والي الخرطوم الخضر يشن هجوماً عنيفاً على مواقع التواصل الاجتماعي ويصفها بعديمة الجدوى ويقول إنها تستخدم في القطيعة ضد الحكومة والناس.
الخرطوم- خضر مسعود
أبدى عبد الرحمن الخضر والي الخرطوم زهداً واضحا في الاستمرار في منصبه، بقوله: إن المسؤولية كبيرة وسأسعى للتخلي عنها في أول سانحة تتاح لي.. إلى ذلك شن الوالي خلال الاحتفال بالبحوث الفائزة الذي نظمه اتحاد المعلمين أمس هجوماً عنيفاً على مواقع التواصل الاجتماعي والدردشة، واصفاً إياها بعديمة الجدوى، وأشار إلى أن هذه المواقع تستخدم في القطيعة ضد الحكومة والناس.
اليوم التالي
بشة(فى الصورة) خلى شباكو
وعمل ليهو وثبة خفيفة ب عنقرتو
مكابس الناس فى شبابيكا..!!!!
يا والي السجم
عاين ليهو قاعد كيف
التقول داير يرفع كورنر….!
لو المواقع عديمة الجدوى
بتشوفا مالك ؟
ولا انت بتحب الحاجات عديمة الجدوى
ذي وجودك فى منصب الوالي..!
بالله شوفو بهدلة الناس دى
عاين لاشكالم وقعدتم…..!
قاعدين فى بوكس كاشف !!!!
بهدلتو الطيارة
وبهدلتو البلد
اللة يبهدلكم
يا بكري إنت ما كان تفرش ليك فرشة في الممر وتمد رجليك بدال العذاب ده
ليه عايز يتنحى و اعلن انو زاهد فى المنصب؟ هل فعلا لكبر المسؤولية كما يدعى أم أن الرجل قد حقق الربط المرجو من السحت و المال الحرام، ثم أن مواقع التواصل الاجتماعى هى قناة التعبير الوحيدة المتاحة للشعب خارج عن نطاق سلطاتكم الرقابيةو كونكم قد ضقتم ذرعا بها فهذا من دواعى سرورنا يا والى الغفلة.
اين رسالتك التي قدمتها للسودان وللخرطوم خاصة جعلت منها عاصمة مثل عواصم الدنيا ، بالله انت والي بالله اليس لديكم غيره نحو وطنكم السودان ______________
ابسط شيء كان تقوم به طيلة فترة حكمك كوالي للخرطوم ان تجعلها من انظف المدن ومحاسبة كل من يقصر في ذلك حتى لو كان ابنك —– اين دورك ووطنيتكم لهذا البلد .
يا اخي حقو تخجلوا شوف وسخ العاصمة المثلثة هذا كيف ؟ لماذا الوسخ في كل مكان حتى المطابخ اوسخ من الارض ومن يعمل فيها .
وزارتكم هذه والبلدية قاعدين بدون عمل من اموال الضرائب نظفوا الخرطوم (العاصمة المثلثة واجعلوا منها عاصمة يفتخر بها الجميع )
وكفاية وسخ وعفن ومياه راكدة حرام عليكم اجعلوا العاصمة بلدا نظيفا خاليا من العفانة والعفنين.
والله يا سعادتك الاختشو ماتو … لا بالله عليك الله ما تمشي .. حتخلينا لمنو يا حنين .. قوم داهية تاخدكم واحد ورا التانى .. جاييكم يوم …
الوالي ابو راسا ماكن على الفاضي ده مخه فاضي ما عنده الحبه ولا شفنا من اي حاجة غير عذب المواطن فالح كل سنة يغير في المواقف من مكان لي مكان غلبو اللي بسويهو
قال والي وبص الوالي
روح عامل لي راسك الغليض ده ….
قطعك الله يا خضر وانت تعلم تزويركم للانتخابات
حكومة قسمت البلد ونهبت وسرقت وتكتسح الانتخابات
والله لو بقر السودان كان له ان يصوت لقال لكم ما لاقين عشب
كفاية ضحك على الدقون وارحلوا
ايها الوالي عفوا
لو احببت ان تجد صدي لما تفعل او تقويما له فثقف نفسك بهذه المواقع واستفد بما فيها من نقد بناء لسياستكم واصلح ما استطعت ودعك (وانت الرجل المتعلم ) من اليهود وغيرهم فهم قدموا للبشرية ما عجزتم انتم عن تقديمه
السفينة لما تبدأ تغرق أول حاجة بتهرب منها الفئران..
صورة وتعليق
http://www.foxpic.com/CJhwzh
http://www.foxpic.com/VJhwzh.jpg
http://www.foxpic.com/CJhwzh
يقطع راسك ياكلب ياجربان الحكومة قال
نريد أن نعرف متى تحين تلك السانحة؟ حتى نقيم الإحتفالات و نذبح الذبائح و نأتى بالجوارى الحسان و إسحق الموصل و جحا و تأبط شرا و كل منشدى الحجاز و الشام. تكبييييييييييييير —- سيترجل والى بلاد السودان دكتور بن عبد الرحمن الخضرى (طبعا كلمة دكتور دى ليس لها مرجعية فى التراث الإسلامى لذلك جرى معاملتها كاسم العلم كضرورة تفيد شؤون التأصيل)
الزول دا خلاص شبع فلوس عاوز يتفرغ عشان يديرها. ادينا عرض اكتافك وغور من وجوهنا في ستين داهية والله الزول من شكلو وزل كُج . منذ ان تولى منصبه لم نري منه اي خير
وبالمناسبة دي خلينا نسأل الوالي الخضر عن التصريح الذي ادلى به في اغسطس 2013م ايام السيول التي اجتاحت الخرطوم حين صرع سيادته بانه يمنع المواطنين من البناء باستخدام الطين الاخضر . أها ماذا فعلت لهم ؟ هل زودت اي مواطن بكيس اسمنت واحد يا حرامي
طبعا الناس ديل كراهيتهم لوسائل التواصل الاجتماعي لانها تكشف عوراتهم بعد ان نجحوا مع حهاز امنهم في تكميم افواه الصحفيين الاحرار
ربنا يسلط عليكم يا ظالمين
غادر اليوم قبل الغد فأنت جاء بك علي عثمان رغم وجود أناس لهم من الكفاءة والقدرة علي ادارة السودان وليس الخرطوم. أنسب مكان لك هو سلخانة الكدرو أو محطة غزالة جاوزت البيطرية.
بالله شوفوا الراجل ابو شلاضيم ده .. بعد اكلتوا مال الشعب والارامل واليتامة والمسكين وشرتوا الناس المحترمين يا حرامية تقول تتخارج .. الله لاتريحك انت واهلك في الدنيا والاخرة ياتجار الدين والدين منكم براءة يامنافقين .. قريبا سوف تضوق الهوان انت واسرتك وكيزانك.. بعدين ياخي انت خليتو زول يقول الحقيقة ولذلك كانت الاسافير تصدح بحقيقتكم مش امثال عامل النفايات الهندية بتاعت المجهر والكريمات .. الخايبة .. تتملق سيدها البشير المابتخجل .. لعنة الله عليكم ايها اللصوص
قطيعة يا باطل!! .. مالي أراكم وقد زارتكم الرجفة وتصبب من مسامات أجسادكم الفاسدة العرق لمجرد أن مواقع التواصل الإجتماعي التي لا تملكون سلطاناً عليها باتت تكشف فسادكم وسرقكم ونهبكم لخيرات البلد؟ .. مواقع التواصل الإجتماعي فضاء حُر لا تستطيع كلاب حراستكم الأمنية السيطرة عليها كما تسيطرون على أجهزتكم الإعلامية المرئية والمسموعة والمقروءة ، ولا يرأس تحريرها الأذناب والمنتفعين أمثال الهندي ومزمل أيوالقاسم وعادل الباظ وأحمد البلاب الطيب وحسين خوجلي والطاهر حسن الطاهر والكلب (المحلل) سيف الدين البشير!! .. أن تزهد في منصب الوالي أو (تتلحِم) على كرسيه فإن هذا لن يحول بينك وغضبة الشعب الآتية قريباً .. وأرجى الراجيك يا كوز يا وسخان.
الان الان طير ح نشتاق ليك والي الخرطوم يجب ان يكون خرطومي ابا عن جد كبقية الولايات ريفت العاصمة بطباعك الريفية غوووووووووووور في مليون داهية من البشير
سيدي الدكتور عبد الرحمن الخضر اولا وحسب ماقرأناه في مواقع التواصل الاجتماعي هل قبضت ثمن الابقار التي وردتها لحكومتكم كهدية للوفد المصري …
وبعد
ماذا فعلتم انتم للتواصل مع عامة الشعب الذي يمثل 95% انتم في وادي ومعالاجاتكم للمشاكل في وادي اخر
بس ياها البصيرة ام حمد …..
كم سنوات من عمرنا ضاعت وراء هذا الارزقى الذى حول الخرطوم لسرايا معزولة وخاصة بمنسوبى الحزب الحاكم شرد اهل الخرطوم الحقيقيون واراق دماء الابرياء الذين ماتوا غبنا من اجل اراضيهم ومساكنهم وجروفهم وبعد ده كلو قال زاهد اسالوه عن ابن اخته فقط اين كان والى اين وصل من الرغد والمناصب التى اضحى يرفضها ويختار بمزاجه هذا نموزج مصغر لوالى محتال وساكت عن الحق وقال بصوم كل اثنين وخميس عشان اكفر عن جرائمه غور اليوم قبل باكر لان الانقاذ كلها ستذهب لمزبلة التريخ عما قريب الهمبريب يفتحمخك
ههههههههههاي اموت واعرف اول سانحه دي قصدو بيها شنو؟؟؟؟؟؟؟؟ والسانحه دي زاااااااااته شنو؟؟؟؟هسا يسألك الله خطاب الوثبه دا ما سانحه؟؟؟؟ظ
بالله عليك الله قبل ما تمشى ارفد مامون حميدة وبعدين امشى و الله حسين خوجلى حكى قصة الشخص اللمن ابوزبد و الذى حدثت له حادث حركة فى كوستى وهو فى غيبوبة و المعاناة التى مر بها و الله دى لو فى اى بلد منتهى الصلاحية دى مفروض يرفدوا فيها الوزير وطاقمه العامل ويشنقوهم كمان لكن بلد هامل بجد و الله.
غايتو جنس زهد في الدنيا قال شنو اول سانحه واها السانحه دي بتجي براها ولا نجيب ليك نحنا غير كسرتا كرعينا بالمشي من موقف لي موقف ما عملتا حاجه انت