ضبط «ست شاي » تتاجر في السلاح

يا اخوانا من يدلنى أرغب شراء سلاح من غير ترخيص..

خلاص كبرتي وليك تسعتاشر سنة ،(زمان دا كان عمر الزهور عمر الغرام عمر المنى )

والليلة بعد البشتنة

بعد الفقر والاضهادوالعكننة

اصبح دا عمر الهلاك عمر الضياع عمر الضنى

شايلين سلاح في كل قرية وكل وادي ومنحنى

ذبلت زهور ماتت ورود جفت ضروع والكل منتظر الفنا

دى جديدة طيب ما تقبضوا الحبشيات ما برضه ببيعوا مخدرات المخدرات دمار للشعب كامل والمسدس بكتل نفر واحد اخير منه على الاقل السودانية دى بلدها لكن الحافتى ديل بتخافوا منهم المهم فى نهاية الامر دى جبانة هايصة

يعني شنو ما عادي اذا كان البلد كلها جايطة والريس ما فضي من الرقيص!!!علي الا قل بالمسدس تحمي نفسك من الحراميه وحاجات تانية!!

اليومين البلد مولعة مخدرات … سلاح … و ستات الشاي خرشة و عرفنا كمان جابت سلاح لكن الخبر منطقي قبل فترة في الجرايد كان في معلومة أن جزء مقدر من ستات الشاي مخبرات اكيد التاجر البتوزع ليه نظامي بشرب عندها شاي …..
لان ست الشاي ميزانيتها محدودة لا تصل حد السلاح ….
و نشوف بكره بيظهر شنو في البلد دي …

عادي بيع السلاح واستبداله وبيعه عادي انتم قاعدين وين الخرطوم دي انتهت

المسكينة تكون سمسارة/ وسيط..وليست تاجرة سلاح.. لانه تجار السلاح والمخدرات والقروش المزورة دائما مابستغلوا البسطاء واغراءهم لترويج تجارتهم..لحاجةالبسطاء لما يسد الرمق.. حيث اصبح الموات والحياة عندهم واحد…

قبضوها بسلاح ما في مشكلة ، تجد الحل في صورتين تختار ما تشاء منها
الصورة الأولى تتحلل وتترك السلاح للجماعة وترجع لكانونها تعمل شاي عادي
الصورة الثانية تطلب لجنة تحكيم وأنا شخصياً لا أنصحها بذلك لأنها أكيد ما ليها رقبة لشعر المليييييييارررررر

السودان بقى فوضى وهل يعقل أن يخطف طفل عمره 6 شهور من حضن والدته ليلا بعد تهديدها وبعد يومين يتم الاتصال بها في الموبايل ومطالبتها بتحويل مبلغ 20 الف دولار من والدها بالسعودية في حساب أحد الأشخاص غير السودانيين ومافي دلذكر المنطقة لدواعي أمنية ،غايتو بقى شغل مافيا يوم مخدرات ويوم قتل ويوم اغتصاب ويوم اختلاس والشغلانة مدورة …

دى بطلة قومية من دعاة الشعب المسلح كويس مالقيتو عندها كلاشات يارب سعر الكلاش بكم

يا المتغرب الابدي دبابتك المعروضة للبيع دي مكيفة ؟؟؟ قير عادي ولّا اوتوماتيك ؟؟؟ فيها مسجل ؟؟ كاسيت ولّا سي دي ؟؟؟ جاز ولّا بنزين ؟؟؟ فيها بوري ؟؟؟ القزاز اوتوماتيك ولّا منفلة ؟؟؟؟ فرشها جلد ولّا شبكة ؟؟؟ المرايات كهربا ؟؟؟؟ جنازير ولّا لساتك ؟؟؟ والسعر كم ؟؟؟