حاج ماجد سوار يتسلم رسمياً رئاسة جهاز المغتربين

احسن شى والله هذا كرار التهامى اثبت بأنه فاشل فى جميع المجالات ونتمنى من هذا السوار ان يدرس قضايا المغتربين ويحاول تذليلها وهى منح المغتربين فرصه إدخال السيارات ومنح كل مغترب فرصه لإدخال سيارة علماً بأن هنالك مغتربين عشرات السنين ولا يملكون وسيلة تنقل داخل السودان فتح الجمارك بالأقساط وهذا سوف يساهم فى توريد أموال لصالح خزينة الدولة .. النظر فى دراسة أبناء المغتربين … توزيع خطة إسكانية للمغتربين … تشجيع المغتربين على الإستثمار وإعفائهم من الضرائب مثلهم مثل المستثمرين الأجانب .. هذه الأشياء سوف تنمى الثقة بين الحكومة والمغترب … والعائد للسودان ولهذا الشعب الذى صبر كثيراً …

انتو الهاج ماجدا سورا ده كجورو قوى للدرجة دى؟
ده شنو ده عامل زى ود ابرك كل يومين ناطى من منصب لاخر

ههههه عشنا وشوفنا ولسه حنشوف ياخى طالما انو شريحة المغتربين تمثل اهمية قصوى تقومو تجيبوا لينا الطيره ده والله سبحان الله وشوفوا الطيره ده قال اهدافهم هي ربط السودانيين بالخارج ونقل خبراتهم واستقطاب تحويلاتهم .. ركزوا فى استقطاب تحويلاتهم دى طبعا اهم حاجه الضحكات .. شكلوا تانى ما حننزل السودان .. يسمكم تشموها قدحه

سبحان الله. انا شخصيا البلد دى اتاكدت تماماً ما حتقوم ليها قايمة ابداً طلما الموتمر الوثنى دا على راسها. يا جماعة الزول دا كان قبل سنتين رئيس اتحاد الطلبه في واحدة من جامعات الكيزان..بعدين شوف لغة الحراميه الله لا كسبكم(تحويلاتهم المالية) دا فى اول خطاب ليهو..دا بعد شهر انا خايفو يضرب ليكم التلفونات يا جماعة وين التحويلات الشهر دا ما رسلتو!!!!!!!!!!!!!!!!!!!!! الهم احفظ بلاد السودان وارفع الغلاء والبلاء منها وساير بلاد المسلمين..

البلاء= هم الكيزان.

