أخبار السودان
ولاية الخرطوم توقع اتفاقاً بـ(40) مليون دولار لتوريد بصات صينية
الخرطوم: حوازم مقدم
أعلنت ولاية الخرطوم عن توقيعها لاتفاق بقيمة (40) مليون دولار مع مجموعة يوشان الصينية لتوريد (473) بص جديد ماركة يوتونق بتمويل من المجموعة الصينية.
وقال مدير عام هيئة تنمية الصناعات والأعمال الصغيرة عبد السميع حيدر إن هذه الدفعة تجئ في إطار الخطة المعلنة من الولاية بالتحويل نحو سعات النقل الكبيرة بزيادة أسطول البصات معلناً أن هذا العدد من البصات سيسهم بصورة كبيرة في حل ضائقة المواصلات مشيراً الى أن الدفعة الأولى من هذه البصات ستصل خلال (3) أشهر لتكتمل البقية في دفعتين أخريين مشيراً الى أن هذه البصات سيتم تمليكها للمواطنين الراغبين عبر شروط ميسرة.
الجريدة
******** البصات ماسووووووورة ايها المواطن *******
سيتم تمليكها للمواطنين بشروط ميسرة بس ما تكون مواسير من النوع التخين وبعد في عقد التمليك يوضع شرط الضمان اصلو انتو ما مضمونين
الـ40مليون دي بتعادل 200 مليار جنيه دي مفروض تجيب 1000 باص علي الاقل نشوف ح يصل كم واحد منهم
ممكن يحسبونا من ضمن الملاك حيث أنا لا أنتمي لاي حسب سوي أني سوداني حتي النخاع ولا أقبل أن أمتلك وحدي، حيث أنني من الاصل لا أملك من الدنيا سوي رزق اليوم باليوم والزي كثير ممكن نتشارك حتي ولو في لستك الباصات أو حتي أريل الراديو بتاع الباص أو المرايات كي نشوف الناس اذا تمت الموافقة أرسلو ليه على الميل كي نجمع فلوس الباص جنيه جنيه أنا ومن معي من الشعب ولا نقول ليكم نأكل بيها همبرجر بعد أن نكون جمعية وكل شهر ندفع جنيه و البيأخذ الصرفة يأكل همبرجر أصلو زهجنا من الفول الما لقينو حتي سندوتشات ولا أقول مصو من دمنا كان لقيتو أي قطرة دم في الكادحين
غايتو الكيزان زول يشتري منهن شيء ندمان ندمان .. ماهم إلا أبالسة لو كان في فائدة بالجد كان ملكوها لي ناسن .. ميتين في المية ماسورة وارد كبر …
هذا هو الفساد بعينه ياتون بالباصات ويوزعوها علي المواطنين بالاقصاد ، وهاك ياتعب السواق يقعد يلف العاصمه كلها وآخر اليوم كيس سلطه والباقي القصد يعني داير ليه (10) سنه حتي يكمل القصد وبعدها يودي البص علي التشليح علي طول وتبدأ من الصفر ده كان اساساً مادفعته وحصلت ليك ظروف طبعاً ابو زعبل علي طول ؟؟؟؟
ايها المواطن إحفظ نفسك من هؤلا إنهم لا يريدون منك سوي ان تكون وسيله لجلب المال والدخل اليومي بالنسبه لحكومة الولايه إياك ان تكون تلك الوسيله الغزره !!!!!!!!!!!!!!!
انا شخصيا ضد تمليك بصات كبيرة للمواطنين خاصة البصات الصينية زات المكنة فى الخلف اولا البصات دى تحتوى على عدد كبير من السيور يعنى المفروض الواحد يشترى بص ومعاه محل اسبيرات لاننسى الشركات المشغلة للبصات حتى فى الصين تعانى من الاهلاك العالى وصلاحية البص فى الصين 5 سنوات فقط فى خدمة النقل داخل المدن ولاننسى انها مدن زات مواصفات عالمية فكيف لمواطن سوانى يرجى عائد لنفسه وللسائق وللبص وليست هنالك طرق تحافظ على سلامة البص وليست هناك قانون يحمى مالك البص من السجن فى حالة الاعسار او سحب البص
البصات يجب ان تدار بواسطة شركات زات ورش صيانة متكاملة للصيانة اليومية الليلية وشاحنات السحب لخدمات طوارئ البصات غير ذلك يعتبر الامر مجرد مفسدة وهنا ينطبق على المشترين القاء النفس فى التهلكة اللهم هذه نصيحتى كشخص لصيق بهذا المجال
الصناعات الصينية رديئة الجودة ومدخل للورطة
سلموا لي على القطر الخرج من مساره في اول يوم.. هو أخباره إيه ؟!
مااااااسورة مصديه ومﻻنه اخرام … ذي كوز المزيرة القديم المقدد .. احزروا ثم احزروا
انه الفشل المغنن
عليكم الله كم مره جلبتوا باصات الباصات السياحيه وباصات الوالى وطلعت خربانه كذبوا عليكم بعدما استهلتك عملوا ليها دهان وباعوها ليكم والان خربانه
وباصات تاتا وباصات وباصات عملتوا كل التجارب
عندكم مصنع جياد ليه لو انت انسان وطنى وبتحب الوطن من ال 40مليون دولار اشترى بها من جياد
ليه بتشتروا الباصات الخربانه وسريعه العطل ليه اوقفتم الاستيراد ومنحتوا الى اقربائكم ونخب المؤتمر الوطنى
والله العظيم مش عارف حا تمشوا من ربنا وين اله ينتغم منكم عاجلا يارب بحولك وقوتك
اعملوا حسابكم البصات دي مواسير زي بص الوالي. بتموت ليكم في يدكم قبل الاقتصاد ما تخلص. اني لكم ناصح امين