حاج ماجد سوار : ترتيبات لمعالجة اوضاع السودانيين بالسعودية وليبيا

عندما التقت امراة عجوز بسعادة الوالي يوسف عبد الفتاح عند صينية السكة حديد وهو مشرف على التنفيذ شخصيا وسألته بكل برأءة ماذا تفعلون واجابها نحن ينصلح ليكم ونجمل صواني المرور وهنا اجابته العجوز ياولدي كدي صلحوا لينا صواني الاكل بعدين صلحوا المرور

سلام ياناس الانقاذ

ياسوار انت كلما تعلنوا كلمة ترتيب اوضاع السودانيين العاملين بالخارج
يتاكد العاملين بالخارج بان طامه كبرى ستحل عليهم وبمعاونة السفارات السجمانه بالخارج
ماعندكم اى دور خارج السودان دوركم معروف هو جمع قروش المساكين بمسميات وهميه شهيد وماادراك وذكاة ودعم فلان ودعم ماتعرف من حروب سببها انتم لكن فليتاكد العاملين بالخارج العصابة فلست وبدوا فى العالمين بالخارج لجمع الاموال
لم نسمع يوم وقوف سفاره سودانيه مع جاليتها بالخارج قط
دوركم معروف تجاره وزيارات لاقاربكم ونهب اموال العاملين بالخارج
اضعف الدول دائما تلقاها واقفه وقت الشدة مع جاليتها بس سفاراتنا انحنا دائما واقفه فى دور الخصم وعزرهم انو ماعيازين يخربوا علاقاتهم مع دولة شقيقه شوف العزر الاقبح من الذنب

والله إنتو عباره عن ( جهاز قالب جلود )؟؟؟؟؟؟؟؟؟

أها خلاص قبلتو علي الناس التركو ليكم الجمل بما حمل ..عايزين تلحقوهم وتنكحوهم هناك كمان ..وتنكحو افكارهم ..إنت مالك ومال المغتربين زاااتو ..ياتو يوم حكومتك ولا نظامك إهتم بوضع مواطن في دولة خارجية ..25 سنة ادينا انت ولا الكرور المعاك مثال واااحد بس ..السودانيين برة عايشين علي سمعة المغتربين القدماء وماعندهم اي عوجة بس بالله أختوهم إنتو بس ..كفاية الجبايات العاملينها للمغترب والضرائب والبلاوي المتلتلة البدفعها لو جا شايل ليهو فتيل ريحة ..حرقتو دمنا جوة كمان لاحقيننا برة الله إحرقكم ياخي ..لو عندك نجاح أمشي شوف المغتربين القرضوهم في بانتيو وشوف حقوقهم من دولة الجنوب ورجعوها لذويهم كان ماضربتوها …ولا شوف قروش المواطنين المغتربين بالداخل وقروشهم الضربها الوالي وجماعته ..فصاحة في الفاضي ساكت ..عمرنا كووولو ندفع ندفع ندفع ..ومافي حاجة ..كولو رايح هي لله هي لله ..

إنت بس أبعد مننا

طول ما إنت بعيد نحن بخير

عالم ما تحس ؟؟؟؟؟ قدر ما نجري منكم يا حكومة اللصوص إنتو محصليننا ؟؟؟؟ عالم عجيبة والله غير ال…. ماعندكم ؟؟؟؟؟ حسبنا الله ونعم الوكيل

بالتاكيد…….هنه اخر الزمان نكاد نراه امامنا ان يكون المدو سوار مسئولا عن علماء السودان في المهاجر وله سلطة ما يقرر بموجبها اي شي-ولو كان تافها-بخصوصهم. هذا زمانك يا مهازل فامرحي!!!!!!!!!!!

