محتال عربي ينصب على (15) شركة وعدد من رجال الأعمال
الخرطوم- عزمي عبد الرازق
وضعت (اليوم التالي) يدها على أخطر الملفات لمستثمر عربي مزيف استطاع أن يحتال على (15) شركة وعدد من رجال الأعمال وجهات حكومية بالسودان، واشترى المستثمر المزيف الكثير من الأراضي والبنوك والعقارات والشركات، دون أن يدفع مليما واحدا وأسس شركة للتنمية، تقدم خدمات (السفر والسياحة وخدمات العمرة) كما أسس مبنى من ثلاثة طوابق بموقف سيارات، إضافة لإدارة تنفيذية متكاملة لكل شركة ومحاسبين ومراجعين وسكرتيرة ومستشار اقتصادي ومستشار قانوني (سوداني) مارس عبرها أساليب الخداع، وتمكن من شراء شركة شهيرة تعمل في مجال البترول بمبلغ واحد وعشرين مليون دولار، وشركة طبية بمبلغ “26” مليار جنيه، وشركة شهيرة لأنظمة المعلومات بمبلغ ملياري جنيه كما حاول أن يستولي على شركة (سودانير).
وقد دون المتضررون في مواجهة المستثمر (13) بلاغ احتيال، بتاريخ 19 مارس الجاري، وتمكنت السلطات من إلقاء القبض عليه خلال الأيام الماضية، بعد إصدار وزير العدل أمرا بإلقاء القبض على المستثمر العربي المزيف، وحظره من السفر وتمت مخاطبة بنك السودان لمعرفة حساباته.
ويعتمد المستثمر المزيف في تنفيذ صفقاته على صيغة عقد يستولي بموجبها على أسهم الشركات المستهدفة ويغري ضحاياه بمبالغ باهظة عبر الأقساط لشراء أسهم الشركات تمهيدا للتصرف في أصولها ورصيدها
اليوم التالي
هههههههههههههههه أكيد مصري
لما يحتال اي كان على مواطن عادي يبيعوا له ركشة بالاقساط و تطلع مافي ركشة عادي و لما يجي واحد يغش ناس المجلس الوطني و يقول ليهم انه سيناتور في الكونجرس الامريكي و يطلع ما عنده علاقة بالكونجرس برضه عاااادي و لما يجي السودان خواجة بريطاني و يستقبله المهدي في ذكري تحرير الخرطوم على انه حفيد غردون و يطلع غردون اصلا ما عنده اولاد عشان يكونوا عنده احفاد عااادي بس لما يجي مستثمر و كمان مزيف و يغش الحكومة و رجال الاعمال و الشركات يبقي البلد دي الفضل فيها شنو؟ زي الشركات و رجال الاعمال ديل يمشوا يشتكوا للحيكومة هي ذاتها غشوها … و الله قصص يا بلد و المستثمر لسان حاله يقول احسن اتغدى بيهم قبال يتعشوا بي
هذا المستثمر الاجنبى من العاب الانقاذ و دائما تستخدم الشوام ليلعبوا هذا الدور القذر . الاجهزه الامنيه ايضا تدخل فى هذه الالعاب و كل المستندات تتم عن طريقها و اذا اختلف الكبار ظهرت هذه القاذورات
******** هع هع هعععععااااي الطيور علي اشكالها تقع ******** هاك الاستثمار *********
بلد ما ليها سيد ؟؟؟ صارت لعبة على المحتالين العرب المنبوذين من بلادهم ؟؟؟ مش قبل ايام قرينا موضوع عن والي القضارف استقبل مستثمر واكرم وجهز له ما لذ وطاب مع السكن الفاخر والسيارات وفي النهاية طلع نصاب ؟؟؟ دي كلها تمثيليات مونتاج واخراج شخصيات سودانية معتبرة وهم من يحركون هذه الدمى من الخلف ولا يظهرون في الصورة ؟؟؟؟ عجبي
لم أفهم شيئاً !!!!!!!! كيف تم الشراء والأستحواز على هذه الشركات وغيرها ؟ هل من السهولة بمكان في السودان بتسجيل شركة بإسمه؟ برضو ما فاهم حاجة !!!!!! هذه ألغاز لعب فيها الجن والأنس
آمنتو ولا لسه ياخ صدقوا انو مافي حكومه والحاصل عباره عن عصابه كبيرة لما تختلف اظهر حجم المسروق وتختفي القيمه بس دا منو الشفت دا ومن طرف منو علي عثمان ولا جمال الوالي ولا وداد ولا عبدالله اخو عنقره
اللذيذة بتاعة المستثمر السوداني لبس كرفتة وبدلة ومشى ولاية سنار قابل الوالي وضبحو ليه وهاك يا اجتماعات وجولات لرؤية الفرص الاستثمارية على ارض الواقع في النهاية طلع زول مجنون ومريض نفسي اهله في مدني بفتشو فيه
فوضى..امنية..اقتصادية..سياسية…ههههننن…قرررررربت
غدا تتذكروا كلام حد بيعرف احسن م الحكومه دا..(1)سيتم الأعلان ان الخبر مفبرك وعار من الصحه (2)المستثمر دفع قروشو على دائر المليم (بس لمنو؟) (3) تم استجواب ناشر او ناشرة الخبر
(4) وعلى ألأجهزة توخى الدقه( بكسر حرف الدال)
(5) الجريده اللى نشرت الخبر تتوقف عن الصدور اسبوعا بامر تجلس الصحافة والمطبوعات!!