نتمن ان نشوف كل جديد وخلق كيان جديد يخدم ابناء السودان بالمهجر ولابده من تصحيح اشياء كتيره واخطاء متوارثه وهى كالاتى
1لابده من فتح الاستيراد للمغتربين لانو حق شرعى لكى يخدم اسرته وابنائه بدلا من فتح الاستيراد للسماسره والتجار الذين شبعوا ونبختروا ورافعوا الاسعار بصوره جنونيه
2لابده من وقف بيع الاراضى والمخططات التى يمتلكها التجار والشركات من الباطن وبيعها فى مرفق حكومى مثل السفارات الشى الذى يجعل المغترب انها شى حقيقى وانما فى الواقع كلها نصب واحتيال وبيع اراضى فى الهواء زى سوق المواسير فى دارفور واليكم الامثله كيف تسمح الحكومه لشركات خاصه تبيع اراضيها المسلوبه والمغتصبه من اهلها بالقوة وتمه شرائها بثمن بخس دراهم معدود وصاروا يبيعونها بالمليارات سبحان الله
ماهو مجمع الرواد السكنى بالرميله ومن مالكه وكيف تمه شراؤه
ماهو مخططات الوادى الاخضر وهم يبيعون اكثر من عشره الف قطعه فى اراض 90%منها حيازات هل يدخل المغترب المغلوب على امره مع اصحاب الحيازات ويحصل ما لا يحمد عقابه مثل ما حدث مع مشكله صاحبى البيت المتنازعين وعندما قضت المحكمه بتقسيم القطعه اخذ احد الطرفين سلاحه وقتل الاخر بل وصل الى الموت الى اكثر من عشره اشخاص وانا بحزر مشكله اراضى الوادى الاخضر والحيازات التى انتشرت فوق اراضى خصصت وبيعت بواسطه وسطاء الحكومه بل اقصد حراميه الحكومه انما هى مشكله بل قنبله موقوته ربما تادى الى مشاكل لا تحمد عقباها نسال الله السلامه
3مطلوب من امين جهاز المغتربين فورا وقف سفر الخدامات والشقالات السودانيات لاننا نعرف جيدا ايه معنى بنت تشتقل فى بيت شقاله او مربيه والله واشهد الله شى فظيع لا يصدق وحدثنى بعض الاجانب انهم لديهم مشاكل لا تحصى واحده فلبينيه قالت انها تعبت وكرهت الحياة مع كفيلها لاتها على طول ياخذها الولد ومره الاب ومره السائق ومره الجار ومره الاصدقاء على طول اليوم معاشره بالقوة شى فظيع لا تفعله الحيوانات
والامثله كثيره
4مراعاة سفر الطبيبه او المعلمه او اى اكاديميه الا بواسطه محرم صونا لكرامتها وعزتها لانها تحتاج فى الغربه الا سند من اهلها ويا حبذا لو جعلتم سفرهن الا مع ازواجهن
5لابده من تبسيط الاجراءات ومتابعه كل المنفلتين السودانين فى جميع دول العلم ومحاكمتهم محاكمه قاسيه ورادعه خاصه فى الخليج امثال الصعاليق وبايعات الهوى والرزيله وكل من تثبت ادانته يجب اخذه الى السودان بالقوة والتشهير به عبر الصحف والاعلام
6لابده من نهضه الخطوط الجويه السودانيه لانها ناقل وطنى وله اعتباره ووقف السمسره ببيع رحلات الخرطوم الى شركات اخرى بواسطه سماسرة الطيران واجهزه الدوله من اجل الرشاوى والغنى وتدمير اعرق خطوط طيران كانت فى الشرق الاوسط وافريقيا وهى الخطوط الجويه السودانيه

د.كرار التهامى: من أكبر الانجازات تكوين الجاليات( لكى يجمعوا الاسر لكى يتغنى لهم البيعو) شو استفدنا.
حاج ماجد: اهم حاجة استقطاب تحويلات المغتربين…على الطلاق لو رسلناها (جلكسى جلكسى) مانديكم ليها لاطالة اعماركم واعماركم.

بلوا راسكم يا النغتربين الزول دة بلاعة كبيرة بعدين جاييكم بى نفس انتقام عايز يلهف حا تشوفوا كان ما طلعكم مديونيين نهاية الاغتراب عدوا عماراتو من هسة كم قبل ما يشربك فى الشعلانة دية … بلد ما عندها وجيع و الشعب راجى الصادق و الميرغنى ههههه و جاء الترابى كمل الناقصة

بلوا رأسكم يا مهاجرين .. الدباب سوار جاي و عينو علي تحويلاتكم مش خدمتكم .. و المغترب غشو و نضف جيبه و ما يرجع للبلد حي ..

الله يدينا خيرك ويكفينا شرك (((( وجاكم البلأ يا مغتربين )))) !!!!!!!!!

