البشير يلتقي المهدي مساء اليوم ببيت الضيافة

الخرطوم (smc)

يلتقي المشير عمر البشير رئيس الجمهورية بوفد حزب الأمة القومي بقيادة الإمام الصادق المهدي مساء الأربعاء 12 فبراير ببيت الضيافة بالخرطوم .
وقال د. مصطفى عثمان إسماعيل أمين العلاقات السياسية بالحزب في تصريح لـ(smc) إن اللقاء ياتي ضمن سلسلة لقاءات البشير بالأحزاب والقوى السياسية، وذلك في إطار التشاور حول الخطوة التالية لإنفاذ مبادرة الحوار الوطني التي أعلنها البشير في الفترة القادمة، مؤكداً استمرار اللقاءات مع كافة القوى السياسية والأحزاب في المرحلة القادمة بهدف الوصول إلى توافق حول القضايا الوطنية.

تعليق واحد

  1. عاينو بالله كل الوشوش الفى الصورة , كل وش يحكى قصة وفضيحة وعاينو للبتحاول تتلبد وتتزاوغ ديك , السرقة صعبة واكل حق الناس اصعب

  2. اقتباس:
    “مؤكداً استمرار اللقاءات مع كافة القوى السياسية والأحزاب في المرحلة القادمة بهدف الوصول إلى توافق حول القضايا الوطنية”. انتهى

    كافة القوى السياسية والأحزاب تعني الصادق الترابي الميرغني ولا غير.

    وبهذا السعي نحو تغطية وعدم محاسبة من خربوا البلد وأضاعوا ثرواتها.

  3. كل الحوارات تكون فقط بين الحكومة والشيوعيين والجيهة الثورية وجامعة الخرطوم ومنظمات المجتمع
    المدني والمستقلينز لا نعترف بالمؤتمر الشعبي ولا حزب الأمة ولا الحزب الامعة حزب الاتحادي الديمقراطي

  4. ووب علينا وعلى البلد أكان ديل المرتجحى والملاذ الاخير . الحمد لله الذى فتح عيوننا قبل الممات . وشكرا لنظام البشير الذى كشف لنا اخيرا ان القبة ليس تحتها فكى ّ

  5. مسؤولين من الخير ساره نقد الله دى مالا خجلانه كده؟؟؟؟؟ احسن ليك كان تتبلمى بى توبك ده … والله الصادق ده تتابعيهو ما يخلى ليك وش تقابل بيهو اخوك الراقد مشلول بسبب الصادق ده!!!!!!

  6. باسلوب السهل الممتنع والحراك الناعم اخذ الصادق المهدى بتلابيب النظام واحكم الخناق عليه فبعد ان كان البشير العتل الجواظ المستكبر يرغى ويزبد يشتم ويسب ويتحدى ويتوعد ويهدد صار يلهث وراء الحوار ومع من؟ مع من انقلب على شرعيته ووصفه بكل قبيح وقال فيه مالم يقله مالك فى الخمر هاهو بائس مبتئس ويتصنع الدعة فى خنوع متذبذب ما بين ان يخادع لكسب الوقت او ينبرش وهو سينبرش قريبا وقريبا جدا لله درك يا امام

  7. كده كم مرة التقى المشير عمر البشير رئيس الجمهورية بالامام الحبيب الصادق المهدي
    لو كانوا دايرين يعملوا قنبلة نووية كانوا عملوها
    الموضوع ما محتاج حسب وجهة نظري لون تو الحاصلة دي
    الزمن يمر سريعا والانتخابات قربت
    هل سيشارك حزب الامة في الانتخابات
    عموما بعد ان عرف حزب الامة والامام الصادق ما جرى في انتخابات 2010م وماسيجري في انتخابات 2015م والتي لن تخرج هذه اللقاءات من هذا المضمون
    بالتالي ارجو من الامام الحبيب العودة مرة اخرى للتباكي وتضييع وقتنا
    اما من ناحيتنا نحن الشعب نعلم بان غالبتنا لن تشارك في التصويت وسنقاطع الانتخابات تماما لامع هذا ولا ذاك وسنقف في الحياد كالاغراب لنرى ما يدور من سيناريوهات في حقوقنا ووطننا
    وتبقى الكلمة الاخيرة للشعب الذي قد يقولها في اي وقت وانتم تتحاورون وتجتمعون لتراوغوا مع بعضكم توم اند جيري

