارجوا ان لا تتصفوا بصفة تجاهل اراء المواطنين.سؤالي من فوضكم لتكوين حكومة الظل هذه ؟ وماالفرق بينكم والمؤتمر الوطني الذي تجاهل كل الشعب السوداني في قضايا جوهرية ومصيرية واصبح يدير البلد كاقطاعية خاصة بهم. ام انها شللية كما في المؤتمر الوطني؟

تقليعة جديدة حيرتونا حكومة ومعارضة .

انا عايز اعمل معارضة الظل وحا اعمل اعلان اطلب فيه معارضيين

مبروك وعقبال حكومة الشمس . ولاّ حكومة البشير هي حكومة الشمس ؟!!! ( تشابه علينا البقر )

خطوة ممتازة، و تبين للناس إنه فيه بديل للبشكير و جماعته الفاقد التربوي
يعني كمال البكاي كان مؤهله شنو عشان يمسك وزارة المعادن

شباب مؤهلاته ممتازة و عندهم خبرة متعددة، شخصيا اعرف انور عبد الرحمن
المعروف بأنور كنج، و هو شخص وطني من طراز رفيع
الاستاذة نعمات أبو بكر كانت رئيسة لحركة حق لمدة عام و نصف، بعده
تخلت عن رئاسة الحركة طوعا للراحل الاستاذ بشير بكار و هو تنازل
يوضح روحا ديمقراطية عالية في تداول المراكز في الاحزاب السياسية

البقية لا أعرفهم لكن يقيني أنهم ما اجتمعوا إلا لخير و لطرح بديل
عقلاني لما يحدث في السودان

القاعد يصرف على الهيصة دي منو؟؟؟؟ وبعدين الحكومة العديل كدا ما نجحت هل ممكن تنجح حكومة الظل او (شلة الظل)؟؟

الوزارات( الصحة-السلام-الرعاية الاجتماعية-الخدمات- التربية والتعليم) يا عزيزي الا تري انك قد تجاهلت المشكلة الرئيسة التي اكتوي بنيرانها السودان ومن ثم تشرذم وتجزأ وح ينشطر مرة اخري واخري الي دويلات اصغر واصغر….الأهم من تشكيل الحكومة وتوزيع الوزارات بين أناس ربما قد لا يكون من سمع بهم شخص الا من خلال كتابك وتعيينهم وزراء وكانكم من فوضت من قبل الشعب لحل مشكلته…طيب ايش الفرق بينكم وبين الإنقاذ الم تاتي الإنقاذ بانقلاب واستلام السلطة ومن ثم تعيين وزراء وانشاء وزارات لم نسمع بها فاق عددها العشرين؟ نفس الشئ انت تسير في طريق الإنقاذ فان كان لا بد من انشاء حكومة ووزارات فيا ريت عدد الوزراء في أي حكومة قادمة لا يتجاوز ال 5 وزراء اما باقي الوزارات فتتحول لهيئات او صناديق او أي مسميات ترتضونها فكان من الاجدي ان تسمي هذا التشكيل وهذه الوزارات باسم اخر وتكون جسم في خدمة الشعب وإيجاد قاسم مشترك يجمع كل اهل السودان وتبحث في موضوع الهوية وتعضد الوطنية وترسخ مفاهيمها لدي الشعب …وانا لست ضد ان تتبؤون المناصب ولكن اتمني ان توجدون الحل الجزري للمشكلة السودانية خاصة من الأسماء المذكورة من لديه تاهيل ممتاز وخبرات عملية مفيدة وان ينكأ جرح السودان القديم وينظف ويضاف البلسم الترياق لمشاكل وحروب بدأت من 1955 وحتي الان لم ننعم بسلام ولا امن ولا استقرار ولا تنمية وصبحنا نهاجر الي بلاد الله لكي نسترزق ولكي نعيش بالرغم من كل الهبات والإمكانات المتوفرة في بلدنا ولكن للأسف لم نستفيد منها وعشنا في تناحر وحروب
اصوغ اليك هذه الأسئلة واتمني ان تجد لها الحلول
1. كيف تكون السودان بمفهومه الحالي؟
2. من هو السوداني ؟
3. ماهي الهوية السودانية؟
4. لماذا توجد عنصرية بغيضة في السودان؟
5. لماذا نتقبل الأجنبي ولا يتقبل السوداني السوداني؟
6. لماذا نتجاهل موارد السودان الطبيعية ( كالثروة الحيوانية والزراعة) ونعتمد علي موارد وهمية في موازناتنا الاقتصادية؟
7. لماذا يموت السودانين بالجوع والعطش والمرض وكل مقومات الحياة موجودة؟
8. منذ الاستقلال وحتي اخر حكومة هل توجد حكومة اتفق عليها اهل السودان؟
9. لماذا فقدنا مشروع الجزيرة ؟
10. لمصلحة من تم تهجير أهالي حلفا؟
11. لماذا اندلعت الحرب في دارفور؟
12. لماذا انفصل الجنوب؟
والاسئلة كثيرة وكثيرة …الا انني وددت ان أوضح ان مشكلتنا اكبر من تكوين حكومة او انشاء وزارة او تعيين والي وأس المشكلة يكمن في المثقفين والخريجين والسياسين لاستغلالهم جهل المغلف ببعض الطيبة عند أهلنا السودانيين لتحقيق مصالحهم الشخصية واشباع رغباتهم وخير مثال ( توجد مناطق في السودان -العمارات – المنشية- الرياض- الطائف-كافوري ) فمن يسكنها فاذا كان هناك توزيع عادل للثروة فمن المفترض ان يكون سكان هذه البنايات مزارعي الجزيرة وللأسف يسكنون في بيوت حتي لا تتناسب مع إيرادات المشروع واعتماد ميزانية الدولة عليه منذ الاستعمار وحتي انهيار المشروع

