دعوة لإلحاق الأهالي بكورسات متقدمة في “العربية” لفهم الخطب الرئاسية
الخرطوم ? مقداد خالد
فأجا الرئيس السوداني عمر البشير الشارع السوداني بخلو خطابه في قاعة الصداقة أمس “الأثنين” من أية مفآجات كان وعد بها قادة حزبه الحاكم وفي مقدمتهم رئيس البرلمان السابق أحمد ابراهيم الطاهر والذي نقلت عنه تصريحات مفادها إن خطاب الرئيس سيحمل مفاجاة ستكون اشد وقعاً من اعلان التشكيل الحكومي الأخير والذي خرج بموجبه ابرز رجالات الانقاذ عن دائرة التاثير وفي مقدمتهم النائب الاول علي عثمان محمد طه، ومساعد البشير القوي د. نافع علي نافع.
وعقب “افيشيات” اعلامية كثيفة سبقت الخطاب ووصلت بالأهالي حد التكهن بامكانية احتواء الخطاب قراراتٍ قوية نحو إمكانية تنحي البشير وتقديمه استقالته، واجراء مصالحة وطنية شاملة تضم الطيف السياسي، فضلا عن اتخاذ قرارات تزيح العبْ الاقتصادي الثقيل المفروض على المواطن السوداني؛ عقب ذلك كله خيبّ الرئيس البشير تطلعات شعبه بخطاب محشو بالمفردات اللغوية العصية من شاكلة “وثبة، اندغام، إعتساف” الامر الذي دفع العديدين لوصفه بالخطاب “الانشائي” فضلاً عن نعوت أخرى كالغموض والابهام وجعلت من العسير تنزيل نصوص الخطاب واقعا.
ومباشرة عقب انتهاء الخطاب عشية امس، تنّدر السودانيين بحسهم العالي على السخرية من خطاب رئيسهم الذي استمر زهاء الساعة. وتشارك الصحافيون في صفحاتهم والمتداخلين في هاشتاج حمل عنوان #خطاب_البشير على موقع التواصل الاجتماعي فيسبوك، تشاركوا في تعليقات تعبر إما عن خيبة املهم أو اندهاشهم من اللغة المستخدمة في الخطاب.
وعن المفاجاة التي بشّر بها قادة الحزب الحاكم قال الزميل موسى حامد (المفاجأة هي اللا مفاجأة) واتبع ذلك بعبارة متهكمة (قوموا الى مشروعكم الاسلامي اليميني يرحمكم الله) بينما لخص زميله الطيب صالح المقيم في السعودية الامر بقوله (مفاجعة ?وهي لفظة سودانية تعبر عن الفجيعة- البشير كلها طلعت “وثبات” وتقطيعات) في اشارة الى استخدام الرئيس مفردة وثبة عدة مرات.
في الاثناء، سخر الزملاء الصحفيون من اللغة المستخدمة في الحوار، فقال الزميل عثمان شنقر باتجاهه لاعداد ورقة نقدية عن (التمظهرات الثقافية فى خطاب الأخ الرئيس) بينما أكد زميله عوض صديق أن (الاحزاب السودانية في طريقها لأن تطلب من المخابرات الامريكية تزويدها بمحلل خطابات بن لادن لتحليل خطاب البشير).
وبعد ان صك البشير جملة من المصطلحات السياسية الجديدة على رأسها “وثبة وطنية شاملة- ايدولوجيا سودانية” تساءلت الزميلة نضال عجيب (انتو الرئيس بمشى ياتو منتدى ثقافى ) لتنبري لها في الرد زميلتها نبوية سر الختم بقولها (قالوا ليهو الطلعو في سبتمبر ديل المثقفين لازم تقول كلام كبار يقنعهم وعمك إجتهد كتر خيرو) ذلك بوقت بدا فيه الزميل احمد حمدان في قمة دهشته واطلق تساؤل يدور في راس الكثيرين: من كتب خطاب الرئيس؟
وفي الهاشتاج الذي حمل عنوان #خطاب_البشير اطلق المشاركين وابلاً من السخرية على ما جاء في الخطاب حيث صمم المشاركين صورة لغلاف كتاب سموه “تيسير العسير في تفسير خطاب البشير” ، الكتاب الذي طبعت عليه صورة مكبرة لرئيسهم قيل انه صادر عن دار “وثبة” للطباعة والنشر. ايضا صورة ثانية تناقلها المشاركين وتظهر الامام الصادق المهدي اثناء الخطاب وكأنه نائم مع عبارة (الامام الصادق المهدي ماخد ليه نومه بين وثبتين في خطاب البشير).
بدورهم حثّ جملة من المشاركين الشعب السوداني للالتحاق بكورسات متقدمة في اللغة العربية لاستيعاب الخطب الرئاسية فقال احد المشاركين: (وضح جليا ومما ﻻيدعو للشك إنه علي الشعب السوداني وخاصة الذين يدعون الثقافة والتعليم أن يجتهدو لتكملة مشوارهم الثقافي والتعليمي ليرتقوا إلي مستوي يؤهلهم إلي فهم الخطابات الرئاسية المفاجئة). التعليق الآنف سبقه تعليق يقول (بإعادة الخطاب على تلفزيون السودان للناس الشالتو ملاحق والسقوط في العرض الأول).
وفي سياق ذي صلة، صدرت تعليقات بموازة الخطاب فوجه “آدمن” محرر صحيفة اللبخة سؤالاً للنائب البرلماني المثير للجدل حسبو نصه (هل يجوز للنساء ان “يثبن” معنا ام انه يجب عليهن الانخراط في “السيرورتين” ويستفرغن الطاقة في منازلهم حتي يحدث اندغام اسري) بينما تردد كثيرا سؤال على لسان “مسطول” قيل انه شهد الخطاب (أها يعني بكرا إجازة و لاشنو ).