وتكون الحكايه خلصت..
قوموا لوثبتكم وحواراتكم .. ربنا يفك تقبضكم ويرفع عنكم ألأنبتات ويسهّل عليكم ألأسترداف (ماسوره او سرج ورانى) ويصرف انظار الحبيب الرمز عن “تاءاته” ال 3 ,, ويعيد الحسيب النسيب بالسلامة بعد الشفاء الكامل. ويهدى ابو عيسى على طاعة الله ويلتقى على عصمان ,, ويرجع ما تمت جبايته دون اورنيك 15 .. ويجعل لصاحب الكتب القديمه المفروشه جنب كوول الجوامع والخلاوى والزوايا زدور الذاكرين من دار جعفر ( الصافى) الى مسيد الشيخ فى بيت المال (كووولهم) نصيب فى دفاتر 15 وغيرها.. آمين وآمين
معقول الكلام ده!!!!!!!!! بلد فوضي ام نحن شعب غبي …..الخازوق يكون رجال الاعمال الاجانب النصابين ديل مجرد خيال ظل للصوص سودانيين من المتنفذين
مصري فلسطيني لبناني سوري ياايدي شليني ختيني في بيت الله العاجبني هههههههههههههه ومن خلفه كوز وابناء وزراء وناس كبار والكلام جاب ليه ناس ذي اولاد نافع والجاز ووزراء وقالو البشير الضحك شرطو لما وحد اخوه من الجماعه الدقسو وزوجته زاتها دقست وده السبب الذي جعل القضاء يتدخل واها ياودبدر بل راسك التحقيقات سخنة شديد
سيصدر بيان من الحكومة بنفى و تكذيب هذا الخبر .!!!
البيان ح يكون كدة ..هذه اشاعة من العملاء والخونة الذين يحاربون الحكومة على مشروعها الحضارى .؟؟؟؟
هذا المستثمر يمثل اكبر مجموعة اقتصادية فى دولة قطر الشقيقة .والتى قامت بعدد من المشروعات الضخمة من تعلية خزان الروصيرص وكهربة سيد مروى وعدد من الكبارى والجسور …؟؟؟؟
نرجو من المواطنين الشرفاء عدم الاستماع لهذه الاشاعات المقرضة ..؟؟؟
البيان من الدكتور مصطفى عثمان اسماعيل .؟؟؟؟؟
نحن المواطنين اهل البلد عندما نريد اي خدمه مهما كانت بسيطه ايصالات واجراءات وامش وتعال…..وجهاز المغتربين شاهد علي كلامي….
وكمان جهات حكوميه….ودون ان يدفع مليما واحده
هذا منديل سوف تمسح به الاغذار والاختلاسات
للأسف هذا المستثمر قطري الجنسية واسمه احمد الرمز أني وشركه البترول التي اشتراها هي شركه البحار ال دافيءه ولديه قضايا كثيره
رزق الهبل علي المجانين
ده مستثمر قطرى والله فعلا بلد سايبة الشركات دى ياربى اشتراها بى شيكات
قبييييييييييييييل المال حرام عشان كده فكو من غير وجيع
He From Yaman
WHAT WE EXPECT FROM A COUNTRY RULED BY THREE STOOGES!!!1
والله انا خايف بكرة ينط علينا واحد
ويقول اشتري السودان قطعة قطعة ،ونقعد نحن
السودانيين عشوائي في بلدنا !!