كل الطيور المهاجرة بخير و الف خير وليس للنظام فضلا علينا من قريب او بعيد بل المستفيد من تواجدنا فى دول المهجر النظام الوثنى بالرغم من سلبيات النظام مع هذه الدول التى تحتضن المواطن السودانى و تتعامل معه فى شخصه دون النظر الى سياسة و نهج النظام الذى يمارس دور العدو اللدود لبعض الدول و يعمل فى الخفاء احيانا لخلق الفتنه و يباعد بين الاخوة ويدعم اخوان الشواطين ويسمح لهم بالاقامه وتذويدهم بجوازات السفر الدبلوماسيه لتسهيل تنقلهم بين عواصم الدول و يسلط شواطنه امثال البائس يونس ليلعلع عبر المذياع فى كل صباح بالشتايم و الاتهامات و التجريح وها نحن هنا مقيمون و لم يتبدل الحال و لا نجد اى مضايقة من احد ؟
عليه يا ابو سروال ياالمكشوف الحال لا داعى لتتعب نفسك و تكلف الدوله مصاريف اضافيه للسفرو الاقامه و البدلات و الحوافز و الاكل و الشرب بل المطلوب هو أن تتصل بالسفاات و القنصليات بتسليم دفاتر سندات القبض المنهيه وهذا هو المفروض يكون متبعا للمراجعه و المحاسبه و التسليم و التسلم كما هو معروف فى علم المحاسبه ؟
ستجد كل الاسماء للمهاجرين فى دول الخليج و اوربا و امريكا و جزر القمر ؟
اذا كان هناك نظام و بموجب كعوب السندات يمكنك معرفة الاموال المحصله و اين صرفت بموجب اذن صرف او اين اودعت و بموجب ايداع بنكى و فى اى حساب كان شخصى او حكومى ؟
وخلونا فى حالنا و الله استر علينا منكم و نحن راضين بالقسمه لينا الله و الحمد لله …..

ههههههههههههههه
حكي — حكي —- حكي
قفلو جهاز المطففين هذا
((ويل للمطففين))

يا حاج ماجد أنا شاهدتك في قناة الجزيرة ببرنامج الاتجاه المعاكس .. والله لو انت لسه بفهمك داك ما تقدر تسوي الحبة !!

شايف اليومين دي حاج ماجد طالع في الكفر..كلامx كلام في الاعلام..

** ياجماعة حاج ماجد ما حيقدم للمغترب اي شيء.. هو ليس جهة تنفيذية لمطلب المغتربين.. وليس جهة اتخاذ قرار.. وظيفة الامين العام ليس لها مهام يتكل عليها المغترب.. بل تم تعيينه فيها كوظيفة تشريفية بعدما طردوه من شغل السفارة في ليبيا.. وعلى كرتي قال ما داير يشوف خلقته دي في الخارجية ولا يجي بشارعها…

** المغتربين مفلسين ما عندهم شيء بحتاج أمين عام لشئونهم.. لو لموا المغتربين ديل كلهم ما يقدروا يشتروا قطعة ارض فاضية في ام بدة!!

** يا حاج ماجد ممكن تكون امين عام لرعاية شئون اعمال جماعة الوالي الخضر..الأكلوا القروش..

هل هناك ما زال سااااازج سيصدق ما تقولون؟؟؟؟؟ اما تستحون؟؟؟

( واكد السوار اعلان القائم باعمال ليبيا تعاونه )

( واعلن السواراحترامهم لكل القوانين )

ده ماجد بتاع ( حلة كلمو ) ولا واحد تاني ما بنعرفه ؟؟؟؟

والله أنا بدفع الضرائب والزكاة ودمغة الجريح والفضائية وزاد المجاهد وأهم شيء اخرى منذ عام 1981م وما استفدت من أي حكومة مقابل ذلك فماذا سيقدم لنا حاج ماجد وما هي بشرياته ويجب أن يكون الأمين العام لجهاز المغتربين من بين المغتربين الطبقة الوسطى الذين اكتووا بنيران الاغتراب ومطرقة الضرائب ليعكس معاناتهم من واقع تجاربه ولا يكون منصبا سياسيا لارضاء علان وعبيد .

خلونا في حالنا و ﻻ تتكلموا باسمنا يا منافقيين ما تركنا البلد اﻻ بسببكم يا حكام السجم و الفساد و الرقص بﻻء يخومكم .

اللهم يا سامع الصوت ويا كاسي العظام لحما بعد الموت
نسألك بكل اسم هو لك سميت به نفسك او انزلته في كتابك
ان تجعل بيننا وبين هذه الحكومة كما بين المشرق والمغرب
اللهم يا حي يا قيوم اسألك ان لا التقي ولا اسمع باقي حياتي بشخص من هذه الشرذمة
اللهم عشنا في بلداننا بين اهلنا الطيبيين المسامحين فضيقوا علينا ايما تضييق
اللهم فلا تجعل لهم سبيلا الينا يا ارحم الراحمين

السواي ماحداث!