الى ذلك، اقر الصحفيين بتعرض محرري اقسام الاخبار في الصحف لامتحان قاسي متمثل في كتابة خبر ذو مغزى من خطاب البشير فقال الزميل علي ميرغني (والله اني لمشفق على محرري اقسام الاخبار بالصحف.. ماذا سيكتبون غدا “اليوم”) فيما نقل الزميل عزمي عبد الرازق عن احدى زميلاته انها “تولول” وتردد (وووووووب علينا مافي خبر للجريدة).
[email][email protected][/email]
ووووووووووب علينا نحن الما فهمنا حااااااجة
بش بش بائع الأحلام
الإندغاميه الفيلسوفيه.
غايتو ،،،أنا كنت متكيف
من السيجاره بي كرتين وشدييييده.
للاسف الشديد البلد يحكمه شلة ناس صعاليق لا مسئول فيهم ولا يخافون الله ابدا ، ضالين حد الضلال والنفاق سفلة ومنحطين .
يكفي ما فعلوه بالسودان وشعبه حتى اليوم ،،،،،،،،،،،،،، هؤلاء اوباش جهلاء كل الصفات الزيلة موجودة فيهم الدليل هو دمارهم للسودان وشعبه اين كنا والآن اين نحن قبل سطوتهم على الحكم .
قالوا جاءوا لانقاذ السودان بل هم جاءوا لتدمير السودان وشعبه ها هم عمدوا لذلك وهم في طريقهم لتدمير ما تبقى من السودان وشعبه وكان تدمير ممنهج ومنظم من قبل موساد سودانيون .
فعلى الشعب الثورة ضدهم وابادتهم مثل صدام والقذافي . عليكم ايها الشعب السوداني الفضل الخروج الخروج لثورة لاقتلاع هذا النظام الافاك الضلالي اهله والفاسدين ومحاسبة من يبقى منه وتطبيق قانون من اين لك هذا على كل افراد المؤتمر الوهني الوثني هذا .
خطاب مدغمس
مقرف
مستفز
متخلف
فارغ
فاضي
ورقصني يا جدع
ما نقص خطاب البشير هو رقصة بشبش المشهوره
كان يا بشبش تتم الناقصه و ترقص لينا
علي الاقل كنا ضحكنا وفكينا غبينتنا
داهيه تاخدك في ستين داهيه بقدرة قادر يا كريم
هههههههههههههههههههاى والله فعلا خطاب اصعب من امتحانات الشهاده السودانية
..خطاب البشير كان في منتهي البلاغة, لو كان قراهو من الشمال لليمين أو من تحت لفوق أو من زاوية لزاوية أو زي لعبة صفرجت كان أدي نفس المعني
خطاب البشير كان في منتهي البلاغة, لو كان قراهو من الشمال لليمين أو من تحت لفوق أو من زاوية لزاوية أو زي لعبة صفرجت كان أدي نفس المعني
“احدى زميلاته انها “تولول” وتردد (وووووووب علينا مافي خبر للجريدة).”
هذه أفضل وثبة صحفية تندغم مع مستوى الخطاب الفجيعة.
على الشعب السوداني الوثوب والمثابره والإندغام من أجل فهم الخطاب
سمعت إن الخطاب سيدرس في كلية الأداب بجامهة الخرطوم كخطاب وثبه جامعه وسوف تصدر منه إندغام في CDs
” تيسـير الـعـسـير فـي تفسـير خـطـاب البشـير ”
عـن دار ” وثبة ” للـطباعـة والـنشـر .
قـر قـر قـر قـر قـر قـر قـر قـر قـر قـر قـر .. قـرقـراب ؟؟؟.
مسدار الوثبــة =========================== أحمد مجذوب
وثبـة ووثبتيـن والتالتة بـرة الدولة
والقافلين عليك خسرو الرهان والـجولة
يسألك الكريم رب العباد المولي
حلقات المسلسل ام خطابك اولي ؟
يا عمر البشير انا معترض..ما راضي
ممكن انسي ليك كل الحصل في الماضي
الواجعني منك .وفي سبيلو بقاضـي
يا خسارة المسلسل زمنو راح في الفاضي
اتلاقو الجميع كل عِمّة تضرب عِمّة
والناس يا عمر.. آمالا كان في القمة
نسمع بالخطاب قلنا الحكاية مهــــمة
دا الجامعنا ليهو من العصر بالذمة ؟!
يا عمــر البشير الدولة رسبت رسة
وأضحت للجهاز .. نص البلد مُنتسبة!!
السبب القبيل خلي الخلوق مُحتسبة
قنبلة الرئيس طلعت اشاعة ووثبة!!
يا عمر البشير حبل الصبر اتمطي
والـسودان يسير ..بس إلا زي البطة
منتظرين قرارك وقلنا زي الشطـــة
يوم طلع القرار القصة طلعت نطـــة
يا عمر البشير الوثبة تب مرغوبـــة
نتمني العمار لي ارضنا المحبوبة
في عز الخريف ما تشكر الراكوبة
لكن بالخطاب فعلا قلبتا الهوبة
يا عمر البشير هاك الكلام الواعي
البترول يطير ..سودانا ارضو زراعي
خليك للسلامة وللتقدم ساعـــي
لكن للخطاب صدقني مافيش داعي
يا عمر البشير ..ضيعتا زمن الامــة
قلنا لقيت علاج ممكن يزيل الحمي
عاملين للخطاب قومة وشمار و هلمة
قايلنو اسكريم.. لكن طلع داردمــــة!!
هههههههههههههههههههههههههههههههههههههه
هههههههههههههههههههههههههههههههههه
والله ما عرفناهو خطاب وللا خطة مدرب ,, وثبة .. وقفزه .. وحواجز ..
المصيبة فى الحضور العاملين منتبهين وفاهمين حاجة بس طلعو أخير أنحنا سألو الصادق قال بعد ندرسوا فى زمتك الدراب دا داير ليهو دراسة ..
باي لغة كتب الخطاب
اصبحنا بالله في المواصلات!!!
الراكب الاول:خطاب الرعيس كان تمام!!!!
التاني اي بالحيل قال اركبوا معانا!!
