العقارب تهدد الحياة بمحلية بربر

Enjoy scorpion bits! !!

العقارب مسكينه كانت نائمه فى جحورها فى الصحراء فى امان الله لغا ية ما جوها المنقبين عن الذهب

حفرو كل الصحراء ونكشوا بيوتها وقتلوا صغارها فلازم تلجأ لمكان امن زيها وزى اى لاجئ .

عقارب تحت الارض وعقارب اخوانيه فوقها وهي الاخطر

انتوتلقوه من مين والأه مين من الأنقاذ والأ من العقارب.. والأتنين لدغتم والقبر..اليحفظكم من التانى الأول هين..

واللهالعظيم نحن مع حملات الرش لكل الافات والذباب والبعوض لكن العقارب ليس بالحجم الذى ذكر ولا بالتهويل الذى فى المقال لكى لانعكس صوره عن العبيديه انها بلد الافات والله العبيديه امنه باهلها والذى حصل هو قضاء وقدر والطفله نسال الله ربنا يجعلها سلف نافع لوالديها والحاجات دى فى العبيديه ذيها وذى اى حته فى السودان الملى بكل الحشرات الضاره والقاتله على مستوى السلطه والقياده فى هذا السودان الذى اصبح مخيف وكارثى فى كل شى

ربنا يصبر اهل الطفلة مزن ويعوضهم عنها خير ……….عشان الناس تعرف انو اهل الشمال النيلي المتهمين دائما انهم مهمشين باقي السودانيين هم هامش الهامش ذاتو وما لاقين ابسط مقومات الحياة…….ناس تنقب عن الذهب وناس تتلدغ بالعقارب بسببهم وحكومة همها كلو الضرائب والجبايات

زمان قبل حكومة الإنقاذ ماتجى كانت كل ولاية بتسير حملات رش نحن فى الرباطاب كانوا بيجوا لينا فى السنة مرتين ونسميهم ناس الجمكسين – يدخلوا البيوت غرفة غرفة لو عندك أكل أو ذره أو قمح تطلعه بره فى الهواء الطلق ويرشوا حتى العناقريب الكراب بدون فرش والعقارب والثعابين وكل الحشرات تموت ناس الإنقاذ حولوا ميزانية الجمكسين للسيارات الفارهة التى ستستبدل فى مرحلة فقر الإنقاذ بجياد – والله يا البشير حقوا كلكم تركبوا حمير مادام رئيس وزراء هولندا راكب سيكل إنتو حمير كتيرة عليكم
السبب التانى لتواجد العقارب بكثرة فى العبيدية بالذات لآن شرق العبيدية يعيش حملة بحث عن الذهب والحفارين ضيقوا على العقارب والثعابين وهجت والعقارب لمان تهج من باطن الأرض وهو رطب وبارد أكثر من سطحها بالفطرة تتجه غرب صوب النيل ووجدت البرودة والرطوبة فى البيوت – تمشى وين ؟ برضو عاوزين العقارب تغترب زينا
ديل والله ضيقوا مش على العقارب ضيقوا على كل مخلوقات الله

زمااااان كان الكديسة بتاكل الفأر وتقتل العقرب أما الآن الكدايس صارت لا تقوى على مقارعة العقارب والفئران وكل ذلك بسبب الخمول الذي لازم القطط وانسان بربر وولاية نهر النيل لعدم التغذية السليمة . ربنا يجعل الطفلة خير سلف لوالديها