نيابة عن الشعب السوداني: حزب البشير يعلن رسميا قبوله بإنفصال الجنوب..طه : نرفض منح الجنسية المزدوجة.
(كونا) — اعلنت الحكومة السودانية رسميا قبولها بانفصال الجنوب كنتيجة للاستفتاء وفقا ما اعلنته المفوضية الخاصة باجراء استفتاء تقرير مصير جنوب السودان.
واكد نائب الرئيس السوداني علي عثمان طه في مؤتمر صحافي حرص بلاده على استمرار سياسة حسن الجوار مع الجنوب وتبادل المصالح والمنافع والحوار في حل القضايا العالقة مثل (أبيي) واستكمال ترتيبات المشورة الشعبية في ولايتي جنوب كردفان والنيل الأزرق ورجوع القوات المشتركة حسب التبعية للقوات المسلحة اوالجيش الشعبي التابع للجنوب.
واعلن طه رفض الحكومة منح الجنسية المزدوجة للجنوبيين بالشمال مشيرا الى اتفاق شريكي اتفاق السلام على عدد من المسائل المختلف حولها معربا في هذا الصدد عن أمله في استمرار "الروح التي سادت الاستفتاء" لحل بقية القضايا العالقة.
واعلن عن عدم تفكيك مؤسسات الحكم والدولة القائمة حاليا باعتبارها دستورية وليست انتقالية.
وقال ان الحكومة لن تستغل اعلان نتيجة الاستفتاء لوضع اجراءات استثنائية مثل اعلان حالة الطوارىء وتضييق الحريات تحسبا للتحوطات الأمنية.
ودعا طه القوى السياسية الى ادارة حوار وطني موضوعي واسع لشكل الدولة عقب الانفصال معلنا التزام الحكومة بالنظام الرئاسي والحكم الفدرالي بيد انه اكد ان ذلك لا يعني عدم الاستماع الى وجهات النظر الأخرى التي تعين في ضبط الأمور.
وكانت مفوضية الاستفتاء اعلنت في وقت سابق اليوم ان الجنوبيين المقيمين بولايات الجنوب العشر صوتوا لصالح الانفصال بنسبة 57ر99 من المئة.
ويعد هذا هو اول اعلان رسمي لنتائج الاستفتاء الذي اجري خلال الفترة من 9 الى 15 من الشهر الجاري.
ومن المقرر ان تعلن النتائج الخاصة بالاقتراع في شمال السودان و8 من دول المهجر يوم الاربعاء المقبل بالخرطوم.
وسيعقب اعلان النتائج فترة أسبوع لتقديم الطعون على أن تعلن النتائج النهائية في الخرطوم في الأسبوع الأول من فبراير المقبل الا اذا كانت هناك طعون وحينها ستعلن يوم 14 منه.
يذكر ان الاستفتاء جرى بموجب اتفاق السلام المبرم بين شمال السودان وجنوبه عام 2005 بعد 21 عاما من الحرب الاهلية الطاحنة.
الحمد لله بلا وإنجلى ، ونحن معك يا نائب الرئيس ليس هنالك جنسية مزدوجه ولا حريات أربعه ويجب التعامل معهم في الشمال كأجانب لا يدخلون إلا بتأشيرة رسمية ،فمن لا يريدنا لا نريده كفانا مسكنه .
مبروك للرويبضة الطيب مصطفى خال البشير وشوف ايه اللي حيحصل بعد كده من الترابي وابوالعفين ورفقائهم ? وياعلي عثمان ايها الثعلب الماكر الخبيث سوف يعاقبك الله في هذه الدنيا قبل الآخرة ولسوف ينعم السودان وأهله وبحول الله وقوته بنظام ديمقراطي شرعي شريف عادل بعد اجتثاثكم وان الامر لقريب والله من ورائهم محيط ? فقد أحيط بكم فلا فكاك وموعدكم يوم الزينة وان يحشر الناس ضحى – فانظر يا أباالعفين
قبولكم أو عدم قبولكم واحد __ مافى أحد منتظر قبولكم __ شىء سعيتم من اجله وتحقق __
الحاجة الغريبة اصرار الحكومة على انها بريئة من موضوع الانفصال !!!!!!!!!!