التالت والله قال كلنا في الهواء سوا!!!!
الاول متقعرا!والله قال سنينم دي كلها ماجابو السلام!!!
التالت قال بالحيل لازم دولة والبلد ما بتمشي من غير رئيس!!!
راكبه والله قاليك الفقور شديد!!!
التالت ايييييييييه اكعب قال من الحاله الصعبه!!هيهي ههي!!!
وصلنا المكتب!!!
فطومة ياخوي اته الراجل ده قال شنو امس!!!!
انا قال نطوا(وثبه)!! فطومه سجمي ننط من شنو!!! ما نحنه منطيط زي القرود في المواصلات!!!
سعديه يطرشني كان فهمته شئ!!!
حاجه التومه الفراشه واله الكهربه قاطعه عندنا وحجر البطاريه بقي عالي للراديو!!دحين مازاد المرتب!!!!
انا ولا قرش!!!
التومه الترابه في خشمنه ه اكان راجين السجم ده!!!
واحد سودانى جيعان شديد مفتكر البشير بقول وجبة مش وثبة فكان بقول بعد الوجبة الثالثة..اكيد بكونوا شبعوا ناكل الكرتة..فشاف ليك الجماعة خارجين بثرثروا ياربنا صاحب البقالة بكون فاتح نحصل عندة موية فول..
بحثت عن بعض الكلمات التي وردت في خطاب (الرئيص ) في القواميس الآتية:
1-لسان العرب،2- مقاييس اللغة ،3-الصّحّاح في اللغة،4- القاموس المحيط ،5-العباب الزاخر
وكانت الحصيلة كالآتي:
1- الكلالة : الرجل الذي لا ولد له ولا والد (لسان العرب)
2-إندغام: لا تُوجَدُ كَلِمَاتٌ أو تَعَابِيرٌ مُطَابِقَةٌ أو ذَاتُ صِلَة
3-إنبتات: لا تُوجَدُ كَلِمَاتٌ أو تَعَابِيرٌ مُطَابِقَةٌ أو ذَاتُ صِلَة
المشروطية: لا تُوجَدُ كَلِمَاتٌ أو تَعَابِيرٌ مُطَابِقَةٌ أو ذَاتُ صِلَة
الإعتساف: الأخذ علي غير الطريق، العسوف : الظلوم
أحابيل : لا تُوجَدُ كَلِمَاتٌ أو تَعَابِيرٌ مُطَابِقَةٌ أو ذَاتُ صِلَة
(إذا كل هذه الكلمات يا سيادة الرئيص عبارة عن ( دغمسة )،، وكلمة دغمسة يمكن أن تجدها في قاموس العامية السودانية للبروفيسور عون الشريف قاسم).
تفاعلات!!!
المبسوطين من خطاب الريس!!!:
الحاجه ام الريس!!! الولد نجيط وبيتكلم عربي!!!
وداد بشه اول مره ما افهمك!!!هو ات حريف كده!!!
المستشار ودالميرغني!! ما فهمنا حاجه وريحتنا من التفكير!!!
الصادق المهدي!! ما قتليكم !!!!
الزعلانين!!!!
الترابي!!براي سويته في نفسي!!ده الجابو منو!!!
اساتذة اللغة العربيه!!!! اسه الشفع ديل نحنه مندقهم ليه لامن مايقروا المطالعه ماكويس!!!اذا كان كبيرهم بيتعتع في اللدوهو ليهو من ايام يقراهو!!!
النايمين من الخطاب!!!.
السفير الجالس في المقدمة!!!
المزبهلين من الخطاب!!!
الدبلماسي الاسيوي المنطط عيونو يظهر مافي ترجمه وعايز واحد يفهمو!!!
علي عثمان؛ اوعك يقوم يجلط!!
المحبطين من الخطاب!!!!!!!!!!!!!!!!!!!!!!!!!!!!!!!!!!!!!!!الشعب المسكين!!!!!!!!!!!
بكون كتب ليه د.أمين حسن عمر الخليقة.
http://im33.gulfup.com/MiWjO.jpg
… وبذا أصبحت لغة الخطاب هي (المفاجأة)!!!!!
انتو دايرين اكتر من كده شنو!! يعني دايرين الرئيس ييفاجأكم يكسر رقبتو!!!
إلي الشباب الباحثين
رسالة دكتوراه جاهزة
بعنوان
المدرك والمستدك في وثبة المشير وكلام الطير في الباقير
إشراف البروفسير غنيدير
لجنة المناقشة د. الترابي ودكتور غازي
ودقي يا مزيكا
مش بقولوا تمخض الجبل وولدا فارا!!!!
نحنه جبلنا ماولد شئ!!! طلع حمل كاذب حتي من الفار!!!
انا سمعت المعلم ده بيتكلم عن السيرورة والسيرورتين مافى واحدة تالتة نندغم فيها و نعرس بيها؟!
يا إخوانا أنتو نسيتو برنامج التعريب الدخلت بيهو الانكاس من يوم ما جو ما خلو شي إلا وعربو في السلم التعليمي وغيرو والخوف كمان يعربو كلية الطب وقريباتها ….. الراجل داير وريكم أنو عربي أمكن يقبلوا في الجامعة العربية …. ههههههههههههههههههههه
هاهاهاهاهاها
قطعتو مصارينا
وشر البلية ما يضحك
والله محن الجماعة ديل علمت الشعب السوداني النكتة اللاذعة
يبدو إنه البشير هو من تفاجأ بالخطاب لأنه يبدو إنه ما إضطلع عليه إلا داخل القاعة فغلبته القرايةو الله أعلم لو فهم حاجة خليك من إنه يحاول يفهمنا حاجة, و الظاهر الجماعة عاوزين يحرقوه و هو ما عارف إنه حيتحرق على الهواء عشان كده عملوا ليه هيلمانة إعلامية و لحقوه أمات طه ده خبث الأبالسة
يا جماعة بصراحة هل البشير فاهم الكلام الكان بيقراً فيه دا !! I doubt
“المجتمع السياسي الحر ، الذي يحتكم لحكم المشروطية متصرفاً في شأنه الوطني بالحرية ، ومشاورة الناس كافلاً لحقهم في إدارة هذا الشأن ، نابذاً لحسم الخلاف إلا بهذ الوسيلة، راعياً لحقوق الجميع بالسوية ،غير متولٍ إزاء ممارسة السيادة غير الجماعة السودانية”
بس عاوز واحد يشرح لي المقطع ده.