(الردعلى بركان يغلى من الظلم)….ظلمت بتعليقك نفسك والآخرين ..أنت ماء راكد ومغيب..وكقول (السفاح)أقتراحاتك دى (موصها)أعوذبالله .وأشرب محياتها.(*مراعاة سفر الطبيبه او المعلمه او اى اكاديميه الا بواسطه محرم )..ما هذا التخلف..أيها.المغيب السادن فى (غيك) ..السياسة تجاه المغتربين ستتغير( بتغيير) النظام..و(حل) أجهزة الجباية والقمع.وأحترام (حرية) الإنتقال[دون تمييز(نحى المرأة فى عيدها)..و(محاسبة) جميع الهؤلاءحسابا عسيرا يؤدى بهم الى جهنم… (بعد توفير فرص العمل بالداخل)تبنى( سياسة) تنمية الإغتراب (كصناعة) بما يكتسبه المغترب من كسب (مهنى) و(مالى) و(أنفتاح حضارى!).وتوجيه ذلك عند عودته ظافرا. (لتنمية) وطنه والإستثمار لتخديم بنى جلدته ..وذلك بتشجيعة بل و(مشاركته)ودعمه..والإعفاءت والمنح لإستثماره تميزه عن (الإجانب)..وحتى يتجقق ذلك ولبناء دولة لايحتاج المواطن بيع عمره خارج حدودها.. فالنشحذ السلاح ونرفع الهتاف ..ولننوى وندعو..عافاناورعانا الله حتى نعود لتنمية بلدنا (الفسيح) ..والذى أضحى (كسيح) بسقم السياسة وأدرانها الأربعة..(الطائفية) وا(لمتأسلمين) و(العسكر) و(العنصرية) ..اللهم عجل برعد (الإنتفاضة) وأمطرهم نار (الثورة) وقصاصها..(كفارة!) لهم..ولتعم البلادأرادة الإنسان الحر بمظلة (الديمقراطية)..و(لنملك) كل راشد سودانى وسودانية فى موطنه..(زريبة) و(خيمة) و(بهائم) ..أو.. (حواشة) و(قطية) و(بقرة).. (حق) مجانى ومدعوم.فى سودان حر بلا (جباية) وقهر ..أنها (أمانة) فى أعناقنا فهيا (للكفاح)…وأشحذوا (السلاح)..أرفعوا (الهتاف) ..نحن رفاق الشهداء *..وليعد أبنائنا المغتربين لوطنهم وليعود الوطن اليهم.ولننشد خالدة الشابى
*إذا الشعــب يومــا أراد الحيــاة فلا بـد أن يستجيب القــدر
ولا بــد لليـــل أن ينجلــي ولابـــد للقيـــــد أن ينكســـر
ومن لم يعانقــه شــوق الحيــاة تبخــر فــي جوهــا واندثـــر

انا غير متفائل . اللهم لانسالك رد القضاء ولكن نسالك اللطف فيه

حقيقة مره وواقع امر
كرار التهامي اهم انجازاته تجاه خدمة المغرب صفر
حاج ماجد سوار اهم طموحاته العودة العائدات الخبرات

السوال الذي ظللنا نطرحه منذ 30 سنة
مذا قدمت الدولة للمغترب متمثلة في هذا الجهاز ززززززززززز
لا اعتقد بان السماح للمغترب العائد عودة نهائية بان يعفي من جمارك العفش المنزلي هذا كل ما يقدم لهم
اللهم ارحم المغتربين واكفهم من شر هولاء الحراميه الكبار
خلاص شبع كرار التهام
والدور علي حاج ماجد سوار

المجلس الاعلى للجاليات بالخارج هذا من نجاساتك اى انجازاتك يعنى عملت لينا يافطه ماشاء الله
اها ياالسمح المجلس الاعلى ..قطعة ارضن بنسكن فيها ولا سيارة بنوصل بيها ابناؤنا الى المدارس…كلوا احتيال ونصب على المغتربين والمغتربين الوحيدين فى العالم الجواز سفرهم يتجدد كل سنتين لماذا؟ الهنود مدة الجواز سبعة سنين المصريون تسعون مليون نسمة جوازهم مدة التجديد سبعة سنوات ..نفاق وكذب وكل الهدف تحصيل اموالهم وقسمتها بين جمعية الاخوان المسلمون الخيرية امارة السودان..كفاية لعب على الذقون رغم انى حلفت مايكون عندى دقن الى يوم القيامة ..نفاق×نفاق

يجب ان لا نستعجل بالحكم على الرجل ففي الفترة التي تولي فيها وزارة الشباب حقق انجازات على الاقل حرك ملف المدينة الرياضية وبدا العمل فيها وساند الفرق الرياضية وقدم لها دعم حقيقي .
جهاز المغتربين من اهم ركائز الاقتصاد لو ان استطاع اقناع الحكومة بتقديم ضمانات في استلام التحويلات بنفس عملتها وتقديم اراضي للمغتربين ومنح ابنائهم فرص متساوية في الدخول للجامعات السودانية والعمل على عكس امكانيات السودانيون من خلال الاعلام .
عموما دعونا نتسبش ببعض الامل في ان الرجل سوف يعمل لان يكون افضل من سابقه.

