ارجوا الله في الكريبة
ارجوا الله في الكريبة
أسماء الجنيد
[email protected]
سلام يا الحبان في كل مكان
نرجا الله في الكريبة , مثلنا الشعبي البسيط في العبارة وعميق في معناه
من شبينا بنسمع بيه وكتير منا لم يري بأم عينه قرية الكريبة الحبيبة بي اهلها وحبانها .
لكن الظاهر البرجو الله في الكريبة زاد عددهم وظنيتو كمان ناس السودان كلهم بتوجهوا لي الكريبة , عشان كده بناغم اهلنا في الكريبة ? يوسعوا الدارة ويكتروا عناقريبا . ويسولنا نشاء بي محريبا , تفك الريق ساعة الضيق.
من البنشوفوا وبنسمع بيه كل يوم من الوضع الحاصل في البلد , وبعد إختلاط الحابل بالنابل , وسقوط حزب كامل وتدحرجه للقاع بسبب شيخهم الكبير الكنا فاكرنو ركازة قبيلته وحزبه , يرنو له شباب الإتحادي بعشم باكر وامل ناضر ,, دايرنو دليل المستقبل و الحاضر ..
دراج العطالى وفي الضلام منارة , لكنه للأسف الشديد خيب آمال كل الإتحاديين وشمت فيهم العزال , واولهم الحزب الإنتمى ليه بلا خجلة
اول الشمات هم زات نفسهم ناس الحزب الركع ليهم بلا هيبة وبلا مراعاة لسمعة الحزب و لمنتمي الحزب من شيوخ ونساء وشباب دماهم تغلي , ينظرون للتغير ومشاركة حزبهم في تغيير الوضع الراهن , مش مشاركته لحزب اعلن التمرد والإنشقاق والحرب على ابناء بلده , شرد وعذب ونهب اموال المواطن البسيط ,, والمغسة يا مولانا الميرغني إنت جيت في الوقت الضايع وفي لحظات فرفرة المذبوح وخراج الروح, يعني إنضمامك لي المؤتمر اللآ وطني في الزمن العسير ده , سقطة ووصمة عار في جبين الإتحادي حا تظل تبراه إ لي ما شاء الله , غير كده ما منها ايتها فايدة , والجماعة المرمطواسمعة البلد من 22 سنة , إنت جيتك دي محسوب معاهم وبقدر ذنوبهم الفي جلدهم ياها المتعلقة فيك اكتر منهم كمان , يعني لو مشوا الليلة دي ? إنت السويتها بقت خلاص وإندرعت في عبايتك وعباية الإتحادي المكلوم على القرار القصم ضهره وصغرهم في نظر كل الناس بي سبب تصرفك الغريب في الزمن العجيب !!!!
الوجعة إنضمامك ليهم بعدما إنكشفوا للبعيد والداني , لأنه غير إنه يسقط سمعة حزبك وإسمك ما منها فايدة ترجاها تـــب …
غايتو يا اهلنا ده واحد من الفروع الكانت خدرا وعودها يانع وقوي و الدايرنها تثمر وتجي تعمر البلد , اها نشف في عز الخريف وخذل ناسوا وكل الأحزاب والغير منتمين لي أي حزب .
ورغم المغاييس دي كلها برضو الشعب ساااااااااكت وبعاين بي عيونو , ولا بختف أي حاجة !!!
ما معروفة المرحلة الجاية دي يحصل فيها شنو ؟ ممكن ببساطة هذا اللأ وطني يملص جلد الدبيب الكان لابسو ويدرعوا في عباية مولانا الوقع في الشرك السام بي إرادته .
عشان كده كلكم ارجو الله في الكريبة …
متاوقة ..
ــــــــــــــــــــ
والله يا مولانا الميرغني لو كان قام ليك البشير من كرسيه بعدما خرب البلد. ما كان تقبل وتنضم ليهم وتضيع سمعة حزبك بالقرار الغير صائب ده , والما معروفة عواقبه شنو! عشان كدة إنت زاتك الكريبة محمداك محمداك
يمهل ولا يهمل
ودعتكم الله
مولاهم ده !!! مش الكريبة محمدااو ,,,,, ده الكترااابة راجياو !!!!!