غازي سليمان حيشرح ليكم الخطاب ، في برنامج (حتى تنكسر الـ .. ) في قناة النيل الأزيق . مساء اليوم بتكليف من محمد عطا بعد شكوى رعايا الجنرال .
This the first letter she was written by Widad. So what? whay you exepct
ياجماعة بسيطة الرئيس يكون جرب الصنف بتاع نائبه بكري
دا راي في الوضوع …..وبعدين اضيف ايه انا غلبان
وما زال هذا الأفاق متمسكا بالدغمسة … دغمسة الوحدة الوطنية والاقتصاد والصحة والتعليم والامن ووحدة الاراضي السودانية وأصول الدولة ومواردها الاقتصادية والبشرية
وثبة ودغمة .. وثبة تغير حالي
لا عاوز انت تحن .. و لا ترحم حالي
ليه انت ما تعطف علي ياغزالي
لا جديد فيه كما هو متوقع لن يغير الثعبان جلده . لاطرح لمشكلات السودان سوى بلاغة فى اللغة العربية عرجاء النطق من الملهم وتكريس للمؤتمر الوطنى واحتواء الاخرين كان الله فى عون شعبى وامتى ياسيبويه
اما كتاب “تيسير العسير في تفسير خطاب البشير” الذي صدر بالامس فقد نفذ من المكتبات مع ظهر هذا اليوم وذلك للاقبال الشديد عليه وتوجد نسخ قليلة في السوق الاسود ولكنها بأسعار غالية جدا مضاعفة و ربما لايستطيع شرؤها الا المتمكنيين من حزب نيافة الانبا البشير عليه السلام
الوثبة دي معناها القفز و بالدارجي النط يقول الزول ده نطه من كلامه يعني تراجع عن التزام التزم به مع الغير
عشان كده انا شايف انو البشير ده داير انط من كلامه بشكل عام و من هنا لقدام بالمعني ده مافي زول اجي اقول البشير في اليوم الفلاني في المناسبة الفلانية و لمن كان في الولاية الفلانية قال و قال وقال اها خلاص انتهينا البشير ونط
و بفهم تاني امكن داير انط بره البلد وزول كده اعرفه نط في ياتو بلد مافي و عشان ما تنقنقوا اوكامبو و لاهي و دارفور و النسوان الاغتصبوهن و البت الفيى الشريط واحد تاني بهناك اقول ضباط رمضان و فصلتوا الجنوب و القصص دي
و كل زول اشيل الفهم البريحوا
هو اصلاً قرأه صاح؟؟ تفجخ بس
قال وثبة بن منقد الملتحى
ان الخطاب المدغمس الممتلئ بالاخطاء الاملائية والنحوية لم يتعلم صاحبه شيئا يصلح لمادة الانشاء فقط واين مكمن الاهمية حيث ان القارئ يتلعثم ولم يسبق له قراءته
وخطابك دا ادا بلو وخلى البرلمان يعتبره وثيقة تاريخية ومرجعية وخطاب عمل هو اصلو الكلام بفلوس
ندمت على أننى اضعت على ام العيال مسلسلها اليومى فقد شمتت فينى شماتة مابعدها شماتة فقد كنت متوقع ان يعلن البشير حل البرلمان وتعطيل الدستور وعزل ولاة الولايات تمهيداً لإلغاء النظم الفدرالى القاطعو من رأسه وراسه من حوله ، ولكن لم اجد سوى حصة إنشاء وانا اقول الزول دا بمهد لقنبلة جاى بس ألقاها ضرطة كبيرة ومعفنة ، وفى النهاية قلت بالله شوف الزول الأهبل دا لامى العالم والدنيا كلها عشان يسمعهم مثل هذا الحديث البايخ ، ياخ ما كان يمشى إستديو التلفزيون او يخلى التلفزيون يجيهوا فى مكتبه ويقولوا مباشرة على التلفزيون بدل الخسارات وتضييع وقت عباد الله فى ما لا ينفع بل يضر ، الزول دا حمى شوكية حا تصيبنا بالطرش او تقل الأضان لو بقى يسلك السلوك دا لانو خطير وحا يرجعنا ربع قرن من شاكلة هلمجرا وينبغى لى ، السندكالية والراديكالية والديمومة الصيرورة والعيكورة ، اللهم لا تعولقنا ولا تخوزقنا، بس امس دق ليك فى الجماعة خازوق والله خلانى انا البرة دا لمن يعرضوا الاجانب القاعدين اخجل واغطى وشئ بالله كيف قدر يكلمهم بقوة عين كدا وكلامه خارم بارم وسجم فى رماد .
للأسف الشعب السودانى و(قياداته التاريخية) طلعوا (ماسورة كبيرة).
لقد بلغ بنا الكسل والتواكل مراحل متأخرة جدا حتى أصبحنا نؤمل فى المخرج بيد جلادنا. ما أضعتم من زمن وموارد ونزيف أقلام (خلال 48ساعة من عمركم) فى انتظار (المفاجأة) من جلادكم كان كفيلا للاطاحة به وبكل الديناصورات.
الحقوق لا تُمنح بل تُنتزع. ما لم نعى هذه الحقيقة فلا يمكننا التغيير.
