غوارديولا: لا أعرف المريخ السوداني .. مع كامل احترامي له
عن الفارق بين برشلونة الفريق السابق لجوارديولا وبايرن ميونيخ في طريقة اللعب، والفارق بين “تيكي تاكا” الاسبانية والألمانية وهي طريقة اللعب الشهيرة لجوارديولا في امتلاك الكرة والسيطرة والتمرير ..قال المدرب الاسباني بتحفظ : لا أعتقد أن هناك اختلافاً بين طريقة لعب برشلونة وبايرن ميونيخ ، وربما يكمن الفارق فقط في ثقافة وعادات البلدين “ألمانيا واسبانيا” ولكن يبقى البايرن كبيراً وبالطبع برشلونة أيضاً وكل منهما يمتلك خبرات كبيرة ولاعبين على مستوى عال.
ورداً على سؤال آخر عن تعمده اختيار فريق المريخ السوداني للعب معه ودياً خلال معسكره الحالي بالدوحة أم أن الاختيار جاء بالصدفة البحتة ..قال جوارديولا : لا أعرف فريق المريخ السوداني مع كامل احترامي له ، وبالتالي لم أتعمد اختياره ، وماحدث أنني طلبت خوض مباراتين وديتين خلال فترة المعسكر وتم تحديد فريق المريخ السوداني من ضمن الفريقين اللذين سنلعب معهما ودياً.
هههههاهههههههههههههههههههههههههههههههههههاي. دفعتو كم من مال الشعب الغلوب علي امره؟؟؟؟
بس من فضلك يا غوارديولا ما بنتحمل اكثر من 33هدف…………
براحة عليييييييييييينا
ننغلب أكيده ومامشكله بس نلعب كويس والله يستر من البشتنه ورقاد الواطه..
يكفينا انك عرفته
يعني انت قايل المريخ دا زيي فريق مانشستر يونايتد أولا ريـــال مدريد.. نحنا زاتنا عارفنو عادي بالزبادي.
صدقني انت الخسران ما حا تسفيد من المباراة دي اي شيء بالنسبة للاحتكاك والتكتيك وحا تكون من طرف واحد وما حا تلقى اي مقاومة أو خصم عنيد. المباراة مجلية مجلية. وما منها فائدة تب
المباراة فنيا لن تستفيد منها. اختيار المريخ تم فقط لحسابات معروفة ومعينة لكي المشجعين والدخل وحا تكون من طرف واحد وخالية من الفنيات والمهارات والتكتيك إلا من جانب واحد.
انتو عارفين بايرون ميونخ دا. ديل الكورة دي ما بفكوها ولا بتطلع اوت ولا عندهم رمية تماس شغلهم كلو مثلثات وتقاطعات ونظريات. والناس ديل انا متأكد انو الحكم بعد التسعين دقيقة حا يقوم يمسك الكورة ويقول ليهم هوي الكورة انتهت. يعني الكورة دي ما بتشوفها وتلمسوها إلى في ايد الحكم
ونحن صغارا حضرنا مباراة الهلال وسانتوس منقولة تلفزيونيا وكنا نتوق للاستمتاع بابداعات بيليه ولكن شواطين (ما ادانا فرصة). يا ترى من فى فرقة المريخ سيحرم الجمهور من الاستمتاع بمهارة ريبريه ومهارة روبن أو مولر ومن المهاجم الذى سيهز شباك بايرن أولا !!!!!!!!!!!!!!!
واحد مليون دولار للعب مع الفريق الالماني، هكذا يقولون
إلي الأخوه المريخاب .. رجاء خاص تكلموا موسي الزومه ما يشليت ويخلينا نتمتع بي الكوره الكوميديا … واذا سمحتوا توصوا اكرم يثبت في مكانه عشان يصد الكور البرجعوا ناس الباشا
يا خوانا الشعب السوداني عودنا على المفاجئات بعمل حاجات كدة في أوقات أصلو ما تتوقع إنو حيعملا.وبعدين مع الأجواء دي والأضواء والملعب والخضرة والماء والكدارة الجديدة إلا نتغلب خلعة علا غير كدة رجالة ساااااااااااااااااااااااااااااااااااااااي بنتخارج …
يالمدعو الشفيع أصلو البلد لا عندها شفيع ولا وجيع إنت عايز تقنعنا إنه أختاروكم عشان المريخ الفريف الأمثل ؟ ولا عشان دفعتوا؟ بس يا ترى القروش جات من وين؟؟
ذكر المدير الفنى لنادى الباير السيد جوارديولا لوكالات الاعلام العالمية انه لم يسمع بنادى المريخ من قبل لكنه يعلم ان السودان ابتكر طريقة دفاعية جديدة تسمى (الدفاع بالنظر)ما يجعله متخوفآ بعض الشئ
من لقاء المريخ !
تعادل الهلال مع سانتوس في سبعينات القرن الماضي حيث كان سانتوس يضم أمهر لاعب كرة قدم عرفه التاريخ ( بيليه) إذاً ما المانع من أن يفعلها المريخ ويتعادل مع البايرن أو حتى يفوز عليه ؟!!!
نحن ماحاقدين لكن لعيبة المريخ البسبتو الكورة مترين _____ الاعب البتديهو الون يديك الفور الله يستر (بتكون حسب الدفع)
سوف نقوم بتشجيع فريق المريخ لانه فريق سودانى ونتمنى ان يقدم عرضا طيبا يخفف من مصائبنا المتعاقبة.
اى نتيجة غير سارة تعرضنا للتهكم من الجميع وغيرها تجعلنا نزهو لاننا نعيش خارج الوطن و لا نرضى ان يتهكم علينا الاخرون.
شدوا حيلكم يا مريخاب والجميع معكم من هلالاب ومورداب وسوكرته واهل الحديد والنار وناس دارفور وكردفان والنيل الازرق واهل العوض وناس ادروب و السافل والصعيد.
جوارديولا ورفاقه مابكون سمعوا بدوله اسمها السودان زى ماقال احد المقمين فى بريطانيا فى الثمانينات له صديق طبيب ذهب الهايدبارك التقى ببريطانى وتجاذبوا الحديث فسأل الانجليزى الطبيب السودانى من اين فقال له من السودان فرد الانجليزى واين هذه البلد ديل الكان مستعمرننا ماينط لى واحد يقولى انهزامية وزفت ويتفلسف الكلام حاصل حقيقه