وسط هتافات “إصلاحيون قادمون”..حركة غازي تقيم ندوة بدون إذن جهاز أمن حزب البشير
قالت حركة “الإصلاح الآن” المنشقة عن المؤتمر الوطني الحاكم بالسودان، إنها تمكنت من الظهور في أول نشاط جماهيري عبر ندوة أقامتها مساء الجمعة بضاحية أمبدة في أمدرمان، وأكدت إقامة الندوة بدون إذن من السلطات الأمنية.
وقال بيان للحركة التي يقودها مجموعة من الإسلاميين على رأسهم غازي صلاح الدين وحسن عثمان رزق، إنها أخطرت السلطات قبل أكثر من شهر للسماح بإقامة لقاءات جماهيرية لكن السلطات لم ترد عليهم.
وأكدت حركة “الإصلاح الآن” أن “اللقاءات الجماهيرية من أبسط حقوقها ولن تتنازل عنها وستقتلع حقوقها الدستورية والقانونية بعد أن طلبت ذلك عبر المؤسسات الرسمية”.
وتحدث في الندوة غازي صلاح الدين وحسن رزق وفضل الله أحمد عبدالله وأسامة توفيق وضياء الدين حسين، وسط حضور غفير، بحسب البيان المنشور على صفحة الحركة في “فيس بوك”.
وعمدت الحركة في الندوة إلى طرح أفكارها ودواعي تكوينها في أعقاب سقوط ضحايا في الاحتجاجات على رفع الدعم عن المحروقات في سبتمبر الماضي، “ما يعني انحيازها لخيار الجماهير”.
ودعا المتحدثون إلى فصل الدولة عن المؤتمر الوطني وعدم الصرف على الحزب الحاكم من وزارة المالية كما تطرقوا للتجنيب الذي يبلغ ?بحسبهم- 84% من الموازنة وضرورة مكافحة الفساد وإيقاف الحرب لرفع المعاناة عن السودانيين.
وطالب المتحدثون وسط هتافات “إصلاحيون قادمون” ?أيضاً- بتحقيق العدالة والحرية والمساواة وقومية منصب رئيس الجمهورية وجهاز الأمن الوطني وقوات الشرطة.
شبكة الشروق
حقيقة الاختشو ماتوا ياغازي العتباني وصفوة العفن وزبدةالخسة والنزالة وبائع دماء المستجيرين بنارك من رمضاء الانظمة
الكيزان جناح البشير..يسمحوا للكيزان جناح غازي العتباني بالظهور..عبر (لجم) جهاز الأمن الكيزاني…!!
(عندما حاولت الحركة الشعبية لتحرير السودان.. وهي شريك في الحكومة وقتها ..قبل إنفصال الجنوب..القيام بمسيرة وتقديم مذكرة (للمجلس الوطني)المعين..!!؟ رفض المدعو أحمد إبراهيم رئيس (المجلس الوطني المعين).. حينئذ إستلامها وإستدعي أجهزة الشرطة والأمن..
وتم إلقاء القبض علي مجموعة من قيادات الحركة..دستوريين…وبرلمانيين قوميين وولآئيين…ووضعهم في حراسات الشرطة بالأوسط.والجنوبي ـ أمدومان…
منهم ” باقان أموم الامين العام للحركة الشعبية ـ وياسر عرمان نائب برلمان قومي (معين) ـ عبدالله تية نائب رئيس مجلس تشريعي ولاية الخرطوم.. ـ وغيرهم…(والآن التغير الآن الكيزان جناح الغازي العتباني.. يقيمون ندوة بدون تصريح…”حلوة دي”….
اها ألأحزاب التانيه منتظره شنو؟ الباب انفتح ليعقد الحبيب الرمز وكاتم السر (نيابة عن الحسيب ) اجتماعاتم ولقاءاتم الجماهيريه وطرح افكارم وبرامجم على قواعدم …على ألأقل ياخدو رأى الناس.. كل ناسهم ” القواعد” (اللى بقت ما معروفه وين) فى خطاب “الوثبه” الما مهم نعرف الكتبو منو … طبعا كووول ألأحزاب سواسيه.. او مفروض تكون ..قالو ان جهاز ألأمن ما ادى نور اخضر بالواضح للأصلاحيين وما تعرض لفض احتماعم . وألآ تكون الحكايه فيها Some Parties Are More Equal Than Others..