ما فى غير العوده الى النظام التعليمى القديم 4-4-4 او ابو 6-3-3 ان شاء الله هو اللى بيساعد على “التمكين من الوثبه” ومن “النفره الزراعيه” ومن “توطين العلاج بالداخل” .. طبعن مع تحسين مفهومية ألأجيال اللى جايه ويرفع مستواهم فى العربى وألأنحليزى والحغرافيا (ويخليهم يعرفو كلمة “اطلس” تعنى شنو..سواء كانت (جبال فى شمال افريقيا) او كانت تشير الى الذئب الذى سعى الى مصادقة الشاعر الفرزدق ..او كان كتابا لخرائط البلدان وألأمصار بانواعها..رؤيتهم للأطلس فى حد ذاتها حتفتح آفاقهم ويكونوا اكثر تفتيحه و”ناقشين بالاكتر” ..
لكن ما هى انجع (انجع دى موش عايزه ليها شرح يا عبلطيف يا بونى ؟) الطرق والوسائل لتعيلّم الكبار (خاصة المسؤولين منهم) القرايه الصحيحه نطقا وقواعد نحويه اساسيه مبسّطه.. (الفاعل يظل مرفوع.. المنصوب يستمر منصوب وبس(موش منصوب عليهو).. الكبار اللى فات عليهم الزمن ما محتاجين يعرفو اعراب “ما ياتى بعد “لآ سيمأ” .. ولا “اضرب الخبر” ولا ألأستعاره المكنيه ( جايز يكونوا يحبوا يعرفوا “المكنيه الحاهله ونيّه) والتشبيه المقلوب ..
كل المطلوب برنامج تأهيلى “لتمكينهم من القراءه الصحيحه تجعل ما يقرأونه مفهوما للمستمعين” بس دا كوول المؤمل انه يحصل من “الوثبه”!!! والوثبه ما تكونش “نطّه فى الضلمه” (سواء كانت بفتح الضاد وسكون اللام و فتحة على الميم ..او كانت بضمة على الضاد واللام وتشديد الميم مع الفتح..
اها الراى شنو .. وثبه واحده هى المطلوبه بس تكون فى ألأتجاه الصحيح.. مافى “نطّيط” او “تنطيط” كتير!!
الزما لا ينتظر دراسة الخطاب ..جمع باقى التوقيعات ومن بعدو تعبئه وتصعيد يا امام يا رمز!!! ان كنت ماك قادر على “النطة الكبرى” ابعد وخليها للذين يعرفونها من الشباب ( بس ما يكون معاهم اللى قلت كان عاوز يفجّر الخرطوم وانت منعتو)
خطاب البشير دا بالضبط زي خطاب الممثل عادل امام لمن جابوه يخاطب الشعب في الفلم بتاع (الزعيم)
دغمسة شديييييييييييييييييييييييدة
مكتب الرئيس مخترق…يا غايتو من الموساد او الcia واحتمال المخابرات المصرية او ناس الجبهة الثورية ويمكن يكون نايبو الاول …التقعر والحذلقة ما حق الرئيس حقو الثبات والكواريك
على العموم أنا فى بعض اجذاء الخطاب كنت بحس كانه البشير بياكل فى سمك والكهرباء قاطعه .
هو الزول دة قال الخطاب خلاص؟ طيب انا قاعد من امس منتظر الخطاب؟هو قال شنو؟
الخطاب طلع فنكوش …؟؟
يا أبا بشكير… لقد إجهظلت الكرستبانة منذ أربعة وعشرين عاما وإعوذرت التيمونة لجاجا وتكأكأت علينا الرمم من كل حدب وصوب.. فهلا نأسمتها لنا بكيرزانة مدلهمة ؟!! فاكر نفسك براك منقط اللغة العربية؟ ترجم لينا (وثبتك) عشان نترجم ليك (وثبتنا).
اسباب الاحباط
تفاجأة المراقبون
تفاجاء الحضور
تفاجاء الضيوف
تفاجاء الشعب
وتفاجاء الرئيس
تفاجاء الخطاب والمفردات والورق والحبر بان القارئ ليس من كتب
وانتهت حصة المطالعة وتفاجاء الجميع عدا جحا
فقد علم ان الرجل يقراء الحجوة اول مرة امام العالم ولم يجد الوقت لذلك فهو مشغول بعباد وبغلة عثرت ولا حياء او احترام لشعب صبر
فقد بان انه قد فاجأته كلمات الخطاب
و تفاجاء الشعب بخواء الخطاب أو ان دابة الارض اكلت فحواه
فنسي الرجل المفاجأة بين السطور
وما تزال الدهشة قائمة و تسأل المفاجأة نفسها
غير ان الرجل متفاجئ من حيرة الشعب والحضوروالمكان
نرجو ان تكون آخر حصة مطالعة -امين-
بغض النظر عن فحوي الخطاب و مصداقية صاحبه في تنفيذ ما جاء في سياقه فان
الذي كتب الخطاب لابد ان يكون واحد من (اولاد المصارين البيض )اراد ان يثبت انه بليغ القلم و اللسان وعبقري مثلما ظلت تروج اجهزة الاعلام عنه لكنه في الواقع اثبث انه لا يفقه عن البروتوكولات و كيف تصاغ الخطب و الخطابات و كيف ان( لكل مقام مقااال ) كيف يوجه هذا الخطاب للامة بكل ما احتوي من الاستعارات اللفظية و المكنية و المصطلحات التي ماعادت تستخدم في عالم اليوم -و لماذا اللف و الدوران و الاستطالة و التكرار في مسائل واضحة و مباشرة – و رحم الله الشهيد الزبير الذي كان حديثه (الدارجي) يدخل الي قلوب المواطنين مباشرة لانه كان صادقا اذ كان حديثه كان يسري من القلب و الي القلب – و قبل ان يكتب هذا العبقري خطابا اخر للسيد الرئيس عليه الرجوع الي خطابات الرؤساء الامريكان و البريطانيين – مع ان العرب سبقوهم الي مبدا (خير الكلام ما قل و دل )