شيلوا شيلتكم للجاييكم ___ الجنوب وانفصل __ الكلام الجاى __
يا ابو مازن: متى تتعاقلون فى مثل هذه الاوقات الحرج لسودان كف على هذا اللغة الذى جلبتُ للسودان كثير من المصائب وامثالكم لا يحق ابداً التحدث عن هذا الشعب الكريم والطيب ارجوكم اتركُ هذا الهراء وانتم الذين جلبتُ الجلى للشعب الشودانى من شماله الى جنوبه. هل ما جرى فى البلد كانت بإرادة الكل؟ ولماذا ذهبت الجنوب ومن هو المتسبب لهذا الكارثة؟
لقد انفصل الجنوب ولن تستطيعو ان تحافظوا على ما تبقى من الوطن … فلقد ذهبت قبله حلايب …. والفشقة … والبقية فى السكة … النيل الازرق … جبال النوبة .. دارفور … امرى والمناصير.. المحس ..
اليوم نيابة عن الشعب اعلنتم انفصال جزء من البلد ….
و غداً ستعلنون للشعب الجهاد ضد دارفور … جبال النوبه …. النيل الازرق …
فهيا يا شعب اخرجوا الي الشارع في كل مكان للاطاحة بهذا النظام الذي يلعب بارواحكم ومستقبل اولادكم تحت ستار الدين ….
الله يهديك يا ابو مازن هذا الكلام غير مقبول فى الاسلام و لا عند الشعوب الواعية و فرحان عشان فقدت ثلث ةو طنكة الله يهديمك
واعلن طه رفض الحكومة منح الجنسية المزدوجة للجنوبيين بالشمال
هو منو القال ليك عاوز ليهو جنسية منك يا طه.. يعني بلد تتحكم فيها انت وعصابتك تفتكر منو البتشرف بجنسيتها… هم ما صدقوا انهم اتحلوا منكم … تفتكر ح يطلبوا جنسية بلدكم، عشان ح يستفيدوا منها شنو بس قول لي، يا ريت لو السودانيين المظلومين طبعا مش جماعة المؤتمر الوطني والجبهجية كلهم يتنازلوا عن جنسياتهم ويتخلوا عنها ويطالبوا بسحب الجنسية السودانية عنهم وانا أولهم.، يا ريت ناس القانون يوجهوني اعملها كيف ….قرفتونا وكرهتونا بلدنا وحياتنا … الله يقرفكم… ويحلنا منكم .. آمين
نايبة عن الشعب السوداني عينك عينك كمان؟؟؟ والله فعلا الاستحو ماتو ياحشرات على الاقل استحو من جدودنا الجوكم بالاستقلال .:mad: :mad: :mad:
حقت ابوكم كانت
لعنة علي الظالمين
سوف توصمون بهذا العار الي يوم الدين
لنا الله ولكم النار ماجورين اتباع امريكا تنفذون سياستهم من اجل الحفاظ علي السلطة والكرسي؟ فكو دربنا وجعتوا قلبنا حتي كلبنا اكل جرجير
إتفرجوا هذا هو مهندس إنفصال الجنوب يتكلم وبكل بجاحة وكأن الأمر ليس بمصيبة ، لو تلاحظوا معي أن وجه هذا الشخص إزداد سواد من أكل السحت وظلم العباد لكن نرجع نقول أن غازي صلاح الدين طلع أرجل منك عندما رفض إدراج إستفتاء إنفصال الجنوب ضمن الإتفاقيه .
مبروك طه .. مبروك البشير ..مبروك لكل أثرياء بلادى .. حاشية كانوا أم أبناء …مبروك أحرار دارفور .. مبروك أحرار جبال النوبه والشرق والنيل الأزرق والشمال والجزيره فقد وجدتم منبرا جديدا لتواصلو فيه مسلسلات صلح تقطيع ما تبقى من الوطن ..
أنت يا والي دائماً تسب وتشتم ولا أقول لك إلا أن كل إناء بما فيه ينضح وما السب والشتم إلا أسلوب العاجز وكفى ، أما أنت يا محب لشرع الله فهل شرع الله يقول بأن يحكم المسيحي بلاد المسلمين ويكون ولي أمرهم ؟؟!! أي شرع تتحدث عنه ثم إنني خارج السودان حتى قبل مجئ الإنقاذ وليس هنالك ربط بين وجودي خارج السودان وإبداء رأيي فيما يجري داخل السودان ، نعم أقولها مرة أخري بلاء وإنجلى ، وأقول للأخ ديفيد إذا كان هذا الشعب كريم وطيب لماذا رفضتم العيش معه في طن واحد ولا تقصد طيب بفهم المصريين ؟؟!! ثم من أنت حتى تقول بأن أمثالي لا يحق لهم التحدث عن هذا الشعب وهذا الوطن ؟؟!! هذا وطني وأنا أفتخر به الدور والباقي عليك ، أنت الذي لا يحق لك التحدث عن هذا الشعب وهذا الوطن فقد أصبحت خارج المنظومة إذهب وتحدث عن دولتكم الوليدة دولة " الأماتونج " .
