الراعي السوداني الطيب يوسف : لا أعرف حجم ثروتي عقب تدفق الأموال على رقم حسابي

فكونا بلا لمه
المفروض هذا الواقع ان تكون امينا
الشاذ ان تكون حرامى زى ناس الانقاذ

يستاهل الراعي الامين فهو رجل بسيط وصادق .وماقاله كان بتلقائيه وصدق ولم يكن يعلم.انا لفي زمن به تارك القبيح من اكثر الناس احسان.ياريت الكل مثله

المفروض الزول دة يكون وزير مالية فالأمانة أكبر مؤهل لهذه الوظيفة بدلا عن الحرامية أمثال عبدالرحيم حمدى وعلى محمود وبقية لصوص المؤتمر الوطنى،، ويمكن أن يكون هذا الراعى إنعكاسا لسيدنا يوسف الذى سخر له الله سبحانه وتعالى أن يأتى من البدو ليتبوأ عرش مصر وما ذلك بعسير على الله.

لو كانت الأرزاق تجرى على الحجى هلكن إذا من جهلهن البهائم

الدنيا ارزاق (ولن تموتن نفسا الا بعد ان تستكمل رزقها )

مالو والله تستاهل تكون رئيس الجمهورية علي الاقل بتعرف الحلال من الحرام وبتخشي الله عز وجل سرا وعلانية…حلال عليك القروش ويارب تزيد ماتنقص ومعاها الصحة والعافية كمان

الراعي ده انا سمعته تحت تحت انو عمر (العوير ) اتبرع لهزا الراعي المسكين والامين ب 300 الف ريال سعودي ، وانا بنصح الراعي اخونا ده انو مايستلم المبلغ ده لانو حراااااااام وملخبط بي دم الابرياء ولو استلم الراعي هذا المبلغ سوف يمحق هذا المبلغ كل الفلوس المعاه ويمسحه في دقيقه ، وانا بديه وصيه صغيره مني ، يا راعي يااخوي واخو كل السودانيين امسك فلوس من بيت ضعاره احسن مما تقبض من البشير (العوير ) اوعك تدخل في دائرة الحرام . وكلمه اخيره تستاهل لانك شهم .

يا جماعة قصة اخونا الراعي الامين دي اعتبروها قدر الهي موجه للانقاذيين وعضوية المؤتمر الوطني بالذات التي تشبه ناديه سندعوا الزبانية والذي عمه عن الحق وابدا ما صدفة ان تأتي بهذا الزخم لقد شاءات الاقدار الالهية ان تطير هذه القصة التي آخرها لسه في الخافقين كدرس للانقاذيين وتشدقهم بالعدل والنزاهة ونظافة اليد التي قالوا متوضئة فسرقوا وجنبوا وهبرو وملوا وارتكبوا الموبقات في المال والشعب وتحول السودان الى سوق عكاظ للرق والمصارعة السياسية غير الحرة،، وهاهو الراعي الامين السوداني يخرج من نفس البلد الذي ظهر فيه النبي العظيم مغتربا ويتصرف هذا التصرف العفوي بقدر يلفت عصابة الانقاذ الى لعبهم بمباديء صاحب الرسالة الناصعة النبي صلى الله عليه وسلم التي رفعوها ثم باعوها وكأن الراعي الامين عمليا يقول لهم نحن الذين لم نرتاد الجامعات ولا نحمل لقب الدال ولا نعرف كتاب معالم في الطريق وسيد قطب والبنا والماوردي وابوالاعلى المودودي يا ناس المتعافي ونافع وقطبي وعلي عثمان والجاز ومامون حميدة والاسلامويون نحن من نفس البلد التي انجبت النبي المعصوم البنعلمكم الاسلام ما انتو وهذا نموذجنا يا من شاددتم الدين فغلبكم وردمكم ،،، قصة الامين يا اخوان رسالة الهية خفية للانقاذيين وفضيحة برسوبهم في المبادئ التي رفعوها وفي اسواق دبي وماليزيا ولندن استبدلوها فجاء الراعي الامين في وسط الصحراء التي لا فيها نيلين وفرعين شايلين جنا بأمانته وفضحهم أمام المستثمرين فمن الغريب ان يكون تصرفه غريب في بلد انجبت اصدق وآمن انسان عرفه الكون ،،، الراعي الامين رسول أمانة ارسلته الاقدار ليقول ان اهل الانقاذ لكاذبون ،،، هذا الكون يسير بقدر فاسمع يا المتعافي وأشباهك هذا الخبر ولا تعتقد انها حادثة من مساوئ الصدف فهي رسالة الهية لكم من رجل بسيط وهل كل الرسل الا بسطاء ،، سلوك الراعي الامين مقابل سلوك مسئولي الانقاذ في المال العام والحقوق اشبه بسلوك رسول مرسل في الامم الخالية ،،، ويجعل سروا في ما يعتقده البعض اضعف خلقوا والعكس الصحيح في اهل الانقاذ الخشب المسندة،،، هذا تحليلي للقصة من ناحية دينية ولا نامت أعين هيئة علماء السودان لسد الذرائع السلطانية فدعكم من وصايا حسن البنا واستشارات الغائب بلة واعيدوا سودان المحنة واذهبوا استمتعوا بأموالك البرة ،،،