و علي كل نرجو ان يكون ما وعد به السيد الرئيس الامة- حقا وصدقا- من كفالة الحقوق و الحريات الدستورية لكافة المواطنين ومن ضمنها حرية الممارسة السياسية من خلال احزابهم المختلفة ومن ضمنها حزب المؤتمر الوطني نفسه والذي لا يستطيع منسوبوه حتي علي مستوي المكتب القيادي التعبير عن ارائهم بحرية فاصبحوا رغم مؤهلاتهم كالقطيع ( و الشاهد تجارب كاشا و كرم الله عباس و موسي هلال و غازي صلاح الدين و حسن عثمان رزق و ابو كلابيش و السائحون و غيرهم الكثير ممن كان همهم الاصلاح و حقوق المواطنين ) ثم و كفالة حق التعبير السلمي عن الراي ثم و ارساء قيم العدل المساواة بين المواطنين علي اساس المواطنة دون تمييز اقليم علي اخر و لا فئة دون اخري لان هذا هو اس البلاء لهذه البلاد و هذه الغدة السرطانية اي التمييز في بلادنا ليست وليدة اليوم و ليست من اختراع الانقاذ التي ورثتها عن وعن وعن وهي ليست مسئولية الرئيس ولا المؤتمر الوطني وحدهما بل هي مسئولية قطاع كبير من المثقفين علي امتداد كافة الكيانات السياسية حتي المعارضة في بلادنا – وعلينا الاعتراف جميعا بالظلم الفادح الذي ارتكبنا ضد اقاليم بلادنا الهامشية و مواطنيها و ان هذا الظلم هو السبب الرئيس لانفصال الجنوب و السبب الرئيسي لهذه الحروب الطاحنة في بلادنا ثم و ان نعمل بصدق من اجل رفع الظلم عنها و وعلي كف ايادي العنصريين الدخلاء من الحاقدين تاريخيا علي مواطني الهامش فهم الذين يحرضون علي الاستعلاءوتمييز البعض و ازدراء الاخرين بغرض شق الصف الوطني لصالح الاعداء
إذا لم تفهم كلام الرئيس المشير البشير فلست وحدك
كلنا في الغباء شرق
مثل غيري من السودانيين انتظرت بفارغ الصبر خطاب الرئيس المشير البشير الخطير، فألغيت ارتباطات مهمة وأخبار القمة وطلعات الجمة وتابعت بكل همة كل ما كان وتم. فماذا قال البشير؟؟؟
تذكرت ما قيل عن تشرشل رئيس وزراء بريطانيا الأسبق، عندما طلب من إلقاء خطاب أمام البرلمان البريطاني ليحدد موقفه من مشروع هام على طاولة البرلمان، أعد تشرشل خطابه بكل عناية ثم طلب من مدير مكتبه قراءة الخطاب وإبداء الرأي، قام مدير المكتب بقراءة الخطاب مرة ومرتين وثالثة ثم قال لرئيس الوزراء(كلامك جميل يا سيدي، ولغتك رصينة ومنسقة، ولكن لم أفهم ماذا تعني بالضبط، هل أنت مع المشروع أم ضد المشروع) فتبسم تشرشل وقال: ( هذه هي الرسالة التي أريد أن أوصلها للبرلمان).
سيظل خطاب البشير لغزاً محيراً من الألغاز المستعصية التي ليس لها حل، فرغم متابعتي له وبكل عناية واهتمام حياً على الهواء الطلق وعبر القنوات الفضائية، ورغم قراءاتي له عدة مرات في مواقع الانترنت، ورغم استماعي للمحللين والمفسرين، لم أفهم ماذا يريد البشير بالضبط، هل هو مع مطالب الشعب أم ضد مطالب الشعب؟؟؟؟
استوقفتني في خطابه ثلاثة ملامح هامة:
أولاً: أن خطابه الخطير موجه لكل الناس، يعني كل السودانيين من كل جنس ولون، فأشفقت على عماتي وخالاتي اللاتي لم يفككن الخط بعد. بل أشفقت على السواد الأعظم من الشعب المعني بالخطاب من أنصاف المثقفين أمثالي. فهل كان الخطاب فعلاً لعموم الشعب أم لفئة محددة يعرفها هو ولعلهم ثلاثة فقط الترابي والصادق وغازي صلاح الدين.
ثانياً: طرح البشير رؤية حزبه حزب المؤتمر الوطني في الإصلاح السياسي والاقتصادي الشامل وطلب مناظرة الأحزاب، فما معنى كلمة مناظرة؟ يقول قاموس المعاني في شرح الكلمة: (جدال وحوار ونقاش علميّ ، وتبادل في وجهات النَّظر المختلفة يقوم فيه فريقان خصْمان بالدِّفاع عن قضيّة ما أو مهاجمتها)، ولعل أبسط ما يفهم من ذلك أن المؤتمر الوطني ما زال في غيه القديم إذا يسعى من خلال المناظرة إلى إعلاء وجهة نظره السياسية والاقتصادية والدفاع عنها بشتى الوسائل العلمية والمنطقية واستخدام الأدلة والبراهين والسلطة والثروة والسلاح للمحافظة عليها.
ثالثاً: إذا كانت هذه هي المفاجأة السارة والإصلاح الشامل الذي يبشر به البشير الشعب السوداني، فماذا تخبيء الأحزاب ومنظمات المجتمع المدني والشباب وكل الشعب السوداني من مفاجآت سارة للرئيس البشير؟؟؟؟؟
الخلاصة أن خطاب البشير لم يكن خطاباً لكافة الشعب السوداني، بل كان استعراضاً لملكة شخص خلف الكواليس على صياغة خطابات رصينة ومنسقة على شاكلة خطابات رئيس الوزراء البريطاني الأسبق ونستون تشرشل.
ماذا كنا نتوقع من خطاب البشير؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أولاً: تشكيل لجنة للدستور من كل ألوان الطيف السياسي بقيادة شخصية قومية غير حزبية تقوم بوضع دستور دائم للبلاد تتوافق عليه كل القوى السياسية ويطرح في استفتاء على كل الشعب السوداني.