اعتقد بعد هذا القبول المبنرش انفصال الجنوب ، ما المانع من ان نفكر نحن ابناء كردفان و دار فور ان نعيد السلطنة التي حدودها شمالا دنقلا و شرقا كوستي و جنوبا دولة جنوب السودان و غربا افريقا الوسطى و تشاد اعتقد ان سلطنتنا اكبر من جنوب السودان بمرتين و ثروتنا البترولية والزراعية الحيوانية والمعدنية ستجعل من سلطنتنا افضل دولة في افريقيا و نكون الدولة 194 سلطنة كردافور الاسلامية
خليهم يرحوا ذى ما دايرين
والله يبارك فيك ياطه :قال جنسيه مزدوجه
خلاس هم اختاروا
ياخي لا ، طيب لو امريكا قالت ليكم ادوهم جنسية مزدوجه وبنعفي رئيسكم من الجنائية وبنرفع اسم السودان من قائمة الدول الراعيه للارهاب بتعملوا شنو وإلا بنسخن ليكم اوكمبو؟؟!!!! والله انتو تبيعو ……………
و لماذا يرفض طه منح الجنسية المزدوجة للجنوبين .. اليسوا هم اولى من الذين يحكمون و لديهم الجنسيات البريطانية و الامريكية و الكنية بل و الارترية !!!
من وزراء و برلمانيين و كبار مسؤولى الدولة .. بل حتى فى الخارجية..
لازم تقبلو لانوه مصير شعب الجنوبي دايرين ماديرين هو وبس
والله يا سئ الذكر ابو مازن لا ادري من المحتاج للجنسية المذدوجة الجنوبيين الذين غادروا الشمال بالالاف حتي ان بعضهم نبش قبور موتاهم وترك البعض ممتلكاتهم او باعها بتراب الفلوس ام نحن الذين يذهب منا كل عام 8 مليون راعي و34 مليون رأس من الماشية في رحلة النشوق الي الجنوب هل تتوقع ان يحضر 8 مليون جنوبي الي الشمال وهل في عز ايام الحرب نزح هذا العدد ثم ان جنوب السودان عدد سكانه قليل ولديه ثروة بترولية هايلة وقوانينه الاستثمارية منفتحة وجماركه منخفضة علاوة علي الجيش الجرار من الخبراء الغربيين وجواز سفرهم الخالي من الارهاب تسافر به الي جميع ارجاء العالم دون ان يحدق بك رجال الجوازات :mad: :mad: :mad: :mad: اخوك كان ابيته خاف الله فيه
حتى ولو رقصتو مافي ليكم طريقة
الناس ديل فاكرين ان الجنسية السودانية دى مهم لدرجة دى ولا دى توهيم الشعب فى الداخل بموضوع الجنسية بدلاً عن يفكروا فى كيفية بناء علاقات قوية بين الشمال والجنوب وترك موضوع الجنسية لافراد الذين يريدون الجنسية من الدولتين بدلاً من التعصب. ما فائدة هذا الجنسية فى الدولة طارد لابناءه هل تعلم ياهل الانقاذ بان اقلبية الجنوبيين شاكرُ الله لتركهم هذا الجنسية المشبوهه فى كل انحاء العالم حتى فى جزر القمر .
هذه هى النتيجه المنطقيه والمعقوله التى ضاعت كل تلك السنوات بدواعى كذبه سازجه وسخيفه تدعى وحده لم يجنى منهاغيرالخراب والدمار. على الذين يزرفون الدمع السخين على انفصال بعتقاد انه جزء من السودان هذه كذبه كانت فى مؤتمرجوبآالذى خرجت مقررته مزوره كمآافصح اخيرآ من كان يمسك بمحضرهذآالاجتماع وعندمآاقول هذاليس كنايه اوكرهآ للجنوبين لان هذه مساله نسبيه .بل احقاقآ للحق وللمنطق. امامسالة الجنسيه المذدوجه فمن العيب ان يكون هناك مطلب بهذا الشكل لانه غير منطقى وان دل على شى انمايدل على ان الجنوبين عندما طالبو بحق تقريرالمصير وصوتو للانفصال كانو لايعرفون معنى ماطالبو به وصوتو من اجله فالان رفعت الاقلام وجفت الصحف فالشمالى شمالى والجنوبى جنوبى فلامجال لكذبه اخرى تدعى جنسيه مذدوجه كماكانت كذبة الوحده
تمام التمام و أسفي هلى ذهاب الجنوب ..
