ارتفاع اسعار العقارات لزيادة اعداد الوافدين

كله كلام فاضي ولعب على الدقون – الاراضي في اوربا ما وصلت هذه الاسعار الخرافية التي في السودان – بالله أرض سااااااااكت في مايسمى حي النسيم – بالحاج يوسف – بلغ مابين 120 – 150مليون جنيه أقل سعر للارض -وعلما بان النسيم هذه كانت في يوم من الايام مكب نفايات بيارات الصرف الصحي – ولازال اهل ود دفيعة يتأثرون من هذه الروائح النتنة – والله كلاااااااااام يادكام

نحن في السودان ولا الامارات ماعارف الاجانب عاجبهم شنو في السودان بلد اقتصادها منهار

ما هذا التناقض .. يقولوا ليك البلد بقت طاردة حنى لاهلها .. فماذا يفعل الاجانب فيها ؟؟؟؟ وحسين خوجلي قال انه الخرطوم بقت مليانة بالبيوت والسكن معروضة للايجار .. يعني نحن نصدق منو هسع؟؟

أسعار مواد البناء كيف ؟؟؟ نورونا عليكم الله

في عالم الاقتصاد فهمونا انو رقعة الارض برتفع سعرة حسب الخدمات المتوفرة ليها …يعني طرق و كهرباء و مياة و شبكة المواصلات و الاتصالات و مؤسسات تعليمية و خدمات علاجية…الخ
البحيرك في سماسرة الجن ديل بسعرو بي ياتو مقياس و البلد موارد دخل ما فيها…بس ياهو طاقية فلان تلبسة لي علان و علان يعوض في رفع السعر

الله المستعان

هو بيقصد الوافدين مش الجايين من الخارج بيقصد بالوافدين يعني السودانييين الجايين الخرطوم من الولايات كان من الشمالية أو من دارفور كردفان الجزيرة النيل الأزرق الشرق يعني المن الولايات دا طبعا فهم كاتب المقال تخيلوا يااااااااا ايها الساده

في كل بلاد الدنيا الاستثمار العقاري يعني شراء اراضي و بناء وحدات سكنية جدية,بمعنى اخر خلق وحدات جديدة الى حيز الوجود,اما في السودان الاستثمار يعني اشتري العقار او الارضي و انتظر حتى يرتفع السعر ثم بيع لتجني الارباح,سياسة (اشتري و خزن)..تجار العقار في السودان بشتغلون بنفس غقلية تاجر البصل,اشتري و خزن…و الحكومة المتخلفة تتفرج و لا تحرك ساكنا,لو فرضت ضرائب على الاراضي و العقارات(ما زاد عن سكن المالك) لما استطتاع المحتكر ان يحتفظ بالعقار او الارض لفترة طويلة لان الضرائب سوف تتراكم عليه…حدثني احد السودانيين في امريكا قائلا: بانك اذا اشتريت قطعة ارض و تركتها لفترة طويلة سوف تضطر احيانا لتركها للحكومة لان ضرائبها قد تفوق قيمتها السوقية…نحن عندنا مجموعة من الرواعية /رعاة(جمع راعي) يسمون انفسهم اقتصاديون..لو حاربت الحكومة سياسة الاحتكار في العقارات سوف تكون الاسعار محددة بالعرض و الطلب(حسب قوى السوق) و بالتالي تكون مناسبة و في متناول المواطن و سوف ينشط الاقتصاد الكلي للبلد لان الاموال الطائلة التي تحتكر بها العقارات و الاراضي سوف تجد طريقها لانشطة اقتصادية اخرى تخلق عمالة و سلع و خدمات و رواج في السوق العام..و لكن لا حياة لمن تنادي

نصيحة لأي مغترب ان يحتفظ بماله لأن فقاعة الارضي دي ستنفجر وستنهار الاسعار في اي لحظة وتخسروا شقا عمركم ,,,اسعار الارضي خرافية غير حقيقة وغير واقعية مقارنة مع حال البلد مبنية على مضاربات السماسرة وتجار الارضي اغلبهم من متنفذين في الحكومة
بعدين بدل الواحد مايجمد مدخراته في قطع ارضي في الخلاء,,,احسن الواحد يمشى يستثمر فلوسه في اي دولة تانيه غير السودان فيها ميزات,,,اثيوبيا مثلاً دولة آمنة مستقرة مافيها حروب زي السودان ولا فساد اداري ولا رشاوي زي السودان ومافيها ضرائب باهظة زي السودان سعر الصرف عندهم مستقر مازي عندنا والايدي العاملة رخيصة ومتوفرة وشعب منفتح