ثانياً: تشكيل حكومة قومية من جميع الأحزاب بما فيها المؤتمر الوطني والجبهة الثورية ومنظمات المجتمع المدني والشباب تقوم ببسط الحريات وسيادة القانون ووقف الحروب وإحلال السلام وترميم علاقات السودان مع كافة الدول، وإصلاح الاقتصاد وتهيئة الميدان لتنافس انتخابي حر ونزيه.
ثالثاً: تكليف رؤساء الأحزاب والحركات المسلحة وقيادات المجتمع المدني والشباب بالبدء في تنفيذ هذه التوجيهات فوراً من خلال مؤتمر عام.
ولأن خطاب البشير لم يحمل أي مفاجأة فإنني بكل قوة وبدون أي تردد مع ما يخبئه الشعب السوداني من مفاجآت سارة للبشير وقيادات المؤتمر الوطني، وهي مفاجأة ستتفجر خلال الأيام القليلة القادمة.
خطاب سروالي لن يفهمه الا السرواليين ،
حقيقة الرئيس مياخد مغلب – وصراحة أحسن من يرتجل الخطب – بس المكتوب دا صعب شوية ودا ما كلامك السيد الرئيس .
كان من الواجب قراءة مسودة الخطاب من قبله عدة مرات قبل اللقاء.
فى حد بيحرج فى الرئيس مين هو .
غايتو الجميع بيقول ما فاهم حاجة .
البشير هو ماوكلييييييييييييييييي فتى الأدغال
نظن أنه لا يزال في الصف الثاني ابتدائي:
…ووثب العجل ونط المهر وقفز الحمل….
الوثبة هي منطقة في ضواحي ابو ظبي فيها ميدان سباق الهجن
ويوجد فيها سجن الوثبة للعلم
بس وجدتها حتكون الدكتورة التى ناوى عملها تيسير العسير فى خطاب البشير ولا رايكم شنو
المفاجأة ان الرئيس لا يجيد القراءة ، ومهدي ابراهيم نسي يشكل ليهو الخطاب ، المصيبة إنو يطلع ما يعرف الجر من الرفع ، وطبعاً أكيد بعرف النصب .
كم كنا نتمني ان تكون هناك مفاجاءه في خطاب البشير بعد الزخم الاعلامي الكثيف ولكن كانت خيبة الامل حتي اننا لم نفهم شئ لانه كان خطاب بغير لغة البشير التي عرفناها به و ليته تحدث من غير ورقه ونظن ان في الامر شئ ربما اتضح في مقبل الايام
انا في تحليلي يكون الخطاب بدل وتفاجأ البشير بخطاب عير الذي كتبه والله اعلم
الخطاب اصعب من امتحان الرياضيات فى الشهاده السودانيه سنه 1983 .
مفيش فايده!
يا بشبش كفاية دغمسة لغاية هنا ، خطابك دة كلفنا المسلسل التركي و معاهو خضراء كمان ، نحننا كمان ناقصينك ،
“تيسير العسير في تفسير خطاب البشير” أبشركم هذا الكتاب موجود في مكتبة واحدة بس بمدينة جوبا
وهذه المكتبة متخصصة في بيع المراجع التي تسهل عملية الفهم لعربي جوبا
الظاهر اعمامكم ديل خرفو وبدو يشطحو . لكن والله اخير كورتنا والعملو هيثم والعجب للسودان اكثر من العملو المؤتمر الوطني في 25 سنه للبلد
لعب عيال
معقولة ي بكري لبشت الراجل يااخ …اصلو م ممكن دا بنقو سوداني ولا شاش …بس بالمناسبة اسالو فاطمة شاش امكن كانت حاكمة جبنة الجماعة قبل يجو للخطاب…..ههههههه هااااي….(يخاطبني السفيه بكل قبح …الخ)م
وزراء الخارجية العرب طلبوا من سفراء أقطارهم بالخرطوم تقارير عاجلة وسريعة عن خطاب بشّه .. السفراء وأعضاء السلك الدبلوماسي بعد أن إستعصى عليهم كتابة التقارير طلبوا من وزرائهم نقلهم أو منحهم “وثبة” حتى (يندغموا) في فهم الخطاب العذاب ومن ثمّ إرسالها ــ أي التقارير ــ إليهم ، .. أما السفراء الأجانب (غير الناطقين بالعربية ولا البشيرية) فقد تقدموا بإحتجاج للوزير الأسمنتي علي كرتي بسبب طاقم الترجمة وسوء ترجمتهم للخطاب الأغرب على الصعيد الدبلوماسي العالمي .. المهم .. فإن “صيرورة” الأزمة الدبلوماسية مازالت تراوح مكانها ولم تتقدم (وثبة) واحدة للأمام وهي أزمة حيّرت (الناس ، كل الناس)!.
wecfpo .,lkmkk oiiuy oikkkj
ew23fvf@##$
@#!#;llklk وثبة qwweeokkk ..استعععععععص@##$%
@#we!!eef *$ollkjkk دغمسه@#@#$Weef
oijkjijhubhb ]ylsm دغمسة
ukjmklnjhhvgg @##R$$%gkjhhjioioookmmv
wqert pokim rtvghj شا مل @##r
[[p#$% po rrrvfjjjj rghjj
نص خطاب المش طير …بشة
ياجماعه سؤال الناس الحضروا الخطاب دة وكانوا جالسين في القاعه قدام البشير دحين ديل ماكلهم الضيعوا السودان٠ حتي كان كلهم اتوافقوا مابصلحوا البلد الضيعوها. حايتوافقوا علي مصالحهم تاني ويتقاسموا الكعكه مع المؤتمر اللاوطني ٠ ويتواصل ضياع الشعب السوداني وفناءه٠ ياشعب قوموا لرجمهم كلهم يرحمكم الله
على وزن قصيدة نزار قباني هوامش على دفتر النكسة. أبشركم يا أصدقائي باللغة الجديدة وبمفردات الدغمسة الفصيحة. وبتأتأة الرؤساء في القاعات الصديقة وببخبخة البخور عطرا يتنسمه الترابي بهذه الطريقة وبالناي والطار لا يحدث إنتصار. وهكذا عندما ينقدح في وجداني ذاك الإكتئاب .
