سلفا يحذر عائلته من إثارة «متاعب» له
الخرطوم: أحلام الطيب :
حذر الفريق سلفاكير ميارديت رئيس دولة الجنوب، أفراد عائلته من التصرف بسلوك يسيء إليه، وقال في اجتماع عاجل عقد مع أفراد العائلة عقب ضبط السلطات الكينية نجل رئيس دولة الجنوب في حالة سكر بنيروبي، قال «لقد كنت أطالبهم بضرورة التصرف بطريقة لا تسبب المتاعب للآخرين»، وطالب العائلة بتوخي الحذر «في حال تواجدهم في الأماكن العامة».
وأبدى سلفا استيائه من تناول صحيفة «الديلي نيشن» الكينية لحادث ابنه في نيروبي، وقال «من المؤسف أن لا تترك للعيش مثل أي شخص آخر».وأوضحت صحيفة «سودان تربيون» أن المادة «22» من الدستور الانتقالي لدولة الجنوب نصت على أنه لا يجوز تدخل أي شخص في الحياة الخاصة للآخرين. فيما انتقد عضو كبير في الحركة الشعبية ـ فضل حجب اسمه ـ سلوك نجل الرئيس، وقال «ما حدث يعد فشلاً من سلفاكير لإدارة عائلته وإنه انعكاس واضح على كيفية إدارته للبلاد»، وزاد «إذا كنت لا تستطيع إدارة عائلتك فكيف تستطيع إدارة ملايين من الناس».
اخر لحظة
نبي الله نوح لم يستطع ادارة ابنه ن عندما رفض الان سماع نصيحة والده…. يعني عصاه …. دعك من سلفا كير ابو طاقية!!!
مهم عندهم مصنع خمور البودي كينيا شنو
اي حاكم زيما يكون مسئول عن شعبه لازم يكون مسئول برضو عن بيته و اولاده و دي شينة في حق سلفاكير ان ولده يضبطوه في حالة زي دي
الا تعلم صحيفة اخر لحظة ان البشير قبل ان يستولي على السلطة كان يحتسي الخمر الا تسمع الحديث الدائر ان نائبه بكري حسن صالح يدمن تدخين البنقو لحد الشرهة
ياريت البشير كمان يجتمع بزوجته واخوانه ويقول لهم نفس هذا الكلام حتي لايسرقونا ونحن سكرانين من الجوع والمرض وهما الواعين فهل تنطق ياابوهولنا
شنو يعنى سكران ما الناس كلها قاعدة تسكر…بس الناس دايرين سبب مع سلفا بس خليكم موضوعيين.
جميل مجرد الإدراك بمثل ذلك السلوك، ويكفي أن يعلم الجميع أن سلفا يحرص علي سمعته وسمعة أسرته ويدرك تأثير ذلك علي موقفة أمام شعبه بل جميل متابعته لأخبار أسرته في الإعلام والصحف وتفاعله مع ذلك، عكس حكامنا الأماجد الذين نشك أنهم يقرأون، وإذا قرأوا نشك أنهم يفهمون، وإذا فهموا نشك في أنهم يحسون أو يشعرون
هو ولد سلفا دا مسلم ! شنو سكران ! ماعندهم عااااادي في كينيا الناس دي كلها بتكون (لط )بل في بعض المناطق الدوام بيبدأ الساعة العاشرة عشان تفك السكرة البايتة الحاميهو شنو جني سلفا دا في الجو الاستوائي دا مايكون لط عالم فاضية صحف مالاقية موضوع تتكلم فيهو بس
يعنى الولد مايفطر ولاشنو !
السلطات الكينية ارادت ان تحرج الرئيس سلفاكير ليس الا ,لان كينيا تعد من اكثر البلاد المتفلتة اخلاقيا فيما يختص بالسكر و التسيب الاخلاقي
اتمني للشباب ان يتوب ويعود لرشده
مافي جديد في الموضوع ماسلفا زاتو في إجازة نهاية الاسبوع بقيف لط , هذا الشبل من زاك الاسد هههههههههههههه كينييين فضيحة و هسي كدا ست العرقي الشرب منهاالولد فقدت زبون مهم .الله يجازي اللكان السبب .
دي حاجات خاصة مامفروض شخص يدخل فيها وده من الاتوكيت
حقيقةً فاقد الشي لا يعطيه إذا كان رب البيت بالدف ضاربا فشيمة اهل البيت الرقص و الطرب
انت يا سلفا ولدك م قدرت ان تحكمو كيف لك ان تحكم شعبا باكمله
اظنو عرقيهم قوي الواحد فكر في خفسه نيروبي اسبوع نستمتع بي ابنت الكرم ونرجع.
القصة ما كانت سكرة وبس لكن شكلة في البيت ودا الجابت ليها بوليس .أكان للسكرة والله كمان تحت حماية الشرطة مش في كينيا بس . شوفتو المملكة الأردنية الهاشمية ، أها دا كمان فيها 182 نادي ليلي . يعني الموضوع ما إسلام ولا مسيحية زي جماعة الهجرة والتكفير بدأت تتفشخر !! الله يطولك يا روح . الناس في شنو والحسانية في غرف البلاعة .
الوافقة بجواره في الصورة مرته؟؟ ولابسه كده ليه … ؟؟؟
دي اظنها سكرة يني البخليك تمشي وتغني