جمال الوالي يحتفل بنجوم الدراما المصرية
الخرطوم عبدالرحمن جبر
وسط حضور لفيف من السياسيين وقادة العمل الاعلامي بالبلاد احتفل رجل الاعمال الشهير جمال محمد عبدالله الوالي بمنزلة مساء امس الاول بحي الصفا بوفد نجوم الدراما المصري الذين جاءوا للبلاد بدعوة من الاتحاد الوطني للشباب السوداني عبر مبادرة اطلقها الاتحاد لتعميق العلاقات بين الشباب المصري والسوداني .
واستقبل جمال الوالي ضيوف البلاد ممثلين في النجمة فردوس عبدالحميد ومحمد رياض في منزله واحتفل بهم بكل لوحات الكرم السوداني الاصيل ، وشكرته النجمة فردوس عبدالحميد علي حسن وروعة الاستقبال بكل هذه البشاشة العالية التي تعكس الكرم السوداني ، ودارت نقاشات مثمرة بين فردوس ومحمد رياض مع قيادات الاعلام بالبلاد وخرجت الليلة علي اروع ما يكون.
اخر لحظة
سبحان الله هو رجل الاعمال الشهير جمال الوالى رئيس فريق المريخ وعضو المجلس الوطنى والمشارك فى كل الفعاليات الاقتصادية والرياضية والسيادية والاجتماعية والفنية ما يحضر وفد زائر السودان والا تجد الرئيس طوالى أستلم الموضوع وهاك يا أحتفالات أش عشاء وأش شاى واش رحلة نيلية قبل فترة أستقبل الفنان الاثيوبى وأقامة حفل راقص واليوم الممثلين المصريين وسبحان الله الذين قالوا ما قالوا عن السودان بعد المباراة الشهيرة بين الجزائر ومصر والله مقولة الصحفى حسن مختار طيب الله ثراه فى السودانيين صحيحة السودانيين طيبين لدرجة العوارة فعلا اما الرجل الاعمال حقو يتم تنصيبو بجانب رئيس نادى المريخ ورئيس اتحاد الفنانين ورئيس اتحاد الدرما والتمثيل ورئيس غرفة التجارية والصناعية ورئيس اتحاد المزارعين ورئيس اتحاد الرعاة ورئيس اتحاد المصدرين ماهو الفريد فى عصرو الفات الكبار والقدرو
موضوع فارغ و مقدود – اعوذ بالله من غضب الله
قربت
افتونا نعمل شنو الشعب في وأدى وهم في وادى اخر ياهووووووووو الناس مادايريين المصريين والمصاروة لمن عجزو عن موضوع سد النهضة قالوا نجرب الدبلوماسيةالشعبية وقالوا الشعب السودانى والاثيوبى ديل ناس طيبيين نجرب معاهم الهشك بشك يمكن تنفع
طظظظظظظظظظظظظظظظظظظظظظظظظظظظظظظ في حلايب وقرى حلفا يا الوالي
بكرة تكرم الام المثالية فيفي عبده
هذا هو الضرب علي الافا . لقد قال صحفي في الستينات كل فنان مصري يذهب لاستقباله وكيل وزارة . والفنان السوداني في مصر لايستقبله ولا وكيل نيابة . هل ده وكته؟؟ المصريون اليوم يبلطجون ويشتمون ويهينون السودانيين . يحتلون اراضي سودانية . والوالي يقيم الولائم . هنالك 6الف طفل مشرد في الخرطوم يسكنون المجاري ويقتاتون من الزبالة .
العزومة الجاية في جهنم وبئس المصير إن شاءالله .
بس لمن يرجعو مصر ما يقولو نحن كعبين و ما اكلناهم و ما بنعرف نعمل المهلبيه – اولاد بمبه غير الشكيه عندهن شنو؟
والله ما طلعت زيتنا الا بعد ظهر اسم جمال الوالى ده فى حياتنا الله يخرب بيتك ياشيخ
وسخ بعضه من بعض والطيور علي اشكالها تقع
والله صدقت انحنا في وادي و هم في وادي ……. انا غايتو بعد يطيرو الحثالة ديل … خلو لي جمال الوالي دا ….. اصلو انا هلالابي
يا اخوانا اعرفو انو الناس ديل ضد تطلعات الشعب السوداني و يعملو علي احباطهو بشتي السبل .. كمان الليلة شايف بشة جاري واطي و بوصي في تاجر الاسمنت كرتي عشان يرصف الطرق المعبدة لتحسن العلاقة بين الشعبين الشقيقين … ولا عزاء للاحباش ….. و الله حقو بعد دا و كتاييد لاخوتنا الاثيوبيين نمشي نشيل كداحة المونا و نبني معاهم سد النهضة دا .. عشام يعطش اولاد العوالم ديل
جمال الوالي رجل علاقات عامة ناجح ولكن هل يستطيع التاثير على الراي العام المصري واقناعه بذكائه على كسر جبل الجليد الحائل بين عودة العلاقات الدبلوماسية على طبيعتها بين البلدين سنرى
معقول ياجمال…..قالوا انت كـــــــوز …. تا كــــل اموال الشعب … تنفقها ..وتبزرها ..في الفارغة …
قلنا ديل الهلالاب ..افاكين ..وحاقدين !!..لكن الليلة عرفنا حاجة .