يعنى ما كان فى واحد شجاع جدا يملا ليه لورى كبير متفجرات ويدخل بيه قاعة السجم المليانة
بالعواليق ويفجر اللورى ويرتاح الشعب السودانى الفضل؟؟؟؟؟؟؟
عن المفاجأة التي إنتظرها الشعب!!!
رغم ثقتي الكبيرة في كذب الرجل ولكن كنت أتمني أن يستمر الرجل في كذبه وأن لا يتنازل من رأس القيادة أو يحدث تغيير والحمدلله أمنيتي إتحققت وأنا وأعوذ بالله من كلمة أنا, ولكن إستخدم كلمة أنا هنا فقط للتعبير عن وجهة نظري الشخصي, وأحترم أراء الأخرين مهما إختلفنا..
أتدرون لماذا؟
أولاً إستمرار هؤلاء في كذبهم وتغليفهم لبضاعتهم الفاسدة نظام نيولوك وكدا للشعب,
قد يزيد الشعب إصراراً علي أن لا حل غير التنسيق مع الجبهة الثورية والخروج للشوارع في ثورة عارمة محمية بالسلاح لإقتلاع النظام والمعارضة الضعيفة الهزيلة التي تلهث وراء نظام يقهر شعبه…
ثانياً إذا حدثت أي تنازلات أو تغيير ولو طفيف من قبل النظام للاهثين وراء السلطة والجاه كان من الممكن أن يُربك الساحة الشعبية السودانية ويُحدث إنقسام وتعصف بطموحات السودانيين في إزالة الإسلاميين والمعارضة معاً ومحاكمة كل المجرمين والفاسدين والفاشلين منذ (إستغلال) السودان…
ثالثاً أي تغيير لا يشمل إزالة النظام من جذوره وتفكيك وسحق وطرد كل المليشيات الإرهابية من كافة اصقاع الأرض, من الأراضي السودانية والخلايا النائمة داخل المدن والقري وفي العاصمة الخرطوم والتي خرجت في الوقت المناسب لسحق الثوار وقتل العُزّل…
رابعاً أي تغيير لا يشمل في أولوياتها التخلص من تلك المليشيات والخلايا الإرهابية النائمة من الأراضي السودانية يهدد أمن المواطن والأمن القومي السوداني….وهذه المليشيات إذا لم تتم حسمها بالقوة العسكرية ستكون مصدر قلق وعدم إستقرار للسودان والمنطقة برمتها حتي لو تم التغيير سلمياً وتنازل الإخوان المسلمين عن الحكم..
خامساً لن ينعم السودان بإستقرار حقيقي وسلام إلا بإزالة المعوقات التي تحول دون ذلك,
من إزالة النظام وتوابعه من مليشيات والمعارضة ومؤسسات الفساده … وبناء مؤسسات قومية ومحاسبة شاملة…
سادساً لم أتمني أن لا يحدث تغيير أو تنازل طفيف كرهاً في التغيير
و التغيير مطلوب وملح,
ولكن لا بد أن يلبي التغيير طموحات السواد الأعظم من الشعب.. وليس طموحات فئات من الشعب..
وأتمني أن يتوحد الشعب اليوم من أي وقت مضي وأن لا ينتظر مِن مَن إنتهكو حقوق الشعب وداسو كرامة الشعب ليأتو بتغيير لأن الحقوق لا تمنح وإنما تُنتزع بحمرة عين…
والله ايها الناس وكل الناس لقد وثبنا فى السودان وعلينا ان نندغم مع الناس وكل الناس وعلينا الاعتساف مع الناس وكل الناس لكى لا نفوت الوثبة والاندغام والاعتساف ايها الناس وكل الناس…
ايها الناس وكل الناس لقد وقعتم فى شر اعمالكم لان الناس وكل الناس لم يفهموا خطابى الذى وجهته للناس ولكل الناس لكى يعلم الناس وكل الناس ان الوثبة قادمة للناس ولكل الناس فالناس وكل الناس جاءوا عن بكرة ابيهم ليفهموا ان الناس وكل الناس مغفلين ولا يدرون كيف اننى خدعت الناس وكل الناس بما فيهم شيوخ الناس وكل الناس فما فتئ الناس وكل الناس الا ان يتركوا كل الناس وباقى الناس ليشاهدوانى على التلفاز القى خطابى الى الناس وكل الناس
اهم ما في هذا الخطاب هو التمهيد للطبظة الجاية ..لانه عودنالما يحاول يعتذر عن طبظة بطبظ تاااني تتذكروا طبظة الهون دوق وراها الزيادات والكلب الحار؟
انا المحيرني الترجمة الفورية… الناس ديل لو ما ادوهم نسخة من الخطاب قبال تلاتة شهور ما بقدرو يترجمو الكلام ده… و الدليل علي ذلك واحد من الاجانب ( اظن عندو حبة عربي) لما لقي الترجمة ما زابطة خلع السماعات و بقي بسمع بالعربي,, و برضو بقي منطط عيونو ساكت.. يا جماعة الكلام ده ما بتفهم باي لغة.. فشلتنا يا بشة
الصورة تذكرني مسرح العرائس
يا جماعة اى حد بحضر زى الوان وبشوف مسلسل فرصة ثانية الهندي ما يستغرب من الخطاب ندى الرئيس فرصة ثانية .. وبدل خطاب انش الكتبو ياش وغيرتو العمة وطير أنش من المركز الأول .. خلونا ندى الرئيس فرصة ثانية تكون فيها وثبة ثانية نطلع منها بمفاجأة
الخطاب الجاى وعلى قول حبوبتى يوم الثلاثاء قريب للحى الما مات .. حنسميه .. فرصة ثانية .. وكده نكون داخل اطول مسلسل خطابات خارم بارم لحكم طالت حلقاته ونهايته مصفرررررررررررررررررررررررررررررررررررررررررررررررررررررررررة ..