السوداني علي أحمد يحكي قصة تحوله من ( علوية) إلى ( علي)

بتاعين الشمار اللي شافوا الفيديو دا 3034 أنا رقم 3043 لأننا بتاعين شمار وشمارات

اسه لو كان الفيديو دا حاجة تانية نفر واحد يشاهد ما في

الحمد لله الذى عافانا مما ابتلى به كثيرا من الناس

هناك حالات مشابهة في السودان منذ عشرينات القرن الماضي، ولكن لأن الإعلام ووسائطه لم تكن بتلك الكثافة فقد عاش أبطالها قسراً وسراً في عوالمهم المخالفة لطبيعتهم.

طبعاً تحول علوية إلى علي لا يشبه التحولات التي يقوم بها البعض في الغرب وهي عمليات تحول لرجال كاملي الرجولة أثروا التحول إلى إناث أو العكس (ترانس سكس).

نتمنى للأخ علي حياة زوجية سعيدة كما نأمل من جميع من حوله تقبل الأمر ومساعدته في اجتياز تلك المرحلة الصعبة خصوصا وأن تحول المرأة إلى رجل مستساغ أكثر من تحول الرجل إلى إمرأة في مجتمعنا الذكوري الذي يعج بقواعد سلوكية ضاغطة مخالفة للكتاب والسنة.

أها قمنا على الكلام الما بجيب مريسة الجنة .. والله كان تفضل علوية(أقلي شي يكون دينك نص)

أمنياتي الصادقة لإخينا علي بحياة هادئة موفقة يحقق فيها آماله وطوحاته .. ,احيي شجاعته وصموده ومواجهة الواقع بجسارة .. فلك الله يا علي ومنا صادق الأمنيات والدعوات ..

==============

تعليقي على السيد المذيع عادل سيد أحمد .. والله شي مخجل ..ملاحظاتي كما هو حال الكثير من مذيعينا (اللامعين) .. اوردها في بعض النقاط وأتحفظ على الآخر:

أولاً ..
الشوبار ..بتتكلم كتير وبتخت الكلام في خشم الضيف قبال بقولو .. سألت سوال .. خليهو يجاوب ياخي .. لا سيما وإنك بتتعامل مع شخص مثقف ومتعلم .. يعني ما محتاج تترجم ليو سوالك البالعربي للغة العربيه

ثانياً ..
اتعلم اقعد كويس .. لمن تكون قاعد في بيتكم ولة في حجر جمب البيت أقعد زي ما داير ..

ثالثاً ..
اتعلم ألبس كويس .. ودي ما دايرا شرح

رابعا ..
كما الكل .. بتتكلم بي يدينك كتير .. ولمن تهداء .. يا خاتي يدك في خدك (متمحن) .. يا قدام وشك .. الأمر يحتاج إلى وقفة للتعلم ..

البرنامج كان من الممكمن أن يكون ممتازاً لا سيما في وجود صاحب التجربة الأخ علي .. ومداخلة الطبيب المعالج الدكتور عماد الدين .. إلا أن سطحية مقدم البرنامج أفسدته تماماً .. وانحصرت أساتلته في اسالة ونسة عادية جوار الملجة ..

يعني علي قال كان مواعد ليو زول الساعة ستة صباحاً واتحرك من الكلاكلة .. إنت مالك ومال كان مع صاحبو في الكلاكلة ولة كان بايت في الموقف .. الإشارة إلى مكان وجوده جائت لتوضح إهتمامه وحرصه وتحركه قبل وقت كاف من مكان بعيد ..
تقوم تسالوا كان مع صاحبو ساي .. ياخي بالنسبة ليك قاطعتو بدون ما اي زول يستفيد أي حاجة .. لانو ما حتغير شي لو كان مع ما صاحبو .. وأقول الله يجيبك يا طولة البال ..

سوال تاني .. عملت شنو .. يعني برنامجك شنو كان بعد ما كلموك بالنتيجة .. لا طوالي يعني .. ياخي ارحمنا ياخي

بعدين ما حصل شفت لي زول عاقل بخت الكلام لي زول في خشمو بالزات لو كان الضيف بيتكلم عن مشاعر وإنفعالات داخليه خاصة ..

لولا مقدم البرنامج لكان الأمر أنجح .. ولكن شوباره أسققط البرنامج بنسبة لا تقل عن 80%