الله يعمي قلوبكم وبصائركم أكثر وأكثر ويذهب الحرام من حيث أتى.
هل يرضي صبي صغير يبيع الماء على كارو حمار تسليم صفيحة ماء دون استلام ثمنها؟؟
ألقو القبض على المتخلف فني الأسنان مصطفى “اسماعين”
(السوداني اذا قلت له انسان ابيض يهدي له كل ما يملكه ) هكذا حكي لي شخص من احدي الدول العربية
بلد الغباء فيها مستاصل بدرجة مخيفة ولانهم كلهم حراميه عشان كده يسهل خداعهم والنصب عليهم القصة دي ما الاولي ولا الاخيره ابتداءا من صقر قريش المستثمر العراقي الوهمي الذي احتال من الحكومة اكثر من خمسة مليارات دولار ومرورا بجمعة الجمعة السعودي وحفيد غردون الوهمي وملكة وين كده ماعارف والكذبة الكبري الشركة الامريكية الوهميه العايزه تشتري مجموعة من المشاريع. …لو فتشت كل الحرامية الاجانب تلقي وراهم مسئول. حرامي عايز حقو بس…الله يكون في عون السودان
راجل فهلوى ويستاهل لانو عارف أن الشعب السودانى طيب وبنضحك عليهوا, ما كفانا مستثمرى الشاورمة و قهاوى الشيشة و الباصات المضروبة و المواسير البيضا الملات البلد من بلاد الشام ومصر.
الجماعة ديل لقو الراجل جيبو تقل وعايزين يسرقوه كما سرقو الاخرين من قبل إنتو عارفين البلد مافى زول فى يدو قروش إلا المؤتمرجية اليوم يسهلو ليك كمستثمر وبكرة أستثماراتك لو كبر ينصبوك يخلوك على الحديدة
ملاحظين ولا مغترب واحد نجح بأى مشروع أستثمارى فى السودان فى زمن الانقاذ أبدا كلو مشاريع فاشلة وخسران مبين والنهاية الندم وأغتراب من جديد ولا يمكن يصدقو لك مشروع أستثمارى ناجح يدر لك مصلحة إلا شاركوك أو طردوك منها وأستولو عليه.
القطو ( الكديسة) في بلد العمايا بيسمن ؟؟؟ أكيد وراه واحد كوز بلحية بطول نصف متر وقررة 3XLARGE
يا جماعة الخير يبدو ان القصة طويلة لاتوجد اسماء سواء للمستثمر او المنهوبين ورونا التفاصيل و بعدين نحكم علي الاحداث
الرجل لو كان محتال ما كان قبضو في الخرطوم كان اختفي في ظروف غامضة زيو و زي الاخرين و الانتربول ما بجيب زول للسودان
القصة بايخة و تسويق لجرايد
ماعلاقة الخبر بالمجموعة التى زاع صيتها نما للسقر والسياحة التى يولى ادارتها بدرالدين عبدالمعروف — المريب العجيب —ويراس مجلس ادارتها الحاج عطا المنان — وفيها عباس عمر حسن احمد البشير اخو الرئيس والطفل ال57مجزة الطيب العطا وهلمجرا …………. ياخبر الليلة بفلوس باكر ببلاش وربك يستر
العبو غيرها واحد حرامي معاهم رفض يقسم معاهم
هاها
والله الكبزان ياكلو النبى ذاتو
كيف محتال يحتال على ائمة الاحتيال؟
تحسين صورة سودان الكيزان لاغراء باقى الاعراب انو البلد فيها خير و هى ناشفة بلاط
الزول معرف يمني متجنس قطري عامل عمايل غي البلد اشتراء شركات بترول ونجي انت بيتك في الرياض ترهنوه ليه عشان يشتغل ويديك نسبه بيوت كتيره ختتباع لانه ياخد الرهنيه ويحولها دولار ويسفرها بره والغريب في المكتب مشغل 22 بت عامل فيها رجل اعمال
زول صعلوك ساي اكيد وراه كوز معفن
فيما مضي كنا اذكي شعب في افريقيا والوطن العربي لكن الان اصبحنا من اغبي الشعوب اذا كان العرب
فيما مضي كنا من اذكي الشعوب ولكن الان اصبحنا من اغبي الشعوب اذا كان من قمنا بتعلميهم يحتالون علينا بهذه الطريقة الفضيحة الواحد يضحك ولا يبكي