بلاغات فى مواجهة موسي هلال بتهمة القتل و التجسس وتقويض نظام البشير والحرابة.

انا ادعم المدعي العام ولكن ماهيه الاليه التي يحاكم بها المدعي عليه وهو يحكم محليات بقوة السلاح الذي وجهه الي من سلحوه به في الماضي اظنهم الان اتصح لهم عدم صواب اضعاف الجيش النظامي وتقوية الملشيات بمسمياتها المختلفه والجزاء من نفس العمل

نرجو من موسي هلال ان يوضح موقفه اما مع المعارضة او الحكومة‎ ‎

يا دوب،،، الظاهر موضوع ام جرس حا يكون فيهو يا ما تحت السواقي دواهي ،،،،

ملعون أبوها بلد
بلدنا بقت مرتع للمجرمين واللصوص وقطاعين الطرق ، شي دفاع شعبي وشي جنجويد ومليشيات وعصابات تتقاتل وتحترب ، ومافيا وعصابات تنهب وتسرق في المال العام ، وخراب ودمار ودماء في كل مكان ، الله ينتقم منكم ياكيزان الشؤم ، الله يدمركم زي ما دمرتوا بلدنا

ابوساطور صدر حكم باعدامه وصدر امر بالقبض عليه في كل الصف وفي النهايه تم تعيينه نائب لرئيس الجمحوريه دون نقض حكم الاعدام من المحكمه.دي لعب ومهازل

قنعو منو خلاص ولى أيييييييه

أكيد اختلف البشير مع موسى هلال في ام جرس فلهذا السبب اعلن فتح بلاغ ضده

طبعا مافي خيار وفقوس بس ورونا متين النطق بحكم الاعدام طبعا ما حيكون في تنفبذ ويا حضرة المدعي العام طالما دقيت صدرك وبقيت حمش افتح بلاغ في كل من البشير وعبدالرحيم وهارون والبقية عشان نشوف الرجالة الجد شرط قبل ام جرس الثالثة

المدعيين العامين الحكوميين ديل كانو وين طيلة ال 24 سنه المظلمه الظالمه دي ؟؟؟؟؟؟ طيب لو حتقدم دعاوى يا مرتشي يا عام ؟؟ قدمها في كل رموز النظام ؟؟ يا رمز عدالة السجم في بلد الرماد ؟؟؟ يحيا الشعب ويسلم الوطن ؟؟؟ اكيد we should kill the ghost asap

ليس موسى وحده متورط في جرائم دارفور و من وجه موسى حتى ارتكب جرائمه القديمة و الجديدة .
من فتح البلاغ ضد موسى هلال لأن فتح البلاغ ضد اي فرد من المتورطين في الجرائم كان ممنوع ان تفتح بإسمه بل تفتح ضد مجهول حتى يدون بلاغك فحكمتكم هذه محكمة سياسة و تستخدم عن اللزوم للعصاة من المؤتمر الوطني.

والله نحنا بنقيف مع اى حد هدفة تقويض نظام الكيزان والاخوان الشياطين موسى هلال او حتى على عثمان نفسة ماعندنا مشكلة مع اى شخص موضوعنا (نظام التمكين المجرم المتاسلم) يغور فى ستين دهية ..

اها وبعدين؟؟.. بتقدروا تعتقلوه؟ تستجوبوه؟ تحاكموه؟.. جريمة القتل عقابها الإعدام وحدّ الحرابة القطع من خلاف والنفى من البلد!!.. الزول ده اغدقتوه مال وسلاح عشان يحارب ليكم حدي ما بقى شوكة قوية تهددتكم انتو ذاتكم.. في زول بربي مرافعين ويوهم نفسه بانها كلاب اليفة؟؟

رئيس الجمهورية يجتمع مع موسى هلال، والمدعي العام يتهمه بالخيانة العُظمى!!. واله حيرتونا.
طيب ما تحاكموا وتسجنوا رئيس الجمهورية بتهمة التفاوض والتخابر مع عميل أجنبي، مثلما سجنتم الكودة وصديق يوسف، عندما وقعا وثيقة الفجر الجديد مع الجبهة الثورية.

نوسي هلال تمشي عديل تسجل اسمك في الجبهة الثورية و توقع علي منفستو الجبهة و ميثاق الفجر الجديد
موضوعك بتاع المحكمة الجنائية ممكن الشعب السودان يقبلك شاهد ملك عشان تفضح الجماعة الورطوك و فكوك عكس الهواء .