*** بالله الجماعة ديل زاعجننا….الاصلاح الآن….الاصلاح الآن والا….الاصلاح الآن قبل بكرة يابكرى والا!!!! نحن حزب حركة الاصلاح الآن وتعرف اختصارا ب ( حصان )نديك يابكرى 24 ساعة ياصلحتها ياترجى الراجيك!!!….الجوطة دى كلها وانتو ياهو دى عضويتكم كلهاالجات الندوة!!!والله أنا لو من ناس الأمن…مادام هم كلهم ماتامين هايس بى ضيوفهم دبجو وجماعتو القاعدين فى الصف التانى ديل…غير الجايين بس للعشاء…وغير ناس الأمن الحارسنها وغير بتاع الساوند سيستم وغير ناس المحلية…ديل كووووولهم ماتامين 30 نفر!!!
***هسى الكراسى المتوهط فيها غازى وحسن وفضل الله بتدل انو الجماعة ديل ما ماخدين اذن من الأجهزة الأمنية…ومعاها بلح وبيبسى…لو مامصرح ليهم من الأمن كان جابو عشرة كراسى حديد للصف الأول والباقين واقفين ويتلفتو خايفين من الكشة!!!ياخوى دى قعدة ناس متوهطيييييين وعارفين مافى شى جاييهم
***والطلب بتاع الندوة وصلو الفريق صديق اسماعيل نائب رئيس حزب الأمة القومى جناح المؤتمر الوطنى وسلمو لمدير مكتب الفريق أول مهندس محمد عطا المولى عباس قبل شهر صاح…لكن اليومين ديل فى زول فاضى لتاس حصان… الندمانين وسافين التراب على استعجالهم!!!والرد بالموافقة على الندوة استلمو الفريق صديق اسماعيل من مكتب الفريق أول مهندس محمد عطا يوم الخميس الفات وجماعتك ماصدقو…قال …قال …دون استئذان الجهات الأمنية!!!!بالله!
***(…ودعا المتحدثون الى عدم الصرف على الحزب الحاكم من ميزانية وزارة المالية…)!!!!ياشيخ غازى قبل سنتين لما قلنا الكلام ده قلت الحزب الحاكم23 سنة بيصرف من اشتراكات الأعضاء ولا يستلم مليم أحمر من الحكومة!!!يعنى تقصد انو الصرف ده بعد ماانت والعشرة المعاك ديل طلعتو من الحزب؟؟؟؟والتجنيب ده برضو بدا بعدكم!!!يعنى غاب أبو شنب ولعب أبو ضنب…أكيد العمل الأمور دى كلهابعدكم …عملها ياهو ابن المجانين!!!!
*** نصيحة…بكرى ده أختوهو…كنا قايلين غندور ومصطفى دكاترة أسنان!!!طلع بكرى ياهو دكتور السنون الجد جد…غايتو المركب طقم أحسن مايلبسو اليومين ديل…مانبقى فى …بلعو…لا مابلعو…بلعو…لا مابلعو!!!!
بعد ربع قرن اصلاحيون !!!!!!!!!!!!!!!!!!!!!!!!!!!!!!!!!!!!!!!
كنتم في قلب المعمه وبعد خراب مالطا اصلاحيون !!!!!!!!!!!!!
أخاف يوماً ان نري نافع يشكل حزباً لاصلاح المؤتمر الوطني !!!!!!!!!!
وهذا هو السودان !!!!!!!!!!!
