عجز 963 معلما بمحلية المناقل
مدني (سونا) أعلن الأستاذ محمود عوض الكريم مدير الشؤون التعليمية بمحلية المناقل في تصريح لـ(سونا) أن عدد المدارس الثانوية الحكومية بالمحلية بلغت نحو 129 مدرسة منها 18 مدرسة للبنين وعشرون للبنات و101 مدرسة مشتركة إلى جانب مدرسة تقنية واحدة ومدرسة قرآنية .
وأوضح أن عدد الطلاب بهذه المدارس نحو 40293 طالبا وطالبة وأن عدد مدارس الأساس بالمحلية 515 مدرسة وعدد المعلمين 5536 معلما ومعلمة .
وأضاف أن العجز في المعلمين بالمحلية بلغ 963 معلم وتعمل الإدارة التعليمية بالمحلية على فك الإختلاط في 224 مدرسة، مناشداً الجهات المسؤولة والمختصة بضرورة سد العجز في المعلمين بالمحلية، مؤكداً إكتمال الكتاب المدرسي والإجلاس بنسبة 70%، داعياً لحوسبة التعليم بالمحلية، مؤكداً أن عدد الطلاب الممتحنين للشهادة هذا العام بلغ 17350 طالباً وطالبة يجلسون في 97 مركزاً على مستوى المحلية .
كدي اتاكد من معلوماتك ياخوي بعدين اتكلم عن الحوسبه. اضافه لي كلمهحوسبه دي بقت قديمه ومبتذله
صدقت يا الخ يا سيد احمد ياشايقى.. محمود عوض الكريم مدير الشؤون التعليميه حقو يتأكد من معلوماتو فى ألأول ويحسب صاح وبعدين يتكلّم: (1) دا قالو مدير تعليم,, معلوماتو عن عدد مدارسو فيها تشكك باين,, قال انها “نحو” 129..يعنى حوالى.. ليه نحو؟؟ هو ما عارف عددها بالظبط ليه؟!!!
(2) بالحساب كدا.. قال ان عندو 18 مدرسه بنين + 20 بنات = مجموعهم 38 (تمانيه وتلاتين.). كيف يكون الباقى ليهو 101 مدرسه مشتركه؟ موش الحساب ولد!! (129 – 39 = يكون عندو (91)مدرسه مشتركه موش 101
(3) مدرسه مشتركه يعنى شنو؟ هل فى اولاد وبنات فى المرحلة الثانويه بيقرو مع بعض؟ فى مدرسه واحده يعنى.. ولآ الناس بقو ما “ناقشين”؟ بعد اعادة الصياغه!!
(4) العجز فى المدرسين يصل الى 963 معلم (ما حجم العجز عند المعلمات ام العجز فى ألأتنين؟ المفروض العجز يكون عند المدرسات اكبر)
(5) اكتمال الكتاب المدرسى وألأجلاس 70 % يعنى برضو فى عجز!! طيب ال 30 % حيكونوا واقفين على ارجلهم وارجلهنّ ؟ ويكونوا طبعا مشتركين (كل كم؟ فى كتاب واحد)؟ ليه 70% عجز.. حيكمّلو متين؟
(5) يعنى شنو “الحوسبه” اللى الراجل دا بيدعو ليها؟ شراء كمبيوترات (وهل عندو ليها كهربا مستدامه ؟ تعليم الحساب؟ ادخال منهج محاسبه؟ آلات حاسبه؟ هو مدرسين عربى ودين وحساب و(هوّ والكون) عندو فبهم عجز يقارب 1000 مدرس ؟ من فين حيدجيب مرسين للحوسبه؟ ألأنقلبزى هل بيتم تدريسو فى محلية المناقل ؟
بالله يا جماعة الخير :فى هرجله ياخوانّا اكثر من كدا.. آل ايه آل اعادة صياغة ألأنسان السودانى!!!
وين مسؤولين تربويين زى ناس زمان .. يا حليل زمان ناس صديق محمد الخاج وجماعتو!!!وزمن التعليم تعليم
والناس ناس والسكر كان بينباع “بالراص”!!