سودانى يحصل على براءة اختراع شطرنج جديد

في شطرنج ثلاثي ورباعي وخماسي وسداسي منذ زمن طويل، كنا بنلعب الرباعي من سنه 98

عليك الله انت في شنو و الحسانية في شنو !!!؟؟

الناس مالاقيه تأكل وتشرب او تتعالج

بعدين الظاهر من شكلك ده زول سطحي جدا

والاختراع ده يمثل تشكيل حكومة الفساد الوطني من كثرة الوزارات والوزراء مع قلة الجنود وقلة العطاء في البلد التعيس كان من الافضل تطوير لعبة السلم والثعبان في نظام الكيزان

اصله الجماعة ديل مهوسين بالرباعيات …

عربات دفع رباعي ..
نساء أربعة ..
أربعة طوابق ..

وأخيرا شطرنج رباعي ..

موش ده الليدو ؟؟ ولا أنى غلطان ياجماعة ??? ok ok مبروك مبروك حسى يقولوا حقد وعنصرية منى ..

يا ريت لو تسجل لي معاك براءة اختراع لي شطرنج بتكون من ستاشر قسم بدلا عن اربعه اقسام و24*24=576 مربع بدلا عن 144 مربع وما تنسى السيجا ونط الكلب والصفرجت برضو اعملا لي 24*24=576 مربع بدلا عن 25 مربع وكمان براءة اختراع للحكومه القاعده 25 سنه وما عارفنها حتتفكفك متين الله يستر ما تكون 25*25 = 625 سنه !!!!!!!!!!

ياخ عليك الله اخترع ليه رقدة مشية جكة معينه توقف الجوعه من بطني واحس اني شبعان ايه الخرف ياكيزان زول جعان وعيان تقولي شطرنج وكمبلت

الشطرنج الرباعي ده بيتلعب كيف يا جماعة – الفاهم يورينا.
شايف في الصورة أربعة جيوش – أبيض وأسود وأصفر وأحمر..
طول عمري بحب الشطرنج وأموت فيهو
لكن ما فهمت حاجة من الاختراع الجديد ده بصراحة

الله يعينك يااخوي براءة اختراع

هو الناس ناقصة العاب؟ الزمن الضايع في لعب الشطرنج من الافضل ان تمارس فيه رياضات اخري كالسباحة و الرماية و ركوب الخيل كما قال النبي محمد عليه و علي اله افضل الصلاة و اتم التسليم. قال شطونج قال … ما حكم لعب الشطرنج في الشريعة؟ افتونا ايها العلماء

يوجد خطأ فادح في وضع القطع
لاحظ أن الرخين بجانبي الملك الذي يقبع في الكورنر
لا يمكن الإستفادة من الرخين في هذا الوضع لأنهم يتخذان نفس المسار ولا يمكن أن يستفاد منهم في المسار الاخر الذي يحمل لون مختلف.
خطأ كبير وفادح وإجازته بهذه الوضعية خطأ أفدح .

ضالة

هناك لعبة إسمها ضالة أو دالة تتكون من 36 مربع شبيهة بالشطرنج لها فوائد فيزائية حيث تزيد من الادراك العقلي والمناورة نرجوا ابضا ان يتم تسجيلها كلعبة ذكاء سودانية
وهذه اللعبة تم إبتكارها منذ القدم يلعبها اهل الاقاليم متوارثة منذ زمنا طويل

دا بحل مشكله العطاله بدل يلعب اثنين عطال يلعب اربعه عطال

مع الاسف ياشباب الشطرنج ده مالوف في عالم الكيزان اولأ هم ماعنده عمل كي يقومو به ثانيأ اسبتو انهم قمرتيه من الدرجه الاولي ينهبو مال الشعب بنهار ويلعبو بيهو قمار باليل معروفين مثل هذا لم يكون لديهم اختراع غير اللف والدوران

أنا يهمني الإختراع واعتبر الشطرنج لعب ومضيعة للوقت !!! أنا يهمني ما يلي: (تدل ان هناك استقرار ومناخ ملائم وموائم للابداع مشيراً ان الاعلام هو رأس الرمح فى نقل مثل هذه الابداعات) نتمنى أن يحدد لنا عناصر هذا الإستقرار المزعوم إليس هناك ( أزمة مواصلات ، أزمة رغيف ، أزمة مواد غذائية ، أزمة غاز ، أزمة جازولين ، أزمة بنزين ، أزمة مواد ‏البناء ، أزمة عمل و وظائف ، أزمة أمن و كثرة الحراميه ، أزمة زواج ، أزمة أخلاقية ، أزمة فساد و إفساد ، ‏أزمة زراعة المحاصيل ، أزمة وزراء ، أزمة دارفور، أزمة النيل الأزرق ، أزمة جنوب كردفان ، أزمة في كل ‏شيء وفي كل مكان ، لم يبقي لنا شيء ما فيهو أزمة ، فماذا يفعل هؤلاء المسئولين من رؤساء و وزراء و ‏مرؤوسين ؟ يظهر أنهم يأكلون ويشربون و ينامون مثل الحمير فقط عفوا فالحمير لها شيء تفعله و منها فائدة ‏‏! فما فائدة هؤلاء المسئولين يا تـرى؟؟؟ أليس من الأفضل الحجر عليهم و سجنهم في زريبة حجز الحيوانات ‏الضالة الضارة و السائبة حتى نأمن شرهم) !!! ‏

حرام عليكم يا جماعة … والله كتر خيرو برضو اسمه ((( سودانى يحصل على براءة اختراع ))) … لا تبخسوا الناس أشياءهم … المهم رفع اسمنا بيحاجة كويسة بدل كل يوم السودان متصدر الدول فى كل ما هو شين ودشن … نقول له مليييييييار مبروك أخى … وما شاء الله لأن الشطرنج لعبة زكاء … لذا نتوقع منك اختراعات جديدة ان شاء الله … بارك الله فيك ومزيد من النجاحات …

خلاص حليتوا جميع المشاكل بما فيها مشكلة الجوع والعطش والمرض عشان تفكروا في الشطرنج ؟ هذه فياقة وعدم شغلة .

ياجماعة الخير اتقوا الله في أنفسكم من قال ليكم الراجل ده كوز؟
الشطرنج السوداني ده إختراع عظيم جدا ومفيد جدا والواجب عليكم تسألوا حتى تعرفوه وتفهموه وبعدين تقولوا رأيكم فيه
وكما الرجل ده مخترع كبير وله عشرات الإختراعات في الكهرباء والمياه والطاقة والزراعة
الشطرنج السوداني ده راح يكون مفخرة للسودان ومعلم بارز وما عنده علاقة بموضوع الجوع والغلاء والفقر وهو وسيلة هامة للطلاب لتوسيع عقولهم مثل مادة الرياضيات وأي شخص يدرسه ويتعلمه سيعرف أنه إختراع عظيم