استقالات جماعية وسط أفراد الشرطة

طبعا الاحتياطى المركزى دا بيضرب الناس ويؤدبهم عشان كده لا زم يعتنوا بهم ماضرورى البوليس العادى دا مامشكله

قالوا بدل الشرطة أحسن العطالة

ما في شرطي بقدم استقالة هم اصلاً فاقدي التربية والراسبون يقدم استقالته يمشي وين.
You know a person who is going to work as a police should be conditioned
according to the words which form the police the word police by their initial letters , , intelligent, polite,organized ,legal ,cultured ,and educated but non of these words on them.

عليكم الله في زول مسوول او بفتش علي مستقبل يكون بوليس

يا جماعة كلا بيت قلي ما يخلوا من شرطى وفيهم الكويس والبطال فحقوا نتادب فى الحديس عنهم

بالله شوفوا الخبتة الفي الصورة دي ما خبتة زول مغبون .

والله لما الناس تتكلم عن البوليس بجيني احساس انهم حبش ولأ يهود….بالمناسبة ديل ناس غبش مثلنا وسودانيين…بس ظروف أكل العيش جبرتهم يشتغلوا في البوليس…لقلة تعليمهم (وهذا ليس عيب) ولعدم توفر مهنة أخري…الناس اتجبرت واشتغلت في جهاز الامن …ناهيك عن البوليس …الإساءة لمهن معينة يمكن ان تمتد لأسر كثيرة مكتوية بذات نار الظلم والفقر…مفروض نكون عقلانيين …معارضتنا للحكومة ما تخلينا نشوف الشعب السوداني كلو سيئ…كل مهنة الأن في السودان يمكن تأويلها بخيوط لترتبط بأضابير النظام …

البوليس اي رتبة اصلو ما بفلس.

اانتو بتتكلمو ساى كلامك بعيد عن الواقع 50 فى الميه من افراد الشرطه جامعيين نتيجه لعدم وجود وعمل بل هنالك اصحاب درجات عليا والكلام ده ممكن تتاكدو منو من ارض الواقع ما من خيالكم وتنظرو ساى

لا شك ان الشرطة والعاملين في الحقل التعليمي والصحي هي من أهم الشرائح في كل المجتمعات (المتحضرة والمتخلفة) على حد سواء.. حيث لا يمكن الاستغناء عن خدماتها ولا تستقيم الحياة دونها! مل استقالذا يجب اعطاء منسوبيها الأهمية وتوفير جميع عوامل الاستقرار لها.. أما اذا كانت هناك سلبيات.. فيجب البحث عن اسباب تلك السلبيات وايجاد المعالجة اللازمة لها (معالجات كلية)..

السلام عليكم ورحمة الله اوجه سؤالى الى من اشاروا اننا فاقد تربوى واننا متلقى رشوة واننا حمير لماذا كل هذ ا الحقد اولا انا ضابط شرطة مستقيل عن العمل لان ظروفى الاسرية واعالتى لعدد من الاسر جبرنى الحال على ترك العمل والبحث عن بديل واخترت الاغتراب مجبرا على تركى لهذا الجهاز العظيم وهذه المؤسسة الكبيرة واشهد الله اننى لم اجد فيها وفى مرؤوسى والذين من ادنى منى رتبة ومن الصف الاكل الاحترام والادب ونحن لسنا بفاقد تربوى ياهؤلاء بل منا من يحمل الشهادات العليا وكانت الرغبة منذ الصغر بالانضمام للشرطة فلا تظلمونا بالله عليكم ومن كانت له مظلمة مع احد فلا يعمم لان بها من هو مسحوق مثلك ويسعى لكى يؤمن لقمة عيشه

انتو بتتكلمو كيف ياجماعة البوليس كيف مايقدم استقالة لازم يقدم عارفيين ليه ﻷنو كان الدخل الإضافي لأفراد الشرطة من المواطن والان المواطن بات لايملك حق لقمة العيش فمن اين يأتي هؤلاء بدخلهم الاضافي ؟

الشرطه معروفه بتفشى الفساد المالى والاخلاقى وسط افرادها وخاصه الملتحين لذلك لا تعاطف معهم هؤلاء حثالة المجتمع

و الله صحيح نحن شعب متخلف، خليتو الجمل بما حمل و الهدف من الموضوع بقيتو في البوليس المسكين. و الله ثم و الله لو سألت اقرب بتاع شرطة هو بيكون غير راضي عن عملو كشرطي لاسباب كتيرة لكن اين البديل. بعدين كونهم يجلدو و يعذبو و يقبضو دة شغلهم، الوصف الوظيفي و “التعليمات” بتقول كدة و الا مافي شغل بل و المحاسبة كمان. ففي ظل الظروف السيئة في بلدكم الما قادرين تغيروها دي هم مضطرين و غيرهم كتييييييير ممن تتاح له عملية البلع، ان يبلعو رغم علمي انو و الله فيهم كتيرين الافضل مننا. و الجوع كافر و الفقر و العطالة و المسئولية تجبر الشخص يعمل اي حاجة عشان يعيل اسرتو و اخواتو. و الظاهر انو الناس البتشتم الشرطيين اصحاب الرتب الصغيرة (ضباط الصف و الجنود) الظاهر ما مرت بيهم ظروف صعبة او باقاربهم و الظروف الصعبة دي درجات من نوع تكون ما عارف بكرة تاكل شنو و لا حتى دقيق عيش ساي في البيت مافي خليك من الويكة و الملح و البصل و الفحم (ما دايرين نقول صلصة و بهارات و لحمة و غاز و رغيف و قروش و الجركانة البننقل بيها الموية من الجيران انقدت و حق الكهربا و خلوها مستورة و اعرفو قبل ما تكتبو. و الله انحن مرت بينا ظروف مش تشتغل بوليس و الله تعمل اي حاجة عشان امك تلقى حق العلاج و ابوك يحتفظ بي كرامتو وسط المجتمع و اخواتك ينسترن و اخوانك الصغار يمشو المدرسة يا ناس حرام عليكم خليكم عندكم دم و احساس. هسي ينط واحد ما عندو فهم يقول انا بتاع بوليس ما بقول انا شنو لكن ارجو ان نكون موضوعيون قليلا.

يقولون بافواههم ويحسبونة هين وهو عند الله عظيم منكم لله يالعانين وكفى بالله شهيدا