عليكم الله الما بيعرف لغة عربية ما يكتب تعليق عشان ما يفقع فشفاشنا ويورمو اكتر مما هو متورم …رجاء خاص

طبعا ماعندكم الا سياسة الاستقطاب والبلع اهو محظوظ ودوك في مكان فيهو استقطاب وبلع ولهط

اللهم لا حسد ، الزول ده أكتر واحد استفاد من سياسات التمكين للإنقاذ ، وده الزعل جماعات دكتور الطيب زين العابدين ، حسن مكى ، عبدالوهاب الأفندى ، والتجانى عبدالقادر ، و . هو شافع بالنسبة لهؤلاء وقدراته محدودة ، بس كان دباب ، عشان كده خلوه وزير للشباب ، ثم سفير ، ثم جابوه وزير للمغتربين .
أى مغترب ينتظر منه إصلاح ، بيكون عوير وأهبل . كرار التهامى الإغترب سنين ودنين ، لما قعد فى كرسى الوزارة نسى المغتربين ، وكرس جهده لنادى الهلال والاستثمار الشخصى . امل المغتربين للإصلاح هو ألغاء هذا الجهاز وإغلاق مكاتبه أينما وجد بالشمع الأحمر . ما دايرين حاج ماجد ، ولا حاج احمد، هم عبء مالى وادارى لا لزوم له . مصلحة السودان فى الغاء الجهاز . والمغتربين مستعدين يوصلوا التزاماتهم المالية لكل مرفق من مرافق الدولة .

فعلا الحقيقة مــرة .. لكنها الحقيقة

السودان ما فيهو رجاله و لا نخوة كل الموجودون اليوم مجرد قطيع يشرب حيث يتبول كبيرهم و يضحك لضحكه و يبكي لبكاءه … شعب فقد الثقة بنفسه لا يستحق الوجود… اللهم اجعلهم في اسفل سافلين

المدعو حاج ماجد سوار و غيره يتنقلون حيث يشاؤون من وزارة لاخرى و بقية الشعب يتفرج و يرجى الفتات… لا ادري علام الخوف و التوجس …. الحرب قامت في كل بقاع الوقت ما عدا بيت جحا.. وحتى لو اتت لبيت جحا سوف يدعى التساهل الا يركبه الخازوق… تقسيم : قد تقسمت البلاد و لسه سوف تقسم الى اصغر و ادق ما تنتظرون… انت ليستم مؤهلين لمتابعة هلال مريخ و لا حتى الحفلات الصاخبة التى ترتمونا فيها انتم و حريمكم و كأن الحال كما يرام … امه لا تستحق ان تشارك المخلوقات الاخرى ما تبقى من اكسجين نقى على هذا الكوكب… لله في خلقه شؤون يجعل للبعض همم يسمونابها الى القمم و يجعل السودانين انضح انموزج للفشل و الخزى و العبر .. داهية تحرقهم

ياخوتي لماذا تعليقاتكم كلها رجاء وعتاب وتوسل .
اعلنوا الاضراب عن دفع كل هذه الاتاوات الظالمة . وعدم العودة للسودان .
تجمعوا بعدد كبير وامهرو عريضة واتفقوا ان تعرضوا قضيتكم على لجنة حقوق الانسان {مفوضية الامم المتحدة) فسوف تمنحكم اوراق ثبوتية بديلا عن الجواز السوداني الذي اصبحت الحكومة تتاجر فيه بفرض ضرائب عقابية تقيد حرية الفرد وكما هو منصوص ومعروف عنه أن هذا الجواز يستخدم كأداة للتنقل والسفر فقط ولا ينبغي لاي نظام أن يصدر قرارات انتهازية يتم بموجبها امتهان حرية الفرد في التنقل وفرض أشياء ليس لها صلة بالجواز.
تقديم شكوي لوزارات الخارجية السعودية والامارات وسلطنة عمان والبحرين والكويت .