الوزراء هاني ونعمات ومعز ووائل ونغم . علي النعمة دي كاميرا خفية ﻻنه دي اسماء مطربين في نجوم الغد. ياخي قوم لف

?hahahahahah I Like to Smoke with you marijuana
hahahah Our What Kind of Drugs Do you and your team used

معلقين الراكوبة

تعالو نعمل لينا حكومة

نسميها الراكوبة قفرمينت

اتاري القصة ساهلة….

قال ظل قال

وسعت ولما استحكمت حلقاتها

وسعت زيادة

انا اقترح انو المعارضة السودانية برضو تقوم تعمل معارضة الظل وناس الجبهة الثورية يعملوا جبهة ثورية الظل بعد داك يتم عمل مفاوضات بين حكومة ومعارضة وجبهة ثورية الشمس من جهة وحكومة ومعارضة وجبهة ثورية الظل من جهة اخرى للوصول لاتفاق سلام.

اللجنة التحضيرية لما يسمى بحكومة الظل استعرضت الخبرات هل السودان اصلا لديها ازمة خبرات علمية ام هى ازمة غياب العقلاء الوطنيين والاستراتيجيين ؟

ايها الشعب السودانى المثقفاتية ماذا تريدون اذن …..الفكرة جديدة ناهيك عن الاسماء وكمان فكرة عملية جدا موجودة فى بريطانيا ولكن بقولوا اذا اردت اعداءا فاتى بجديد

أجمل ما فى الموضوع أن كلهم شباب ,تخرجوا فى الالفية الثالثة .
يمكن اعتبارهم حجر في المياة الراكضة .
شئ عملى وجرئ علينا دعمه وليس السخرية منه لاسمائهم فهم شباب لابد أن تكون اسمائهم كدة .
نحن صبرنا على كرتى ومندور وغندور ومروح ونافع وغيرهم من الاسماء العجيبه!!
دعونا نرى أصدقاء وائل الشباب ما هم فاعلون ؟؟

