اتحاد الكرة السوداني يقرر إصدار بيان لتوضيح أسباب رفض كينيا اللعب ودياً
دكتور حسن ابوجبل-يسار- يطلب من رئيس بعثة المنتخب إتخاذ قرار بلعب المباراة من عدمها أمس
قرر إتحاد الكرة السوداني اصدار بيان لاحق اليوم يوضح فيه ملابسات أزمة المنتخب الكيني بعد رفضه آداء مباراة دولية ودية كان مقرر لها اليوم ضمن ايام “فيفا” لآداء المباريات الدولية ضد نظيره السوداني, جاء ذلك على لسان الدكتور حسن أبوجبل الأمين العام لإتحاد كرة القدم السوداني عصر اليوم ل””.
وكان المنتخب الكيني قد رفض السفر لمدينة الفاشر غرب السودان أمس وآداء مباراة وتعذر بعدة أسباب منها أنه كان يعتقد أن المباراة بالخرطوم وأن حجوزات محترفيه بالأندية الأوروبية تمت على اساس أن المباراة يوم في الخامس من مارس على أن يغادر ليلة نفس اليوم أو فجر السادس من مارس, ولكن الأمين لإتحاد الكرة السوداني الدكتور حسن ابو جبل وضع المنتخب الكيني أمام الأمر الواقع وطالبهم بإتخاذ أحد قرارين, أما السفر للفاشر أو عدم لعب المباراة فإختارت البعثة الكينية الخيار الثاني.
وقال أبوجبل:” إتحاد الكرة السوداني سوف يصدر بيانا يوضح فيه ما يليه من جوانب في ما حدث أمس مع المنتخب الكيني, والبيان يحوى كل التفاصيل”
ومن جانبه قال أمين صندوق إتحاد كرة القدم السوداني أسامة عطا في تصريح مقتضب ل”كووورة”:” تعاملنا مع المنتخب الكيني بصورة جيدة وإستجبنا لكل مطالبه للوصول للسودان بما في ذلك تعديلات في عدة جوانب منها حجم البعثة الذي كان 25 فطالبوا برفع العدد إلى 29 وقد إستجبنا لهم”.
كووورة
حتي المتخب الكيني دايرين تدخلو في مشاكلم السياسية و الدعاية لكم. الفاشر دي العبو فيها مع منتخب الجنجويد تحت قيادة هلال و حميدتي .
فلينشر لنا الاتحاد نص الخطاب الي الي الاتحاد الكيني وهو الخطاب الذي ذكر فيه الاتحاد بوضوح ان المباراة ستقام في مدينة الفاشر في دارفور وان الفريق الكيني سيتم نقله الي ومن الفاشر لكي نعرف ان كان حديث الاتحاد السودانى صحيح ام لا؟فكيف لفريق ان يسافر مسافة ساعتين بالطايرة ويلعب في نفس اليوم من المطار الى الميدان ويعود في نفس اليوم وانلاحظ ان انه سيسافر بهيليكوبتر اي فترة طيران اطول؟ فماذا حدث بالفعل ؟هل هان امر السودان لهذا الحد يا اتحاد؟33
في راي توجد ثلاث نقاط في الموضوع ده:
1. عدم الاتفاق الواضح على يوم وموعد المباراة هل هي يوم 5 او 6 مارس.
2. عدم التحديد الواضح لمكان المباراة؟ استاد اسمه الفاشر!!! ام بمدينة الفاشر بولاية سمال دارفور!!!
3. المجاملة بتاعت اسامة عطا من زيادة الافراد 25 لرفعه الي 29 شخص
من الواضح انو في عدم صياغة واضحة في عملية الاتصال والتواصل بين الاتحاد السوداني والاتحاد الكيني مما تسبب في سوء الفهم بنفس الطريقة بتاعت خالد الاعيسر قبل كده “انجليزي الخرطو”م وكده!!!
بالنسبة للنقطة الثالثة اقول لاسامة المجاملة ما في ليها داعي 25 شخص يعني 25 ينقصوا ولكن لا يزيدوا لان الزيادة بترتب عليها تبعات مالية سيتحملها الاتحاد السوداني يعني فلوس الشعب السوداني – يعني بالعربي كده ما دافعه من جيبك- وهم اذا كانوا في مكانك انا متاكد انهم ما حايوافقوا؟؟!!! واذا وافقوا فشئ يخصهم المهم نحنا طالبين 25 شخص فقط وبس …..وشوية اعتذار مؤدب وانتهينا !!!