الكريبة خليها تسع الجوه والبره كيف المشردين الكايسين الجنسية والمعونات
اصلو المصاروه مشغولين في ميدان التحرير فما لقي البقودو وقالو هسع اندس من شباب الحزب في الجنينه تحت حمايه ال=بوليص السوداني الكلو غرابه زعلانين منو من زمن حمله كتشنر والله يستر علي سيدي من عود القذافي
الدنيا عفنت وبقت جيفة وحاجة ما مفهومة ! بتاع سلم تسلم استسلم وحفيد من قال فيه ود سعد : الارض وهززا خجاها وركزا خجانا نحن
ايها الصيدلي الكريم اعطني درهما من عطر الزباد اطيب به خيالي
اخخخخخخخخخخخخخخخخخخخخخخخخخخ زي ما بقول صاحبنا داك
اها يا الحبوبه قنعتي من خيرا فيها ومنو الحيمشي معاك الكريبة والتانين الحيشاركو ما جبتي خبرم لييه والا حقيرتي في بقيرتي
عمك ابو المراغن قال وهو وجماعتو يحصلو حاجة يلهطوها سريع سريع اصلو البترول وطار فاضل عمو دهب كان يلقو ليهم كم طن منو
كان معتمدين علي الثورة الشبابية ولمن فشلت الثورة الشبابية قالو اخير نبطل العوارة دي اصلو نحن ماعندنا شعبية وماعندنا قروش زي الموتمر الوطني عشان نعمل شعبية بالرشاوي والاغراءات يله يا ناس الاتحادي كان نلقي شلية لكن الماسورة لو مالقو حاجة بعد يبقي الزعل
نحن مادايرين
إنطبقت عليه أغنية محمد جزار(السويته إنت غيررررررررك مابسوي)..ويلا لززز
هذاء المرغنى اتعود على الهط اكل قروش ناس كسلا وناس نهر النيل وهسع قال احسن الهط مع الموتمرجية خايفهم اكملوها واصلا عارف انو التابعنو ديل ناس بهائم سااىى ومابفهمو غير سيدى واصلا طالعين للزلة وعاش ابو هاشم:mad: ;(
في الطبقات ان جارية مصرية في مصر خرجت ( تنده) : يا ود مدني يا طاهر الشيبة جوهني وجوه الكريبة ! وهي لم تر السودان وليس هنالك كريبة اخري في العالم ! ولكن مدني السني هذا عندما هاجمه التمامي الكردفاني لم يجد الا ان يدعو الله ان يرميه في حمد الناحل ( جد الترابي ) الذي وصفه ب ( اب سما فاير ) . بعد تلاسن بين الترابي الكبير والتمامي استولي التمامي علي كافة الماشية في القرية ذبحوا بعضها والتهموها . قال ودضيف الله والعهدة عليه ان بطونهم انتفخت واخذوا يضرطون بعنف حتي اتوا بالجواري ليضربن الدلاليك لتغطي علي صوت الضراط ! اها حفيده جوعنا كلنا ومع ذلك خلانا نضرط من بطون خاوية ! ودي كرامة اكبر من كرامة جده ولا شنو رأيكم ؟ يا لتعاسة حظك يا وطن ! اححححححححححححححح واخخخخخخخخخخخخ ! علي قول الاخ داك
ده نقد ولكن بطريقه واسلوب كلام النسوان فى شراب الجبنه
اسلوب يفتقد لاحترام كل نضالات السيد الميرغنى ;) ;) ;) ;) ;)
يا سيد صالحين تمام كلام نسوان جبنة لكن الماشي ليه السيد مشاطات عديل
والله يا اخونا هجو انت ما فاهم اكثر من رجالات الحزب الاتحادى
حان للشعب السوداني ان يخرج دورة الحكم الخبيثه صادق مراغنه ترابي عسكر الي الابد ويحكم البلد المثقفين والمتخصصين و وضع دستور للبلد خلاص كفيايه خمسون عاما من الضياع بسبب صراع المهدي والميرغني علي الثروه وصراع طلاب الكليه الحربيه وطلاب اتحاد طلبة جامعة الخرطوم ضيعوا الشعب بالسماجات والترهات
السلام عليكم مرحبا بكم فى اى وقت فى كريبتنا فى الشدة والرخاء انا من الكريبة بالمناسبة اعرفكم بالكريبة هى (من اقدم القري بولاية الجزيرة وقد اصبحت حى من احياء ود مدنى بمحلية مدنى الكبري وقصة المثل ( ارجوا الله فى الكريبة ) كما يلى :-
يقال ان احد الشيوخ الصالحين من رجال القران كان من اهل الكريبة وانتشر فى فترة مرض فتاك يصيب الشخص يومين وفى التالتة بموت مرض قريب من الكوليرا اها وفتك بمعظم المواطنين بالجزيرة فهنا دعا هذا الشيخ وسال ربنا انو مافى زول من ناس الكريبة يموت بهذا المرض وربنا يحفظ اى شخص يدخل الكريبة اها لاحظ الناس انوا الكريبة اصبحت امنة من المرض ومافى زول اتفقد بهذا المرض فشعر احد الرجال الكبار فى احدى القري المجاورة بالمرض فما كان منه الا وان تحامل على نفسة بالقوة (وشدة حمارة ) واتحرك فصرخ فية ابناءة ماش وين يابا فقال ليهم خلونى ماشى (ارجا الله فى الكريبة ) وفعلا يقال انه وصل الكريبة وشفية من المرض
انطبق عليكم المثل
جابوه فزعة بقي وجعة
والمقولة
خيار أولاد أم خير والخيرن خير و……. خير من خير
البشير من زمان بفتش ليهو لحيطة مايلة ولقاها والميرغنى الغى كل تاريخ الاتحادى ونضالات الرجال الجد مش الاى كلام بهذة المشاركة المذلة والمهينة اطالب شباب وقيادات الاتحادى بسحب الثقة عنة ورميه فى مذبلة التاريخ الخوف من انضمام القبادات المعارضة الاخرى;( ;(