حزب غازي : لقاءات البشير بحزب الأمة وحزب الترابي انتقائية

نحن شعب اتكالي الكل فينا يعتمد على خطوات الغير حتى نتبعها وذلك يعود في عدم الثقة في نفوسنا نحن شعب كثير التنظير ومتردد في التنفيذ واذا غضب متهور نخشى المغامرة في المجهول لاننا لا نضمن النتيجة ولا نثق في خطواتنا واذا قدمنا خطوة نرتد الى خطوتين هذا حالنا ومن لم يصدقنا فلياخذ منا واحد معول ويحطم اصنام الانقاذ

عارفين العلاقة بين الحكومة والأحزاب دي عاملة زي شنو؟؟
عاملة زي العلاقة بين الراجل ونسوانه الكتيرة..
لو سمعت زوجة أن الزوجة التانية أنفردت بلقاء زوجها تثور وتقول (دي مقابلة إنفرادية وإنتقائية وسجم خشمي وووووووب علبييييي وأودي وشي وين من ناس عشة وكلتوم جاراتي!!!)..

يا جماعة الخير يا أحزاب السودان خليكم عندكم صبر.. المائدة المستديرة الجامعة جاياكم وكلكم معزومين مع الحكومة عشان تأكلو منها ما لذّ وطاب من أموال الشعب الطيب.. بس بشة دايرة الحكاية تمشي حتة حتة عشان لو قابلكم كلكم دفعة واحدة كده ممكن يفلس ويسقط كمان.. لازم الامور تمشي بالتروي كده..

ما ممكن شغل الضرائر وحركات النسوان والغيرة الزائدة والواضحة والمكشوفة دي يا أحزابنا.
لما البشير قابل الصادق المهدي طوالي حبايبنا في الشعبي قعدوا يولولو زي النسوان..
ولما البشير قابل الترابي طوالي حبايبنا المع غازي قعدوا يولولو زي النسوان..
وبكرة لو البشير قابل غازي طوالي حبايبينا في الشيوعي ح يولولو زي النسوان..

والبشير المسكين ماعندو حل مع النسوان المشاكسات الكتيرات دي غير يعمل حكومة عريييييييضة جدا جدا جدا عشان كل قيادات وقواعد كل الاحزاب يشاركوا في اللهف واللغف معاهم.. آآآآآي: مائدة مستديرة حلوة كده!!

وطالما الحكومة العرييييييييييضة دي هي الحل الوحيد اللي حيرضي كل الاحزاب وبتكون دايرة امكانيات مالية كبيرة وعريضة جدا فالشعب المسكين ما حيكون عندو حل غير الصبر وإحتساب الاجر يوم النفخ في الصور والخروج من القبور..

وإلي الله ترجع الأمور..