كلام للاستهلاك السياسي وخداع للرأي العام لا يصدقه من في رأسه (قمبور).. وبالامس اجتمع موسى هلال مع البشير.. حيث لم يصدر عن ملتقى ام جرس مجرد ادانة او استنكار لما قامت به مليشياته من انتهاكات صارخة في سرف عمرة..علما بأن مليشياته تسمى (حرس الحدود) ويدعي النظام بأنها قوات تابعة للقوات المسلحة…
** كما لم يصدر أي بيان حتى تاريخه من (الناكر الرسمي) بخصوص انتهاكات موسى هلال.. وما تقوم به أيضا مليشيات الجنجويدي حميدتي بما تسمى قوات الدعم السريع..

******** الموضوع برمته لعب واستفزاز واستهتار بالرأي العام********

من اين اتي هذا الموسي وماهو اصله واصل قبيلته,هل هو امتداد للقبائل النوبيه في الشمال, السودان تاريخيا سكانه القبائل النيليه في الجنوب الشلك والنوير والديمكا وفي الشمال النوبيين والبجه سكان جبال النوبه نازحين من النوبيين في الشمال النيل الازرق زنزج في الاصل قبائل الغرب زنوج في الاصل من اين اتي المحاميد في الشمال والوسط قبائل عربيه نازحه من الجزيره العربيه وشنال افريقيا العربيه افتونا , مل واحد عمل ليه عمه وعمل فيها سيد البلد

يجب على موسى هلال اعلان موقفه الآن هل هو ضد النظام أم معه وبوضوح تام وما موقفه من التهم ان صح الخبر،ونرجو من مثقفي الوطن وأخص بدول المهجر والخليج بتدشين حملة اعلامية وطنية مفادها لا للتدخل التشادي في حل قضية دارفور الحل يكون في داخل الوطن تحت مظلة حكومة قومية نزيهة تضم أيضا عدد من من الأسماء الوطنية الشريفة أصحاب الكفاءات التي اشتهرت بنضالها الطويل ضد الأخوان المتأسلمين”تجار الدين” من أجل الوطن.

حيث عودتهم ومشاركتهم في حكومة انتقالية ستجلب عدة تبعيات المحاسبة،الأستقرار،وعودة أبناء الوطن للوطن.

المحكمة الدولية لم يمتثلوا ويقفوا امامها..ماذا تعنى محكمة دارفور بالنسبة لهم .. هل يعترفوا بها ؟

اها بركاتك يا شيخ الترابى من أول مشوار غرب السودان فى طريقه لانفصال مؤكد

1- نحتاج حوجة ملحة لقوة وطنية وشخصيات وطنية قومية ورموذ حتى ولو كانت متأكلة وعلينا نفض الغبار عنها وتلميعها نحتاج الى سحب عقارب الساعة لما قبل الانقاذ خلينا فى الخيارات المتاحة حاليا” صادق ومرغنى وهلما جرا و مافى زول يتكلم باقى البلد حيضيع.

2-عبر بحث طويل لجذور دارفور منذ نشاءتها الحديثة بعد استقلال السودان كانت المحصلة اننا نحتاج لدارفور بقدر ما تحتاج دارفور الينا ومصرينا واحد ومستقبلنا واحد واى تجذيئة او حلول خارج الاطار القومى الشامل يعنى ضياع دولة السودان وحروب داحس والغبراء.

3- هناك معلومات تحتاج الى البحث والتقصى تدور حول وجود شخصيات انقاذية نافذة تعمل لمصالح اجنبية وقامت بتنفيذ اجندة وسياسات تخدم هذه المصالح.

إذا صح الخبر فالبلد فيها أكتر من قبطان والسفينة غرقانة. أيام المفاصلة الشهيرة قال البشير مبررا إقصاء الرئيس الآخر الترابي ” ريسين غرقوا المركب.” الله يستر.

هلال مجرم ولا برئ مش مهم والمهم اولا ليش في توقيت دا بذات وثانيا الوزير قبض كم من
كبر مقابل التشهير ثالثا شيخ ولا ممكن الفكي ياسر دا لو سالوا عن احداث سرف عمرة متين ولا احتمال سمع اليوم

http://www.hurriyatsudan.com/?p=39911

(حريات)
اعاد مهتمون توزيع استدعاء وكيل النيابة الأعلى بنيابة الجرائم الموجهه ضد الدولة محمد فريد للمتهم الهارب الحاج آدم (مرفق).
ويشير التحول الدرامي للحاج آدم من متهم هارب الى نائب رئيس جمهورية في مدة وجيزة، اما الى عشوائية أحكام الإنقاذ القضائية، وعدم استقرار نظامهما السياسي، او ربما الى تخريبها للحياة السياسية، ولغمها بالغواصات الأمنية !