النقطة الثانية يا اتحاد السودان الدقة مهمة جدا في عملية تحديد المكان لان الناس التانيين بتحسبوا لكل حاجه وكل الامور عندهم موزونة حتى “الاكل البيكلوه بيكونوا عارفين انو بيطلعوا فين ومتين!!! لا مؤاخذة”!!! لانهم محترفين عارف يعني شنو محترفين!!! يعني ممكن توضيح انو المبارة حاتقام في استاد الفاشر بالفاشر وهي مدينة تبعد حوالي كذا ساعة بالطائرة من الخرطوم وعلى بعد كذا كيلومتر من الخرطوم ودرجة الحرارة فيها كذا وكل التفاصيل الدقيقة لهؤلاء الناس!!! لانهم محترفين وما ادراك ما الاحتراف!!!
وبعدين يا اتحاد السودان الناس ديل حاتركبوهم هليكوبتر يا اخي هزات الهلكوبتر ما زي هزات الطائرات الايرباص بتفرق وبتاثر فيهم صحيا يا شطار لانهم محترفيييييين!!!
وبعدين في سؤال بيطرح نفسه ما هو الهدف من اقامة المباراة؟؟؟ هل الهدف هو اقامة مباراة ودية تفيد المنتخب السوداني في مشواره القادم؟؟؟؟ ام الهدف توضيح للعالم الخارجي بانو مدينة الفاشر وشمال دارفور تعيش في سلام ووئام لدرجة انهم بيلعبوا كورة وبيشجعوا منتخبهم؟؟!!! لخبطة الكيمان وعدم تحديد الاهداف !!!دي زاتا المطلعة زيت البلد دي وزيتنا انحنا زاتو !!!!
النقطة الاولي لغاية هسع محتار فيها فمهما كان الانجليزي بتاع الاتحاد السوداني دراب ومهما كانوا تعبانين في اللغة فكتابة الرقم 5 و 6 واضحة تماما وشكلوا انو في البداية اتفقوا على يوم 5 وبعدين الاتحاد بتاعنا كتر خيروا قال يوم 6 مارس والجماعة ديل ما عندهم وقت يضيعوه في التصوير والسياحة جايين عشان يلعبوا وراجعين الساعة كدا لانهم مفروض يرتاحوا كذا ساعة… ومرتبطين في فرقهم!!!! ولو تاخروا يوم بيتعرضوا لخصومات مالية ولعقوبات فردية ممكن تحسب عليهم في المستقبل وهم ما مجاملين زي اسامة عطا جاملهم بزيادة اربع اشخاص!!! وما جاملوه بساعات!!! لانهم محترفين الواحد فيهم سيارته بيكون موقفها في موقف المطار وحاسب انو حايجيها الساعة الفلانية لانهم محترفين يا اتحاد يا سوداني!!!! وما مستعدين يضحوا بمستقبلهم الاحترافي عشان خاطر عيون الاتحاد السوداني!!! وعيون عثمان كبر!!! بعدين لا سمح الله لو حصل للناس ديل حاجة البيتحمل المسئولية بتاعتهم!!! والتعويضات المالية بتطلع من جيب ابوكم!!! يا اخي ما تخاف الله في قراراتكم الفطيرة دي!!!!
ما حدث فضيحة ونقطة سوداء في تاريخ هذه الدورة للاتحاد السوداني ومفروض اذا في اي خسائر مالية يتحملها افراد الاتحاد السجمان ده!!! “ويتخاتتوها” ومعاهم عثمان كبر زاتو!!! تكاليف الطائرة وتكاليف البنزين ماشي جاي للمطار اضافة الي تكلفة جلوسهم في الفندق لهذه الساعات!!!
عشان الواحد فيكم لما يعمل اتصال مع اتحاد تاني يفتح عيونوا كويس ويكبر صلبه في الكرسي ويصلح انجليزته!!! وبعدين يكتب!!!
ودمتم
يا أمة ضحكت من جهلها كينيا!!!!أقصد ضحكت من جهلها الأمم !!!