دي هديه من الله والله بدي الجنه ،،

والله ما عارف الزول ده مرزق ولا الناس كلها بقت حراميه

ياخي والله ما بتخيل إنو انسان يتصرف باي شكل غير الشكل الاتصرف بيه

الدنيا ارزاق لكن بقول الراعي ذكي ولا اشكك في نزاهته بس بقول اي شخص في مكانه حتي ولو كان حرامي تم اطلاقه من السجن قبل تصوير المشهد بلحظات لتصرف مثل تصرف الراعي
الشخص الذي قام بتصويره والتحاور معه مطوع ودقنه وعلامة صلاته ظاهره بوجهه …………. ذكاء الراعي ملاحظته لتدين الرجل ودخل معه في الخط بالحديث عن التدين والخوف من الله فالموضوع لا يحتاج لدرس عصر وهذا رزق ساقه الله لهذا الراعي واتركونا من الهبل وزير ماليه وريئس للسودان كأن الشعب السوداني كله سارق فلنختشي ولنخجل من احتفالنا به

لقد أخطأ الراعي الامين بتصريحه أن حسابه المصرفي يتلقى تحويلات كثيرة من جهات لا يعلمها واعتقد أن هذا التصريح سيدفع الدكتور مصطفى عثمان القيام بزيارة عاجلة الى السعودية لتلمس سبل تسهيل مسالك ومصارع المبلغ في دهاليز الاستثمار في هذا الصدد الذي نزل من السماء على اخونا الامين والنظر في وضع عدد من القبانات ومكاتب الضرائب في المسافة الفاصلة بين السماء والارض حتى وصول المبلغ لأرض السودان المعطاءة أخذا بفضل الانقاذ ،،، وفي خضم مشكلة وقف البنوك السعودية الرئيسية التعامل مع البنوك السودانية ربما أدى الأمر حكومة الانقاذ الى اتخاذ سياسات مالية جديدة واجتماع مجلس الوزراء للنظر وبحث انشاء لجان متفرعة من كل اللجان لوضع رؤية تتبع كيفية الاستفادة من الحساب البنكي الخاص بالراعي الامين اذ يمثل لها بورصة مالية في ظل الزنقة الاقتصادية وشح الدولار والتحويلات خصوصا وأن مبلغ صادرات الصمغ العربي 3 مليار دولار طلع 30 مليون دولار حسب ما أكد الاستاذ عثمان ميرغني في جردة منطقية غابت عن خبراء وزارة المالية،،، أما تصريح الراعي الامين وقوله ” أنا جاهز لاخدم بلدي حتى لو وزير مالية” فقد مر على القراء مرور الكرام وفاتهم الذكاء المبطن في هذا التصريح الذي يحمل نقد للسياسة المالية بشكل غير مجنب ولكنه لم يخجل تواضع وزير المالية ومحافظ بنك السودان،،، أما الحاج ماجد سوار الذي عين مؤخرا أمينا لجهاز المغتربين الذي ينتمي اليهم الأمين فدون شك سيسجل الامين وفعله وردة فعله في الحادثة التي تسببت في المبلغ الى انجازاته ولازالت القصة مستمرلة،،، وصدق الفنان السوداني الذي يردد أنا الفي الدنيا ما مرتاح وما مرتاح وما مرتاح،،،،

برضو برسل سلامي

ما برتاحوا كان شافوا ليهم زول نضيف
بطنهم ما بتبرد كان ما أفسدوه

أولاً أدوه قروش ,,,كدي النمرقك من الآخرة علينا جاي لدنيتنا دي
ثانيا داير يرجع السودان ,,,,,وما أدراك ما عليه السودان

ثالثاَ عجبه المال الساهل والحساب الوافر قال يبقى ,,,وزير

لك التحية و التجلة والله انت فخر لكل سودانى اصيل والامانة شئ عظيم و عرضها المولى عز وجل على الارض و الجبال فابين ان يحملنهاو كونك لا تعرف الكتابة و القراءة ليس له علاقة بالامانة و الله اخى كم من سودانى يحمل اعلى الدرجات فى العلم و الفقه و لكن ليس بامين و صحيح القلم ما بزيل بلم .

والله انا خايف علي الراعي من الجماعه يطلعو مديون ولايقولوا ليو تلتو ولاكتلتو ولا بكره تجتمع هيئة علماء السودان وتطلع فتوى باي صوره انو القروش دي قروش حرام وتصادر لصالح الدوله الاسلاميه القائمه في السودان

الأمانة والصدق صفات توجد عند أهل القيم حتى مع غياب التدين.

أبو سفيان عند النجاشي لم يكذب وقال مخافة أن يلأثروا عني كذبا.

كليتون عوتب بسبب كذبه وليس فعلته

وهذا السموأل اليهودي مضرب مثل في الوفاء والوفاء صنو الأمانة.
القالئل :

إذا المرء لم يدنس من اللوم عرضه فكل رداء يرتديه جميل

والكذب م التدين درجة من النفاق .

من علامة المنافق إذا حدث كذب .

يقول الله تعالى :

(إِنَّ الْمُنَافِقِينَ فِي الدَّرْكِ الْأَسْفَلِ مِنَ النَّارِ وَلَنْ تَجِدَ لَهُمْ نَصِيرًا)

أما أن يكذب سيد القوم فهي أم المصائب.

وفي رواية آخري للحديث (الحمد لله أحمده وأستعينه، وأومن به وأتوكل عليه، وأشهد أن لا إله إلا الله وحده لا شريك له. ثم قال: إن الرائد لا يكذب أهله. والله الذي لا إله إلا هو، إني رسول الله إليكم خاصة وإلى الناس عامة…. الحديث

وبضدها تتميز الاشياء
الراعي ده احرج الكيزان ومدعين الامانة والنزاهة وعمل ما لم تعمله المعرضة المازومة 25سنة
والعالم كله يمجد القيم
والسودان اصلا بلد قيم
وهذا الراعي نجم يستحق الاحترام
والذين يبخسوه هنا
عملتو انتو شنو للسودان غير الولولة في الراكوبة
كل زوليراجع نفسه وبشوف البلد القاعد فيها
هل يشكل قدوة للسودان والسودانيين “الاصل”؟

There is a lot of examples of honest people , sudanese or none sudanese muslims or none muslims . please do not make a big deal about it , we dont have to be rewarded of being honest , if you are well brought up and a decent person naturally you will be honest , why do we have to deal with this issue as if it is not possible for someone to be honest .

انا بقترح علي الراعي انو يرفع قضية علي ناس الشروق الكدابييييييييييييييين ديل

الناس مندهشه من صدق وامانة هذا الرجل.في الوقت الفيه السواد الاعظم من السودانين بيقوا محتالين غشاشين.وياكلوا ناقة النبي صالح علي القطاع الرسمي للدولة حدث ولاحرج باعتراف كل قادتهااكل الربا تمشي السوق اى زول عايز يحتال عليك والله إلا من رحم ربي بتاع الخضار ؛اللحمه؛الملابس والاحزيه ودلالةالعربات سوق الواشي .والمكاتب ما تدفع رشوة معاملاتك ما بتمشي .المرور والجمارك والضرائب وووووووووووو نجن مشكلتنا بقت إزمة اخلاق في زمن الانقاذ

اعتقد في السودان جربنا اصحاب المؤهلات وطلعوا حرامية واصحاب المحسوبية وطلعوا حراميةوبتاعين حاجات تانية ما بقى الا نجرب ناس القوي الامين حتي ولو من غير مؤهلات .

هوي يا( زول مكتوي بنار الكيزان)المطالب بتدريس قصة الطيب في المدارس .
زمان لمن كنا بندرس قصة الراعي الكضاب محمود (هجم النمر هجم النمر)
استطعنا ان نخرج ناس امينين و نزيهين لانو الناس الوضعو المنهج داك كان
هدفهم ترسيخ انو الكضب ضار .
و هسع دي انت دايرنا ندرس قصة الطيب ؟ انت ناسي انو الناس الوضعو مناهج
الثورة التعليمية دي هدفهم انو يرسخو انو الفهلوة و الكضب و تزوير المؤهلات
و القفز بالزانة علي حساب الاخرين المؤهلين في كل المجالات هي الطريق السليم
لبلوغ الاهداف ؟
و الله نمشي ندرس قصة الطيب دي قدر الشعب السوداني الفضل دا يبقي كلو حرامية .
احسن نخلي القصة دي لانو الشعب السوداي دا كلو الطيب الراعي .

