جريمة شاب يقتل ابن عمه طعنا اثناء نومه بالولاية الشمالية
جريمة مروعة وقعت بالولاية الشمالية عندما قام شاب بتسديد طعنه قاتله لابن عمه أثناء نومه بالقرب منه حيث تشير تفاصيل هذه الحادثة المأساوية عندما كان المتهم والمجني عليه ينامان بالقرب من بعضهما في مكان واحد وفجأة قام المتهم من نومه يصرخ وأخذ سكينه وسدد طعنه لابن عمه تسببت له في الأذى الجسيم حيث فشلت جميع المحاولات لإنقاذ حياته فلفظ أنفاسه الأخيرة وهو يتلقى العلاج بالمستشفى وعندها اتخذت الشرطة كافة الإجراءات القانونية اللازمة حيال ذلك حيث تم استخراج اورنيك (8) جنائي وأمر تشريح بواسطة النيابة وتم تدوين بلاغ وما زالت الشرطة توالي تحرياتها حول الحادثة .
شبكة معنا
وين في الشمالية الشليقةو المحس ولا الدناقلة
انتو يا جماعه الولاية الشمالية دى مسحتها 1 كم – انعل ابو التحرير الصحفى زاتو – بالله ارجعو ادرسوا تانى تحرير صحفى وبعدين تعالو عشان ما تورمو فشفاشنا ده .
والله الواحد احتار من الجرائم الذى دى.
قتل فى البيت يعنى الواحد ماينوم وكده.
ولا ما ينوم الا فى قسم البوليس وبعد كتابة الوصيه الاخيرة.
عموما الله يرحم المقتول.
والله خوفتونا ياناس الراكوبة،،،انا اسي مجهز شنطي وجاي بعد شهر السودان ،،،قلنا نجي السودان ،،ارض الحبايب ومز المحنة،،كل يوم تدونا خبر اسوا من التاني ،،،الخاصل شنو ياخواننا في السودان !!!!!!!!معقول الكلام دا!!!!!والله انا قول احيانا دا كلام جرايد بس،،، في شيكاجو ماعندنا الكلام دا ،،،،انا لله وانا اليه راجعون ،،،،،اللهم ارحم السودان،،،
دا كلو سببو حكومة الكيزان و المؤمتر الوطني، لو الناس ديل مشو، الجرايم دي كلها بتقيف
المهم الواحد ثاني ما ينوم الا وعيونو مفتحة/ رحم الله الحي والميت ورغم ان الخبر مبتور وغير واضح الا أنها خبر مفجع آخر من أخبارنا التي لا تسر حبيب
الله يرحمه – ديل كانوا نايمين فى المطبخ – طوالى اتناول السكين وطعنوا بيها