وفق بيان لأسرته : الترابي يتعرض لأسوأ اعتقال منذ 1969

الحمد لله الذى بنعمته تتم الصالحات. الاخ حسن الترابى واسرته الكريمة لكم التحية والاحترام.يقول المثل (ديل الكلب عمرو مابتعدل) فالحزن على ما جاء من افعالكم مضيعة للوقت فانصحكم بالرجوع الي ربكم واطلبوا التوبة النصوحة وتفرغوا للدعوة………….الله يعينكم………..

إنطلاقاً من مبدأ راسخ لنا في الحياة ارفض أي أعتقال لأي كائن من كان دون وجه قانوني ودون تقديمه لمحاكمة، ولكن إن الترابي الذي ينعم بإعتقال في غرفة ضيقة وغير لائقة كما اتقول اسرته ، عندما كان في السلطة كان يحبس ما يفوق العشرين معتقلاً في غرفة مترين في متر في البيوت سئية السمعة التي كانت تسمي ببيوت الأشباح !!!! لقد نسي سيد ترابي عندما كان يحفر حفرة السوء تلك ان يوسع مراقده فيها كما جرت مقولتنا السودانية البليغة…إنه يحصد ما زرع في الدنيا غير الذي ينتظره من حساب الآخرة

يمهل ولا يهمل يا وصال …. إنها دعوات من ظلموا ….فادع أنت على من ظلم الظالم ….

دي ماااااا عمايلك , عمايلك اوقعتك في الانت فيهو ده
دي ماااا تربايتك , ديل هم الربيتم, حقو بالاول تلوم نفسك , وترجع تحاسب نفسك قبل ان تحاسب!! ,,, واللا رايك شنو في : (حاسبوا انفسكم قبل ان تحاسبوا)) رايك شنو ؟؟

الله يكون في عون الشعب السوداني الفضل

One day i hope ..just some hope to hear good news from our country …its seems this is very remote….this is VERY WORRYING and make you fell DISGUSTING

،وطالبت بالتحقيق في مسألة «التفتيش الشخصي الذي يتعرض له الترابي» كما طالبت بالسماح بإدخال اوراق واقلام لممارسة هوايته في الكتابة.
انتهى
طبعا ضحكت لما اغمى على من هذه السذاجه….التفتيش الشخصى اصبح تعذيب…يعنى الشهيد على فضل اتفتش لما نفسوا اتقطع….اما الورقه والقلم فهى لجرد الحسابات اللى فى البنوك لأنهم شعروا بأن الراجل حا يستحم خلآص…ولآ يلدغ مؤمن من جحر مرتين زى ما حصل فى المائتين وخمسين مليون دولار اللى طارت من المؤتمر الوطنى و ركت عند آل التهامى.

عجبني ليك وسرا بالي عشان أنت الزرعت الفتنة دي في السودان , يلا ضوق عمايلك وشاحدة ربي يطول في عمرك وتتعزب لحدي ما تقول الرووووب وما تلقي الينجدك :lool: :lool:

لله درك يا أيها البطل الهمام..لا يهمك ما يفعله هولاء العيال ..إنهم ناكرون للجميل ,أتيت بهم و أردت إصلاح ما أفسدته الحكومات السابقة ,فخانوك و أنقلبوا علي,.وجعلوا الدولة حصراً على قبائل بعينها.لا تأبه لما يفعله هولاء ..
ولا تنسوا يا أسرة الشيخ ,إن الله دوماً يبلى الصالحين و الفاهمين بهذه الأشياء ..لا تقلقوا عليه ,فللشيخ رب يحميه ,,إنه سوف يخرج من السجن قريباً و سيسود قومه كما ساد يوسف..

تستاهل يا ابو اعفين

ديل ما اولادك من لحمك ودمك البيعملوا فيك كدا

بس يا جماعة كلنا شايفين الشيخ دا شدعان قاطع القرش . . . . بس عشان ما نقعد نتغالط ، يعني من يوم اعتقلوه ما شفنا ود مقنعة قال بغم ولا عارض النظام ! ! يعني يا جماعة الخير نقعد نشتم في الشيخ الترابي في النت ! خلاص يعني اسقطنا النظام ؟ يعني ما شايفين مواقف زعماءالمعارضة الاخرين الان في الساحة ؟ يا عالم اتقوا الله . . . .

هذا طبعا جزاء سنمار..الترابي علمهم السياسة ..الترابي علمهم ولقنهم الغاية تبرر الوسيلة..التلاميذ الآن يطبقوا نظريات الترابي..لكن أعتقد أن جماعة نافع وراء القبض على الترابي..لأن الترابي صرح من قبل..عندما سئل عن التغير الذي لاحظه بعد خروجه من السجن ..فقال: وجدنا ناس نافع اصبحوا مستشارين..

والله عايز اقول لكل العرب والمسلمين انو دي فتنه في الترابي ولا غيرو والمفروض انو نخلي الشماته لانها ما من قيمنا ونحن لانعلمه من قريب حتى نحكم عليه اللهم الا في الإعلام . اخواني فلنحي روح الوطنية وحب الوطن فينا ولندع الخلافات التي لا تقدم ولا تؤخر وكل مخطئ سيأخذ جزاءه من رب العباد ,
اتمنى ان يرفرف السودان عاليا مستقلا قويا بكلمته وقوته واقتصاده ودينه واخلاقه وتماسكه الاجتماعي الذي اخشى ان تتسرب اليه ايدي اليهودية والمأسونية في ثوب الحزبية او الوطنية وغيرها . اللهم اجمعنا على الحق وانصرنا على اعدائنا ووحد كلمتنا ونور صدورنا بنورك . امييييييييييييييييييييييييييييييييييييييييييييييييييييييين يارب .