الحل هو القناة الفضائية
لا تحرثوا فى البحر
لن ينفع كل هذا التخبط بدون قناة فضائية
و يدعى لها اهل النظام حتى يفضحوا انفسهم بأنفسهم
هيا يا شباب تبرعوا
شوفوا كيف الطريقه
حملة تبرعات فى احدى الدول

الأمريكان صادقين وقد صدقوا بشأن وثيقة الدوحة التى وصفوها بأنها ماتت وشبعت موتا،،

هم يرون ما لا نرى،، ويعرفون ما لا نعرف،،

والعريس التجانى سيسى شارك فى الجلسة الختامية لمؤتمر أم جرس،، ظل صامتا خلال المداولات وكأنه ينعى وثيقته المضروبة،،

والمحكمة الجنائية تراقب ما يحدث فى دارفور وجنوب كردفان،، وتسجل الأسرار وأسرار الأسرار،،

على المدعى العام لجرائم دارفور فتح بقية الملفات،، وأبرزها مجزرة سوق قرية تبرا غربى الفاشر حيث بكى غازى صلاح الدين ومحمد بشارة دوسة أمام جثث 57 قتيل ومئات الضحايا وقرية محروقة بكاملها بنيران الجنجويد فى نهار رمضان،،

ومينى ميناوى أطلق صرخة إخترقت صداها قلوب الكثيرين الذين كتموا ذلك السر،، جمهورية …..،،

وأمريكا تراقب،، وفرنسا تتحفز،، وبريطانيا تتاوق خلف أمريكا،، والبشير ممنوع من دخول الإتحاد الأوروبى ،، والسعودية صابرة صبر الحليم الباطش لمراهقى سياسة الإخوان والمؤتمر البطنى،،

نحن فى القعر يا سادة،، ليس تحتنا تحت.

الخوف كل الخوف بأن يقوم موسى هلال بتشكيل محكمة ويجيب المدعى العام لجرائم دارفور ويحاكمه فى عاصمته كبكابية!!!!!!!!!.

دي بركات الشيخ الترابي أصابتك يا هلال وزمنك إنتهى بعد عودة التعيس لخائب الرجاء وإكتمال كل أجزاء الإنقلابيين ، وستعيش بين سندان الحكومة التي كانت تدعمك ومطرقة الأهالي والحركات المسلحة ، وبكره أكيد بتجيب الزيت ……….

يجب محاكم كل شخص أجرم في حق هذا الشعب الطيب في إي مكان من السودان ويجب علينا كذلك أن لا نستخدم المحاكم لأرهاب وتخويف المعارضيين السياسيين ، من بدع حكومة الأنقاذ أنها تستغل المحاكم لإرهاب المعارضيين هل تتذكرون محاكمة السيد/ أدريس البنا ومحاكمة وزير التجارة الحالي السيد/ عثمان عمر الشريف في بدآية عهد الأنقاذ عندما كان سعادة الوزير معارضا، هذا الرجل المسمى موسى هلال هو واحد من أدوات النظام الباطشة بدارفور و الظاهر كده الجماعة أوقفوا عنه الدعم !! قام طوالي بقى متمرد!!

شكرا جزيلا اخ يحي علي الاهتمام بالرد وايضا علي المعلومه

يا ناس دارفور المدعي العم دا مابعرف غير الوقائع القدامو لو اتهمتوا ابوهو بدليل بكلبشوا ليكم لذا عليكم بدعمه وشكله مابيطول كتير لأنه زول خطير خاصة لو فتح ملف سوق المواسير

ههههههههههههههههههههههههه.
(كلب كم لاقو مع مرفعين بخت أرنب).
ويا بخت الشعب السودانى الفضل… زمااااااااان يا هلال قلنا ليك انت دورك لدى اسيادك المؤتمرجيه انتهى ومصيرك الحتمى ان تسبقهم الى جهنم..

بلاغ المدعى عباره عن تمهيد: أرادو ان يعروك وفد كان، يعزلوك وقد كان ومن ثم ي ص ف و ك وسوف يكون.

لك ان تختار يا هلال:
إما أن تستسلم لأسيادك الذين هم أولياء نعمتك ليصفوك شر تصفيه بمزاجهم ويستمتعوا بقتلك كما أستمتعتم بقتل أهل دارفور أو أن تبقى على ما أنت لتلاقى مصير القدافى.. والأمر عندك سيان.
وبالمناسبه يا هلال انت والبشير وووووو مصيركم أسوأ من القزافى… اللهم أجعل بأسهم بينهم شديد.

ما تنغشوا , ده سناريو محبوك ! و نحن الان فى مرحلة تمكين موسى هلال من إختراق الحركات المعارضه !

بالعربى المقصود هو ( إذهب للمعارضه جاسوساً و عميلاً و سوف نذهب لنعاقب الشعب نهباً و تقتيلاً !