  8. مشكلتكم يا ناس الراكوبه ما فاهمين اى شئ والله
    لو تابعتو تصريح الامام الصادق كان عرفتوا ان اى تفكيك لنظام الانقاذ كان بحواره معهم
    وارجعوا لى اول حوار مع الترابى فى جنيف
    بعدها الترابى راح فيها وقبل اسبوع الترابى قال الصادق خذلنى بعد لقاء جنيف

    حواره مع صلاح قوش وداهو التوج والسجن وقرب يوديهو الآخره

    دخول ولده عبد الرحمن لمده عام اطاح بعلى عثمان ونافع والجاز فى سنه
    دى كلها بالحوار لو ما فاهمين حوار يعنى شنو وقوته يعنى شنو تعالوا ابقوا حيران لى للامام الصادق عشان تتعلموا سياسه والحيران مفردها حوار

  9. يا جماعة ناس الانقاذ ديل دايرين ليهم مخرج لانفسهم!!
    بمعنى العملناه عملناه اكان فساد مالى او ادارى او جرايم!!
    تقعدوا تقولوا مساءلة ومحاسبة والله ما نفكها ليكم ولا وفاق ولا يحزنزن ويا روح ما بعدك روح!!!
    وحكاية نشرد من البلد دى ما واردة وما كويسة فى حقنا!!
    اصلو انحنا عارفين برنامجنا وسياساتنا وكل شغلنا ما نافع وما جاب نتيجة بعد 25 سنة واكبر انجازاتنا وهى صف الرغيف والبنزين والغاز شكلهم ح يرجعوا تانى!!
    هسع يا المهدى والميرغى والترابى عايزين لينا مخارجة تحفظ ماء الوجه وحقكم بره!!!
    اما قوى اليسار فديل امرهم هين وهم ما عندهم شعبية او قوة!!!
    والجبهة الثورية يا نديهم مناصب وقروش وممكن نستوعب بعض قواتهم فى القوات النظامية او نحاربهم خاصة وانتوا معانا لانكم اكبر قوى فى السودان وكلكم زينا بيستغلوا حكاية الدين دى فى السياسةلكن بطريقة مختلفة من طريقتنا يعنى برنامجنا واحد لكن لكل شيخ طريقته اها قلتوا شنو؟؟نقرأ الفاتحة؟؟
    وانا اقول ليهم القر الينفخكم انشاء الله!!!
    واذا رجعت الديمقراطية كل القوى الحية والشباب باذن الله سيتبعوا النظام العلمانى السياسى الذى يحترم الدين ولا يستغله لاغراض دنيوية وسياسية يعنى زى النظام البريطانى واصلا نظام الاسلام السياسى واستغلال الدين ده خلاص بقى من الماضى ولا مستقبل له!!!

  10. الاميرة الجسورة سارة نقد الله من اشجع نساء السودان و هي لا تتلبد كيف ذلك و هي شقيقة الامير عبد الله عبد الرجمن نقد الله.غايتو الراكوبة دي بتجيب هوام لا يعرفون قدر النساء و الرجال .

  11. قسمنا هو مبدأنا ثابت لا نحيد عنه: لا حوار ولا تفاوض تحت أي شكل أو مسمي مع نظام الظلم والفساد والاستبداد. الحل واحد لا ثان له نضال شعبي شامل مستمر عالي الوتيرة على كل المستويات من أجل إسقاطهم واجتثاثهم من جذورهم ومساءلتهم أمام محاكم الشعب. ومن ثم بناء سودان الغد على أنقاض الخراب والدمار الذي خيم على ربوعنا ربع قرن من حكم الظلام

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى