الإمام الصادق المهدي : الأوضاع في دارفور تردت الى الاسوأ
امدرمان : نورالدين مدني
وصف الامام الصادق المهدي رئيس حزب الامة القومي الاوضاع في دارفور بأنها تردت الى الأسوا مما كان في الماضي وقال في تصريحات خاصة ان التطور الجديد في دارفور يشير الى ان بعض القوى التي كانت متحالفة مع الحكومة صارت لها اجندة قبلية، وصارت هناك جبهات قتال متعددة مدعومة بمليشيات قبلية مسلحة لتصفية حسابات قبلية.
وقال المهدي ان اتفاقية الدوحة قدمت التنمية على الامن وتجاوزت الفصائل غير الموقعةعليها، ولم تخاطب جذور المشكلة و اكتفت بالمخاصصة في السلطة وبرامج تنموية ووظائف للموقعين عليها،كما ان البرنامج الخاص باستيعاب القوى المسلحة لم ينفذ كالمطلوب،هذه النواقص جعلت اتفاقية الدوحة معلقة في الهواء، ووارد انها تلحق باتفاقية ابوجا التي استمرت عامين ثم قبرت.
اضاف الامام المهدي قائلا ان الموقف في دارفور يحتاج لتشخيص جديد ونظرة مختلفة وجديدة للحل الشامل،وقال: هذا ما سنطرحه في المؤتمر الصحفي المقرر عقده بدار الحزب بامدرمان في الثانية عشر من ظهر اليوم ، وسنوضح فيه رؤيتنا لتشخيص ما يجري في دارفور وما ينبغي عمله لتحقيق السلام العادل الشامل في دارفور
يا مهدي الله أب زينب..!!؟؟
نقول حاجة يا امام
تشخيصك برضو ح يفشل قبل ما تشخص
يلا شوف ليك تشخيص تاني للقضية
برضو ح تفشل
قدامك حلين اما تعتزل العمل العام وتقفل فمك
او شوت مع الجماعة ديل بالواضح حتى لو بقوك مذيع في الراديو
الصادق المهدي عايز يرجع اهل دارفور لحوش المهدي تااااني وتاني تاني تاني ونعيد تاني من تاني هههههههههه صح النوم بعد ايه جاي تشكي وجاي تبكي علي ليه , يا حليلك النائم على حيلك والله اهلنا في دارفور اصحابك الاسلاميين عملوا فيهم عمليه وقت كنت عامل فيها نائم مش تنسيهم المهدي والله دي نستهم اسمائهم. نصيحة لله لا تضيع وقتك تاني دارفور دي لو حصلت فيها انت وجماعتك الكيزان على الف صوت من بواقي الجنجويد الما حيفضل منهم كتير تكون انت كسبان
والله عجب طيب الشهيد. اليافع علي ابكر والشباب المعاهو. كانو باذنوا. في مالطا. ياخي. كفانا. وقرفنا من هرطقاتك
يراهن الصادق على ضعف ذاكره هذا الشعب ونحن نراهن على ضمير وذاكره لايموتان.
الاجنده القبليه في دارفور وتسليح مليشيات بعض القبائل بل حتى مسمى الدفاع الشعبي نفسه بدآ في فتره حكم هذا الرجل في الثمانينات.
في نظري شكلت مذبحه الضعين والملاحقه المؤسفه للذين نبهوا الشعب حينها ( بلدو وعشاري) …والتي تمت في ظل حكم الصادق علامه فارقه لمابعدها من عدم محاسبه المعتدي بالقانون، والذي مشت عليه الانقاذ حافرا بحافر حتى يومنا هذا.
لو تمت محاكمه واعدام سافكي الدماء بغض النظر عن وضعهم من السلطه او عصبتهم بدلا عن التغطيه عليهم (وفي اقصى الاحوال بذل الاموال كديات) لما وصل حال هذه البلد لما هو عليه ولما تجرأ احد على قتل ابناءنا في ساحات العلم.
في نظري ان مايحدث في دارفور الان قادم بقوه ليحرق ماتبقى من هذا البلد الممزق.
رأيي الشخصي أنّك تقعد في قصرك وتجهّز لفراش البكا
رفقاء دربك الكيزان ينازعون والناس حتجي تعزّيك
اتفاقية الدوحة مفصلة على بقاء النظام. وتهميش الهامش والنظام هو من صاغ اطارها بحيث لا ينفك موقعوها الافلات من خيوط النظام والاستسلام بمغريات الوظائف الدستورية والمال المتدفق من قطر
أنت المحتاج للتشخيص،انت محتاج لأخصائي بارع في الأمراض العصبية والنفسية علشان يشخص حالتك ويصارحك بما أنت فيه .
الله ينصرك يا الامام ويشد ازرك … الله اكبر ولله الحمد
ماذا فعلت لغرب السودان وأنت رئيس للدولة ؟؟؟ والآن أنت وأولادك حلفاء للمجرم المطلوب للعدالة الدولية عايز تتكلم عن سودانيي غرب السودان وهو يسفك دمائهم ويشردهم يومياً ؟؟؟ اتقي المال لأنك لا تعرفه بقدر ما تعرف الله وأتركهم في حالهم فأن رجالهم الآن إنعتقوا من عبودية أسرة المهدي ورفعوا السلاح في وجه لصوص السودان الجدد ليخلصوه منهم ولن ينزلوه الا وهم منتصرين ؟؟؟
ورينا اتجاه مدنى بمرجعية اسلامية كيف يعنى ؟ , انت عايز تكسب منو ؟ كيان الانصار ولا الاخوان ولا السلفيين ولا انصار السنة ولا ناس الصوفية ولا اهلنا الغبش البحبو الاسلام لله فى لله ؟ منو فى ديل ؟ لانو مدنى مع مرجعية اسلامية ما بتجى يا صاحبى , انت قايل فى راسنا فى قنابير ؟ العب غيرها يا سيدنا الامام . نحنا مؤمنين بالله ورسوله وما محتاجين فى ذلك لوصاية من اى احد , هسة لو فى حتة فى السودان قالت ليك نحنا ما عايزين المرجعية بتاعتك دى اها حا نفرضها عليها بالقوة ؟ فى الحالة دى يبقى الفرق بينك وبين الجبهة شنو ولا بينك وبين ستالين شنو ؟ ما حا نخليك تستهبل على اى زول تانى , كفاية . اخير تمشى تشوف ليك مصلاية تقعد فيها وتطلب المغفرة من الله على الاستهبال والكذب المارستو على ناس مساكين اربعين ولا خمسين سنة اخير ليك لانو قد لا تجد الفرصة تانى