مصادرة صُحف (الصحافة)، و(ألوان) و(الأيام)…القبض على صحفية وترحيلها من (الخرطوم) إلى (مدني) !

ومنو البعوضّنا نحنا ديل عن ضرركم النفسي لـ 25 سنه ؟؟؟؟؟

والي الجزيرة مفروض يدفع دمه كله نقطة نقطة ولن يزيل الضرر النفسي عن سكان الولاية

يعني الوالي إلا يكون في نقل مباشر و يشاهده كل العالم أثتاء الإغماءة و لا شنو ؟؟؟ يعني الوالي دا معصوم من المرض أو الحالات الطارئة؟؟ يعني كل خبر عن مسؤول (لازما) يجي عن طريق الوكالة الرسمية للأخبار ؟؟ يعني لو كنت حاضر الحادثة و بالصدفة صورتها بالنقال و أرسلتها إلي وكالة أنباء ما و تم نشرها و شاهدها كل العالم هل أعاقب أم يكون الأمر (سبق صحفي )
كل الأنظمة الديكتاتورية و القمعية و الشمولية تنكر كل شئ يكشف عورتها ( و بالغلاط) و ليس بالواقع ؟؟؟؟
لقد عاصرنا أنظمة قمعية كثيرة و عرفنا كيف يصرفون شؤون الدولة متخذين من الآية الكريمة علي لسان فرعون عليه لعنة الله ( ما أريكم إلا ما أري و ما أهديكم إلا سبيل الرشاد) غافر من الآية 29
فكل ما لم يصدر منهم أو من إعلامهم فهو باطل و غير حقيقي و إشاعة (ساكت) و يعاقب من يقول بغير ذلك ؟؟

و يصدف أن يقع الحدث أمام ناظرينا تتناقله وكالات الأنباء العالمية و لكن يخرج إلينا الناطق الرسمي للحكومة بنفي ذلك الخبر و ينكره جملة و تفصيلا بل و يرمي بالكذب و العمالة لمن يقول بغير ذلك ؟؟؟
و يا خبر اليوم بفلوس و بكرة ببلاش ؟؟؟

شفتوا الوثبة دى كيف ؟…بالزانة وكدا

قال حريات قال !!!!!!!

لا حول ولا قوة الغرد يعنى تلاتة مليار جنيه عشان ياعينى الوالي جاو ضرر

شوف ناس علاء الدين عبدالوهاب و والي الجزيرة الكلاب ديل بسو في شنو؟؟؟؟؟؟ تغرموا ليكم وليه عشان قالت والي الجزيرة اغمي عليه؟؟؟ ما تقتدوا بالمصطفي صلي الله عليه و سلم …. عندما قال فيه الناس ما قالوا امام ناظريه و لم يفعل لهم شيئا … اسع كان قال ليها يا بيتي ما تقولي فيني حاجة ما حصلي لي (اذا فرضنا ان ما اغمي عليه) ح تجيه جلطة تكسروا يعيني؟؟؟…. من هو والي الجزيرة؟؟؟ قصة عجية …. ما يغمي عليه ….. هو لاقي الاغماء…. ولا ما داير المرض؟ … ما عارف ان المرض كفارة ذنوب؟؟؟؟

الجرائد ديل صدقوا خطاب الرئيس ام لم يفهموه وهو طبعا ما بتفهم هو قال مستعد للحوار وبسط الحريات ويكون لسه ما استعد كويس تقوموا تاخدوا راحتكم يا ناس الجرايد
الوالي المجاهد داير القروش دي كلها يعمل بيها شنو دي حالتها اغماءة ومال لو قالت استشهد كانوا حيطلبوا كم ؟
بعدين الصحفية اعتقلوها في الخرطوم وسافروا بيها مدني عشان يحاكموها هناك ام عشان تتأكد بنفسها من صحة الوالي ام عشان الوالي يديها درس في الاخلاق وبعد داك يطلب تعويض عن الضرر النفسي الذي لحق به وهل الاغماءة تسبب ضرر نفسي ؟

المدعو/مصطفى عثمان أسماعيل قال الشعب السودلنى كان شحات، وبما اننى مواطن سودانى فقد أصابنى ضرر نفسى بليغ بل انكسار وعقد نفسية وزلة ومهانة، لذلك فأنا اطالب بتعويض مالى بسيط نسبيا بمبلغ مليار جنيه سودانى بالقديم ومن حق اى مواطن سودانى عنده غيره على وطنه أن يتقدم بطلب تعويض من الطفل المعجزة.
القروش كملت والجماعة فلسوا.

ثلاث مليار لازالة الضرر النفسی الذی لحق بالوالی!!!!!!!!!!!!!!!

طلب 3 مليار
ده ما كان عندو 3 قروش يركب بص من مدني لجزيرة الفيل
لعن الله الاخوان المسلميين العملوك والي

كله لعب على الدقون
خصوصا مصادرة جريدة الوان

هم سايبين حسين خوجلي يردح الليل كله
والصباح يصادرو جريدتو بتغشو في منو انتو وحسينكم

لقو انه حسين خوجلي برنامجه بقى ممل والناس بدت تبعد
قالو نعمل حركة في شكل وردة عشان نشوفه الليل يقول شنو
وبكرة يقول شنو

كفاية تمثيل وخداع ولعب على عقول الشعب السوداني

مسختووووووووووها

يا اخى الصحفية خليها تقول غفوة ساكت..تقول غلطت وخلطت بين الغفوة والاغماءة…الغفوة فيها سجن شهر شهرين…بس الاغماءة ممكن تجيب بيوت اشباح…وكلام تانى كتير