البستوي كريت بتلقي في جلدها!!! ضوقوا اللي عملتوه وسكتوا عليه طول السنين العجاف. حق التعبير المحروم منه الشعب السوداني طول ربع القرن الماضي وانتم علي قمة السلطه الان بدآتم تشعروا بيه وتحاربوه ؟ ودي المناظر لكن المصيبه الكبيره هي السكوت علي بيوت الاشباح والاغتصاب والقتل حا تعملوا شنو كان نوموكم ليليه او اتنين في بيوت الاشباح؟
ما نتمني لاي انسان الحصل لي الكتير مننا لكن انتم الان ياحركة الاصلاح مطلوب منكم ان تقدموا اكثر مما قدم المواطن العادي في كل هذه السنين يلا اربطوا الوسام الاحمر وسمو نفسكم دبابين او ما يعادلها من المفردات وجاهدوا ضد الفساد ؟ كلمة حق عند سلطان جائر افضل عند الله من قتل المواطنين الابرياء من جنوب السودان اللي كانوا بيطالبوا بابسط حقوقهم . انتم الان هذه ابسط حقوقكم وانتم اخيرا استوعبتم الدرس . لو شفناكم متحزمين متل الدبابين ومشيتوا قدامنا ان شاء الله حا نتبعكم وعد مني لكم . واخر كلامي كالعاده الا لعنة الله علي الظالمين
انه دور اخر يلعبه غازى وصحبه لمصلحة الكيزان ..ديييل مقسمين الادوار والمخرج جد شاطر بس الشعب اصبح واعى جدا شعب لا يكره الناس ولم يسطو على احد …ولكن اذا ما جاع يأكل لحم مغتصبه ….حذارى من جوعه ومن غضبه
مين غازى ومين المعاة كلهم موتمر وطنى القسم الدعائى ولا يمكن فلس عاوز يعمل شوية حركشة للحكومة انت يا غازى صرفت على حفلة افراج ود ابراهيم صرف من لايخاف الفقر من اين لك هذا كلكم حرامية تمصو دم الشعب الغلبان لاخوف ولارادع لكن ليكم يوم قريبا انشاء اللة
وسط هتافات “إصلاحيون قادمون”.
تعالوا ح تعملوا شنو هل تحملون عصا موسي لتلقف عصي سحرة المؤتمر اللاوطني ي اهل النفاق والدروشة ليكم عين قوية تقولو قادمون بل قولوا ذاهبون المنكم يتواري عن الانظار ويستحي من ماضية البغيض المعفن لكن قلوبكم ميتة اصلا وليس ماتت وكلكم شبة بعض ف المومس حين تشيخ وتكبر ولا يرغبون فيها تتجة لعمل القواده اخرسوا ي جراء الكلاب الضالة متي تبصقوا علي ماضيكم الغير مشرف
يايها الشعب النائم الطيب الساذج اما زلتم تصدقون هذه المسرحيات البائسة لقد تخصصت الانقاذ فى الهائكم بمثل هذه الفبركات السمجة وهل تصدقون بعد 25 عاما حسوما وفجاة يصحو ضمير ثلة من هؤلاء الاوغادوحتي المفاصلة مع الترابي هي ايضا مسرحية والم تشاهدوا عقب الخطاب المهزلة بقاعة الصداقة الحميمية المفرطة بين البشير والترابي وغازي …اصحوا ايها السادة من سباتكم ونومكم
مسرحية سيئة الاخراح وسيئة السمعة أيضا ….. قاتل الله الكيزاااااااان
####### بعد الزنقة ديك الفيها قرقشته المسامير بالتسالى ############
(((( اصحو وفتحوا عيونكم ))))
**** حركة غاذى صلاح الدين ” الاصلاح الان “( = ) مكر الكيزان ( اذهب الى القصر رئيسا وانا للسجن
حبيسا ) يعنى لما خلاس انكسر المرق وانشتت الرصاص , مافى طريقة الا ندخل لينا واحد (كمعارض)
لنا وسط قوى الحق القادم الطبيعى لنكسر شوكتها .
***** اسع عليكم الله كمثال يقدر حزب الاتحادى الديمقراطى اللهو شريك فى السلطة يعمل ندوة عامة جماهيرية
فى الهواء الطلق عن مقدار الزكاة فى انتاج البلح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بالاعتمادعلى المرجعيه الدينيه السنيه لن نستطيع اقامة دولة حديثه ..ببساطة لان حق المواطنه غير معترف به لدى اهل السنه ..وحزب غازى حزب دينى لن يخرج عن جلباب الترابى والبشير ..ويؤمنون بنفس القوانين التى تجلد ابناء البشر بالسوط فى حين ان جلد الخنازير بالسوط يمثل جريمه عظيمه فى دولة الحداثه والقوانين العالميه ..
غريبة غازي ومن معه يستنكرون مجزرة سبتمبر. طيب مجازر دارفور والنيل الأزرق وجبال النوبة ورمضان وكجبار وبورت سودان والعيلفون و …و…. وبيوت الأشباح لا بواكي لهم. اتق الله يا غازي. كنت نائم ام مسطول.