المحكمة تبرئ وكيل وزارة الرعاية والضمان السابق من تهمة الفساد
الخرطوم:أحمد مكي:
برأت المحكمة الدكتور سعيد عبد الله سعيد وكيل وزارة الرعاية والضمان الاجتماعي السابق من تهمة الفساد التي وجهت إليه في العام 2012م بتأجير منزله للوزارة دون علم المستشار القانوني، في الوقت الذي لم يتم استغلال المنزل طيلة فترة العقد، بينما تذهب أموال الإيجار بحسب التهمة للوكيل، إلا أن المحكمة برأته مما نسب إليه.
وقال سعيد لـ«آخر لحظة» أمس إنه لم يكن لديه شك في براءته. مشيراً للأضرار النفسية التي لحقت به جراء ذلك، وطالب الحكومة والمؤتمر الوطني بالبحث عن رؤوس الفساد الحقيقي، مؤكداً أنه إسلامي ولن يحيد عن أفكاره، لكنه لن يتبوأ أي موقع في ظل الوضع الحالي. وشكر رئيس الجمهورية لما قام به تجاهه بتقديم معاش استثنائي له، وطالب الوسائل الإعلامية باستقاء الأخبار من مصادرها وتحري الدقة في نشرها.
اخر لحظة
ازن من اين اتيت باموالك وعقاراتك وعماراتك ورينا بس
اصلا ما في أي مسئول ادين بأي تهمة في عهد الانقاذ والبلد كلها نزاهة وشفافية والحمد لله
الحكاية شنو اي واحد من الجماعة ديل اتهموه طلع برئ اصلا مستحيل كلهم غير مذنبين طيب ممكن سؤال الحرامي منو اذا حكاية غريبة فعلا
اى واحد من الاسلامين برئ.عارفين تقرير المراجع العام حق دولة مجاورة يمكن يكون استهداف خارجى
الناس ديل ملائكة وربنا نزلهم لينا من السماء عشان يحكموناما فيهم حرامى ولا فاسد ولا زانى البلد تمام الناس مرتاحة وما فيهم حرامى والحرامية الشعب اوالفضل من الشعب
الخبر ده كده ما يفيد…هل هو عندو بيت أصلاّ طيب هل هو مؤجرو للوزاره خليك من بي علم المستشار القانوني أو بدونو…فاضي أو مسكون ده كلام تاني
هو اساسا الوكيل اجّر بيتو للوزاره ليه؟ وليه بدون علم المستشار القانونى؟ ليه ما تمت ألأستفاده من البيت طالما الوزاره ابتدفع ألأيجار؟ قروش ألأيجار الكان بيشيلا منو!! هل ياربى البيت دا كان مؤجر تانى من الباطن” واخيرا ايه اللى خلّى الراجل يقدّموه للمحاكمه؟ لازمة يرفع قضيه رد شرف ويطالب بتعويض.. تكونش الحكايه برضو كيد سياسى زى ما قال ازهرى التجانى!!! يا مولانا ود حمدنا لله .. ادينا راى! باقى نحنا الزمن غير ملامحنا ونحنا بقينا ما نحنا ويقينا فى العشرة ألأواخر وليس امامنا الآ ان نصبر على المحنه .. ترم .. ترم.. ترم,, قد غرق الحمام فى بحر من الدسم .. او كما قال.
وبرضو يجو يقولوا قضء نزيه وعادل،، دة قضاء بيعمل بفقه السترة،،
(وشكر رئيس الجمهورية لما قام به تجاهه بتقديم معاش استثنائي له).
هو في فساد أكتر من ده؟؟؟
قال معاش إستثنائي قال!
تفوووو
ياشعب السودان الفضل احترموا عقولنا وخلو عندكم ادب ومش كل واحد تشوفوه عمل
ليه عمارة من طبقين ثلاثة وعاه سيارتين شلاثة تنقوا فيه وتتهموه بانه حرامي
ويتم توقيفه شهر شهرين ويغملوا ليه معاش استثنائي وتتهموه طوالي بانه حرامي
عيب عليكم ونحنا القضاء عندنات مليون بالمية ؟ استحوا ومافيش داعي للكلام الفارغ
وماتتهموا الناس بالباطل غكل الشعب السوداني نظيف ومابنقبل كلام فيهو خلاص كده
وشكر رئيس الجمهورية لما قام به تجاهه بتقديم معاش استثنائي له
ايادي نظيفة ومتوضئة ماعارف الناس دي فاكرة انها وسخانة ليه. رجاء قسلوا عيونكم
يا سلاااااااام والراجل تبدو عليه علامات الايمان معقول يكون حرامي!!!!!!
والوزير بتاع الاوقاف السابق برضو ما حرااااامي وطلع براءة “من التهم المنسوبة اليه!!!”
طيب الحرامية ديل منو؟؟؟؟؟ والقروش بتاعت الشعب ده مشت وين …. احنا الحرامية واحنا السرقنا والفلوس دسيناها تحت البلاطة الرابعة من اتجاه اليمين في الاودة الصغيرة وملفوفة بكيس نايلون جميل اللون يلا امشو شيلوها؟؟؟؟؟
بالله عليك ده ما حاجه تجنن الواحد الواحد يكون متهم وبشه يطبطب عليه وصرف ليه معاش استثنائي يا اخي قوم لف وبول وتعال تااااااني وتااااني تااااااني والساقية لسه مدورة وتحيه لك المفسدين في بلادي الحبيبة ما دام الام الروؤم بشه قاعد خمو وصرو وصلحوا علاقاتكم مع الرئيس وسلم لي على القضاة في السودان قاضي قاضي ومحكمة محكمة الله يحرق قلوبكم زي ما حرقتو لينا روحنا
دمتم
البيت كان سكانه شياطيين الجن انتم مالكم قروشكم اسكتوا ساكت من انتم ومن اين اتيتم يكفى انكم كنتم مثل الشحاتيين اليوم بقيتوا بشر عالم ماتحمد ربها عاى النعمة