ايها الراعى الامين نفخر بك نحن فالمملكة الرعربية السعودية لامانتك القريحية وتفتخر بك دولة الفونج وعاصمتها سنار بلد رواق السنارية الذين حفظو القران وتفسيره من الازهر الشريف ونشرو العلم فى السودان ولا شك انت تبع من هذا الفج ومن عاصمة السودان سابقا سنار والبلد التى كانت تحكم حتى الحبشة فى عهد بادى ابو شلوخ وهددت الدفتردار وحملاته الانتقامية لمقتل اسماعيل ود محمد على باشا وثبات الملك ود عدلان امام الغزاه وكل هذا بالامانة القريحة والصدق والعهد مع الله اولا …

أخي الطيب كونك مابتعرف القراءة ولا الكتابة دا ما عيب و الرسول (ص) كان امي (الأمي الأمين) و فعلا الرعي مهنة الأنبياء .. من سلوكك و كلامك انت راجل عقلك مكمل .. و ايضا بما أنك امي انني أشهد لك انك ممكن تكون وزير مالية بجدارة وأفضل مليون مرة من المتعلمين الفهمانين ولكن يفتقرون لأهم شيء و هو الصدق والأمانة .. يشرفنا انك تكون وزير ماليتنا على الأقل نضمن انه مايدخل جوفك بالحرام ما قيمته جنيه و احد .. عكس الفي بالي و بالك.

هذا الرجل من بقايا السودانيين الزمان الامينين الواثقين من انفسهم المتوكلين على ربهم الغير ملوثين بتربية الكيزان التي تدرس الخم والسفح واللهف الاستقطاب بالمال في جامعات كفوة التعليم العالي التي خرجت جيل منقسم ما بين كوز يخم منذ مرحلة الدراسة والتخرج مضمون حتى ولو هو في بيت ابوه والعمل مضمون والنتيجة غير مهمة حتى وان كانت كارثية على الوطن وايضا من خريجي جامعات التشوية الثقافي والعلمي من لا يقوى على كتابة مقال ومن هو صار شيعيا او حتى نصرانيا لضعف عقيدته وسذاجة فهمه والفقر الذي يعيش فيه وفقدانه للقدوة التي قدمت اسوأ نموذج للحكم الاسلامي المدعى والاسلام منه براء في مشروع سمي ( حضاري ) بهتانا وكذبا اريد به غش الشعب السوداني وتعبئته في علب ورميه في مذبلة التاريخ ويتمكن الكيزان ويستأثروا بالثروة والسلطة والحور الطين مثنى وثلاث ورباع وجعل السودان وكر لكيزان العالم

حسبى الله ونعم الوكيل صارت الصفات الاسلامية سلعة تباع وتشسترى ولها اعلام اتقوا الله ايها الناس ويوجد فى هذه البلاد ماهو اهم من تصليط الاعلام على فرد كم من جائع وكم من مريض وكم وكم ويعطى للفنانين مال وقطع اراضى والشعب السودانى المغلوب على امره يتبرع للمرضى .

اللخوو يا الطيب ،جيب النعدهن معاك ،انا ود الرضية،
الصديق ود بابكر ،دحين متذكرني ولا الريالات
عمنك ،عموماً منتظرنك في البندر ،عند الخرتووم،
اوعاك من النشالين ،سامع يااللخو ،جايينك باللواري
وما بيصدنا صد .

للمعلقين البقولو سيبونا من موضوع الراعي
بقول انه الراكوبة ملياااااانة مواضيع
متنوعة واكيد فيها المواضيع البتتوافق معاكم
ومحتاجة لوقتكم و لتعليقاتكم الثرة
اكتر من موضوع الراعي الطيب
ياريت لمن تشوفو حاجة بتخص الراعي السوداني الطيب
ما تدخلو وما تقروها(جلوها من بره)
بس انا غايتو بتكيف شديد لمتابعة اخباره
لاسباب كتيرة جدا بحتفظ بيها لنفسي
فما تورمونا بى تعليقاتكم دي
والمتضايق من اي خبر ليه في الراكوبة
علييييييييكم الله ما تدخلو عشان ضغطكم ما يرتفع
وبالتالي ترفعو ضغطنا

موضوع أخد أكبر من حجمه و كأن الأمانة أصبحت نادرة وسط السودانيين هناك رجال أصحاب مواقف تفوق موقف الراعى و هى مصدر فخر و أعزاز لكل أهل السودان و لأن من يعلم بها قليل فلم تجد حظها من النشر و الشهرة.

كل أهل السودان يمتازون بالأمانة و الخلق الرفيع و محترمون أينما حلوا