ماذا قدمت الحكومة للمغتربين حتى يحولوا قروشهم عبر البنوك … الواحد فينا بدفع الضريبة مرتين مرة .. مرة بي اسم الضريبة ومرة بي اسم الزكاة لانك ملزم انت تدفعها حتى ان لم يبلغ النصاب ولم يحول الحول( وبرضو حكومة اسلامية ).. وكمان او مشيت السفارة تلقى الحكومة مرسله الحرامية والنصابين عشان يغشوا المغتربين ببيع اراضي في سقط لقط ( وبرضو حكومة اسلامية ).. وبعدين اي سوداني يمن الله عليه بنعمة الاغتراب اول شسئ تطالبوا بيهو الحكومة تقديم الاستقالة من عمله بالسودان يعني بالواضح كدا اذهب غير مأسوفاً عليك ( وتجوا تقولوا عايزين نحول ليكم .. كان ليكم ) .. في مصر القريبة كل المغتربين المصريين وظايفهم الكانوا عليها في بلدهم محفوظة طوال فترة الاغتراب ( يعني في امان وظيفي والحكومة قدمت ليهو حاجة) وكمان الفرق بين سعر الصرف في البنك والسوق الموازي يكاد لايذكر… قال نحول عبر البنوك ابيييييينا والله قصة .. انتوا منو البصدقكم تاني لو عندكم شغلة غير المغتربين شوفها … اعوذ بالله من دي حكومة

يا ساتر
حاج ماجد عديل كده
حنشتاق للامعات زي
ناس كرار التهامي
ده زوول حاقد و تافه

كالمستجير من الرمضاء بالنار

الحكومة دي ورثة …… ولا الناس دي ماسكة زلة على البشير…. يكون البشير دا …. ولا البلد مافيها لامتعلم ولا مؤهل غير ناس ديلا ولا يمكن البشير عاوز ينتقم من المغتربين …. من اخوه وداه نادي الهلال الكورة خليناها وكمان حسع حاج ماجد من منصب لمنصب كأن البلد مافيها تكروني غيرو

نحن ما عارفين الجهاز ده ذاتو اتكون كيف. تقول لي مجلس أعلى !!!!!!

الولد دة مش المطرود من السفارةالسودانية في طرابلس ولا واحد تاني؟؟؟؟؟؟؟؟؟؟!!!!!!!!!!!!!

ذهب كرار وجا سوار
لا خير في هذا ولا ذاك
اغلقو جهاز المطففين هذا
اغلقو جهاز المطففين
واريحزنا واريحو العباد
نحن المغتربين نتعب وحوالي الفين من الشغالين في الجهاز يلقوها بارده
الناس الشغاله في المغتربين وضعهم احسن من المغتربين ؟؟؟
نسال الله ان ينتقم منكم اجمعين

المغتربين الله يكون في عونهم ضرائب ثم خدمات ثم زكاة ثم دمغة جريح ثم دعم السلام ثم دعم الشهيد ما ذا بقي للمغترب واهله وهل تعلمون ما يعانيه المغترب من ذل وهوان واكل رواتب ومستحقات انا الان زازل السودان نهائي ولا املك شيء لا قطعة ارض ولا اعفاء من سيارة يقولن فقط اعفاء اثاث منزلي وهنا في السعودية 15 سنة غربة كفاية الواحد عساه يلقى شيء يستند عليه على الاقل اعفاء جمركي او قطعة ارض بدل الواحد ياخذذوه لحم ويرموه عظم نعم الوضع الاقتصادي في السودان صعب لكن الواحد يبحث عن اخف الضررين لان الغربة لها ثار سيئة

يجب ألا نرسل للسودان مليما واحد عن طريق القنوات الرسمية قللوا من الزيارات للسودان… جففوا الخزينة اكثر مما هي جافة ضيقوا الحصار الاقتصادي على حثالة بني كوز… الزارعنا في بلد الغربة غير الله اليجي يقلعنا…. تعالوا نمارس لعبة الوقوف حفاة في الرمضاء مع بني كوز وك,,,,,س ام البيقول واي….

الزول ده بتاع المغتربين الجديد ده ما فاهم الموضوع ولا شنو
السعودية ودول الخليج منعت التحويل لدعم نظام الاخوان المسلمين واعتبر التعامل معهم ارهابا فاوقفت بنوكها من التعامل مع السودان
غايتو اظن اخينا بيفكر في عمل صرافة سوق سوداء في السجانة لاستقطاب تحويلات المغتربين
ودي عملية تجنيب للاموال واول بنود الفساد الذي عم البلاد والعباد ولا عجب
والاخطر من كل ذلك قادم ومازالت الايام حبلى وستدلهم الطوب قريبا
انتظروا تاملوا واتعظوا

* كلهم عصابه واحده من المافيا، تتبادل أدوار “اللصوصيه” و النهب و الظلم. فالعنوهم، لعنهم الله.

من كرار التهامى الى حاج ماجد سوار
كالمستجير من الرمضاء بالنار
اللهم الطف بالمغتربين

هو ده شنو لعبة الكراسى البتسوي فيهو الحيكومة ده
غايتو يا الداقي غرة الصلاة في جبهتك في سوق ليبيا بخمسة جنيه بختك جاك اللغف و اللهط و الهبر في خشم بيتك و كمان بالعملة الصعبة
يااااااااااا فكيك

سأبذل قصارى جهدي لتذليل كل العقبات
عارف يا حاج ماجد العقبات التى تملأ السودان هى شنو
إنتو ديل وجودكم هو العقبة الكؤود أمرقوا منها كل العقبات تزول
إنتو يا حاج ماجد جماعة الأخوان تم تصنيفكم من قبل دولة فى قامة وحجم السعودية كجماعة إرهابية
يا حاج ماجد وجودكم مشكلة وتمسكم بالحكم يزيد المشكلة تعقيد
بس عاوزين نعرف متى ستزور الرياض عشان نحتفل بك
لكن قبل ماتقدم جوازك لزيارة السعودية تعمل بيان زى بتاع الداعية الأخوانى صفوت حجازى تقول أن حاج ماجد سوار لا علاقة له بجماعة الأخوان المسلمين الأرهابية وأنا شايف ماعندك مشكلة حلق دقن لأنها أصلا لا توجد
المهم العالم كله بيعرف أنت إعترضت على زيارة وزير خارجية مصر فهمى للسودان ورسلت خطاب لوزبر الخارجية كرتى تعاتبه كيف يقابل وزير خارجية حكومة السيسى التى عزلت مرسى ودا أعتبر تصرف من أخ مسلم متطرف ولا يشبه الدبلوماسية فى شىء عشان كده تم عزلك قبل شهور من موقعك كسفير للسودان فى ليبيا
سلموك الرياضة هزائم كثيرة حصلت
ودوك سفير لليبيا جبت ليهم النحس فأحرز الليبراليون غالبية مقاعد البرلمان وهزم جماعتك جماعة الأخوان وناس عبد الحكيم بلحاج اللى ربيتوهم وعلمتوهم فى الخرطوم وزودتوهم بدرجات جامعية عليا من جامعة أمدرمان الإسلامية
جابوك لجهاز المغتربين قبل ماتقعد فى الكرسى تم تصنيفكم كجماعة إرهابية من قبل السعودية والجهاز إعتماده بعد الله على 90% من مداخيله من مغتربي السعودية
عياركم طايش محل ماتقبلوا
ورينى وعدك دا
سأبذل قصارى جهدي لتذليل كل العقبات
حتنفذه كيف ؟ بالرموت كنترول – تواصل مافيش

ظل جهاز المغتربين جهاز غير مسيس وبعيد عن الرشاوي وان كانت هناك بعض النواقص المهمة بالنسبة للمغترب :
نأمل ان يتم منح إعفاء بتوريد سيارة للمغترب وعدم ربط ذلك بالخروج النهائي حيث يكون المغترب قد زهد في السيارات وبدأ يتوكأ على عصا .
كما نأمل ان يتم تسهيل توريد أثاثات المنزل – أما مواد البناء فقد تم منعها من المصدر اذا كان الاغتراب بالخليج
كما نأمل التفكير في منح تراخيص استيراد وقتية للمغتربين لبعض السلع الاستراتيجية التي يتم تحديدها لهم فقد يكون في ذلك فك زنقة بالنسبة للكل . تقديرنا للادارة الذاهبة ونتمنى للادارة الحاضرة النجاح .

اولا التحية لكل معلق حسب رأيه ولغته . ثانيا نقول لحاج ماجد مبروك لان ده واقعنا في السودان في ظل حكم مصاصين دماء البشر والحمد لله يا اخي حاج ماجد كنت سفيرا قبل توليك المهام الجديد يعني ما غائب عن ما يعانيه المغترب في ديار الغربي بس أسألك بالله ان ترحمهم ان كان في قلبك مثقاله ذرة من الايمان وتراعي مشاكلهم واحتياجاتهم

الله يكون في العون بس
من كرار لي سوار

غايتو سوار دة لمن دخلنا الجماعة كان مشهور بالولد الكفت عميد الكلية

الله يستر
قالو ما بعرف شئ غير الكفيت

وعلى فكرة راجل حقود جدا وما شفتو مبتسم الا في الصورة دى

تحويلاتنا دى تشمهاااااااااااااااااا قدحة

انا في اشد الاستعجاب من المغتربين الذين يطلبون من جهاز المغتربين طلب اعفاء لسيارة … انا واحد من المغتربين الذي فكرت في العودة للسودان مع اسرتي في عام 2010.. صدقوني انني لا اصدق انني نفذت بجلدي واسرتي بعد ان غادرناه مرة اخرى بعد عودتنا وكأني كالمحارب الذي يزحف هاربا مهزوما في حرب
صرفت كل ما ادخرته في سنين غربتي 20عاما في سنة ونصف فقط بالسودان ، ايجار لأني لا املك ارضا واكل وشرب ومصاريف مدارس وعلاج مكلف ودواء غير موجود اذا لم تكن مؤمنا صحيا على نفسك وافراد اسرتك .. وانتظر القادم اليك من مفاجآت في جهاز المغتربين من اذلال وتعب وابتزاز اذا لم يكن لديك واسطه تخارجك عند مغادرتك للسودان
السيارة التي تطلبونها لن تستطيعون ان تصرفوا عليها من غلاء قطع الغيار والبترول والزيوت وكأنك تصرف على بيت أو زوجة ثانية.. ثم ليس بمقدوركم ادخال غير موديل العام الذي تغادرون فيه للسودان
شيء آخر .. بعد عودتنا للسودان الكل كان يسخر منا بأن الناس تفكر في الخروج الي اي بقعة من بقاع العالم حتى لو كانت اسرائيل وانتم عائدون
انصحكم ان تفكروا جليا بعدم العوده والاكتفاء بإرسال ما ستصرفونه في قيمة التذاكر وتجراءات السفر الي اهاليكم فهم احوج اليه وانتم احوج الي دعاؤهم ان يفك غربتكم ويفرج همهم
العودة للسودان فيه مرارات كثيرة لا تحصي ولا تعد وليس بمقدوري احصاءها لكم الا ان تعايشوا ما عايشناه في عودتنا المريرة التي لم نستفد منها الا وداع الوالدين والأهل والأحباء لعل الله يجمعنا بهم مرة اخري بعد بزوغ الفجر الجديد

بلد جبانة هايصة بلد الفاشلين واللصوص والقتلة ومصاصي دماء الشعب. هعراب فقه السترة ولص وزارة الشباب والرياضة ينتظر تحويلات المغتربيين يالك من لص جرئ لا يخل ماذا قدمت دولة الفساد للمغتربيين لتنتظر تحويلاتهم خسئتم وتبا لكم ايها ابفاسدين

ان للمغتربين ان يقفوا وقفه رجل واحد ويرفضوا هدا التعيين المدل ارضاء الاشخاص يجب ان لا يكون على حسابنا هدا الشخص غير مؤهلويجب ان يصل صوتنا واحدا قويا مجلجلا برفض هدا الشخص الموصوم بالفشل

هذا المدعو حاج ماجد شخصية انتهازية من الطراز الأول ، وهو الذي إشتهر بحادثة إساءته ل د علي سليمان عميد كلية القانون في جامعة الخرطوم سنة 1987 ونحنا طلاب فيها و تسبب في إغلاق الجامعة لمدة قاربت العام. كما و أنه لمن لا يعرفه من الأجيال الجديدة صديق و شريك فيصل حسن عمر شقيق أمين حسن عمر، و قد قتل فيصل الطالب بشير الطيب رحمه الله في عام1989 داخل حرم الجامعة ثم فر الي ايران و رجع بعده اللسودان موفورابسبب الإنقاذ التي لم تحاكمه علي جريمة القتل.
أي خير يمكن أن يرجي من قاتل و لص و إنتهازي ؟؟؟ واضح ان الحكومة و التي لا تملك سوي المغتربين الآن ناوية عليهم نية زي الطين و حيعملوا الدايرنو طالما الناس ساكتين و راضين بمسؤلين من شاكلة حاج ماجد