ده كلام يا ناس .. كأن المشكلة في المناصب والوزارات … الما فقع من البيضة عاوز يبقى وزير ..
ده الفكر الضيع البلد من زمن حبوبتي
يا جماعة متين نعقل ونشوف الحل الصاح لمشكلة البلد ونترك الجري وراء المناصب والكراسي
من الاستقلال والناس تتطاحن في منو يكون وزير .. وكيف نرضى ديل وكيف أو ديل..
صارت المناصب غنيمة والكل جاري وراها..
ما هو مر على البلد ناس نزهين ونضيفين تركوا مناصبهم وما عندهم بيت يسكنوا فيهو .. عملوا شنو.. ومروا حرامية واكلوا البلد .. والحال يا هو نفس الحال..
تعالوا نبحث عن المعضلة ونشوف حلها اولا وبعدين ان شاء الله يحكمنا الجن الاحمر…
يا جماعة شفتوا ليكم وزير قاعد يشتغل..
اعقلوها وفكروا كويس .. اسع لو غاب وزير عن مكتبة شهر او 6 شهور الحياة بتقيف.. لكن لو غابت عربية الزبالة او عامل النظافة اسبوعين الناس تموت من الوسخ والمرض.
يا جماعة البلد مشكلة مؤسسية.. لو قدرنا نعمل مؤسسية في كل شيء وقوانين رادعة وقضاء مستقل.. وو …
ولا أنا غلطان

ده كلام فارغ وهذا وإدمان للفشل و هروب من الواقع ومضيعة للوقت … تمخض الفيل فولد فأرا وهذا يثبت بأن الشعب السوداني بأكمله وحواء السودان لم ولن تسطيع أن تنجب بطلاً غيوراً واحداً قلبه على الضعفاء والمساكين .. نومو نومكم أحسن ليكم حتى يمدكم الله بجنود من السماء لخلع الشاويش .. بلد غريبة وعجيبة نظام فاسد وشعب محنط مستكين .. بعد ربع قرن من الزمان هذا نتاجكم ، ومن أنتم؟؟؟؟ وهل هذا الظل لشجرة أو غنماية … إقترح عليكم أن تريحوا أنفسكم وتناموا تحت الظل !!!!!!!!

تفكير مبدع وخلاق. النقاش حوله اتفاقا واختلافا مطلوب ولكن لاداعي للسخريه. حتي إذ فشلت هذه الخطوة فهي تدل علي ان العقل السوداني لازال نشطا. نرجو ان تحرصوا علي تنوير الرأي العام بنشاطاتكم بقدر الامكان وسنقوم في إعلام الدموستنارة بالترويج لها.

والجماعة الجنبوهم ديل (البدريين من علي عثمان محمد طه ونافع والذين منهم ديل ) يكونوا حكومة شنو يعني ؟ غايتو بيني وبينكم هم سبقوكم في الظل دا – الا تستأذنوا منهم عشان يدخلوكم الظل معهم – ولذلك ثمنه بالطبع . فاهمين يا حناكيش و اللا………….!!!

نقولها نعم لهاني نعم وليك يا وائل ومعز ونغم … نقولها من الضمير والفم … وليك يا القائد الملهم .

وين الرئيس ووزير الدفاع ووزير الداخلية والظاهر عاجبنكم ناس بشة وعبدالرحيم وحتخلوهم قاعدين في مكانهم بالله وحتي نتمكن من التعليق مرة واحدة ورونا اسماء الولاة والاجهزة الادارية الاخري وبالله كتروا لينا من السنة الخشنة يا سنة ناعمة عشان عدالة توزيع السلطة والهوت دوق وكدة

المهم في النهاية حا يكون كل واحد عنده لقب وزير سابق ؟؟؟

نغم : وزير الدفاع

وائل : وزير الداخلية والى النيل الازرق

هاني : وزير النقل والى جنوب كردفان

عمار : وزير السدود والى شمال دارفور
انور : وزير الكهرباء والى شمال كردفان