السودان صدَّر 42 طناً من الصمغ لأميركا
كشف الأمين العام لمجلس الصمغ العربي في السودان عبدالماجد عبدالقادر، أن حجم صادرات بلاده من الصمغ العربي للولايات المتحدة الأميركية خلال العام 2013، بلغت 42 طناً بعائد قدِّر بنحو 103 ملايين دولار.
وتوقع أن يصل إجمالي الصادر من السلعة الاستراتيجية إلى 55 طناً بنهاية العام 2014.
وأضاف أن الولايات المتحدة كانت تستورد الصمغ العربي من السودان بطرق غير مباشرة، مبيناً أن بعض الشركات الأميركية تغلبت على الحظر الاقتصادي الأميركي المفروض على السودان باستصدار قرارات قضائية من ولايات أميركية تسمح بالاستثمار الزراعي بالسودان.
وقال إن السودان تمكن من استخدام ورقة الصمغ العربي للضغط على أميركا لرفع العقوبات الاقتصادية التي فرضتها على البلاد منذ تسعينيات القرن الماضي نسبة لأهمية السلعة التي يتزايد عليها الطلب في الأسواق الأميركية باستمرار.
سونا
ماشاء الله عليك الله ماتخجل شنو يعنى 42 طن تعنى ؟ياخى دى كميه راقده فى مخزن بقريه او شبه مدينه بكردفان السودان ضاعت عليه مئات الالاف بل قل الملايين من اطنان الصمغ العربى الذى يمكن ان يتم تصديره مباشره لامريكا وباسعار مغريه للمنتج والمسوق وخزينه الدوله كان والله جنينتنا لحد الان ماطقينا منها هشابه واحده لامن شجرها اصابه الهرم بفعل الحظر او اسعار قنطار الصمغ واقعه فى الواطه ومافى ليها مشترى نحن ذنبنا شنو ومشروعكم الهلامى اللى جاب لينا البلاوى دى؟
شنو يعنى تصدير 42 طن صمغ عربى ياخى دى شحنه اتنين اوستن بس من الخلاء لحد السوق وكمان تجيبوهو فى سونا لا حول ولا قوه الا بالله!!
يا شعب السودان العالم مجبر يحترم انتاجكم , فونا بس من حجوة أم ضبيبينة دي و خلوا البلد تنتج صمغ و قطن و عسل و معادن و سكر , كل ولاية تقدر تشيل نفسها و السودان , و السودان يشيل كل أفريقيا , انحنا محتاجين اعادة صياغة للاقتصاد السوداني و سيبونا من الكلام الحشو عن نظام الدولة اسلامية و لا أي حاجة الداير يصلي في المسجد يلقي ابوابه مفتوحة و الداير نيسة برضو ابوابها مفتوحة و الدولة بترعي و تحرس الاثنين , و زي ما قال قرنق في أحدي لقاءاته : في زول شاف بلد ماشة الجامع و لا ماشه الكنيسة ؟الناس بمشو النيسة و الجامع و يرجعو للبلد . القروش دينها واحد و الفقر و المرض ماليهم علاقة بالدين , و أمريكا خصمكم دينها شنو و روسيا و الصين حلفاءكم دينهم شنو , ما يشغلوم بالحشو و يخموكم ساكت .
معاًمن أجل بلد منتج للعالم , و بالانتاج ح نصنع حضارتنا القديمة و نعلم العالم أخلاقنا الضيعها الفقر و الجوع و الجهل , و أكيد أنحنا الح ننشر الاسلام بعد داك صاح مش قنابل بن لادن !!
يا اخوانا احتمو عقولنا شويه…42 طن ب 103 مليون دولار…حمولة 2 حاوية….كده كيلو الصمغ اغلي من الدهب..
وين الشعارات الإنقاذيه العلمونا ليها زمان في المدارس
(من يجري لوحدهوا لم يسبقهوا احد) …امريكاقائد العالم يا اسلامين بني كيزان من حقها عن يشتري و لا يبيع . اين الاساءت و تهليلات ضد امريكا كنا نسمعها قبل سنين … واين السودان ما بعد العقوبات …الاول في كل ماهو شاذ … يجب العتراف بل فشل في حكم البلاد… وبعدها الردوخ لي مصالح الوطنية و اقاليمية و عالمية ..حتي نهتادي بها لعالم لتصبح السودان دول منتجع وليس مستهلاقع ..
تكلفه الكباري علي النيل الكبري الواحد من 30 الي 40 مليون دولار يعني لو النسبه دي صحيحه مفروض السودان لو وجه ميزانيه الصمغ العربي فقط للطرق والجسور لوصل لحد الاشباع
الصمغ عندما كان حكرا لشركة الصمغ العربى المحدوده والوحيده فى السودان كان الانتاج كبير وكان معروفا عالميا . ولكن بعد ان تم تحريره . وخصخصته ثم فتح باب لشركات اخرى تدهور الصمغ وتدهورت صادرات الصمغ . لقد شرد الموظفين والعمال ولم ياخذوا حقوقهم حتى اصحاب الاسهم لم ياخذوا حقوقهم الذين قامت على اكتافهم نهضة تالصمغ العربى فى السودتان منهم من ينتظر ومنهم من ودع الفانيه دون ان ياخذ حقه من حقوق ومن ارباح اسهم وتتحدثون عن حجم صادرات وانتم تاكلون حق الغلابه . هذه امانة فى عنقك الى يوم الدين يا سيادة الامين العام عبدالماجد عبدالقادر. اعيد الحق الى اهله وانصف المظلومين منهم والظلم ظلمات
يعني الطن بكم يا سونا؟ اعتقد أن الكمية قد تكون 420 الف طنا.