تقوم تستقبل ..وتكرم …الناس البسئوا لينا؟؟ ….ويحتلوا جزء عزيز من ارضنا ؟؟
ويزلوا ويهينوا اخوانا ..واخواتنا .القاعدين معاهم هناك…………..
تقيف ضد رغبة وتطلعات الشعب ..ياخائن ؟
كرهتنا المريخ زاتو ياكــــــــــــــوز
نحن عارفين انو الهلالاب والمريخاب..ما بشوتوا مع بعض في اتجاه واحد ..لكن بعد ..دا نحن شايتين مع الهلالاب ..شايتين ضدك ..ياجيمي ..ضدك .وضد الحكومة الضد تطلعات ورغبات الشعب .
الزول دا القروش دي حقتوا يبعزق فيها يمين وشمال والله المصرين ليهم حق يحتلوا حلايب وشلاتين طالما في ناس زي الوالي ياخي خلي عندك حبه وطنيه واخيرا جمال اختشي
شكرا يا والى الجمال …
انت صورة رائعة لابن البلد الأصيل … شرفتنا
هل هناك من يخبرنا متى تم تكريم ايه سوداني في مصر وكيف ؟؟؟؟؟؟؟؟؟؟؟ هم يضحكوا على الشعب السوداني ويجعلوا منه مادة كوميديا في اعلامهم ، ونحن نكرمهم على ذلك ، مزيد من السخرية ومزيد من التكريم ، اصحــــــــــــــــــوا يا وهم!!!!!!!!!!!!!!!!!!!!!!
اعلنها من اليوم لن اشجع المريخ بعد اليوم ، وياوالي فكت الدرب ، والاموال اولى بها اهلك في الجزيرة ما وجدوا ثمن العلاج في مستشفيات ودمدني المسجمة والناس بتشحد حق الدرب في مدني وحق علاج الملاريا ومدني تعاني الويلات من الامراض والفقر وانت تتباهى بضيافة المحتلين ، والله فعلا اموال سحت وسياسة الله يفقركم ويريح البشر من شركم
العندو حق على جمال الوالي القضاء موجود فعلا الضجيج في البراميل الفارغة !!!!
هى فردوس قلبت ولا شنو مش هى زوجة المناضل محمد فاضل وكانت صاحبة كلمة وراى فى احداقث سبتمبر فى مصر تاتى لاتحاد الشباب الممثل للسلطة والوالى الخائن
جه شنو يا فردوس صباحى ما عارف الزيارة دى ولا شنو
ده كلو عشان يرضى عنكم السيسي … جقلبة شديدة
المشكلة فاهمين المصرين غلط في الغالب الاعم المصري لو هنتوا بيحترمك ولو اكرمتوا والله يهينك
اتعامل معاهوا من فوق خالص والله يقدرك ودا شي اتعودو عليهوا من زمن الاستعمار ؟؟؟؟؟؟
شرف عظيم لنا أن يحتفل جمال بهذه الكوكبة الرائعة من نجوم شمال الوادي.
الي جمال الوالي والكيزان
ستموت يوما ما اسرع وسجل اموالك في بنك القبور لكي تستمتع بها وان لم تستطيع رجعها لاصحابها الشعب السوداني …دمرتم السودان ياكيزااان
من اليوم انا موردابي مع عوضية سمك بس لازم نغير زي الموردة ما عايزين اي لون احمر ويا والي اموالك سوف تسأل عنها يوم القيامة ومعاصيك سوف توقعك في شر أعمالك واهلك في الجزيرة فقراء بياكلوا وجبة بوش ما تسوي ليهم جمهية خيرية لاطعام الفقراء والمرضى احسن لك تلقى فيهم اجر ما عايزين سمكمك ولا سمكنا وعوضية سمك افضل منكم زوجة للمعاقين الله يرزقها