و في إنتظار ( رقصة البشير) في جوبا كما وعد …..:mad:
أبو الحصين أعلن ( عدم تفكيك مؤسسات الحكم والدولة القائمة حالياً) وفتح حوار مع القوى السياسية:
هذه اللغة أصبحت غير مقبولة لمخاطبة الشعوب يا أبو الحصين ومن بعده أبو العفين——–
إستغفال الشعوب لم يعد ممكناً فى عالم اليوم——-
كل الشعب يعلم وأنتم سيد العارفين بماهية شرعيتكم المخجوجة ولا داعى للخوض فى هذه المآسى مجدداً—–فلم يعد هناك وقت( لصقع الجرة)—والناس تتطلع لمرحلة أدب الإعتراف—
الناس وصلت مرحلة متقدمة من اليأس من خيراً فيها وبما أن أدوات نضال الشعوت قد تغيرت وأصبحت متاحة وأكثر مضاءً ومفعولاً —فهلا نزلتم من علاكم الفوق وجلستم مع البسطاء فى الجابرة لمعرفة ما يريدون —-أم تفهمونها متأخراً كما فهمها بن على (خلاص— الآن فهمت—فهمت)—–
ما يجرى حولكم هو أبلغ درس لكم (لمن كان له قلب أو ألقى السمع وهو شهيد)———
علماً أن أن أهل تونس ومصر ليست لديهم مرارات كما لدينا —–من تقطيع لأواصر الوطن —وفقر مدقع ——وخدمات كلها مسبقة الدفع من صحة وتعليم وخلافه——وإعدامات— —–وصالح عام——ومحسوبية حزبية وقبلية ——وفساد مالى—–وإختلاسات بمئات المليارات——وحركات مسلحة——-وحروب فى الغرب الحبيب —-وإنتهاكات لحقوق الانسان —وتقتيل وتشريد وإغتصاب—- ومليشيات بالعشرات المضاعفة —-ومناطق ساخنة قد تشتعل فى أى لحظة—-
السلاح عندنا يباع فى قارعة الطريق——-
يا أبو الحصين وأبو العفين —–
إن فشلتم فى إدارة حوار غير مشروط (حتى النخاع) يشمل كل صغيرة وكبيرة ويؤدى لطريقة حكم بتراضى الشعب وبإختياره الحر فإن التغيير الذى يجتاح المنطقة فأنتم أول من سيطالكم لا محالة وقد يكون مدمراً فى الحالة السودانية——–فهلا لافكرتم وتدبرتم وأعدتم البصر كرتين
يا ناس جنسيه مزدوجه بتاع شنو انفصال انفصال طالما اختاروا وبعدين طلما ان السودان ده جميل وجنسيتو جميله ليش اختاروا الانفصال زمان ما قالوا مواطنيين درجه ثانيه ومهمشين ليش عاوزين يقعدوا فى وطن التهميش
What is happen in our country?We need change please.
يا ابو زسوزان انا برضوا موافق .. وأي زول عليكم الله ما داير السودان دا وما حاسي
تجاهو بأي انتماء ومحتاج يحنّسوا عشان يقعد .. بالله ما يقعد ويضيع زمنوا وزمنّا ..
الجنوب دا لو كان فصلوا قبل خمسين سنة كان بقى دولة قوية والشمال كان بقى
دولة وعليكم الله أي مهمّش أو مهمشة ما يتعّب نفسو ويجتهد كتير ..
عليكم الله انفصلوا كلكم عشان ترتاحوا وباقي السودان اليفضل يرتاح ..
اعلان حالة الطوارئ وتضييق الحريات الراجل دة اهطل ولا عايش فى موريشيوس اين انت من التعذيب والقتل ومعناة المواطنين ومسجونين الراى والجثث المجهولة والمعروفة التى توجد كل يوم فى جميع ربوع السودان صحيح الذى قال انك كنت تاكل طعام اسد الحدبقة والذى تربى بالحرام لايمكن ان تطلع منه كلمة حق يا شيخ منصر:lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: