أخبار السودان
الأطباء يرفضون شروط وزارة الصحة للعمل في الخارج
الخرطوم ? مهند عبادي
استهجنت مجموعة من الأطباء مسلك وزارة الصحة الاتحادية بوضع شروط جديدة للراغبين في السفر والعمل بالخارج واعتبروها محاولة لإغلاق الباب في وجه الأطباء بإصدار الوزارة قرارا يقضي بمضاعفة المبلغ المتفق على دفعه بين الأطباء والوزارة كشرط حال قرر الطبيب السفر إلى الخارج كتعويض لتمويل الوزارة لدراسة الأطباء للتخصصات من (36) ألف جنيه إلى (72) ألف جنيه، وندد الأطباء بالقرار وأطلقوا حملة لجمع توقيعات من الأطباء للتعبير عن رفض القرار وأعلنوا اعتزامهم توكيل محام لرفع قضية ضد الوزارة لجهة تضييق القرار على الأطباء وإغلاق الأبواب أمامهم خاصة وأن استلام الشهادات العلمية مرتبط بسداد المبلغ.
اليوم التالي
انتو تدرسوا على حساب الشعب ودايرين تكسحوا؟ مافى عقد واللا الحكاية جربندية ساى
امرأة دخلت النار بسبب هرة حبستها , لا هى اطعمتها و لا تركتها تأكل من خشاش الارض
صحيح الاوضاع مزرية، لكنكم درستو علي حساب الشعب لكي تعملو في السودان ولما تطالبو بدفع ثمن الدراسة تجقلبو. عالم انانية ومن غير ضمير وملعون العلمكم الطب.
(انتو تدرسوا على حساب الشعب ودايرين تكسحوا؟ مافى عقد واللا الحكاية جربندية ساى)
طيب يا أخ قطبى هل القرار يشمل الذين درسوا الطب بنظام القبول الخاص ودفعوا الملايين أيضاً ؟؟؟
وكما تعلم فى قبول عام وقبول خاص ..
مين القال ليك انه الاطباء او غيرهم من السودانيين درسوا علي حساب الحكومة….الناس دي دفعت من الاساس حتي الجامعة ودراسة ما فوق الجامعة…..يا طرنقع ما تجي تتكلم لينا ساكت وتعمل فيها انسان فاضل وما اناني…..
المني جدا ما قرأته من تعليق المواطنيين السودانييي على ما يحدث للأطباء اللي انضربو في مستشفى الحصاحيصا و على المقال … للأسف كتير منها تحس فيها كثير من الجهل بي حال الأطباء في السودان وفيها شئ من الحقد أو الكراهيه و تحميل الأطباء سبب التدهور في خدمات الصحيه و دا ظلم كبير… و تصوير الاطباء ككائنات انانيه بشعه همها القروش و هما روحها…صحيح في الأطباء نمازج سيئه بس أغلب الأطباء ما كده و شغالين في أوضاع سيئه عشان بيحبو شغلهم و بيهتمو بي حياه المرضى و الامثله كتيره لو أنصفنا … وحتى الاطباء اللي اتدربو ما تلقو تدريب بل كانت و لازالت الوزاره بتشغلهم و مافي شخص مفرغ لي تدريبهم او تقييمهم و بي نهايه الفتره يمتحنوهم …. و كتير مننا كنا بنقى روحنا يا نسافر خارج السودان او نقعد و نلاقى روحنا شغالين للوزاره بدون خطه تدريبيه اضحه او منهج او حتى ظروف عمل محترمه….هل تعلم أنو الأطباء اغلبهم ما عندهم تأمين صحي و بيتعالجو بي العلاقات و الحنيس … هل تعلم انو بدل العدوي للطبيب 25 ج و للموظف البنك حسب ما سمعت و ان كنتا غير متاكد 250 ج….الأطباء انظلمو من الحكومه ظلم شدييد … بس المؤلم أكتر ظلم المواطنين لينا بي كلامهم المسئ دا… قد تنتقد سلوك طبيب بعينه وبي إسمه بس ما تعمم على كل الاطباء… و أغلب الأطباء لو لقو وضع كريم و محترم ما سافرو… انا واحد منهم … فحرام يا سودانيين بطلو إفترا …. عشان ربنا يرفع عنكم سخطو و يحلكم من الكيزان.
هؤلاء حاسدين بس وبعدين ما النغمة الشغالين عليها دي انتو درستوا على حساب الشعب ما في واحد مسك ايديكم عشان ما تدرسو وبعدين التعليم والصحة حق لكل مواطن وليس منحة من احد فاي دولة محترمة يجب ان توفر التعليم مجانا لكل المواطنين الراغبين في ذلك وايضا العلاج مجانا وحق اصيل لكل افراد الشعب من غير من ولا اذى وسبحان الله ال
بعض من افراد الشعب صاروا يتحدثون بنفس نغمة المؤتمر الوطني بالمن والاذى في حين ان هذا هو حق لكل مواطن ان يتعلم ويعالج مجانا ولكن غابت هذه الحقائق غير معروفة لدى الكثيرين وبعدين هناك جيوش جرارة من العطالة من الاطباء وغيرهم لا الحكومة شغلتهم ولا تركتهم يهاجروا في بلاد الله الواسعة وصاروا مثل
تحت رحمة الجلاد افيقوا ايها الناس ان التعليم في جميع مراحله والصحة والعلاج حق لكل مواطن ويجب على الدولة ان تسعى لتوفيره للمواطن واذا لم تفعل فهي فاشلة ويجب ان تذهب وتاتي غيرها والناس التي تعلمت مجانا فهذا حقهم ولا كتر الله خيرهم ولابارك الله فيهم فهذا حقهم
ردا علي الذي يقول أننا درسنا الطب علي حساب الشعب ،اكيد ليس في أسرتك من درس الطب ، انت لا تعرف كم جاهد أهلنا وتبعوا حتي نتخرج ،عن نفسي توفي الوالد وانا في ثالثه طب وعملت امي بالكسرة والطعميه حتي اتخرج وتعبت جدا حتي تراني طبيبه ، حسبي الله علي الحكومة التي جعلتني اكره أنني طبيبه
بسيطه 72 الف والله بسيطه لانه العقد البينهم وبين وزاره الصحه لازم يعملوا في السودان لمده بعد ما يأخذ التخصص الدكتوراه خمسه والطبيب بكامل قواه العقليه وقع و4 سنين وأسماء دراسته يأخذ راتبه كامل أصلا مااحتجه بعد واخلص الدكتور ه بدا يجقلب هسع نحن عايزين لينا أخصائي في همشكوريب. ده مال شعب ماجوتو في الاعلام ساكت وفي بعض منهم بثوه خارج السودان تزاكر وآقامه ًفلوس مصاريف بالدولار + راتبه هنا في وزاره الصحه ماشي لكن الزاره طلعت مفتحه عقده الجامعات انها تسلم الشهاده
أخير ليكم تدفعو ال 72 ألف وتتخارجو بسرعة ، ديل ناس ما عندهم ذمم ، بكرة حيرفعوا الحكاية ل 100 ألف ، نصيحة اتخارجو بسرعة وما تقعدوا تضيعوا زمنكم وربنا إن شاء الله يعوضكم ، قال وزارة صحة دي وزارة السجم والرماد
السلام عليكم جميعا أولا من المعلوم ان الطب مهنه أنسانيه لكين في الزمن ده بقى أي شئ تجاره بعد ما أصبحت كليات الطب الخاصه زي الدكاكين في كل مكان . المستشفيات الحكوميه تتدخل بملاريا تطلع بي أيدز المستشفيات الخاصه عباره عن فنادق ما فيها أي كوادر طبيه. العيادات الخاصه الطبيب يمدد المقابلات عشان تدفع كل مقابله. الطبيب أصبح ينظر للمريض كزبون. الساده الأطباء أنتو بتشتغلو بره السودان كويس ليه؟!! عشان المرتبات ضعيفه و المرضى ما بدفعو كويس. ولا لانو مافي محاسبه للاخطاء الطبيه.
من الملاحظ أن هناك حقداً شعبياً على الأطباء ،، أولاً عاملوا اطبائنا كما يعامل الأطباء في الدول الغربيه ثم إطلب منهم أن يعملو بضمير. أكد هناك أطباء فاشلون لكن الاغلبيه هم خريجون هذا الوطن و جيدون .كفى لهذا الحقد على الأطباء او إلي مش عاجبو او حاقد لأن بعض الأطباء يكسبو رواتب جيده….يروح و يدرس طب إذا بنجح
يا جماعة ده كلو خلوها انا من الناس من الحصلو علي التخصص في الشهر ده وما في نيتي اني اسافر وداير كمان اشتغل في الولايات مشينا عشان نطلع الافادة عشان نسجل في المجلس الطبي السوداني امين عام مجلس التخصصات طلع قرار انو ما اخصائ يدوهو الافادة الا بعد دفع 12 مليون والمفروض تدفعا الوزارة مع انو في اطباء من الاتخصصو في نفس الفترة ادوهم افادات وفي اثناء النقاش مع الامين العام قال لينا ان عاملكم رهينة عشان يضغط علي وزارة الصحة. وقلنا طيب لوما قدرنا ندفع قال الناس الما عندهم قروش ما يشتغلو, يشتغلو الناس العندهم قروش, عليكم شفتو الامين العام بيعمل في شنو, انا افتكر ده حملة مؤسسة ضد الاطباء ومن بعض الاطباء انفسهم ونحن بس الناس ديل بنشكيهم لي الله واولهم الامين العام والله المستعان
بالنسبة للاشخاص البقولو اتعلموا على حساب الشعب ما يطلعو من البلد….
المهندس والمحاسب والاستاز والصيدلي ما اتعلموا على حساب الشعب برضو …ليه ما يمنعوهم يطلعو……..
معناها اي شخص كان قبول عام ما يطلع من البلد ….
السلام وتحية طيبة…
أتمنى من المشاركين الالتزام باخلاقيات النقاش..وان لا تحرمنا الملاسنات جلل القضية..
أتمنى من الاخوة والاخوات الالتزام باجراء التواقيع ومتابعة الموضوع وان يقوم الزملاء في الداخل والخارج بعمل صندوق لدعم المحامي بل وتعيين 100 محامي …
الطب مهنة انسانية والطبيب انسان قبل ان يكون طبيب ويعلم الله كم يعاني الاخوة والاخوات ماديا واجتماعيا حتى يحسنو من أدائهم الاكاديمي والعملي…
ارفع قبعتي احتراما لمن وهبو حياتهم لخدمة الانسان الآخر .. موفقين في سعيكم
الناس البتكلموا عن العقد مع الوزاره اول حاجه هي الوزاره ذاتها ما التزمت بالعقد وما دفعت للمجلس أي قروش مقابل تدريب الاطباء عشان كده المجلس ما قدر يوفر التدريب بالمستوي المناسب للاطباء فقط وزعهم علي المستشفيات عشان يقدموا خدمه لوزاره الصحه مقابل المرتب واي نائب اخصائي بيتعلم بمجهوده الخاص حتي الكورسات اصبحت بمقابل مادي بل ان المستشفيات هي التي استفادت من النواب واي شخص ممكن يلاحظ الفرق في مستوي الرعايه والمتابعه الطبيه للمريض بين المستشفيات التي بها نواب والتي تغطي فقط باطباء عمومين